ديوان الشاعر موسى مناور السحيمي

[frame="13 98"]

بسم الله الرحمن الرحيم

السلام عليكم ورحمة الله وبركاته :

ملتقى أبناء قبيلة السحمان من حرب
يسعدني ويشرفني أن أضع بين أيديكم ديواني الشعري واخترنا لكم بعض قصائدي الوطنية
و قصائد المناسبات التي ادعى لها من قبل قبائل عزيزة على قلوبنا
لعلها تحوز على رضاكم وانتم بدون دعمكم لنا نعتبر لاشي ..
وأخيرا تقبلوووا فائق احترامي وتقديري ,,,,,,,

موسى مناور السحيمي الحربي

[/frame]

 

بسم الله الرحمن الرحيم .

 

هذه القصيدة في الشيخ حناش بن جارالله العبيدي القحطاني

[poem=font=",6,,normal,normal" bkcolor="transparent" bkimage="http://www.alsuhman.com/vb/mwaextraedit4/backgrounds/193.gif" border="double,4," type=0 line=0 align=center use=ex num="0,black""]
[poem=font=",6,,normal,normal" bkcolor="transparent" bkimage="http://www.alsuhman.com/vb/mwaextraedit4/backgrounds/7.gif" border="none,4," type=0 line=0 align=center use=ex num="0,black""]
يــا لله اللــي خــالق الــدنيا وعالم منتهاهـا =جـل شانـك يـا عظيـم الجاه خـــلاق البـــريه
لااله الا انت سبحانك وعرشك في سماهـا =واستؤاك لايـــق لجـــاهــك ونفحـاتك زكيه
قــوتك مــا فــوقهــا قــوه ولا والله وراهـا=نستمــد العـــون مـــن عونك ومـداتك سخيه
انت وحــدك تغفــر الـذنب للنفس وخطاها= يــا لله اجعلنــي لطـاعتك لــي نفــس رخيــه
واحترام الذات لرجــال مطلب مــن بغاهـا =والضعيــفه من نصيب اللاش والكف الرديه
ومن بغــى ود الـرجـاجيل ما يبحث خفاها =والجمــل يشتــل الاحمــال لــو كــانت قـويه
و والله انــه مــا يسلي خاطـري ولا مناهـا =كــود لا منـــا مـــع الـــدرب عقـبــنا طمــيه
شغــل اللـي كنـه الطيـر والشمس وضياها=غــايبه عــن المخــاليــق واضــواهـا خـفــيه
مـركـب يبهجلـك الــروح ويحقــق مناهـا =ريحـة أعطــور العــروســه بكشـنـه داخلـيه
لكزس جنوط الكافرات مـا ركــب غطاهـا= مـا بعــد دقـــوا سـويــته وشغـل فيــش ضيه
ابيـض فيــه الفـخــامه وعـالـي مسـتواهـا =والله انـــي مـا بعــد شفــت يـا حـامـد حلـيـه
كــل حــاجــاته جديده مــن المصنع كماها =صانعــيــنه للمـطــانـيــخ والشـيــخ وسمــيـه
ولا مشينا مثـل مـا قـيل سـاري في عماها =والله انــي عــارف الــدرب والــنـيه مــطـيه
ان مشيــنا صبــح ولا مشيــنا فـي مساهــا =سجلوا حناش فـي الشاشه قبــل نصـل العليه
وامسـك الخـط المطـرف وحـذرا لا تلاهـا =فــي طــريـق كـلــه ازحــام والـديــره ملــيه
واقرواللوحات في الشاشه لغـرناطه عساها =للمطــر مــن طلعت الصبـح لا وقت العشيه
مسكن اللي مــا تفــاخر بـالكـذب ولا تباها =والتواضع والوفاء والطيب والروح الرضيه
نحــروه اللــي يمـينـه تشعشع مـن عطاهـا =والله انــه راعــي الجــود وكــفــوفــه نـديــه
فــاتــح صدره للاجواد ويـكـــرم الحــاهـا =فـي مضـيـف داخـله طـيــب ولا النـار حيـه
اتواهــج داخـل اوجـاره ولا يحرق سناهـا =وفي طرفها ادلاله الرسلان واعلوم طـريــه
وسط مجلس يشرح الصدر ورجولك وطاهـا=فــوق ديـبــاج المــلامس تقـــل لمســة بنــيه
والذبائـح داخل الحوش ما يعــرف سـراها =كـــل من جالـه من الناس قــدمــلــه طــلــيه
تــدري ان اسماء هـل المجد للمجد وقراها =كــل مــن يقــراء حــروف الكتـاب الابجديه
واسـم حنـاش العبيدي على الصفحه معاها=كـنه اوســـام القيـــادي قــدم صــف وسـريه
يـا بـو احمد واستمعلي ودقـق فـي معـناهـا =يــا خــوي ساعة الضيــق مــا يتـرك خـويه
فزعتك مــع الــرجـاجيل مـا يلحـق مداهـا =يــــا شمــوخ كنـه طــويــق ولا الفيــصلــيه
فـزعتـك مــاهــي لقحطان ولا لحــلافـاهـا =فــازع لكــل القبــائــل وفــي راســك حمــيه
من رجــال تنطـح القـوم لا دارت رحـاهـا =في زمـان الشلف والسيف والغــزوه عضيه
راضعين المجـد يــا قحطان بالديد وغذاها =ينــولــد منكـم عقــاب ولا نولد منــكم حـديه
مجدكم من فــوق الاقمــارثابت في فضاها =ثـابــت مثــل المجــرات ضمــن الكــوكبــيه
رفعة مــا بعــدها رفعــه وخلــق الله تراها =مـــن قــديــم الــوقــت ياهل الفخر والشاذليه
والله ان قــومتك قــومه ولا رجــل شنــاها =و والله إنــي جيت ناصــيك مــادور عطــيه
والعطاء من رب الارباب من سابع سماها =الكــريــم اللــي علــى الخلــق مـداتـه سخيه
جيتلك والصدر ضايق وروحي من عناها =مــا تــذوق الـــزاد والنــوم مــثـرتــن علــيه
اتقلب فــي فــراشي تقــل تحتــي حصاهــا =مـــا تقــل نايــم علــى فـراش والعيشه هنـيه
ولا لقيت عــلاج روحـي ولا عندي دواها =والله اللــــي يفـــرج الهــم ويـحــل القضــيه
والقصيده صغتها صوغ وابعـد عـن غثاها =وانثـر افكاري وانا احس في راسـي شضـيه
وما مــدحتـك يــا لعبيدي وانا أدور جزاها =بــاقــة احســاس ومشــاعـر واقدمهــا هـديه
وبــا لـبدايه نحـمــد الله وابختــم مـنتـهاهــا =اللهــم صلــي واسلــم علــى خيــر البــريــه[/poem][/poem]

 

دعيت في حفل زواج الاخ العزيز سفر بن مبارك القحطاني في محافظة الاحساء يوم 27/10/1432 وكانت هذه المشاركة

[poem=font=",6,,normal,normal" bkcolor="transparent" bkimage="http://www.alsuhman.com/vb/mwaextraedit4/backgrounds/193.gif" border="double,4," type=0 line=0 align=center use=ex num="0,black""]
ســلام يـا قحطــان يـا لربع الحشـام = مــن المــديـنـة جـيت عـاني ومعزوم
دعــوتك ليه يــا سفــر اكبــر وســام= وانــا على البــي الـــدعـــوه واقـــوم
رغم العمل والبعد وضروف وزحام= الا ان جـيــتــنا لكــم شــي محــتــوم
جيــنا نلبــي دعـــوة الـناس الكـــرام= اللـــي فعـــايلـهــم رقـت فوق النجوم
عنــدي خــلايــا المــخ عيـت لاتنـام = وافكــار راســي تشتغــل عيت تــنوم
فجيت صدري من وراى حدب العظام= لان المعاني تجعــل الشعــر محكــوم
ويوم امتزج حبر المشاعر والمــرام= طــوحت بــفكـاري كمـا صقـر يحوم
وعجزت حروف الشعر ويعجز الكلام = عن وصفكم يــا هل العـوائد والسلوم
هـذي عبيـده والشعــر فيهــا استقــام = الطيب فيهــا جعــل فيهــا العــز دوم
يــا عبـيـده كــان عــج الخيــل قــام= تــدحمــون القــوم و الفعــل محسوم
يــا عبــيده مــن زبــنكــم مــا يظــام= فــزعت اللــي حــده الــوقت محروم
ويــا عـبيــده من خــوال ومن عمـام= وارثـيــن الــمجــد ورث ومــعـلــوم
يــا عبــيده مــن مـدحكـم مــا يـــلام= وتبـــت أيــديـن الــذي فــيكــم يـلــوم
والعبــيـــدي كنـــه الحـــر القـطـــام= للمعــالــي والسمـــو دائـــم يــــــروم
وصفــــكم مــاله مكـــان الا الغـمـام= ورجـــالكـــم دائـــم يســدون اللــزوم
في ذرى شيخ مـن السطــوة هــمــام= ان بغيــته فــي الدفاع وفي الهجـــوم
الحصـان اللــي مــا ضــري للجـــام= الحصان اللـي قــــوي فــي العـــزوم
العـقيـــد اللـــي ايتفــاخـــر بـالمهــام = مـــا تفـاخـــر بــالمشـالــح والهـــدوم
شيخته مـــا هــي ســواليف وعــلام= شيخـتــه قبـــل البطـأيـق والخـتــــوم
ذاك ابــن شفـلــوت دام الشيــــخ دام = فـي المعارك يجعـل الخصم مهــزوم
و العظيمـــة مـــالهـــا غيـر العظام= و الشكــالـة يا سفــر حـــظ القــــروم
واشهـــد انــك مــن مـرويت الحسام= غصبا عن اهــل الذل وعيال الرخوم
يـا صاحب الفـزعات لا شـد الحـزام= يــا راعي النخــوات في برد وسموم
انــته محلـك يــا سفــر راس الســنام = بالمختصر قسمك مـن اكـبار القسـوم
محبــتك منــقــوشة نقــش الــرخــام= بيـن الحــنايا وسط قلــبي ومحــشـوم
ومحــبتك بيــن المــجالس والأنــــام= تــاريخهــا بيــن وواضــح ومختــوم
بـالورد واليشموم وأزكـى الاحـتـرام= مــا هــي محبة مصلحــة ولا علــوم
من الفـرح يطيــر لك سـرب الحمـام= ويجـر صوته من تحت مزن وغيـوم
ومــن الفــرح انظــر رفيعيـن المقام = اللي لفوا مــن كــل وجهــات ويمـوم
وجيههم تــشـــع فـــرحــة وابـتســام= وصــدورهم تعــج طيب بـلا همــوم
يا لله عسى افراحك تكرر طول عام= مـتعــاقبه فــي كــل لـيل وكــل يــوم
واختـامهــا ازكى صلاتي والسـلام= للمصطفى خيـر البـــريـــه بالعمـــوم[/poem]

 

مرثية في سيدي صاحب السمو الملكي ولي العهد الامير سلطان بن عبدالعزيز رحمه الله واسكنه فسيح جناته وجعل مثواه في الفردوس الاعلى امين

[poem=font=",6,,normal,normal" bkcolor="transparent" bkimage="http://www.alsuhman.com/vb/mwaextraedit4/backgrounds/193.gif" border="double,4," type=0 line=0 align=center use=ex num="0,black""]
هلت الدمعـة مـن العين الحزيـنة =وارتمت في دفتري حـبر وقصايد
والله ان الحــزن فيــني يا روينه =يلتهــب كنــي علــى نــار و وقايد
وانتثر فـي داخلـي هــم وغبـينه=لكــن إيمـاني لــرب الكــون عـايد
القضـاء مــا فيه شك الا سكيـنه=مــا كتبه الله يصيــر وصار سايـد
مات ابــو خــالد وشعـبه فاقدينه =مات من يـاقف في حزات الشدايد
مات ابو خالد راع الكف الامينه =طــاح نجــم فــي عـلـو الكون نايد
بالنعش فــوق المنــاكب شايلينه =قـــأيـد ودع مــا هــو بيــات قــايد
يرحـمه ربي بمـا تبـــذل يميــنه=الكــرم زايــد وفعــل أيديــه زايــد
كـم يتــيـم ماعرف فرحة سنينه =كــــم سجيـن دمعته هــم وزهـايد
كــم مريض حالته صعبه وشينه=كــــم غـريـب غـربته ذل ونـكـايد
كــم معـاق مـا لقــا منهـو يعيـنه=كــــم عجــوز مـالها ناس وفـوايد
كــم فقــيــر والخــلايق طـالبينه =معــوز مقهــور مــا عنده ســدايد
كـــم ضعيف دنيته ما هي بزينه = كـــم وكــم وكـم يــا كثر العـدايـد
ضمهم سلطـان فـي بشته وعينه =وأصبحوا في جنب ابوخالد سعايد
الأمــير اللــي مــواقيفه رزيــنه =الأمــير اللــي بعــيد عـن المكـايد
والله ان مـدات ابــو خالد سمينه =مــا يقــدم غــير جـزلات وفـرايـد
والله إن أيـديـه للفــزعة رهيــنة =وابتسامـاته علــى وجهــه عــوايد
الـــزعـيم اللــي مــواقيفه ثميــنه=الفقــيد اللــي مــن إكــبار الفقــأيـد
المدن من بعد ابـو خالد حـزينـه =والقــرى والنخـل وطيور وجرايد
والملك والشعب والخير وعوينه =والفعـايــل مــن قـديمات وجــدايد
كلــنا نبكــي علــى فــرقـاه وينه =والعـزاء فــي واحــد كلــه زوايــد
لـو فـراش القبـر من لبنه وطينه =يا الله انك تـجعـله زل و وســـأيـد
وريحـته تفــوح ورد ويــاسمينه=والنضــر ممدود مــا قدمـه سدايد
جعـل ملائكـة المغفـره محتوينه =ويا الله انــك تبـعده حـر الـوقــأيـد
يا لله انـك تـرحمه وتعـز ديــنه =و في جنان الخلد ينعم في الرغايد [/poem]

 

هذه القصيده في اخي ورفيق دربي وصديقي الوفي المخلص المقدم حامد بن مداوي الحبابي القحطاني وفقه الله ورعاه وسدد على طريق الخير خطاه

[poem=font=",6,,normal,normal" bkcolor="transparent" bkimage="http://www.alsuhman.com/vb/mwaextraedit4/backgrounds/193.gif" border="double,4," type=0 line=0 align=center use=ex num="0,black""]
يـــا راكـــب اللــي وردوه بــدبتـيـن= ماهــو جميحيـا ولا هـو مــن الفــرود
ولا هو مورد من قطر وأم القــوين= مــن مصنعه وســط السفيــنه للحدود
مــورده عبـداللــطيف بلـــوحتــيــن= اوراق جمــرك لا زيـــوت ولا وقـــود
لكــزس وزايـد عـن خــواته حبتين= اسرع مــن الطلقـه من اخشوم الفرود
مشيكيــن الــزيت فـــل البانــزيـــن = ومــزينـــيـنه مثـــل تزيــيــن العنـــود
واذا فتحــت الباب عطــر وياسمين= ومخلطـــن مـــن كـــل بــاقات الورود
وكشنه مــن الـداخل يسر الناظرين= اجـمــل مـن النضرة لسمحات الخدود
ومرايتيـنه مــن يســار ومــن يمين = ان جـيت احليهــا مثــل راس القعــود
وركبــت لــوحات البلــد يا سامعين= امـيـــزه والرقـــم واحـــد بـالعــقـــود
والعقــد صـادر من مرور الحرمين= رخصه ومخــتومــه بختم ابن سعــود
يا سايقه خــل الــرخــوم الحاقــدين = ونصه علــى قحطــان قاسين الــزنود
لحامد مداوي لـه سلام وعــأيــديـن= وللعيـد فــرحــه يا عــريبين الجــدود
العيــد عيــد الله وعيــد المسـلميــن = مــا هــو بعــيد للنصـــارى والــيهـود
حــنا خلــقنا الله رجــال مــومنـيــن= لا رافــضــه فــيــنا ولا فــيــنا زيـــود
ونبينا اخـــر نبي فــي المــرسليــن = محـــمـــد الهـــادي ولا نبغـى شهــود
والبــارحــة يــوم الخــلايق نايمـين= هــواجســي مــابين بيض وبين سود
الله يكـافــيني شــرور الحــاسـديــن= وانه يكـــافيني مـــن اشبـــاه القــرود
لاجيتهـــم يــا بو مـداوي ضاحكيـن= ولا قفــيت قــالــوا جعل زوله مايعود
احيان اقـول الناس يـــا خي طيـبين= واحيــان اقــول الناس مـافيهم حسود
واحيان اقول النــاس ياخي خـايبين= الله يـــا كــثـــر المــــوارد والـعـــدود
يــا بو مداوي بين جيــم وبين سين= ســـوالـــف تثـــر وتــاثـيــر محـــدود
ويـــــاصاحبي وانتـم رجال غانمين= تستاهل الفـــنجال بــن وريــح عـــود
الــى نخيتــك تجعــل القاسي ياليــن= ولا نته مضـــريها علــى كثر الوعود
انته حبــــابي شيخ قوم وشيخ دين= مــن روس قحطان الوفاء واهل العهود
قحطـان ربعــك فـي الملاقا فائـزيـن= اســـود واشبـــال تسلسل مـــن اسود
ودي اذا ماصحت بالصوت الحزين= عندي قحــاطيــن تقــود المـوت قــود
ان جيــت اعــدد فعلكـم ربي يعيــن= فـــود علــى فــود وفــود فــيه فــــود
منكم ابن هادي فعــل في نجـد ليـن= بعــض القبــائل تــدفــع الجزية وزود
ومنكم ابن شفـلوت بـالجنب المتين= شيــخ المشايــخ فــي عبيـده بـالعدود
ومنكــم ابن مهمـل كما الدرع الحصين= اعــداه مثــل المـاء وهو مثل السدود
ومنــك دليــم اعــداه دائــم ميتـيــن =مطـــوع العاصـــي وحــراق الكبـــود
ومنكــم ابــن لبده فعل والفعـل زين= كسب العرب نـاقه وكسب الشيخ ذود
ومنكم ابن هــدلان عــوق المعتدين= شيخ عــن ربوعه وعــن داره يــذود
وابن شــري لعــل راسه مــا يهيـن = شيــخ يصـــد أعــداه ويشــد القـيــود
وشيوخ قحطان الوفاء و المحتمين= حــدودهم مــن دون شــرط ولا بنــود
هــذا مثــل ولا العــدد يبغـى سنـيـن = مـا يكــفي العـــداد فــي فعــل محمود
وفعـــولكــم وسط الجــزيرة باليدين = اثبــات مــا فيكـــم جبــان ولا شــرود
شيخــوكـم بيـــن المشائخ بارزيــن= كالــروس مابــين المنــاكب والعضود
قلــته وانا حــربي وربعـي كاسبـين= المجد والنــومــاس والمــرقـى سنود
وقــت المغــازي والحــرايب ثابتين= مثــل الجبــال الصــم من فوق النفـود
وكــل القبــأيــل يــا لحبابـي فاعلين= في نجـد ولا في الحجـاز وفي الحدود
مــا ذمهــم والله نصيــر الصــادقين= ومــا ينكر افعــول الرجــال الا جحود
واليوم حنا فــي ذراى ليث العــرين= مــوحــد الــدولة ســلالــة بن سعــود
خــــلا القبــائل كلبــوهــم خـاضعين = للــــدين والــــدولـة وخــلاها سهــود
والحمـــد لله فــي ســـلام وأمـنــيـن= وحتــى الفتيله مـاتجي خشـم الزنــود
يالله عساه بجــنة الفـردوس آميــن= عبــدالعــزيز الفيصـــلي وايـديه جود
وختامهــا علــى النبي والمــرسلين= ازكـــى الصــلاة الطيبه والــزود زود[/poem]

 

دعيت في حفل تنصيب الشيخ حياء بن فيحان العياضي وكنت برفقة خالي الشيخ سالم بن دريويش السحيمي وكانت هذه المشاركة

[poem=font=",6,,normal,normal" bkcolor="transparent" bkimage="http://www.alsuhman.com/vb/mwaextraedit4/backgrounds/193.gif" border="double,4," type=0 line=0 align=center use=ex num="0,black""]
[poem=font=",6,,normal,normal" bkcolor="transparent" bkimage="http://www.alsuhman.com/vb/mwaextraedit4/backgrounds/13.gif" border="none,4," type=0 line=0 align=center use=ex num="0,black""]
اشتعــل في راســي الشعــر وبنـيـته= مثــل مــا تبــنى رفيــعــات المبــاني
والله انـــي يــا مهـنــد مــا خــذيــته= وما تــسلـــفته مــن القـاصي وداني
والله انــه لا طلــبنــي مــا عصــيـته= وان طــلبــته يــا مهـــند مــاعصاني
مطلــبه واضــح ولا عمــري ثنــيته= ومطلبـــي واضــح ولا عمــره ثناني
ايتــزاحــــم فــي خــيالــي منـاشـيته= ويتراقص في الضلوع وفي المحاني
ويـتصـافق فـي الورق لحضة قريته= ليــن طــوعتــه وجــودت المــعــاني
والله ان العــذر مــوجــود وعـطـيته= للــوجيــه الطيــبة والعــمــر فــانــي
بــس عــذري للعياضـــي مــا قويته= والعــذر مــرفوض والمشيه ضماني
راكــب اللــي يعجــب الســواق ليتـه= فــي مــوديله ما ورد وسط المواني
البــريــمــي فــاحســن بــديـه وزيته= مــا يــورده الجمــيــح وبهــبهـــاني
مــوصــفــاته فــل حجــمه اف أيــته= يعني مـصــدر مــن الحــد العـمــاني
يعجب الســواق مــن دقــت سـويـته= وحس مــاطــوره كما حـس الغواني
يــا ســـلام الله علــى حـفــل لفــيــته= فــي ديــار مــا تنـاساهــا الــزمــاني
والمــدايـح فــــي القصـيد اذا بـديـته= فيــك يــا راع الخــويرى ياالحصاني
ذا نفـــل ذايــع مــع العـــربان صيته= بــالبنــادق والسيــوف وبـالصـواني
ان بغــيت الحــرب ليـتــك مــاغزيته= وان بغيــت السلــم تبشــر بالسماني
مــا يخــيــب هقـوتك لا من هقـيــته= ذاك ابــو فيحـان ما يرضى الطماني
والله ان الـمجـــد لامــنــك طــريـتــه= شــامــخ مثــل شموخ الضلـع ابـاني
لا جــهــلـة الـعــلــم ولا لا نســـيــته= انشــــد التــاريــخ واسمــع بـالاذاني
وانـــت يــا فـيحــان للمـجـد ورقـيته= فــي مكـان ابـوك حــافــظ للمكــانـي
راعــي الوقفــات والطيــب احتـويته= مــا خــذيته مــن فــلان ومـن فلاني
يرحمــك ربـي عــدد مــن زار بـيـته= وعد من صلووصاموا في ارمضاني
يــا حياء مبــروك والفخــر ارتـويته= كاسبـه فــي ســر ولا فــي عــلانــي
والله ان الــعــز فــي حـيــه ومــيـته= اتــعــاقــب بــالـدقــائــق والثــوانــي
وفعـل معــلث بن هــدي لا من بغيته= فاتك فــي القـــوم في حــد السنــاني
ويــاعليثه والفـــرس لامــن علــيـته= دون دارك والــقـــبــيلــه والعـــواني
والله ان المـــوت في الغـزوه شريته= مـــا تهـــاب عــداك ياسهيل اليماني
كـــم زعيـــم فـــر مــاجـــود بشــيته= وكم زعيم طاح من ظهر الحصــاني
فعــلكـــم واضــــح ولا والله كنــيــته= يــا رجــال مـــا تعـــرفــون التـواني
والعياضــي فــي المواقـف لا نخـيته= والله ان العــلــم عــود عــلــم ثانــي
فيهــم المعــروف مغــروز ولـقـيــته= فــي الطبــأيــع والعــوائد واللسانـي
وكـــل رجـــل فيــه فعلــه مــا شنيته= لا ورب الـكــون والسبــع المــثــاني
وفـي النهــاية جعل شعـري لا بنيـته= يذكــر الـواقـــع ولا يكــذب الســاني[/poem][/poem]

 

هذه القصيدة غزلية وهناك ملاحظة قد يجدها القارئ وهي تكرير كلمة هائم في الابيات الثلاثة الأخيرة فكل كلمة لها معناها المستقل

[poem=font=",6,,normal,normal" bkcolor="transparent" bkimage="http://www.alsuhman.com/vb/mwaextraedit4/backgrounds/193.gif" border="double,4," type=0 line=0 align=center use=ex num="0,black""]
الـبارحـة يــا بــو مـداوي وانـا نـائـم= فزيت من نومتي على طرف كوعي
مـدري وش اللــي بـلاني والله الدائم= خطير قلبي بغى يطلـع مـن اظلوعي
واخذت ساعة وفكـري منشغل حـائم= لا ني بصاحي ولكــن شبه مفجـوعي
يــا صاحبي والــزمان الشين له لائم= يشعب همومه علي أفـراد وجمـوعي
وسبة همــومـي هنـوف ذكـرها دائم= وخيالها في النضرحاضر ومطبوعي
شارب غلاها وانا عن غيرها صائم= يا جوع حالي عليها واه يــا جــوعي
وان مــرني طيفـهــا حتى وانا قــائم= جلست عجـزان جوفي تقل ممزوعي
العين مثل البحــر والـرمش به عائم= وحجاجها منـرسم رسمه ومصنوعي
والخد يضوي كما ضوء القمر زائم= والفـم جمـرة غضا والــريق ينبوعي
والصــوت يـدخلك دنـيا جوها غـائم= إحساس همسات ماتثر على سموعي
والصــدر ونهــوده الثـنـتـين متـلائم= تفاح شامـي صغار بحسن مجمـوعي
والخصر يشكيبه المضيوم للضائم= استغفر الله تقــول الخصـر مقطوعي
والــورك مـن ردفها يشكي ومتسائم= ومفصل جسمها بالـوصف مـربوعي
شــدت وقفــت وانـا مازلـت مـتشائم= والله عن الناس غير اكفكف دمـوعي
وقلبي عليها مثل طير الفضاء الهائم= وحتى الدقائق بعــدها كنهــا سبـوعي
واضمى عليها مثل هاك الجمل هائم= ما هو محصل ولو قطره ومنقــوعي
عــز الله انـي بها يـا صاحبي هـائم= لكنـها ابعـد مـن الحـبه علـى كـوعـي[/poem]

 

هذه القصيدة في مدح قبيلتي قبيلة حرب العريقة وتاريخها المشرف ولا يلام الرجل ان يمدح قبيلته ولكن اللوم كل اللوم ان يقلل من شأن القبايل الأخرى فكل قبيلة لها مجدها وتاريخها ولاينكرها الا جاهل والحمدلله ان توحدنا على يد الملك عبدالعزيز رحمه الله وجعل الجنة مثواه

[poem=font=",6,,normal,normal" bkcolor="transparent" bkimage="http://www.alsuhman.com/vb/mwaextraedit4/backgrounds/193.gif" border="double,4," type=0 line=0 align=center use=ex num="0,black""]
[poem=font=",6,,normal,normal" bkcolor="transparent" bkimage="http://www.alsuhman.com/vb/mwaextraedit4/backgrounds/14.gif" border="none,4," type=0 line=0 align=center use=ex num="0,black""]
ياراكــب اللـي ليـا منه نـوى ديره = يشوفها حــد مصـباحــه وتمـثـالـه
اقطــم مــن ديار الشرق تصديره= والتصاميم حسب الطقس واحواله
قمــة إبــداع فـي شكله وتصويره= انسيـابــي مــن أيمينه إلـى أشماله
فسفلـه يــا مهــنـد يــأتــي سبـيـره= وبصـمته خصصت للباب واقفـاله
النـيــاكـل تقــادح تقــل قصـديـره= والفـــرامل كمــا النــيــران شعاله
ان نظــرت المكينه يعجبك سيـره = مستــديــر حـبــل دلـــو بــمحــاله
داخـلــيـه تنـاسق صـف ازاريـره= صفت المــاس فـي جيد المها هاله
اقــرب اشيــاء للـونه كـنه الشيره= المســافــات يطــويهــا كمــا الباله
لكــزس والعــلامه شبــه تـدويـره = كـنهــا قطعــة فــي بطــن محـباله
تــوه اللــي خلص فسحه وتقريره= مــن الجمـارك بختم العود وعياله
نصه اللـي تعـرف الحق والجيره =ربعــي اللي نهــار الكــون قـتـالـه
رجلهـم دائـم تضحــك اســاريـره= ولا يقفــل عــن المعروف جــواله
فعـلهــم يعـجــز التــاريخ تفسـيره= هـــم اساس الــوفا والجـود عمـاله
ودي اذكر عن الابطال لـو سيـره = فـي القبـيله من أسلاله إلـى أسلاله
مجــد فــريس للحـرب ومشاهيره= صفحــة العــز للتـاريـخ وأبطـاله
حرب حــرابة التـرك وطــوابيره =في زمان يروح الرجـل مع مــاله
يــا سلامـي ليـا دق الـوغى زيره= وانتخــوى بــين رجلــيه وخــيـاله
والمعـــادي يلــو تـبعــد مشاويره= نـا صلـه وســط مقـطانه ومنزالـه
وكــم زعيـم تفــاخر في مظاهيره= فر مـن حـربنا يبكـي علـى اطلاله
انتحــى مــا تشوف الا معـاصيره= يــوم قفا ســوات الــدلو فـي جـاله
قدمك الفــرم ما تـوخذ مصاغـيره= محتمــيها ابــو جــلال بــافعــالــه
اسم يصعب على التاريخ تصويره= كنـه طــويق ولا الأالــب وجبــاله
والــذويــبي وخــيل جـاتك مغـيره= واللــويصق معــه والعــز يبــراله
الكبيــره تعــود عــنــده اصغــيره= كــم راس مــن الامتــان قــد شاله
والـزبـيــدي زعيم و يشعــم النيره= وافــي فــي مــواقــيفــه ومكـيــاله
طـــوع اللــي محمـلــة بــوابـيـره= استحـل البحــر بــالفعــل واقــواله
والمزيني فـعــوله حــيرت حــيره = اشهد انه شرار الحــرب واهـواله
وعالــم فــي كتــاب الله وتفـسـيره= شـارب العـز فـي الغـزوه وفنجاله
وابـن ناحــل كــرم دلــه وتبهــيره= والصــواني وفعــل الجـود يزهاله
فـي المغـازي يـده تمسك وتمريره= يعطي اللي يجيــه وصافــط مــاله
وابن موقد على الأتراك تســويره= رغــم قـــل العتــاد وعدوا القــالـه
ابن موقد يعـرف الحــرب ويديره= كــل تركــي في ذاك اليـوم يرثاله
والجميلـي مــا يبخــل فـي دنانيره= لا نصــيته رمــى غتــرته وعقاله
في المعــارك بعيــدات تفــاكـيــره= و القصائـد تفــاخــربــه وتهــدالـه
والسحيمي سنــام المجـد والسـيره= عطرت بالفخر والطيب مــدهــاله
ومـن زبــنــا يـبــا يلـقــا تبـاشـيره = فــزعــة تفرحه ليــن ايهـداء بــاله
كـل حربي مــا يكثـر في معاذيره =لا نخيته تبــي تلــقـا السعـــد فـاله
والخــوي والله انـا مـن منـاصيره= فــي التــواريخ مـثبــوته ومـنقــاله
البــلالي مقــيـد فــي مـســاميــره= عــن خــويه مقــدم يـا عرب حاله
قــدم الــروح للســيف ومـناشـيره= ما تــزعزع شجاع وذا الفخر ناله
وينجـي الله نـويشي من زمهريره= فــي خــويه قطـع يمناك يـــا خاله
غيــــر ســته ذبحهـم يا لله الخيره= ذي سحابة وفـاء مــن وقت هماله
وحجرف اللي يهلي في خطاطيره= نــار تشعــم وبــن وهـيل بــدلاله
قــــدم بيــته معــلقــتن شنــاكـيره= يــذبـح الحيل والفطر لمــن جــاله
ايتــباشــر اذا جــوله مســايـيــره= ما يتعذر عن الطرقي من احـواله
والكرم مـا يحسب فــي مخاسيره= يــوم فـقـر يعجــز الرجـل دسماله
معجزات تــواتر في أســاطــيره =مــا هــي علــوم نصابـه ودجــالـه
وفعلنــا مــا يــدون فـي طباشيره= مــا مسح ثابــت للمجــد واجــياله
ولا نــذم القــبـائــل كــل وخــيره= ووالله انهم نهــار الكــون خيــالــه
الشعــر مخــي تفنـن فـي معاييره= بين الخـلايا قوي ما يقطع ارسـاله
ما جيب شعر وأدور منه تبـريره = شعري ليا قلت كل الناس تصغاله
منقحــه والكــلام الــزيــن تعطيره= من عقل صافي ولانحسب لجهاله
علـــم اللــي عليــنا نــافــخ كــيره = يلــزم الصمت لا نكشـفـله أعمـاله
يلعــن إبليس لا تصهل مـزامـيره= كان عــايل مــا قـدمه غير عيــاله
الــرجل ما يـتحـدر فـي تفـاكــيره= ونظرته لا تجي في وطيـت أنعاله
وفا لمجالس تقــول بـداخله طيـره = مـا عرف وين مخراجه و مدخاله
لازم انــه يمـيــز فــي تــدابـيــره= يحسب الهرج في دقه وفي اجلاله
ويحفض الله ولاة الامـــر للديــره= ونحمد الله بحكـم العود واشبــالــه
فيصلــي حكمهــا عــدل واذ خــيره= لين صارت عروس وجــات مختاله
ذا مـلكــنا ولا نبغــى ملك غـــيره= علــم اللــي تغث الكبــد واحـثـالـه
واختم الشعر في حــرفي وتعبـيره= با لصــلاه الكثيــره لــنـبي والــــه[/poem][/poem]

 

هذه القصيدة ممازحة بيني وبين الابن نواف وفقه الله

[poem=font=",6,,normal,normal" bkcolor="transparent" bkimage="http://www.alsuhman.com/vb/mwaextraedit4/backgrounds/193.gif" border="double,4," type=0 line=0 align=center use=ex num="0,black""]
[poem=font=",6,,normal,normal" bkcolor="transparent" bkimage="http://www.alsuhman.com/vb/mwaextraedit4/backgrounds/12.gif" border="none,4," type=0 line=0 align=center use=ex num="0,black""]
يــــوم الاوادم خـــاشعة والجميع نـــيـام = تفــاكيــر راسي مشغـله قلــبي المجــروح
وانــا البارحة تقــول محكــوم با لاعـدام = همــومي عليه مــن جميع الجهـات تلـوح
انــا والــولــد نـواف وكـتابــة الاقـــــلام = تخــالف ولكــن فـي الحقيقة زعل ويروح
انــا اقــول من ينصى الرياجيل ماينظـام = وهو يقول من ينصى الرياجيل مثل اللوح
وجيـــه الاوادم مــاهــي الا لحم وعظــام = يبان الـــزعل ولا الخجــل والصدور تفوح
كــلام السعــة يثر علــى العقل والصمام = ويثـر على باقـي الجسـد والجروح جروح
يــا راسي تحمـــل صكـة الحزن والايــام = شمـــوخــك ولاتـبقى كما الميت المطروح
يــا نواف لـــو عظــك زمـانــك فـلا تنلام = تشيد صروح وتنرمي من نظرك صــروح
اشوف المعـرفه لابسه ثــوب دون اكمام = ولقـيت الكــرم دمـه على غـاربه مسفـوح
يــا راع الــذلـول اللي تهبد بدون اخطـام = ذلــولك تــرى ما قـدمها الا جبــل وسفوح
لسانك حصانك ماش فعـل ولاش اجــرام = حذاري حـذاري وانتبه يــا قصيــر الشوح
تـرى الزير ضحى في خوي الوفاء همام = علـى شان ثــار اخــوه مــا قالــه مسموح
وانا مــاني مضحي بمثلك يــابــو عــزام = ذخـرتك لــوقت مــابه الا العقــل والــروح
رفيق الوفاء معصب عمامه وحقو حـزام = يطـيب أيتردى شـاربـه بالــوفاء مـمسوح
ورفيــق المصالح رفـقـته مــا تكمل عام = عزينا ولا لي مـن وراى رفـقـته مصـلـوح
ورفيق يــولــع فــي طـريقي جمر والغام = وكيله عظيمــا يـعــلم الســر والمـفضــوح
ورفيــق اذا جيـته ضحكـلي وقلبه سـام = عرفته ولــو هـو في وجيه العرب ممدوح
وعسى الله يكـافينا مـن الصاحب النمام = ماتدري هروجه صدق ولا هـروج امزوح
وعسى الله يبعدنا عــن الضـن والاوهـام = ومـا يــزعــلك خــله بصـدرك ولا به بـوح
ولا هـمنا حكـــي الـمهــابيــل والاقـــزام = سلامـي عليكم يــاهـل الخاطــر المشروح
وترى المشركين اللي توذوا من الاسلام = آخــر واحـــد قـامـوا بـقـتله ولـد مـبحوح
عبـدة الله الفـرد الصمد مـــا عبد الأزلام = كــريم ودائــم بــاب رزقــه وهــو مفــتوح
انالي في الزمن واقع ولي في الزمان احلام = يــا قلبي عروقك كــدلي فـي القليب تموح
قليل الجـــدى ماله ترى كود عض ابهام = يفـــرك يـــديه وداخــله ممـتــلي وينــوح
تمـــر المواقــف فــي خيالـه كما الافـلام = وتمـــر الســوالف من لسانه وهو مبحوح
خيالي يحلق فــي الفضاءات مــن اعوام = وانا يا ولــد مــا ني مغــفــل ولا مــذبــوح
ومـخـي مشفـــر مـثل تشــفـيرة الارقــام = ويمنح بمـا عنـده حسب ما يبي الممنوح
وانا احيـــان افـكــر مثل تفكير ابو عرام = ولكــن لــديه اخــتــلافـات ولــي اطــروح
وانا مـا نظـرت لخلـف انا نظـرتي قــدام = وانا فـالـزمـن نـاصـح وانا فـالزمن منصـوح
وانا صــح مــريت بمشاكــل تعــد اكـوام = ولكــن الله انجــاني كمــا انجا سفينة نوح
واثقـال الحــمــول يشيلها واحــد مقــدام = رجل في المواقف لا بخيــل ولا مشفــوح
جبـل مـا تحــركـه الهبايب جنـوب وشام = تشد العــزائم من عــزومه عــديل الــروح
يا نـواف ما عندي وقــلته بــدون اللـزام = ونقاشي بما عنــدك على الطاولة مطروح

[/poem] [/poem]