ديوان الشاعر ربيع عريمان السحيمي

بسم الله الرحمن الرحيم

أيها الإخوة الأفاضل شيوخنا وعلمائنا وضيوفنا الكرام أيها الحفل الكريم

السلام عليكم ورحمة الله وبركاته

بالأمس أبدينا موقف مشرف بإسمكم جميعاً لحضور حفل قبيلة حرب عامة بارك الله
لمن سعى لإنجاح تلك المناسبة وكان موقف مشرف أشادت به حكومتنا الرشيدة من
خلال من حضر من ولاة الأمر وكذلك من شاهد ومن سمع من وسائل الإعلام بان
هذا الموقف يذكر بالمواقف الماضية لقبيلة حرب مع حكام هذه الجزيرة ماضي
وحاضر وهذا الكلام سمعتوه بأنفسكم من ولاة الأمر الذين حضروا هناك واليوم
نحن هنا نجدد هذا الموقف لنا خاصة ليفهم شبابنا عن ماضي أهاليهم ويكون لديهم
علم عن الماضي والحاضر
وسبق أن قلت في قصيدة سابقه عن هذا الموضوع :

[table1="width:95%;background-image:url('http://www.alsuhman.com/vb/mwaextraedit4/backgrounds/22.gif');border:4px double gray;"]

مساجله
هذه قصيده ارسلتها لشاعر فلاح صياف السحيمي

[table1="width:95%;background-image:url('http://www.alsuhman.com/vb/mwaextraedit4/backgrounds/22.gif');border:4px double gray;"]

( هذه القصيده القيتها في حفل غزاي السحيمي بمناسبة حفل اقيم لاانسابه وبنيخيه من قبيلة يام وربعهم )
اتمنى ان تنال اعجابكم

يامرحبا ترحيب بالي لنا جو
	بشيوخ يام الي على حرب جوا
جونا على حسب النسب ماتخلو
	مع خالهم غزاي ماقصروا
يامرحبا عداد ماهل من نو
	ودلت هماليله وخيل ونوا
على الدلال الي تقدم على ضو
	من كف شخمومَ على الكيف سوا
وانكرر الترحيب بالي تلافو
	من بعد ولا من قريُب لفوا
ناظر على الأبطال وشلون سوو
	شوف البطل راكان وشلون سوا
راكان كان يخاطب الطير فالجو
	ياطير انا من يام ربعي هلوا
الروم والاتراك بالفعل شهدو
	وقالو من ابطال العرب وشهدوا
من ماضي الايام ونعدها تو
	نفخربها ونعدها اليوم توا
وشيوخهم فوق الكواكب تعلو
	طيب وكرم مافيه مثله علُوا
وقطعاهنم يرعن نفدٍ ورى جو
	ويردٍ نقعن فوقه الذيب عوا
عدو عينك خلفها لاتعزوو
	وكثر الصياح وكثر صوت العزوا
طريحهم عليه ربعه تباكو
	وعليه ترفات الصبايا بكوا
وايمانهم توجع وتشبع ليا اعطو
	وليا عطو يعطون ماحسبوا
وحنا الحروب الي على المجد عدو
	تاريخنا فيه الدول ماجهلوا
وحنا الحروب ان كان للحرب نادو
	وثار الرصاص الي على القلب دوا
وحنا الحروب ان كان للحرب سمو
	عز الصديق ولانصادق عدُوا
وحنا الحروب ان درهم الجيش ردو
	ردن يظيع الي له ابليس غوا
وربعي سحيم ان كان للموت وردو
	نارد حياض الموت ورد الضموا
وربعي سحيم ان قفل الباب فكو
	طيب وكرم بابين مايقفلوا
كل الرجال بحقها ترفع الضو
	ومن لايقدم ضو ماشاف ضوا
لافاتت الايام ماينفعك لو
	ماينفع الرجال ليتن ولوا
راح الزمان الي بهاقول تكفو
	واليوم عاش الي بحكمه كفوا

(مساجله)

قصيدة الشاعر فواز عايد السحيمي

سر ياقلم واكتب حسينات الأشعار
	والبيت لاينقص وحذرا يزودي
لك بصمةً(ن) تبقى مع الناس تذكار
	تذكار لشعار وحفظ العهودي
ياراكب اللي تشبه الطير لاطار
	من المطار مزوده بالوقودي
من مصنع الكفار وانتاج كفار
	والي تفنن فاالقياده سعودي
اخذ السلام وبلغه يابن الاخيار
	وده لبو خالد عريب الجدودي
نعم الرفيق وعز لضيف والجار
	لاجى نهار(ن) فيه قدح الزنودي
خاله وابوه احرار من ماكر احرار
	والحر في نسب الحرار معدودي
بنشدك عن جمع (ن) مايقبل تغيار
	اعداد تبدى مثل عد النقودي
للي يغير جمعها اقل مقدار
	ليا حظر كنه عديم الوجودي
لاوالله الا جاتنا بعض الأخبار
	لبنان خانوها حمات الحدودي
تجاهلو ياشعب لبنان ماصار
	انتم عرب منتم سوات اليهودي
بكره يجي واحد من الشعب غدار
	ياكثر من يضحك وقلبه حقودي
الي غلط ماتنفعه بعض الأعذار
	فعل الخطا محد(ن) عليه محدودي
رجوا اجتماع القمه لوظع الأشوار
	يعلن جزاه لكل واحد جحودي
يشوف البروق شعيل ويلد الأنظار
	لاكن مايسري وفيه القيودي
هذي نتيجة فورت الدم لافار
	يانعنبوقلبٍ بدمه رقودي

ردي الشاعر ربيع عريمان السحيمي

سر ياقلم واكتب حسينات الأثمار
	اثمار ورد الشعر من غير عودي
بالحب سجلها على حرف الأسطار
	من دم قلبي سجلتها جهودي
فيها السلام الي كما در الأبكار
	اليي رعت عشب النفل بالنفودي
وده لشبل النمر في دار الأنمار
	مع التحيه سلموه الردودي
على الدلال الي بها بن وبهار
	في مجلسٍ ماصك قدم الريودي
من عقيها كبشٍ تشوفه على النار
	ماقال والله ماتجيبه جهودي
في دار ابو فواز مافيه معذار
	اسد ربى في عرينه أسودي
قالو شعر فواز به لد الأنظار
	من فرحتي بش العرق في خدودي
وسهرت اناظر فيه لاحد الأسحار
	حتى ظحاح الصبح جاله عمودي
ناشي وفكره من حسينات الأفكار
	عقل وذكى عميت عيون الحسودي
جمع(ن)سألتم عنه محفوف باخطار
	في وسط بير وقل عنه الورودي
من عقب مايقسم على سبعةأنهار
	اليوم حارس راس ماله قعودي
خلك فهيم ولانبي كشف الأسرار
	عن دار فيها مبرمات العقودي
راحو وراها قوم تسعين مشوار
	وساس الخراب من الخراب مهدودي
ماباقي الا الصقر من ماكره طار
	ناحر جبال فرست يم الهنودي
وحنا ترانا رجال والوقت جبار
	لمالت السهله رقينا السنودي
ماهمنا لو قالو الوقت دوار
	عشاق موت ولا علينا قيودي
صغارنا فالمعركه شر الاشرار
	وكبارنا نار ورصاص وبارودي
ولانتابع الغلطه ولانقبل العار
	ولانقول للماضي ياليتك تعودي
نبدي بحرف الطيب في راس مسبار
	ولاجا الردى خنا جميع العهودي
فواز ابوك وجدكم واف الاشبار
	علمبها الي يحسبنا رقودي
قله نحول في عميقات الابحار
	وناصل لياهاب الردي والشرودي
من مات خلفه ربعتن تاخذ الثار
	ومن عاش علمها صغار المهودي
فواز قدم طيب لو ربع قنطار
	وابعد عن الحاسد ودار الحسودي
العلم خلا بالفضا وضع الأقمار
	والجهل دمر قوم عاد وثمودي
ياويلهم لابركن فوق الازوار
	وجيب البعير الي يعظ البدودي
ياكم يمين تحط في راس شنكار
	تقطع ليا وردو عليها الشهودي

من نوادر الابيات

ربعي سحيم ان قالوا الصبح ميعاد
كلن يقول الموت في راس كوعي
وان حولوها طيب زاد َ لنا زاد
قصرا لنا في روضته ما نجوعي
ميقافنا واضح ونظراتنا بعاد
وتاريخنا معروف بين الجموعي
دايم لنا في قمة المجد مسناد
وهاماتنا ماتنحني للخضوعي
رجالنا يرقد على روؤس الاوتاد
لاجاع لايسرق ولاهو دنوعي
والناس كلن له مواريث واجداد
وكلن على حقه طموحَ جزوعي
واعرف ترى بيت الوفا دوم ينراد
وبيت الغنا لاتامنه لايجوعي
مافات من عمرك والايام ماعاد
وانهب من الدنيا وخلك قنوعي

سلام ياضلع تزلزل ثم زل
وزلته ماهي بسيطة
وهوه جبل مشهور في كل العواصم
قمته تحمى محيطه
ماظن زلزاله يوثر في الجبال الراسيات
اللي على حيد الخريطة
مادام فيه ارصاد جويه
وميزان الحرارة دوم يشر للجهاز

الرد من الشاعر صياف

يامرحبا سارت قلوب الناس بالتالي عبيطه
كلن يفصل ثوب ويضيع مقاسه مايخيطه
سلك الحرير ان كان شديته على غير السنع تسمع عطيطه
ينهار بيت مابني ساسه عزاز

عرضة ولغز

سلام تسليم السحاب
اللي يطير الرمل من فوق الجبال الصم من تاثير ضربه
لاصحابنا واللي حضر فالحفل مع درب الشكاله والردى معروف دربه
وش رايكم فالحاكم اللي تخضع الامه لحكمه شرقي العالم وغربه
نبغى الجواب يدوم حكم الحاكم العدال والا مايدوم
حاكم وفي قمة جبل من صالحك سلمه ولا صالحك حربه
ماله صور بين العرب والصحف والتلفاز ماعمره ظهربه
ماذاعت لندن ولا ام بي سي عنه مثقال حبة خردله
وانتم تجيبون العلوم