ديوان الشاعر ربيع عريمان السحيمي
 

قصيدة ترحيب بجلالة الملك
 

قصيده بمناسبة عودة خادم الحرمين الملك عبدالله بن عبد العزيز ال سعود

[poem=font=",6,darkblue,normal,normal" bkcolor="transparent" bkimage="http://www.alsuhman.com/vb/mwaextraedit4/backgrounds/13.gif" border="double,4,skyblue" type=1 line=0 align=center use=ex num="0,black""]
عودة سلامة مرحبـا اليـوم والغـد =عد السحاب وعـد ممطـر غمامـه

عم الـــوطن فرحــــة مـن الحــــد للحـد=وهنوك سكـان الوطـن بالسلامـه

يا مرحبا يا حاكـم الشعـب بالــــود =علـى جبينـك للمـودة عـلامـه

أنت المليك اللي بك الشعـب يسعـد =لحظات من حكمك تحقـق مرامـه

وأنت المليك اللي لك النظـريلتـــــد =ولك هامة تعلا علـى كـل هامـه

وأنت المليك اللي لك الأمـر يسنـــد = لجاء نهار أمـره مسـاوي ظلامـه

وأنت المليك اللي مع المزح والجـد = كلٍ علـى مجـراه تمسـك زمامـه

وأنت المليك اللي بك الظهر ينشـد =الشرق الأقصى جيت تحمل وسامـه

جبتو وسام الروس والصين والهنـد =ومن لاحملت اسمه كسبت احترامـه

وأنت البطل في صرح الأبطال ينعد=وأنت البطل وأنته زعيـم الزعامـه

اشهر جبل في الأرض قالوا جبل حد=و أنت اشهر أبطال العرب بالكرامـه

وحنـا سعودييـن وأب علـى جـد =منـا الـولا والحـب والاستقامـه

تاريخنا ما هو على الجـزر والمـد = شط العـرب وألا سواحـل تهامـه

تاريخنا من ماضـي الأيـام يمتـد =يشهد لنا الطايف وحرب الرغامـه

وحنا الرضيع نلقنـه حيـن يولـد = بالدين والطاعـه لراعـي الامامـه

ونعلمه حب الوطـن حيـن يشهـد =بالمهد والا وقـت يفصـل فطامـه

حب الوطن وأهل الوطن حب مفرد =على عـدد مـا يقبـل الانقسامـه

هي دارنا هـي امنـا زينـة الخـد =ماها لبن والسقف فرعـك عمامـه

فيها دفن جـدك وفيهـا لكـم جـد = وان خنت فيهـا تغتشيـك الملامـه[/poem]

قصيدة عن جبل قدس
 

السلام عليكم ورحمة الله وبركاته

اقدم لكمهذه القصيده وقد كتبتها عندما كنا انا والاخ حسين في نزهة على
جبل قدس بضواحي المدينة المنورة

[poem=font=",6,darkblue,normal,normal" bkcolor="transparent" bkimage="http://www.alsuhman.com/vb/mwaextraedit4/backgrounds/13.gif" border="double,4,skyblue" type=1 line=0 align=center use=ex num="0,black""]
يا حسين بن مرزوق شفتوا جبل قدس == شفتـوا معالمهـا وعالـي وطاهـا

القمة اللي بردهـا يطفـي الشمـــــس =يطفـي حرارتهـا لطيـفٍ هـواهــــا

فا اشد حر الصيف والروض ما يبس = ولا قلت هاتوا ثلج مـن بـرد ماهـا

عشـــــنا بهـا قـدام لانعـرف الخمـس ==قدام نعـرف صحهـا مـن خطاهــــا

يوم الليالي عجاف والوقت من عمس = اهله يعشـي جارهـا مـن عشاهـا

ياشوق من لادلعوهـا علـى اللمـــس = الا لمـن سمـى وقــام وغـزاهـا

بنت الشيوخ معـدت البـن للحمـــس = وصيـنـة لمفطـحـات شـراهــــا

والا قعودٍ طامس اطرافهـا طمـس = رفيعـة المنقـل ثـمـانٍ عـراهــــا

يا حسين مما شفت ياحسين نلتمـس = وجهت نظرك ومـا يشـوق هواهـا [/poem]

حفل أهالي الصويدرة
 

تم إعداد هذه القصيدة بمناسبة حفل أهالي الصويدرة من ضواحي المدينة ناركم حيه
على شرف صاحب السمو أمير منطقة المدينة الأمير / عبد العزيز بن ماجد

[poem=font=",6,darkblue,normal,normal" bkcolor="transparent" bkimage="http://www.alsuhman.com/vb/mwaextraedit4/backgrounds/13.gif" border="double,7,skyblue" type=1 line=0 align=center use=ex num="0,black""]
يا مــرحبا في حفل من شبو النار=يا أمير طيبة وأمطري يا مخيلة

ترحيبتن تبقى مع الوقت تذكـــار =بإسم الأهل ولسان شاعر قبيلة

ترحيب بالحضار من كل الأقطار = على شرف راع العطايا الجزيلة

على الدلال اللي بها بن وبـــهار = مــن واقع التاريخ ماهي وسيلة

وان قلت أنا يا أمير لدو بالأنظار= يـــوجد طلب يا أمير وأنت كفيلة

ارفـــع تهانينا عبر بث الأقــــمار= للـــقــــايد اللي كــلــنا ننـــتميله

على سلامة سيد الشعب سلطان= عــــضيده الأيمن وحام الــثقيلة

وأيضا نهنيكم مع طوال الأعمار =شكر وثـــناء لله راع الفــــضيله

ونهني الجيش السعودي بالأنصار=درع الوطن والله يرحـــــم قتيله

ويعيش ابــــــو متعب لقال ياجار = ترى مصير الـــغدر غــير الفشيله

ومن بعدها يا شعب ياجيشنا الدار=من دون شبر الدم يدرج مسيله

وحنا سعــــوديين والــــــدم فوار=نـــرجح المكــــــيال للي يكـــيله

وحنا لنا قايــد مــلك سيف بـــتار = مــــثل الجبال النايفات الــطويلة

غابة اسود ومنه يجرن الأنـــهار=كــــــل الخصال الـــوافيه تنتميله

ينصح هلا الأشرار في قصر الأشرار= ويسمح خطايا أهل الخطايا المهيله

وان زادت الكيله وثار الدخن ثار= مــــثل الجبل للــــمعتدي يرتكيله

والشعب له في منزل الوالد البار= وزود منه في حـــمايته وتحميله

هتاف خيره مثل هتاف الأمـــطار= اللي مـــنه تحـــيا الديار المحيله

معيار حــــــبه ما يســـاويه معيار=نــــفوس تهتفبه وقـــلب يـــشيله

وحنا عرب من حقنا وسع الأنظار=ومن حقنا نجري ورا المستحيلة

وان كــــــان ردينا يجي ردنا حار=يــزعل الجاني ويـــــزعل قبيلة

فالأرض دبابة وفالـــجو طــــــيار=والــبحر فــيه البارجه والزميلة

يعمل عليها من يدوسون الأخطار=ويسعون له سعي العميل لعميله

دون الوطن ماهو مجازف بالأعمار=إما يجـــيك الـــموت وألا تجيله

والنقرضة والـــحفر معروف للفار=دايم بــحيد الساس يــدفن نثيله

ونهايته مــــن يوم يطلع من الغار=فالمصيدة مـــعــــاد بيديه حيله

ولا نتابع الغلطة ولا نقبل الـــــعار=وراع الدليل نضيعه مــن دليلة

واللي حسبها في يده نص مشوار=جت بالحسام وبالسيوف الصقيلة

من وقتها وأحرار من ماكر أحرار=وماراح منها عاضنا الله بديله

يا سيدي ماهــــــو مبالغ بالأشعار =مــا قلت من تاريخنا إلا قليلة[/poem]

[poem=font=",6,darkblue,normal,normal" bkcolor="transparent" bkimage="http://www.alsuhman.com/vb/mwaextraedit4/backgrounds/13.gif" border="double,4,blue" type=1 line=0 align=center use=ex num="0,black""]
أبدا السلام ومرحبا في اتجاهين = ترحيب عنوان اللقا والقصيدة

اما السلام يعم من حضر هلحين = وعلى الشيوخ أهل المواقف نعيده

حمالة البيرق على العسر واللين = اللي مواقفهم مواقف حميده

تاريخهم ماهي زراعة بساتين = ولاهو جديد نسجله بالجريدة

شجاعة يشهد عليها البعيدين = طيب وكرم ماهي مواقف جديدة

عيال جد يرجحون الموازين = نجوان قلنا نجدد اليوم عيده

وان نادوا أهل الدين بحماية الدين = راع الرصيد نضيعه من رصيده

في ظلال أبو متعب وظل السلاطين = سلطان باليمنى ونايف عضيده

نظراتهم للشعب نظرة محبين = ولهم على العدوان نظرة حديده

دون الوطن والشعب قاسين قاسين = ولاهمهم من كان يعلن وعيده

من ماكر الشيهان تطلع شياهين = ومن ماكر ثاني عشاها تصيده

يالله ياقابل صلاة المصلين = عسى لياليهم ليالي سعيدة

آمين قولوها وانا قايل آمين = بأهل الشرف نختم كلام القصيدة[/poem]

قصيدة حفل الهندية
 

قصيدة حفل الهندية
تم إلقاء هذه القصيدة في حفل الشيخ مطلع بن رشيد لشيوخ حرب في قرية الهندية





[poem=font=",6,darkblue,normal,normal" bkcolor="transparent" bkimage="http://www.alsuhman.com/vb/mwaextraedit4/backgrounds/13.gif" border="double,4,skyblue" type=1 line=0 align=center use=ex num="0,black""]
يـــامرحبا ترحيبً أحلى من الدرر = در البكار إن بينها العشب نور

بشيوخ حرب ومن حضر فيه نفخر= مكرر الترحيب مــــا هو مدور

في دار أبــــو مطلع تراحيبنا أكثر = قدم الضيوف الدار والحفل نور

في بيت مـــن للمدح والطيب يقدر= على دلالٍ وسطها الهــــيل فور

بيت الذرا عن لاهب البرد والــحر= و مزبان من هو طاح وألا تعور

أهل البيوت اللي لهــــم فعل يذكر= مــن واقع التاريخ ماهو مزور

يوم الزمان اللي به الــــفر والكر = يثنون فوق الخيل دون المعور

مــــركاضهم يشبعبه الذيب والذر= ومعوادهم من رايب الدم كــور

يومنها صحراء وقــــــلبان وحفر= اليوم دولة وسطها الخير ثـــور

في ظلال أبو متعب بها الخير يكثر= على الـــــعدو رده كذا لا تهور

هذا وطنا دونه الــــــموت الأحمر= والشعب يعمل بالسلاح المطور

فيه الوفا كالنهر يــــــجري ويكبر= ماهو قليب إن قالوا الناس غور

الطيب مــــــايطلع من البحر للبر = ولاهو على بابور في البحر دور

الطيب له روس الرجاجيل مصدر = وألا الردى عكسه على ماتصور[/poem]

[poem=font=",6,darkred,normal,normal" bkcolor="transparent" bkimage="http://www.alsuhman.com/vb/mwaextraedit4/backgrounds/13.gif" border="double,8,red" type=1 line=0 align=center use=ex num="0,black""]
ياراكب اللي سايقه مثل شداد = لاراح تالي الليل والياه ساري

جميع ما تبغاه جاهز من الزاد = ضو القمر قدمك وخلفك غداري

من المدينه عابر الخط منقاد = يمين لا عقبت ستة كبــــاري

في هجرة الشلاح وأولاد عباد = تاريخهم ماهو من الطيب عاري

به شايب وده على القلب يزداد = قله وصل شداد وانا المباري

زيادة الطيب لها طيب وإبعاد = والطيب له بين النشامى مواري

واللاش من ذكره يقولون لاعاد = تسمع كثير السب لاحل طاري[/poem]

صياد اللصوص
 

[poem=font=",7,darkred,normal,normal" bkcolor="transparent" bkimage="http://www.alsuhman.com/vb/mwaextraedit4/backgrounds/13.gif" border="double,5,firebrick" type=1 line=0 align=center use=ex num="0,black""]
لا راح وقت الصيف ماعاد به حر = كلاٍ يبي يلبس على ما يورا

حتى عشا الخطار شرهبه الذر = على فطاح الحيل قام يتجرا

ياهيه ياللي كالدجاج المحمر = لاصق بحيد الباب كنك مغرا

والي بحيد الضلع صوته مطور = يقرب ولاشاف المسايير فرا

بالعون ما من صوتك الضلع تأثر= قصير عمر ولا أدبح اليل سرا

خلك تعشى من ايدين المكسر = تراكت الواجب وجيه المغرا

والله لولا فزعت سنيد وعمر = غير يتعشى الذيب داخل وبرا

السالفه ماهي على ما تصور= سار العميل من العميل يتبرا

احدٍ حسبها لبس دقلات وغتر = واحدٍ من أفعال النشامى معرا

فازوا بها قوم النفوس المسطر= قوم ٍ تعرف الحبل على المجرا

مثل الهوا يومٍ ويــــومٍ يسكر= وان هب مالك عن مهبه مفرا

والي حصله ريح مسكٍ وعنبر= لا يسأل الأموات وين المقرا[/poem]

هذه القصيدة توضح أن الماضي هو أساس الحاضر
وان من ليس له ماضي لن يصبح له حاضر يفخر به

[poem=font=",7,darkred,normal,normal" bkcolor="transparent" bkimage="http://www.alsuhman.com/vb/mwaextraedit4/backgrounds/13.gif" border="double,5,firebrick" type=1 line=0 align=center use=ex num="0,black""]
إن كان ما حاضرك يشهد لماضيك = سجلك التاريخ من دون مـــــاضي

انظر على تاريــــخ ربعك وأهاليك = وسجل على صفحتك سطر البياضي

واللي بعدك يقـــــوم يبدي مباديك = وتصبح على تـــاريخ الاثنين راضي

هذي نصيحة من محبك ومغليــك = وعلم بها اللي غرس وسط الحياضي

ما اعاتبك مشان ازعلك وأرضيك = العــــلم مايبغى شكاوي وقـــــاضي

اما كسبته كسب مــن عند واليك =والا ورثته مـــــن قروم ٍ حضاضي

اسمـــع كلام اللي بصوته يناديك = خل الردى من سار به فعل ماضي

الــحر ما ياقع بـــوسط الشبابيك =ويقول عاضيني من الوقت عاضي

لا تصاحب الأنذال بالهرج تغويك = قـــــوم الذبايح والفطاح العراضي

حبله رميث وداخل البير يــرميك = ينزلًك ويــــطلع الـــــــــدلو فاضي

عــــلم ولـــــدك بكل ما قاله أبيك = طيب الـــمشاعر لايجيه انقراضي

خله يشب الـــــنار حتى يقهويك = ما يقدم الفنجال للرجل فاضي

مـــــــع طقت الدلة وشفت تماتيك = ومسلسلً مابين وضحى وراضي

حق الخوي والضيف يمشي مماشيك = والجار حــــقه ماعليه اعتراضي

وصل الفروض الله على الخير يهديك= من شان ربك يوم تلفيه راضي

في كل فرض أنت تناديه يوحيك = وخلك ليا ناديت رجـــــال واضي[/poem]

من عصر الهاف

يقول الشاعر ربيع

[poem=font=",6,darkred,normal,normal" bkcolor="transparent" bkimage="http://www.alsuhman.com/vb/mwaextraedit4/backgrounds/17.gif" border="double,6,firebrick" type=1 line=0 align=center use=ex num="0,black""]
لبغيتوا عبرة الــــحد يا مزيــد =مقبل ظلام الليل مــــقفي نهاره

ودك خوي فهيد والا مسيعيـــد = ذليلته لجاء مــــــــن الحد غاره

لجت من النمرود وألا مقيريـــد = وألا حضر كوبان يوشي شرارة

ركب سبيره حدر نار البواريــد = يـــوم الردي يمناه تخطي يساره

قال ذبحوك وقال عيدٍ على عيـد= أما دمــــــار الروح وألا عماره

حنا ترانا رجال والذبح للصيـــد = مــن راح منكم غير لحط أثاره

يمسيد لولا فزعت الليل يا مسيد=واحــد من الاثنين اخذله بشارة[/poem]













[poem=font=",6,darkred,normal,normal" bkcolor="transparent" bkimage="http://www.alsuhman.com/vb/mwaextraedit4/backgrounds/17.gif" border="double,5,firebrick" type=1 line=0 align=center use=ex num="0,black""]
يا قهــــوجي عطـــنا ثلاثـة براريــــد=زايد حلاه ولا تزيد المرارة

عجل ترى عنــدي شويه مواعــــــيد= نبي براد الليل عن الحرارة

نبي نروح عن عــيون المقـــار يـــد = اللي يحسبـون النذالة شطــاره

مـــاغــشنا غير الــوجيــه الملابــيد = اللي لهم بالكذب مركــز وأداره

جاهم خبر طــايش على غــير تأكيــد= مابين خفر جديـــدة والامـــاره

وان كــان حصلـنا الخبر فــيه تأكــيد= قلنا لراع الهـــاف غير مســـاره

لا تقفـــل القســـام والــنور لا يزيــد =ترى شعاع الغرب يفضح غبـاره

وخلك على العادة وفوت المواعــيد = وعن مركز التفتيش يأخذ يساره

مـــافيه لاوقــــفه ولا فــيه تبريـــد = الحزم وان فاتك مـلف الحـــواره

واخذ الحذر لاتقول في مرتع الصيد = يصيدك الصياد ويشـــب نـــــاره

ما فيه عِـــد ألا يجــيــــله مواريــد =والــحر مثــلك يكتفي بالاشـــاره[/poem]