ديوان الشاعر ربيع عريمان السحيمي

[center]قصيدة فــخــر




كنت في مجلس للشعر فظهر من بينهم شاعر ألقى قصائد هزلية وأدعى أنها كانت

بينه وبين شعراء من حرب مع العلم أنه تبين أن أعيان قبيلته خوالهم حرب حسب

كلامه فقمت بإعداد هذه القصيدة اخبره فيها عن عادات حرب وتقاليدها وهي موجهه

لكل من لا يعرف شي عن هذه القبيلة ويقول مالا يفعل

اسمع نصيحة قالها ابن عريمان
	للشاعر اللي كلمته ما اختصرها
كلمة هزيلة من ظليمه لبهتان
	من واحد ليته بصدره ذخرها
لاتبحث الماضي ولا تدق بيبان
	تفتح عليك أبواب خافي سرها
الشجرة الزينة لها ظل وأغصان
	في ظلها راحة وريح لثمرها
والشجرة المرة لو العود ريان
	كالحنظلة معروفةٍ من مررها
تميدحون بهرج لاجا ولاكان
	يا مروجت عند المكوي غترها
حنا الحروب وكل هرجه ببرهان
	ومن لاهرج بالصدق نفسه عثرها
تاريخنا ماهو سواليف ورعان
	ولا هي مثايل بالمسلسل صورها
تاريخنا معروف من ماضي الأزمان
	ماهي سوالف توها ونحضرها
يوم الزمان اللي به الذيب شبعان
	والثعلبة وأم الجحر في جحرها
خوينا له مرقدٍ فوق الأمتان
	في يوم فيها العين يقصر نظرها
ودخيلنا يرقد من الخوف بأمان
	والضيف يقلط فوق واسع سفرها
وجيرانا في الدار يااعز جيران
	تكرم ويكرم جارها من كرمها
وان جاء نهار فيه لابليس دخان
	نقدم على الفتنه ونعرف ضررها
حنا وراع الشر بالشر صدقان
	رووس تهاب وروس نعرف سطرها
وديارنا فيها الخطر حيث ماكان
	مصدر خطر تخشى العدا من خطرها
من الساحل الشرقي إلى غرب ورقان
	ظلع ٍ مشاهير الدير في ديرها
ضلع يعدونه طويلين الأيمان
	ومن لف حوله ديرته ماغدرها
مرقاب للوكري ومدهل لسرحان
	إن ماشفتها بالعين قصيت أثرها
كم زارنا طامع وكم راح خسران
	وكم عين هلت من أيدينا عبرها
جانا النذير وقالوا الصبح ميدان
	وكم طاح في حفره لغيره حفرها
وجونا صلاة الفجر والصبح مابان
	يبون خلفات مقبع وبرها
وقلنا عدايلنا وقالوا خبر كان
	لاو فرت دنيا غلاماً وفرها
وملنا لهم في وادي بين ظلعان
	سحابةٍ ترعد ويمطر مطرها
سار النهار اللي به إبليس عطشان
	ماسبهم غزوه ولا الله نصرها
هذى ورثناها من أجداد شيبان
	تحدثوا في سرها عن جهرها
لا عاد لك مع نايد الناس عربان
	دنياك ماترحم لاحطت وزرها

هذه قصيدة كتبها الشاعر لشخص قام بتقديم المساعدة له في قترة من

الزمن لكن الشاعر لم يتمكن من رد المعروف فقام بإعداد هذه القصيدة

تعبيرا عن امتنانه لذلك الشخص


قصيدة مهداه إلى الأخ / إبرهيم ماطر المطيري

ياراكب اللي جاء على ماتمنيت
	جديد ما زيته على الرأس ندا
مغلق التمرين و أنا توصيت
	خبرة دبل عشرين فيه اتحدا
جاهز على المرواح وأنا استعديت
	تله لمن آخر الليل عدا
نبي نزور اللي لوده تشقيت
	الشايب اللي له على القلب ودا
قصدي سلامه كل ما أصبحت وأمسيت
	ما أشفى غليلي له سلام ٍيودا
هذا ولد ماطر إبرهيم لاجيت
	عسى الليال تضد من له يضدا
مطيري من نسل شالح هل الصيت
	رجل اللزوم إن جاء اللزوم استعدا
يكفيك عند الباب ياضيف حييت
	اكبر عشاء وافطر بها واتغدا
لكن أنا يا عود فيكم ترديت
	ما هو ردى لكن وقتي تردا
القرم مايخفاه مادخل البيت
	واللاش مرباعه لانام وتغدا
وإن عدوا أفعال العرب قال سويت
	وهوه ماسواله فعايل تعدا
عسى يعدونه من الحي للميت
	وعسى تسواله نصايب لحدا
ترى النذالة والردى بيتها بيت
	تارثبه الأنذال جده وجدا
من الردى باني بيوت وخنابيت
	وعادل لرجلينه ورأسه مخدا
عسى يعدونه من الحي للميت
	وعسى تسواله نصايب لحدا

الصقر لا طاحن مقاديم ريشه
	ماينظر الصقار في باقي الريش
يالي تبي من شجرة الدوم عيشه
	تعجبك ثمرتها لكن لب مافيش
انحاش عن دار الوجيه الغشيشه
	الي على السودا تسوق البخاشيش
إن قلت شوف الباب طق الدريشه
	قلبه عمى ومشوش الفكر تشويش
جاعان ويمص النوى وسط بيشه
	الله ولا حالة قليل المحايش
ليا طحنله حب نصه دشيشه
	قال اطبخه مافات ما فيه تفتيش
عشرين عام العلم جمرة وشيشه
	طش العقال وصاحب اهل الطرابيش
والفايدة جايب عظام الوليشه
	يوم النماره للنعامة معاطيش
النمر لا تقرب طوارف عريشه
	يصلك كفه ياقصير الكراميش
انت تدور نور من دون فيشه
	والناس قبلك تملك النور والفيش
والي بوسط الغار يسمع و شيشه
	شبعان من قوم البطون المكاريش
والذيب الابيض مايخوف هريشه
	بعد السنة تلقى عياله مهاريش
يغني عن الطملة حصاه وحشيشه
	لكن طيري ياطيور المكاميش

يانمر واجب كاملين النواميس
	يلزمك لو وقتٍ لفوه معدومه
العذر مهنه للرجال الدنافيس
	اللي عن الواجب يديه محرومه
عايش فحل حرمه ودكتور تلميس
	وليا ارسلته السوق هذا لزومه
وليا زهمته يرخي النظر ويكيس
	لو تقربه شفت البلل في هدومه
وان جت من الغربي بقصف النواديس
	مثل الرعد فالي ثقيله غيومه
وتجهزوا للمعركة والمتاريس
	كم خفرة قامت ولدها تلومه
بنت الشجيع وقائد للفراريس
	بين الكرم والطيب تارد سهومه
عاشت يتيمة والولي من دنافيس
	وفيها ردي الخال حقق حلومه
وجاها من أولاده هموم ووساويس
	ماتت قهر بين الصبيا محرومه
بنت الحصان وضيروها على سيس
	عسى لهيب النار تأكل هدومه
ولا تسال الرجال وش داخل الكيس
	إن ماظلم نفسه دبلتو همومه
إما عطا الرجال من دون تحسيس
	والا اتركه ويسد ربك لزومه
الذيب من نظرات عينه معابيس
	دليل بطنه جايع من لحومه
مثله يجي نظر الرجال المفاليس
	والله يلوم اللي في حاله يلوم

[/align][/color][/size][/font][/cell][/table1][/align]

مـن الـمـاضـي

تدفعني الهقوه لمبدى الرجومي
	والخوف يمنعني ليا سار تحذير
يالهاف روح لاترد العلومي
	ترى الخبر وجهين ياشر ياخير
لاقلت يوم الهاف قدام يومي
	سعود لد النظر يم المسيدير
لا زهمته بالثلاثه يقومي
	سلفه وحذافه على دورة السير
ومساعداته من ثلاثه رقومي
	ومضمن الشيال زايد دبل قير
حدوه بين جديدة وام دومي
	وثار الرصاص وصيح العبد تيسير
قلت افتح القسام وانت مخدومي
	يلعنبوا ذا الخشم يا نافخ الكير
العصر تزمر مع كبار الخشومي
	وتقول وجداه يادقت الزير
والان سار البرد عندك سمومي
	يا بارد الذرعان يا بن قنيطير
من لايفادي ما لحياتة لزومي
	الموت سنة والمنايا مقادير
وروح وفوقه يطلقون السهومي
	وعهدي بهم ياسعود في وادي البير
غابت عليه الشمس سد الحزومي
	مصبح ٍما بين سلع وجبل عير
هذى حلاته لهكبن النجومي
	ما باقي الا يصفر الطير للطير
ولياه عند ابواب بيته يحومي
	مع السلام اقول صبحت بالخير
عمهوجت ٍماحاولوها الرخومي
	ولا دوجوا باطرافها عوير وصوير
من الطفولة لاحلال اللحومي
	وانا اعرفه ماقولك حلم تفسير
فنجال من كفه نهاية همومي
	وراعي الهوى ما يسالك وش بعد غير

كان والد الشاعر هديف عواض من أعيان القبيلة وهو خال والدي وكنت
مراسل بينه وبين والدي رحمهما الله جميعا وكانوا في ذلك الوقت من سكان جبل
ادقس وأنا صغير السن واغلب الأحيان أجد عنده رجال كثيرين وعندما تكثر
المشادات بينهم يتكلم عليهم بكلمات قاسية فيسكتون جميعا إلا والدي إذا كان ضمنهم
فانه يبتسم قليلا أما هو فلم أراه يبتسم فكان يشتد خوفي ولم يسألني عما عندي ثم
ياخذني بعيداً عن المجلس ويكلمني بكلمات هادئة وبعدها يسألني ما معك وماقال
أبوك وأعطيه إذا كان معي رسالة أو اخبره بما قال والدي ثم يرد علي إما برسالة
أو بكلام وإذا عدت لو الدي لا يسألني أي احد منهما ماذا عندك إذا كان في المجلس
رجال وكنت أقلد صوته وأتمنى أن أكون مثله عشان أخوف العيال وإذا تكلمت
يسكتون كما يسكت الرجال عنده وعندما علمت انه خال والدي قل خوفي وأصبحت
أحب الذهاب إليه كلما أرسلني والدي ولكني عندما كبرت لم أحظى بمجالسته حيث
ذهبت إلى الرياض عام 85 ولم أقابلة إلا قليلا وعندما توفي حزنت عليه حزناً
شديداً وفي عام 1400 هـ عدت إلى المدينة وكنت أراقب أولادة في مجالس القبيلة
وأتخيل صوته وفي إحدى الأيام كان الأخ هديف موجود في مجلس القبيلة وارتحت
عندما سمعته يتكلم دون قصور في إخوته وقلت في نفسي عرين الأسد لا يخلى من
الأسود وفي احد الأيام كنت ضمن وفد للقبيلة وعرضت قضيتنا عليه فقال لي انه
سيتخلى عن عضوية القبيلة والتي كان والده رئيساً لمجلسها وعاتبته على ذلك بهذه
القصيدة عتابا له على ما اخبرني به


قالها الشاعر ربيع بن عريمان يعاتب بها هديف بن عواض :-

ياهديف ابن عواض انا جيت اعاتبك
	لي نظرفيكم ولي اندفاعة
ماهو على كل الحظيات احاسبك
	دنيا بحر ماالله خلقها في ساعة
ان كان مايمناك تفتك شاربك
	بين العرب يكثر عليكم ضياعة
صديقك الي بالحقيقة يخاطبك
	شعبان والافي ليالي المجاعة
والاش لكبرت علابيه كذبك
	مليان بطن ولافي نفسه قناعة
خلك مع الطيب ولو كان جنبك
	ولي عرفك يقول سمع ٍوطاعة
خالك وابوك وجدكم ساس منسبك
	درب الردى ماله عليك اندلاعه
وان كان جاك وفوق متنه تنكبك
	نطلب من الرب الكريم الشفاعة
انت ولد عواض قدام منصبك
	عيبٍ طمان الراس عقب ارتفاعة
ازعل لي خليت ميقاف شايبك
	راع جوابٍ مثل ضرب السراعة
لاتقولي حمل الامانة يتعبك
	هذا لزومك في وجيه الجماعة
ياهديف ربعك تفتخر في تجاربك
	ترى الرجال الهم مواقف شجاعة
لاتخسر المنصب يسبون غايبك
	ياهديف ماهذي خسارة بظاعة
الي على التوقيع ياهديف غاصبك
	ماهو بواصل حبل يبغى انقطاعة
والله لو تسيبه مانسيبك
	لو سار مابين الاوادم صعاعة
اسألك بالي خالقك ثم ركبك
	تركت طريق الحق ماهي دناعة
الصقرمثلك مايجي داخل الشبك
	خطر ٍعلى الصقار كشفت قناعة
به ذيب قدامك وذيب تعقبك
	خلك ملك غابة وسبع السباعة
عيب يجي عقبك وبكره يودبك
	مثل الهلال وبدر يكبر شعاعة
لأقوم اولع نارها ثم احاربك
	وتسير قصة معجزه بالأذاعة
الي مافتح سار يمشي على الدبك
	يااهل الزراعة بطلوا في الزراعة
إن ناسبك والا عسى ما يناسبك
	عندك وداعه ولاتضيع الوداعة

نوادر88

يانمر ما حللت ماجاء على البال
	وقدام عمانك شرحتوا هجوسي
وأخبرتهم يا نمر في كل الأحوال
	وارسلتلي مكتوب يبري فحوسي
يومن لك حق على الربع والخال
	والهم عليك حقوق غرس مغروسي
وأنا عيوني تزعج الدمع همال
	تسهر وكن العين فيها كبوسي
قالوا علامك تزعج الدمع عمال
	حتى محلك ماتريد الجلوسي
قلت آه قلبي داخلٍ فيه ولوال
	كني سجين وسط غبت حبوسي
يا نمر خدرلي مع الظهر فنجال
	فنجال لا يصله خطات النجوسي
واعز ملنا مشعان لجنة للامثال
	والا خلف عشاق زين اللبوسي
يا نمر عني تالي الوقت لا تسال
	شيبي كثير وطايحات ضروسي
اما خذيت اللي على الظن والبال
	لون والله ماتجيبه فلوسي
لتشوفني في داخل الدار بحبال
	ما اعرف ظلال الفي وألا الشموسي
على عشيرن مانبي غيره ازوال
	بأوصافها ما غيرها عيطموسي
راعي نهيدن بالحشا تقل فنجال
	توه طلع يا نمر ماهي عنوسي
حمرن ثمرهن كنهن بودرة بال
	ما يحب لمس الثوب لو هو لموسي
والله لولا الخوف من هرج الأنذال
	لانهب لطيف الروح فوق الجموسي
واليا لحقنا حامين تالي التال
	حولت باللي كنها حد موسي
يما خذاها وانتهى الروح والحال
	وألا خذيته واستراحن هجوسي

رد من الشاعر / سلمان نفاع نيابة عن نمر

أرسلهم في يوم الأثنين مرسال
	مرسال ماهو من عيال النحوسي
ويلزم عليكم يم داره منزال
	وتعس دار النبت قبل العسوسي
وإما حصل عذرت في باقي الأعمال
	والله ما أذاكر في جميع الدروسي

ونعتذر عن إكمال باقي القصيدة لفقدانها مع طول الزمن

اختبار شخصي


القصيدة سليمه لاتعرض إلا على أصحاب الفكر السليم

على القاريء ان يفهم ثلاثة ابيات قبل بيت القصيدة أو بعده

حتى يعرف محتويات القصيده وماتعنية

يابن عوض علم ٍ على القلب حرق
	أخذ الخير والعلم لايندرابه
أنت صديق ولك معزه تفوق
	والصديق من وقت النبي والصحابة
والله ما ودي للكلام وأتسرق
	ولكن الرجل يلزم بواجب أصحابه
أنت تحاول ماتبي الثوب ينشق
	وبدور ابو يوسف يضفي ثيابه
والمشكله مابين الأبيض والأبرق
	بالماقف الي فيه مسحن أشنابه
راحت على الظفران مع درب مزلق
	فرحوا بها والبيت ماصك بابه
إن جيت أخبر صاحبي خفت يقلق
	وليا سكت أصبحت دربي خرابه
واصبحت مثل الي وراء باب مغلق
	عقب الصدف جاه العمى وعذابه
وسهرت حتى الصبح لليل غرق
	حتى عرف حقه وقفه ركابه
لكن افهم الموضوع وإلحق على الحق
	وأخبر ولد مسعود واحسب حسابه
يأهل القلوب البيض من بيضها رق
	من بيضها ماتحسب الانقلابه
وأهل القلوب السود للذر والبق
	ابرد من الماء ضحنه وانسحابه
قلت يتوفق ميرعيا يتوفق
	يبى يصيب الحق والحق اصابه
الحق قايم لين حتى أنتفرق
	ولاافترقنا عيب يفتش كتابه
اللاش يدرق لكن مافيه مدرق
	نظره تحت ولا خسارة شبابه
حتى الافاعي تكثر الستم الازرق
	ماكل وقت السم في راس نابه
ناس رزقها الله وناس ترزق
	تكب رزق الله وتنهب نهابه
دايم تعيش ايامها نق في نق
	انشهد انه عيب بين القرابه
يكذب الطفران وهو يصدق
	يادافع السيئات مااكثر عتابه
ان كان مابه حق فيها يطبق
	في سلم خنذق عن مذاهب شبابه
هذا الخبر لاتعرضه للمطفق
	يخبرك من عانا منه واشتقابه

هذا النص قصيدة الشاعر الكبير ربيع عريمان

[table1="width:95%;background-image:url('http://www.alsuhman.com/vb/mwaextraedit4/backgrounds/22.gif');border:4px double gray;"]

حنا نظلل بيت ونفرش فراش
	واللي يبي بيت الدفا مرحبا به
واللي حياته كلها نقاش في نقاش
	يقعد بيت ٍ دمر البطل بابه
راحوا هله مابين حاصد وقشاش
	الله يخرب من سعا في خرابه
واللي بقى بالبيت قرمش وفشفاش
	لا يشبع الجايع ولا ينغزابه
فتحن بيبانه على خمسة أحواش
	وطاحت مفاتيحه يقأيدي عصابه
باعوه في سوق الردى والثمن كاش
	ومحامي الأوقاف ضيع حسابه
من عقب خمسة قرون ماخشه اللاش
	واليوم سار القبر يأكل ترابه
حاولت اعدلبه لكن هج وانحاش
	كبر الغلط والصبر كشر بنابه

سترد لكم باقي القصيده في وقت لاحق