ديوان الشاعر ربيع عريمان السحيمي

بسم الله الرحمن الرحيم

ديوان يحمل قصائد الشاعر ربيع عريمان السحيمي

اتشرف بقراتكم له واتمنى ان ينال رضاكم




ربيع عريمان السحيمي

قصيده بمناسبة عودة خادم الحرمين الملك عبدالله بن عبد العزيز ال سعود

عودة سلامة مرحبا اليوم والغد
	عد السحاب وعد ممطر غمامه
عم الوطن فرحة من الحد للحد
	وهنوك سكان الوطن بالسلامه
يا مرحبا يا حاكم الشعب بالود
	على جبينك للمودة علامه
أنت المليك اللي بك الشعب يسعد
	لحظات من حكمك تحقق مرامه
وأنت المليك اللي لك النظريلتد
	ولك هامة تعلا على كل هامه
وأنت المليك اللي لك الأمر يسند
	لجاء نهار أمره مساوي ظلامه
وأنت المليك اللي مع المزح والجد
	كلٍ على مجراه تمسك زمامه
وأنت المليك اللي بك الظهر ينشد
	الشرق الأقصى جيت تحمل وسامه
جبتو وسام الروس والصين والهند
	ومن لاحملت اسمه كسبت احترامه
وأنت البطل في صرح الأبطال ينعد
	وأنت البطل وأنته زعيم الزعامه
اشهر جبل في الأرض قالوا جبل حد
	و أنت اشهر أبطال العرب بالكرامه
وحنا سعوديين وأب على جد
	منا الولا والحب والاستقامه
تاريخنا ما هو على الجزر والمد
	شط العرب وألا سواحل تهامه
تاريخنا من ماضي الأيام يمتد
	يشهد لنا الطايف وحرب الرغامه
وحنا الرضيع نلقنه حين يولد
	بالدين والطاعه لراعي الامامه
ونعلمه حب الوطن حين يشهد
	بالمهد والا وقت يفصل فطامه
حب الوطن وأهل الوطن حب مفرد
	على عدد ما يقبل الانقسامه
هي دارنا هي امنا زينة الخد
	ماها لبن والسقف فرعك عمامه
فيها دفن جدك وفيها لكم جد
	وان خنت فيها تغتشيك الملامه

السلام عليكم ورحمة الله وبركاته

اقدم لكمهذه القصيده وقد كتبتها عندما كنا انا والاخ حسين في نزهة على
جبل قدس بضواحي المدينة المنورة

يا حسين بن مرزوق شفتوا جبل قدس
	شفتوا معالمها وعالي وطاها
القمة اللي بردها يطفي الشمس
	يطفي حرارتها لطيفٍ هواها
فا اشد حر الصيف والروض ما يبس
	ولا قلت هاتوا ثلج من برد ماها
عشنا بها قدام لانعرف الخمس
	قدام نعرف صحها من خطاها
يوم الليالي عجاف والوقت من عمس
	اهله يعشي جارها من عشاها
ياشوق من لادلعوها على اللمس
	الا لمن سمى وقام وغزاها
بنت الشيوخ معدت البن للحمس
	وصينة لمفطحات شراها
والا قعودٍ طامس اطرافها طمس
	رفيعة المنقل ثمانٍ عراها
يا حسين مما شفت ياحسين نلتمس
	وجهت نظرك وما يشوق هواها

تم إعداد هذه القصيدة بمناسبة حفل أهالي الصويدرة من ضواحي المدينة ناركم حيه
على شرف صاحب السمو أمير منطقة المدينة الأمير / عبد العزيز بن ماجد

يا مرحبا في حفل من شبو النار
	يا أمير طيبة وأمطري يا مخيلة
ترحيبتن تبقى مع الوقت تذكار
	بإسم الأهل ولسان شاعر قبيلة
ترحيب بالحضار من كل الأقطار
	على شرف راع العطايا الجزيلة
على الدلال اللي بها بن وبهار
	من واقع التاريخ ماهي وسيلة
وان قلت أنا يا أمير لدو بالأنظار
	يوجد طلب يا أمير وأنت كفيلة
ارفع تهانينا عبر بث الأقمار
	للقايد اللي كلنا ننتميله
على سلامة سيد الشعب سلطان
	عضيده الأيمن وحام الثقيلة
وأيضا نهنيكم مع طوال الأعمار
	شكر وثناء لله راع الفضيله
ونهني الجيش السعودي بالأنصار
	درع الوطن والله يرحم قتيله
ويعيش ابو متعب لقال ياجار
	ترى مصير الغدر غير الفشيله
ومن بعدها يا شعب ياجيشنا الدار
	من دون شبر الدم يدرج مسيله
وحنا سعوديين والدم فوار
	نرجح المكيال للي يكيله
وحنا لنا قايد ملك سيف بتار
	مثل الجبال النايفات الطويلة
غابة اسود ومنه يجرن الأنهار
	كل الخصال الوافيه تنتميله
ينصح هلا الأشرار في قصر الأشرار
	ويسمح خطايا أهل الخطايا المهيله
وان زادت الكيله وثار الدخن ثار
	مثل الجبل للمعتدي يرتكيله
والشعب له في منزل الوالد البار
	وزود منه في حمايته وتحميله
هتاف خيره مثل هتاف الأمطار
	اللي منه تحيا الديار المحيله
معيار حبه ما يساويه معيار
	نفوس تهتفبه وقلب يشيله
وحنا عرب من حقنا وسع الأنظار
	ومن حقنا نجري ورا المستحيلة
وان كان ردينا يجي ردنا حار
	يزعل الجاني ويزعل قبيلة
فالأرض دبابة وفالجو طيار
	والبحر فيه البارجه والزميلة
يعمل عليها من يدوسون الأخطار
	ويسعون له سعي العميل لعميله
دون الوطن ماهو مجازف بالأعمار
	إما يجيك الموت وألا تجيله
والنقرضة والحفر معروف للفار
	دايم بحيد الساس يدفن نثيله
ونهايته من يوم يطلع من الغار
	فالمصيدة معاد بيديه حيله
ولا نتابع الغلطة ولا نقبل العار
	وراع الدليل نضيعه من دليلة
واللي حسبها في يده نص مشوار
	جت بالحسام وبالسيوف الصقيلة
من وقتها وأحرار من ماكر أحرار
	وماراح منها عاضنا الله بديله
يا سيدي ماهو مبالغ بالأشعار
	ما قلت من تاريخنا إلا قليلة

أبدا السلام ومرحبا في اتجاهين
	ترحيب عنوان اللقا والقصيدة
اما السلام يعم من حضر هلحين
	وعلى الشيوخ أهل المواقف نعيده
حمالة البيرق على العسر واللين
	اللي مواقفهم مواقف حميده
تاريخهم ماهي زراعة بساتين
	ولاهو جديد نسجله بالجريدة
شجاعة يشهد عليها البعيدين
	طيب وكرم ماهي مواقف جديدة
عيال جد يرجحون الموازين
	نجوان قلنا نجدد اليوم عيده
وان نادوا أهل الدين بحماية الدين
	راع الرصيد نضيعه من رصيده
في ظلال أبو متعب وظل السلاطين
	سلطان باليمنى ونايف عضيده
نظراتهم للشعب نظرة محبين
	ولهم على العدوان نظرة حديده
دون الوطن والشعب قاسين قاسين
	ولاهمهم من كان يعلن وعيده
من ماكر الشيهان تطلع شياهين
	ومن ماكر ثاني عشاها تصيده
يالله ياقابل صلاة المصلين
	عسى لياليهم ليالي سعيدة
آمين قولوها وانا قايل آمين
	بأهل الشرف نختم كلام القصيدة

قصيدة حفل الهندية
تم إلقاء هذه القصيدة في حفل الشيخ مطلع بن رشيد لشيوخ حرب في قرية الهندية

يامرحبا ترحيبً أحلى من الدرر
	در البكار إن بينها العشب نور
بشيوخ حرب ومن حضر فيه نفخر
	مكرر الترحيب ما هو مدور
في دار أبو مطلع تراحيبنا أكثر
	قدم الضيوف الدار والحفل نور
في بيت من للمدح والطيب يقدر
	على دلالٍ وسطها الهيل فور
بيت الذرا عن لاهب البرد والحر
	و مزبان من هو طاح وألا تعور
أهل البيوت اللي لهم فعل يذكر
	من واقع التاريخ ماهو مزور
يوم الزمان اللي به الفر والكر
	يثنون فوق الخيل دون المعور
مركاضهم يشبعبه الذيب والذر
	ومعوادهم من رايب الدم كور
يومنها صحراء وقلبان وحفر
	اليوم دولة وسطها الخير ثور
في ظلال أبو متعب بها الخير يكثر
	على العدو رده كذا لا تهور
هذا وطنا دونه الموت الأحمر
	والشعب يعمل بالسلاح المطور
فيه الوفا كالنهر يجري ويكبر
	ماهو قليب إن قالوا الناس غور
الطيب مايطلع من البحر للبر
	ولاهو على بابور في البحر دور
الطيب له روس الرجاجيل مصدر
	وألا الردى عكسه على ماتصور

قال شداد سليمان الجهني لصديقه مارايك في زيارة صديقنا إبراهيم
وتكاليف السفرة على حسابي وهنا فاضت قريحة الشاعر بالأبيات التالية

ياراكب اللي سايقه مثل شداد
	لاراح تالي الليل والياه ساري
جميع ما تبغاه جاهز من الزاد
	ضو القمر قدمك وخلفك غداري
من المدينه عابر الخط منقاد
	يمين لا عقبت ستة كباري
في هجرة الشلاح وأولاد عباد
	تاريخهم ماهو من الطيب عاري
به شايب وده على القلب يزداد
	قله وصل شداد وانا المباري
زيادة الطيب لها طيب وإبعاد
	والطيب له بين النشامى مواري
واللاش من ذكره يقولون لاعاد
	تسمع كثير السب لاحل طاري

لا راح وقت الصيف ماعاد به حر
	كلاٍ يبي يلبس على ما يورا
حتى عشا الخطار شرهبه الذر
	على فطاح الحيل قام يتجرا
ياهيه ياللي كالدجاج المحمر
	لاصق بحيد الباب كنك مغرا
والي بحيد الضلع صوته مطور
	يقرب ولاشاف المسايير فرا
بالعون ما من صوتك الضلع تأثر
	قصير عمر ولا أدبح اليل سرا
خلك تعشى من ايدين المكسر
	تراكت الواجب وجيه المغرا
والله لولا فزعت سنيد وعمر
	غير يتعشى الذيب داخل وبرا
السالفه ماهي على ما تصور
	سار العميل من العميل يتبرا
احدٍ حسبها لبس دقلات وغتر
	واحدٍ من أفعال النشامى معرا
فازوا بها قوم النفوس المسطر
	قوم ٍ تعرف الحبل على المجرا
مثل الهوا يومٍ ويومٍ يسكر
	وان هب مالك عن مهبه مفرا
والي حصله ريح مسكٍ وعنبر
	لا يسأل الأموات وين المقرا

هذه القصيدة توضح أن الماضي هو أساس الحاضر
وان من ليس له ماضي لن يصبح له حاضر يفخر به

إن كان ما حاضرك يشهد لماضيك
	سجلك التاريخ من دون ماضي
انظر على تاريخ ربعك وأهاليك
	وسجل على صفحتك سطر البياضي
واللي بعدك يقوم يبدي مباديك
	وتصبح على تاريخ الاثنين راضي
هذي نصيحة من محبك ومغليك
	وعلم بها اللي غرس وسط الحياضي
ما اعاتبك مشان ازعلك وأرضيك
	العلم مايبغى شكاوي وقاضي
اما كسبته كسب من عند واليك
	والا ورثته من قروم ٍ حضاضي
اسمع كلام اللي بصوته يناديك
	خل الردى من سار به فعل ماضي
الحر ما ياقع بوسط الشبابيك
	ويقول عاضيني من الوقت عاضي
لا تصاحب الأنذال بالهرج تغويك
	قوم الذبايح والفطاح العراضي
حبله رميث وداخل البير يرميك
	ينزلًك ويطلع الدلو فاضي
علم ولدك بكل ما قاله أبيك
	طيب المشاعر لايجيه انقراضي
خله يشب النار حتى يقهويك
	ما يقدم الفنجال للرجل فاضي
مع طقت الدلة وشفت تماتيك
	ومسلسلً مابين وضحى وراضي
حق الخوي والضيف يمشي مماشيك
	والجار حقه ماعليه اعتراضي
وصل الفروض الله على الخير يهديك
	من شان ربك يوم تلفيه راضي
في كل فرض أنت تناديه يوحيك
	وخلك ليا ناديت رجال واضي

من عصر الهاف

يقول الشاعر ربيع

لبغيتوا عبرة الحد يا مزيد
	مقبل ظلام الليل مقفي نهاره
ودك خوي فهيد والا مسيعيد
	ذليلته لجاء من الحد غاره
لجت من النمرود وألا مقيريد
	وألا حضر كوبان يوشي شرارة
ركب سبيره حدر نار البواريد
	يوم الردي يمناه تخطي يساره
قال ذبحوك وقال عيدٍ على عيد
	أما دمار الروح وألا عماره
حنا ترانا رجال والذبح للصيد
	من راح منكم غير لحط أثاره
يمسيد لولا فزعت الليل يا مسيد
	واحد من الاثنين اخذله بشارة

الرد من سعد المسيبير العتيبي

يا قهوجي عطنا ثلاثة براريد
	زايد حلاه ولا تزيد المرارة
عجل ترى عندي شويه مواعيد
	نبي براد الليل عن الحرارة
نبي نروح عن عيون المقار يد
	اللي يحسبون النذالة شطاره
ماغشنا غير الوجيه الملابيد
	اللي لهم بالكذب مركز وأداره
جاهم خبر طايش على غير تأكيد
	مابين خفر جديدة والاماره
وان كان حصلنا الخبر فيه تأكيد
	قلنا لراع الهاف غير مساره
لا تقفل القسام والنور لا يزيد
	ترى شعاع الغرب يفضح غباره
وخلك على العادة وفوت المواعيد
	وعن مركز التفتيش يأخذ يساره
مافيه لاوقفه ولا فيه تبريد
	الحزم وان فاتك ملف الحواره
واخذ الحذر لاتقول في مرتع الصيد
	يصيدك الصياد ويشب ناره
ما فيه عِد ألا يجيله مواريد
	والحر مثلك يكتفي بالاشاره