ديوان الشاعر بديع القاف

عنما يصدر اللوم من أي شخص أو من ينمق الكلام من ورائك سوف تسترسل هذه القصيده
أزكى وأرق التحايا لسموكم
دمتم بود.....,

ياصاحبي سق لي من البن فنجال	فنجال بنٍ يشربه كل مهموم
فنجال بنٍ يشربه كل رجال	والا النذالى شربها دوم معلوم
يالصاحب الي مالقينا له امثال	يلي غلاه يزيد يومٍ ورا يوم
حطيت لك في داخل القلب مدهال	وخليت صدري لك فضا وسطه تحوم
وغيرك على ماقيل نزال..رحال	والا انت شيخٍ داخل القلب زيزوم
وياصاحبي بوصف لك الهم والحال	الحال حال وحزة النوم ماانوم
حدتني الدنيا على أشهب اللال	وخلتني ابحر في هوى الغيد واعوم
صحيح لاقالو ترا الحب قتال	وانا من اقواس الهوى جتني سهوم
وصحيح انا شاعر...وفارس...وخيال	لاكن من جورالزمن صرت مهزوم
أكشخ بثوبي والبس شماغ..وعقال	والقلب من كثر الدواكيك مزحوم
والناس حطتني من رجال الاعمال	والحين (ظابط) واحتري هرجت القوم
لو كل من له شاربٍ قيل رجال	ماكان خاوينا رديين..ورخوم
عن خوة الانذال رحال..رحال	والحر لتحليق يفرق عن البوم
سق لي يبوحماد من كيفك دلال	دام النذالى شربها دوم معلوم

كانت هناك مسابقه تحت مسمى[احلى القصيد]
وهي عباره عن مجاراه لقصيدة الشاعر الراحل الامير{محمد الأحمد السديري}التي يقول فيها

(قالو علامك باكين قلت مطعون
شوفو نزيف الدم مني تتالا)

وقد شاركت في هذه المسابقه بين أكثر من اربعين شاعر
وحصلت على المركز(الأول)ولله الحمد والمنه
واليكم قصيدة المشاركه تحت عنوان[جروح الحب]
دمت بخير...

قالو {ياعيسى} ليه ضايق ومحزون	ودموع عينك فوق خدة تتالا
قلت الهوى رمحه على الدوم مسنون	شدد طميه من جنوب الشمالا
وشلون اداري دمعة الحب وشلون	وهذي جروح الحب فيني تلالا
اكابر جروحي على شان مزيون	واشرب من جروحه قراح(ن)زلالا
لا شفت زوله يوم يمشي على هون	ذكرت رب الكون جل..وتعالا
هذا الذي في حبه اليوم مفتون	كن الجمال{اليوسفي}له جمالا
أن غاب عني ضايق(ن)فيني الكون	واليا حضر ياحي هاك القبالا
غنيت له من صافي الشعر بلحون	لين الغصن من زايد الشوق مالا

ياحبيبي والشعر كله فـــــداك
..................................والخفوق ودم قلبي والصميم
ياحياتي ياغلاتي يامــــــــــلاك
.................................ياسنا برقن لمع في جو غــــيم
من جمالك من دلالك من حلاك
................................راح فيها شاعرك عيسى سليم
كل يوم يزيد في قلبي غــــلاك
...............................اشهد انك ست ستات الحــــريم
مايبيعك ياغلاتي من شــــراك
..............................دام قلبي غير حبك مايهــــــــيم
ياحياتي ياعسى ربي يحماك
.............................من عيون الناس وابليس الرجيم
ياحبيبي كل ما املك فــــداك
............................والقصيد وشوف عيني والصميم
محبكم الشاعر/ بديع القاف

قصيده ألقيتها في حفل الزميل/بشير بن مطير بن عطيان الرفاعي الجهني
بمناسبة زواجه
الجمعه 1435/6/11
دمتم بخير....

الشعر جنه والقوافي بساتين
والبرق مايبرق بليا سحابه

والشعر يرخص للرجال العزيزين
الي لهم بالقلب قدر ومهابه

سلام {يابن مطير}نسل السلاطين
عد النجوم وعد وبل السحابه

يا معتلي مثل الحرار الشياهين
يا مرتكي للعز بين الذيابه

يا بانين للطيب صرح وميادين
وغيرك بيوت الطيب عنده خرابه

يا راعي الوقفات بالعسر واللين
يا فزعة الي وقته يحد نابه

لعل تفداك الرخوم الرديين
والي مع العربان قل الرجابه

لو الشعر يسلا قلوب المحبين
زرعت لك من صافي الشعر غابه

لا كن مقامك حافظه بالشرايين
وعروق قلبي هي غذاه وشرابه

في دعوتك جيناك حنا ملبين
ما كني الا بين ربع وقرابه

جينا نشرفكم وجينا مهنيين
يا اهل الصدور الي ملتها الرحابه

لا جيت أبمدحكم يبي لي دواويين
ويعجز عن التوصيف حرف الكتابه

أنتم {جهينه}مرجحين الموازين
تاريخكم بالمجد كلٍ حكابه

يكفيكم{أبن غنيم}فك المساجين
والا الردي لو مات محدٍ درابه

{وابا العسل}ذكره مع الناس للحين
أنا اشهد انه{يارفاعه}عصابه

ولا قصورٍ بالشيوخ الشجيعين
كلٍ على ماقيل يحسب حسابه

اليا مدحنا نمدح المستحقين
مانجيبها من باب كذب ودعابه

تبقون{ياجهينه}حشام وعزيزين
واليا مدحت امثالكم لا غرابه

يالطيبين..الصادقين..الكريمين
يشهد لكم عصر النبي والصحابه

وربعي هلا الطالات بالعز باقين
اهل الوفا والطيب واهل الحرابه

{حرب العريبه}شوفو منين لا وين¡
واليا اعتزيت ابعتزي لي بلابه

وقت اللوازم ترخص المال وتعين
وعند الملاقا بين حزم وصلابه

{بشير}تبقا يازميلي على الزين
والقاف في مدحك يجي له طرابه

لا كن لو بوفيك يبغالي سنين
مثل السؤال الي يبي له أجابه

مبروك من قلبي ألوف وملايين
والله يجنبك الحزن والكآبه

هذي قصيده للرجال الوفيين
عن{حرب}ربعي قلتها بالنيابه

توقيع:
بديع القاف...

ياهجوسي طب بالقاف وتنقا
ولا تجيب الا السمينات الجزيله

مير مع درب الشعر لازم توقا
وكل برقٍ لا لمع لازم تخيله

والله انك (يارفيقي) دوم تبقا
راعي الفزعات..والوقفه صميله

والله ان نفسي على شوفتك شفقا
~والخليل~ يتوق لمقابل ~خليله~

أنت عندي أطهر أمن الغيث وانقا
وانت{ابو حماد}مانلقا مثيله

وانت أنزه من عرفته..وانت أتقا
وانت كفك ماهي الكف البخيله

وانت كفوٍ والمراجل فيك ترقا
وانت والله طب للنفس العليله

أدري انك بالزمن تتعب وتشقا
وادري ان دروب وقتك مستحيله

وادري انك ظامي وبالمر تسقا
وادري ان حظوظ عمرك مستميله

وتدري انا بالسفر راعين هبقا
وتدري انا شوق للعين الكحيله

وتدري انا مالتفتنا لكل عنقا
وتدري اني بالشعر مافي حيله

مير ردد يارفيقي زنقا..زنقا
وكل روح لربها تبقى كفيله

وانت والله (يارفيقي) دوم تبقا
راعي الفزعات..والوقفه صميله

توقيع:
بديع القاف...

(يالمدينه)داخلك أول غرامي
ساكنه حول الحرم..فالمركزيه
🌹🌹🌹🌹🌹🌹🌹🌹
ياهجوسي روح وصلها سلامي
قلها في خافقي ماغير هيه
🌹🌹🌹🌹🌹🌹🌹🌹
من يعشق أنا أشهد انه مايلامي
(ألقطن)من(كشب)شدت له طميه
🌹🌹🌹🌹🌹🌹🌹🌹
بيني وبين الشعر صار اللتحامي
بالغزل ناوي أسوي لي قضيه
🌹🌹🌹🌹🌹🌹🌹🌹
في خفوقي ساكنه طير الحمامي
صوبها عندي حنين وجاذبيه
🌹🌹🌹🌹🌹🌹🌹🌹
ماتنام الا على ريش النعامي
ياعساني فدوة الكف الطريه
🌹🌹🌹🌹🌹🌹🌹🌹
هي دفى كوني وهي نور الظلامي
(بنت عمي)لجلها قلبي هديه
🌹🌹🌹🌹🌹🌹🌹🌹
اسمها علقته بقلبي زمامي
ماتوفيها الحروف الأبجديه
🌹🌹🌹🌹🌹🌹🌹🌹
ودي اشرح لك مدا شوقي وهيامي
واقطف حروف القصيد النرجسيه
🌹🌹🌹🌹🌹🌹🌹🌹
ماخذيت أمن الشعر غير السنامي
أطربيني ياللحون السامريه
🌹🌹🌹🌹🌹🌹🌹🌹
حالف اني لرفعك فوق الغمامي
وانك تعيشي معي عيشه هنيه
🌹🌹🌹🌹🌹🌹🌹🌹
ذي حقيقه ماهو مجرد كلامي
ما تراخا دام انا عزومي قويه
🌹🌹🌹🌹🌹🌹🌹🌹
جهزي شنطتكي وشدي الحزامي
بنتمشى للديار الخارجيه
🌹🌹🌹🌹🌹🌹🌹🌹
دام تال العمر قافيه انصرامي
بنتسلا دام نبض الروح حيه
🌹🌹🌹🌹🌹🌹🌹🌹
واقبلي مني تحيه واحترامي
يا الوفيه..يا الوفيه..يا الوفيه
🌹🌹🌹🌹🌹🌹🌹🌹
توقيع:
بديع القاف...🌹🌹

أهداء مع التحيه والتقدير إلى الزميل/بشير مطير الرفاعي...

ياهجوسي شد محزمك وتولم
ودنا نارد على العد الرهاوي

خابرك دايم كتوم ولا تكلم
لاكن الليله على ويش انت ناوي?!

ضربتك دايم ترا ضربت معلم
ماتفوح الا بكمبودي وجاوي

وصل{ابن مطير}مرسولي وسلم
قول{عيسى}غير اسمك{للنداوي}

قول{عيسى}من سنا طيبك تعلم
في جمايلكم ترا ماهو بقاوي

لا بغى يذكر جمايلكم تبلم
خانه التعبير بديار{اللحاوي}

لا ذكر معروفكم قام يتألم
الظروف تلاوحه والذيب عاوي

الجروح الي بقلبه كيف تنلم
واعتبرني{يالرفاعي}لك فداوي

والله انك نور للدار المظلّم
واكرم أمن السيل للأرض الضماوي

والله ان الناس بالشيخه تحلم
وانت شيخ(ن)زاهي البشت الحساوي

دايم(ن)ترقا المراجل دون سلم
أشهر أمن سهيل والجدي السماوي

{يابشير مطير}حبينا نسلم
واسمك الليله تغير{للنداوي}

طالبك يمي تسيّر..ونتعلم
دامني في ديرة الشيخ{اللحاوي}

~٪السح~بديع القاف~يمي٪~
حرر يوم السبت
1435/2/18

~{حرب الاقلام}~

الشام تبكي والعرب تعزف انغام
بين الطرب ومسلسلاتٍ خليعه

وعراقنا متشتةٍ عقب صدام
حرب الطوائف بين سنه وشيعه

وجماعة الأخوان في مصر الاهرام
قامت تحرف بالسنن والشريعه

وفي ليبيا شفت المجازر والاجرام
أحدٍ يعشق الدار واحدٍ يبيعه

وفي تونس الخضرا عصابات واقزام
أحداث دايم بين اهلها شنيعه

والمملكه عز العرب..عز الاسلام
في خدمة الأسلام دايم مطيعه

وحكامنا بقلوبنا عزاز وحشام
من دونهم حنا حصونٍ منيعه

ظباط وجنود الوطن دوم خدام
هذا الوطن..والروح لجله نبيعه

كم واحدٍ في ديرتي يزرع الغام
يالله عساه الكارثه والفجيعه

الشعب من دون الوطن درع وحزام
نفوسهم عند الملاقا شجيعه

يلي تحرض للفتن عيش الاحلام
واليا عصاك الوقت لازم تطيعه

ما قدمك الا سوط مع سيفٍ احسام
يعني ترا الايام قدمك مريعه

رح علم الي لجلك ترز الاعلام
أن ماندم هاليوم يندم تبيعه

والحمد لله هالوطن كله انعام
والي يحسدنا يا عساه القطيعه

ومن لا يحب الدار مايقعد الزام
يذلف ترا وفجوج ربي وسيعه

50٪ من الشعب ماينام
من ديّن والا من ظروفٍ هزيعه

لاكن يحب الي حمى الدار باكرام
واحدى النماذج حربهم للوديعه

شوفو الدول من حولنا كلها اجرام
والغرب قالو للعرب ذا ربيعه!!!

أخوان تجمعنا فقط كلمة أسلام
والا القلوب اسلامنا ما تذيعه

تحرك جيوش العرب روس الاقلام
وتناحرو كلٍ يريد الطليعه

والعز طايح ياعرب مابعد قام
العز للي يقتدي بالشريعه

توقيع:
بديع القاف...

[color=rgba(0, 0, 0, 0.701961)]يالله عسى خير وش بالناس منهرشه !![/color]
[color=rgba(0, 0, 0, 0.701961)]تبى الدراهم وهي ما هي بمحتاجه !![/color]
[color=rgba(0, 0, 0, 0.701961)]
[/color]
[color=rgba(0, 0, 0, 0.701961)]من زايد النعمه أكبر شي هي كرشه !![/color]
[color=rgba(0, 0, 0, 0.701961)]والوزن زايد وكلٍ دور علاجه !![/color]
[color=rgba(0, 0, 0, 0.701961)]
[/color]
[color=rgba(0, 0, 0, 0.701961)]عقب البداوه وعقب الطشت والغرشه !![/color]
[color=rgba(0, 0, 0, 0.701961)]هالحين يشرب بكاسٍ كله زجاجه !![/color]
[color=rgba(0, 0, 0, 0.701961)]
[/color]
[color=rgba(0, 0, 0, 0.701961)]أول يدينه من وسوم الزمن حرشه !![/color]
[color=rgba(0, 0, 0, 0.701961)]والحين عايش بدفايه .. وثلاجه !![/color]
[color=rgba(0, 0, 0, 0.701961)]
[/color]
[color=rgba(0, 0, 0, 0.701961)]منول العظم قبل يمصه .. يعرشه !![/color]
[color=rgba(0, 0, 0, 0.701961)]واليوم ينثر لحم ما عاد يحتاجه !![/color]
[color=rgba(0, 0, 0, 0.701961)]
[/color]
[color=rgba(0, 0, 0, 0.701961)]منولٍ موتره ما يفارق الورشه !![/color]
[color=rgba(0, 0, 0, 0.701961)]والحين موتر جديدٍ وآخر انتاجه !![/color]
[color=rgba(0, 0, 0, 0.701961)]
[/color]
[color=rgba(0, 0, 0, 0.701961)]وبنت البداوه تشجع نادي البرشه !![/color]
[color=rgba(0, 0, 0, 0.701961)]مشروبها الببسي .. وما كولها الباجه !![/color]
[color=rgba(0, 0, 0, 0.701961)]
[/color]
[color=rgba(0, 0, 0, 0.701961)]منولٍ ما تعرف النوم بالفرشه !![/color]
[color=rgba(0, 0, 0, 0.701961)]تعاون العود .. وتحلب له نعاجه !![/color]
[color=rgba(0, 0, 0, 0.701961)]
[/color]
[color=rgba(0, 0, 0, 0.701961)]والحين لا شافت (الصرصور) منخرشه !![/color]
[color=rgba(0, 0, 0, 0.701961)]تبغى لها خادمه وبشرط مساجه !![/color]
[color=rgba(0, 0, 0, 0.701961)]
[/color]
[color=rgba(0, 0, 0, 0.701961)]واول يعين الولد أبوه في طرشه !![/color]
[color=rgba(0, 0, 0, 0.701961)]والحين راكب على سيكل ودراجه !![/color]
[color=rgba(0, 0, 0, 0.701961)]
[/color]
[color=rgba(0, 0, 0, 0.701961)]أنعام واجد لاكن الناس منهرشه !![/color]
[color=rgba(0, 0, 0, 0.701961)]لو تملك كنوز كسرى تقول محتاجه ؟!![/color]
[color=rgba(0, 0, 0, 0.701961)]
[/color]
[color=rgba(0, 0, 0, 0.701961)]إمضاء:[/color]
[color=rgba(0, 0, 0, 0.701961)]بديع القاف...[/color]

أبيات أستهليتها عندما عاد خادم الحرمين الشريفين من رحلته العلاجيه ألى أرض الوطن سالماً معافا ولله الحمد
وقد حازت على أفضل قصيده في الكليه الأمنيه من بين 9 قصائد ونشرت في مجلة الكليه للعلوم الأمنيه

لكم أصدق الحب والود والتقدير

ياطير غرد واصدح الصوت ياطير
	وياغصن هز وغطرفي ياحمامه
وياورد فوح وزغردن ياغنادير
	ويابرق لوح ورذرذي ياغمامه
أبجيت القايد لفتنا التباشير
	الحمد لله جيته بالسلامه
الشعر ماله في مقامه معاذير
	ان ماكتبنا الجزل جبنا سنامه
ياخادم البيتين حبك ترا غير
	كلٍ يبين لك غلاه وغرامه
أهل الوفا والطيب جولك مسايير
	أمن الحجاز ونجد حتى تهامه
الله يجيرك من صدوف المقادير
	ياقايد الأمه لعز وكرامه
ياميَسر دروب الرجال المعاسير
	يامكفكف دموع الضعوف اليتامه
ياقاضي ديون الغلابا المكاسير
	يلي على المحتاج غيث وغمامه
ياعنتر المغوار..ياسالم الزير
	يلي عن المضيوم مجلي ظلامه
ياحر يانسل الرجال البواتير
	يلي على الأعداء عنده صرامه
كلٍ دعا لك ياوريث المناعير
	ياذخرنا وقت الرخا والعسامه
وحنا جنودك..وش تبي؟قول..ويصير
	حنا رجال الأمن سيف..وشهامه
ومدام ابومتعب لنا عاد وبخير
	ياقاف شب وغطرفي ياحمامه

محبكم/بديع القاف