ديوان الشاعر أيمن بن ناير بن عوض

http://www9.0zz0.com/2012/04/16/13/555591797.jpg

السلام عليكم ورحمة الله وبركاته


يعطيكم العافيه بجيبلكم قصائد حصريه من شاعر يشق طريقه الى القمه وهو قمه شاعر صغير بسنه كبير بعقله وفكره مهما كثرة من كلام لن اوفيه لكن قصائده هي التي تساندني برأي فيه عموما انا سوف اخالفكم بانزال الديوان حيث ان اغلب الدواوين تنزل القصائد مره واحده لكن انا بقوم بنزال القصائد قصيده قصيده حتى لايمل القارئ من كثرة القصائد

اوعدكم باذن الله باني سوف اقوم بتنزل قصائد شاعرنا اول باول اتمنى يحوز على رضاكم وذائقتكم علما بانه سبق وان كتب عنه الشاعر عبدالعزيز المنصور موضوع على الرابط
http://www.alsuhman.com/vb/showthread.php?t=1148


فله الشكر الجزيل واحببت ان يكون له ديوان خاص
شاعرنا هو ايمن بن ناير بن عوض السحيمي

(هاجسي)

[poem=font=",6,,bold,normal" bkcolor="black" bkimage="http://www.alsuhman.com/vb/mwaextraedit4/backgrounds/198.gif" border="none,6,red" type=1 line=0 align=center use=ex num="0,black""]
هاجسي ياليلي المظلم بفكره سراك=وأوقد من احساس شعره مصابيح القصيد
استفز الشوق جفنه وجا يطرد وراك=يجمع الذكرى ويكتب للملاقى نشيد
كيف اباضم طيفك واوصل لمنتهاك=وانت مني قريب 00 وانت عني بعيد
من سرابك نزف دمعي لموعد لقاك=ومن غيابك نشف دمي بوسط الوريد
مسكنك داخل القلب وضلوعي سماك=ولهفة المسكن لراع الدار دايم تزيد
[/poem]


بقلم ايمن ناير

 

(يبه)

[poem=font=",6,,bold,normal" bkcolor="transparent" bkimage="http://www.alsuhman.com/vb/mwaextraedit4/backgrounds/197.gif" border="none,4," type=0 line=0 align=center use=ex num="0,black""]
فداك عمري لاوالله عمري قليل=عمري فدا لقل حسناتك علي
ياكاسب الطيب ياكايد قوا المستحيل=ياللي بعرش الكرامه نايف ومعتلي
لاجا نهار(ن)وشب الهم خشم الفتيل=هيجنت الابيات لامني نصيت جبلي
القاه شامخ ومن شوفته يبرا العليل=ويستسلم الهم من بركانه وينجلي
عرفت من مطقة رأي الحكيم النبيل=وعرفت من صمته إنه بالصبر ممتلي
علمني أمور عنها ما أحيد وأميل=الين ثبت على كبد السما منزلي
ياما من الضيق عني اللوازم يشيل=وياما من اتعاب عمره بالرخا مدلي
ياجعل عمرك (يبه)بالناس عمرٍ طويل=وياجعل ربي على طاعتك يرضا علي
[/poem]
بقلم أيمن ناير

 

[poem=font=",7,black,bold,normal" bkcolor="transparent" bkimage="http://www.alsuhman.com/vb/mwaextraedit4/backgrounds/5.gif" border="none,4," type=0 line=0 align=center use=ex num="0,black""]
شفت المطر يومه يهل بغزاره =وتضمه احضان البسيطه من الشوق
وتنفض مـــــــن احزان الليالي غباره =وتلبس مــــــن ثياب التباشير وتروق
عندي مثل خلي لــــــــــــــيا زار داره =قامت تلاعج وسط جوفي لــــه بروق
ويظفي على قــــــلب المولع خضاره =ويعودلي فــــــي عودته كل مسروق
[/poem]

 

الكلمه

[poem=font=",7,white,bold,normal" bkcolor="transparent" bkimage="http://www.alsuhman.com/vb/mwaextraedit4/backgrounds/101.gif" border="none,4," type=0 line=0 align=center use=ex num="0,black""]
الكلمه الي صداها حيل عناني=شبت ضلوعي من الحيره معانيها
من كثر ماعيدها في نبرة لساني=عجزت لدفن مطارقها واطفيها
لاوالله انها عليه سم ثعباني=طب الطبيب المعاصر مايداويها
ياليت منته بحقي صاير الجاني=لقول كلمه من العادي بعديها
لكنها منك وانته وسط وجداني=وياكيف من حرها بالصدر اخفيها
أبوي للطيب علمني ورباني=والكلمه الطيبه لابد أبديها
أنته سليل الكريم ومزبن العاني=ورجلك على العز والعليا مضريها
وأنت البحر والبحر مع مر الازماني=الياغضب يهدم ديار(ن)ويمحيها
مير البحر ملح مايرده ضمياني=وأنا وردت البحر بروي ضواميها
والحمد لله يوم إن الله أنجاني=من قبل لندم على شي بتواليها
وحسيت شي من الضيقه تحداني=وأطلقت فكري يصيد أغلى حباريها
ثم أنطلق طلقته تقال نيشاني=وجول الحباري مخالبيه مخاليبه تدميها
سجلت ماكان في قلبي على لساني=ووكلت ربي عسا ربي يسويها
[/poem]

 

انتظروا المزيد من ابيات وقصائد شاعرنا ايمن ناير عوض وان شاء الله تحوز على رضاكم

 

[poem=font=",6,,bold,normal" bkcolor="transparent" bkimage="http://www.alsuhman.com/vb/mwaextraedit4/backgrounds/2.gif" border="none,4," type=0 line=0 align=center use=ex num="0,black""]
ذاربـي قلبي الابيض وكثر السماح =في زمان السواد وفي زمان الخطا
كم صديق(ن) غرس في وسط قلبي رماح =لين جرحه مــــــع الايام زاد وسطا
كني الغصن والاحباب حـولي رياح =كل ماخطو عليه مال غصن العطا
بارق الهم والهجران والبعد لاح =عقب ماكنت بيره والـــدلو والغطا
مابقالي لحرب البعد منك سلاح=اسرج الفكر خيل البعد ثـم امتطا
سلمولي على اللي زاد في الجراح =وعلموه ان قلبي مــات بعد البطا
[/poem]

 

[poem=font=",7,,bold,normal" bkcolor="transparent" bkimage="http://www.alsuhman.com/vb/mwaextraedit4/backgrounds/6.gif" border="none,4," type=0 line=0 align=center use=ex num="0,black""]
من قدح فكري طار عن عيني النوم =ونقيت مـن جزل المشاعر معانيه
ماتلحقه شرهه ولا يلحقه لوم =مادمت في جنبه عن الناس مغنيه
فكر العرب يسري على مكسب اليوم =وفكري على درب الملاقا تسريه
هيضتني ياطيـر فكري على الحوم= وانته ليا جات المواقف مكفيه
غلاك ماهـــــــــو داخل القلب مرسوم =غـــــــــلاك وكر(ن) مالقا من يعديه
[/poem]

 

[poem=font="tahoma,6,,bold,normal" bkcolor="transparent" bkimage="http://www.alsuhman.com/vb/mwaextraedit4/backgrounds/12.gif" border="outset,5,royalblue" type=1 line=0 align=center use=ex num="0,black""]
الله يجـــــــملني على طيب الجميع=والله يــــقـــدرنـــي لـــرد حـــقـــوقك
اسعدتني يــــاصاحب الصدر الوسيع =وانـــت الـــمـعـــالي شابهتك بذوقك
تـــطـــوع اللي بالـــصــــعايب مايطيع=وتظفي على طيبك حسن منطوقك
احيان احس بداخلي بـــــــرد وصقيع =واحـــيـــان تـــكـويني لهايب شوقك
بعض النجوم بــــزحمة الكوكب تضيع =وبعض النجوم الـــيـــا نــظرت تروقك
وانت القمر ياصاحب الحسن البـديع=في كوكبي مافيه حـــــي(ن) فوقك
[/poem]

 

[poem=font=",7,white,bold,normal" bkcolor="black" bkimage="" border="none,4,white" type=0 line=0 align=center use=ex num="0,black""]
ويش اسوي ليا جاني الغلط من قريب =واســــــــتعر بالضلوع الحدب مكنونها
ان تكلمت لحقـــت الحـــطب باللهيب =واشتعل ضـــــــو نار{ن} مايـــطفونها
الـــــــــفتن روحــت بامير تغلب كليب =والسبب ناقة{ن} جـربا يســـــوقونها
كل ماحط هقوه فــي زمــــاني تخيب =بينت لـــــــي ظروف الوقت مضمونها
ودام لي نفس ترضــا بالقدر والنصيب=ربـــي يحاسب الانفس على ضنونها
[/poem]

 

[poem=font=",7,white,bold,normal" bkcolor="teal" bkimage="" border="none,4," type=1 line=0 align=center use=ex num="0,black""]
مـــــــــابقا للحزن في قلبي مجال =والمدامع غارقه فـــــــــي موقها
طامعٍ بـــــــــالوقت مير الوقت مال =والاوادم مــن يــــســــد حلوقها
الامـــــــــــاني صارت بعيني رمال =والسحابة روحــــــــــت ببروقها
وسيفي اللي يشطر حشود المحال=ذاق طعم الــــــــمر من معلوقها
مــــــــارجيت الا الولي رب الجلال =عالمٍ ماتحت الارض وفـــــــوقها
وكــــــــل ماهبت عليه من شمال =استهل الحزن مــــــــع طاروقها
[/poem]