ديوان الشاعر / عادل سليم ماطر السحيمي

بسم الله الرحمن الرحيم
السلام عليكم ورحمة الله وبركاته أخواني اعضاء وزوار منتدى السحمان
اود ان اشارككم ببعض قصائدي آمل ان تنال على رضاكم واعجابكم

* فكر القصيد *

الشعر في راسي وفكري مخاويه
	خوة صحيب (ن)مايبور بصحيبه
ربي عطاني نظم قاف (ن)مسويه
	باجمل صور واحسن معاني نجيبه
نغطس فبحره لين نلحق قواعيه
	نجذب له اللولو وغالي ربيبه
سكن محيطه لين ثبت مراسيه
	يصعب على ناس(ن) وناس(ن)تجيبه
ربي عطاني من جزيله مباديه
	راس السنام وكل طيب باديبه
نكتب جزيله ثم نصخر قوافيه
	واضح معاني كن مزنن نشيبه
مصينه عن النقاده منقيه
	نقوه من النقاد ناجح نصيبه
للزين شال الطيبه من مساعيه
	مثل الجمل لاشال حملا(ن) سريبه
دربه يدله بالمساري ملاقيه
	عارف دروب الطيب والطيب هيبه
حافظ طريقه وللصراحه مضريه
	ينشأ لنظم الفكر والصدق جيبه
اصنع به الفكره بقاف(ن)موديه
	للطيبه والجزله شي(ن)عديبه
قلته وانا من حرب جازل معانيه
	من كل زله محصنه ما تعيبه
بوصفه وطيبه وزينة معانيه
	ماهو كلام(ن)فاضي(ن)مختليبه
يالله ثبت قسمي للخير مغنيه
	عن الخلايق والبشر اغتنيبه

* مجالس الغافلين *

بابدي شي بخاطري باسم رب العالمين
	خالق الانفس وعالم خوافي غيبها
وابتدي فالموجز اللي يبي سرد المبين
	من جروح(ن)داخل القلب يعجز طبها
فالمجالس زادت الهرجه بين المسلمين
	صارت الغيبه لناس(ن)طبيعي شبها
قامت العالم تلذذ بهرج القايلين
	من كلام(ن)فالبشر موضح(ن)عذروبها
وين حذر الناس من شرفالدنيا مبين
	للنميمه والنميمه زايد(ن) طلابها
اصحوا اصحوا يابشر من هروج الغافلين
	واعرفوا درب الصراحه والموده كسبها
اهدموا مجلس تشيد بهروج المفسدين
	انصحوا ثم انصحوا منهو قايل غيبها
يمكن براسه جهل ولاغفلة غافلين
	اما يآخذ بالنصيحه ولا زاد وكبها
يالله ابعد الاقدام من مجالس قايلين
	للنميمه والنميمه هي كباير ذنوبها
وثبت الاقدام للخير والخير المبين
	في زمان(ن)مختلط بالبلاوي جابها

* لاهل الشام *

الله من عين(ن)تزايد سهرها
	والله من نفس(ن)تزايد نشبها
في دنية(ن)يقلب علينا زمنها
	وتنصك صكه واضحه لعربها
مانعتبر باللي حصل في وطنها
	مكرره وموضحه لمن عاشبها
مير الغدر زايد وزايد نشبها
	والظلم فيها زايد(ن)مستلبها
من كم طاغي طاغي(ن)في بلدها
	يذبح ويقتل كل نفس(ن)غلبها
وزاد زاد فقتلها مارحمها
	من كم طفل وطفلة(ن)هو سلبها
من تحت دبابه توطى ظهرها
	اشنع قتل هو يرتكب في عربها
ومصوره وموثقه في صورها
	والعالم اللي حولها ما دربها
ويالله ترفع ضرها وتعمرها
	انت الذي قادر وتعرف سببها
تنصر اهل الشام من اللي دمرها
	وتمحي اثر منهو ظلم ما حسبها

* امنيه *

الشيب بان وباقي وضعي بالاسفار
	تاسع سنه وانا عن الدار مبعود
لاجل الستر والعيش فكل الاقطار
	نعمل ونشقى والعمر شي معدود
كم ليلة(ن)نسهر على درب الاخطار
	نصمد على دنيا بها الوضع مقرود
حظي رماني مبعد العين عن دار
	دار(ن)بها رابي وساكن بها العود
ومن اجل طيبه ثابت القلب مادار
	عن حبها وحب ناس(ن)لها تعود
يالله ياعالم خفى كل ماصار
	يافارج الكربه وياخير معبود
تيسر المكتوب خط(ن)بالاقرار
	مصدرينه بالنقل بان مشهود
صوب المدينه بالقياده له اصدار
	نعمل بها والوضع للزين مردود
قلته وانا قاوي ببعد(ن)عن الدار
	اصبر وانا عن صبري ماني بمشرود
مومن وقلبي ثابت لكل الاقدار
	مير نتمنى طيب وضع(ن)لنا يزود
ولولا التمني كيف نعتاش لاصار
	للعبد حظ(ن)يقفل الدرب مسدود
مير نعمة الاسلام تبعد عن النار
	وتبعد المسلم عن الهم مفرود
وهذا ختام اللي تمنيت بامرار
	للدار(ن)لها حب(ن)بقلبي ومعقود

بسم الله الرحمن الرحيم
هذه قصيده جتني عبر الواتس اب وأعجبتني فأحببت أن أجاريها عليها علما انني لا أعرف صاحب القصيدة
يذكر أنها للشاعر عيد بن مربح الرشيدي ويقول فيها

من رافق الطيب شرب صافي المي
	ومن رافق الهافي جفا الما كفوفه
لا تنكر المعروف لو انه شوي
	من قدم المعروف رد معروفه
وادمح خطا الطيب ليا صار مخطي
	واقبل معاذيره وقدر ظروفه
ولاتنهر المحتاج لاجاك مبلي
	خسارة في فعل خير مخلوفه
واطلق حجاجك لااقبل الخاطر وحي
	بشاشة الطيب كرامة ضيوفه
ترى الكريم معان بالخير مرهي
	من يترك الماجوب جعله ذلوفه
لا تقطع الرفقه ولو حبلها لي
	حبل الرفق من يفلته بان خوفه
رجل"ن"بالا ربعه من الناس مجفي
	لابد صكات الليالي تحوفه
واللي في عينه مايشوف البشر شي
	ترى البشر في عيونها ماتشوفه
ومن عوده حظه على بارد الفي
	لابد لفحات السمايم تلوفه
ومن ساقته نفسه على سكة الغي
	صعب"ن"عليه ليا تمادى نكوفه
ترى الليالي تطوي ايامنا طي
	يالله بحسن الخاتمه والمروفه

( المجاراه )

جتني قصيده مرسله قافها حي
	تشوق السامع صياغة حروفه
فيها النصايح واضحه وضحة الضي
	ومكمله بيوتها في وصوفه
ينصح بها الرفقه على قلب صافي
	من نية "ن"تصغي على القلب روفه
ينصح بها رد الوفا لشخص موفي
	لزرع الوفا بين العرب زان شوفه
ينصح بها لفعل خير"ن"موصي
	من حاجة المسلم تكمل رغوفه
ينصح بها للطيب خاطر يحيي
	من ضحكة الحاجب للضيف شوفه
وللكرم والخير يدلي نصوحي
	ومن يترك الثنتين ماهو حسوفه
وللربع ينصح للتكاتف ويوصي
	رجل"ن" بليا ربع مازال خوفه
والبعد عن كبر للناس يخطي
	ترى البشر تترك حلاه وتعوفه
والنفس لا تتبع هواها على شي
	اترك هواها للبلاوي شغوفه
هذي النصايح واكتمل سيرها لي
	من مصدر"ن"مجهول يعني صدوفه
وترى الليالي سمها يقتل الحي
	من جاهد الدنيا تزاين وصوفه

رحلتي الى الديسه في منطقة تبوك عام 1427ه

شمال غرب المملكه حزة إعصير
	نوينا نسري والتوجه غروبي
من رحله لخوه لها كل تقدير
	ليلة خميس من شهر خمسه إمحسوبي
إمصادفه قمرا لها ضوَن ينير
	في رحلتن يازين نفوس الصحوبي
امسيت في ديره تسر المناظير
	سبحان من سواها وارسى الصعوبي
فيها الجبال الشامخات المقاطير
	وعيونها فجبالها عذب الشروبي
وديانها وجبالها ونادر الطير
	والف بقمَت الجبال الشهوبي
فيها السهول المزهرات المخاظير
	مشكَلات النبت من كل صوبي
فيها جزيل الصيد شهبن مخاطير
	ماكل صيادن يجيد الحسوبي
فيها حرار الذود اصلن مشاهير
	ضمَر وللخطرات خير الركوبي
سجَ القدم مكسب وللفكر تصوير
	إليابعدت عن الدروب الغضوبي
والمكسب الثاني مخاوا مناعير
	خوَه على دين ومعزَه إعجوبي
تعجب صحيبن ناوين للمشاوير
	والباب الايمن جاهزن للركوبي
هذا ختام الرحله اللي على خير
	دونتها ببيات شعرن تصوبي

بين الحاضر والماضي

يازمانن زايدن فيه المصايب
	زودها ينشا بزودن للمفارق
والتباغض زايدن والوضع عايب
	دارت الدنيا وطاح الطيب غارق
غارق بمستنقعن زاد الشوايب
	والبلاوي لناسها قامت تزارق
فيها صار الطفل راسه راس شايب
	دون رحمه يابشر والوضع حارق
حارقن كل المحبه كل طايب
	اصحوا اصحوا من منام الصبح شارق
واغسلوا قلوبكم من دم رايب
	ثقَل الشريان ضغطن فالمعارق
وارجعوا لماضين للطيب هايب
	بسبب زين النوايا الحب طارق
طارق قلوب البشر للخير جايب
	رغم قسوة وقتهم والخير وارق
وارق أوراق السدر أخضر عجايب
	بعددها ولونها الطيب بارق
هذي فكرة ماضي براسي تذايب
	عاشها من عاشها قبل المفارق
وكسب زين النبا والوضع صايب
	في زمانن قاسين والخير شارق

عيال السحيمي

الا يافكري عاد عجَل عليَا
	بشي بخاطري موجود فيَا
عليك بنشرها مهل و رويَا
	ومكتوبه بخطَن من إيديَا
لناسن لهم من نفسي حميَا
	من عيال السحيمي وألف حيَا
رياجيلن مطانيخن فدنيا
	تقل الفزعه من خيَن لخيَا
تراهم كالجسد واحد سويَا
	وهذا حظ من رب البريَا
لربعن تصفي النيَه نقيَا
	لهم فالمجتمع افضل عطيَا
وما منَوا وما فيهم رديَا
	مطانيخن وتسهل كل هيَا
من امور الزمن لكل حيَا
	تراهم يمنه بيمنا قويَا
وياربي تزيد الخير زيَا
	جبال طويق وجبالن عليَا
من المحبه لناسن بقايا
	من عيال السحيمي فكل شيَا

صح لسانك أبوسليم

تم تنسيق القصائد الموجوده ونرجو إكمال الديوان إلى 15 قصيده على الأقل

الرجاء مراجعه الخاص ودمت بخير

وسعـد عينـي يـوم شفـت الـذي صـار
وضــع القبيـلـه بالـوفـا زود فـــي زود
الــحـــظ قـــايـــم والـمـحــبــه لـــهـــا دار
معمـور مـن ربعـن لهـم شـان مـعـدود
وآخر صروح المجـد مجلـس للاحـرار
تنـشـا لــه الـفـكـره وبالـخـيـر مـشـهـود
فيه الشعر فيه النصايح لهـا اصـدار
نبني بها جيلا"ن" على الخير معهود
مــــن قـدمـهــم شيـبـانـهـم شــيــدو دار
مـشـهـود بالـخـيـرات للـطـيـب مــــردود
بـالـديــن والـفــزعــات والــعـــز لـلــجــار
من سمعتن مثل الذهب ياهـل الجـود
مـبـدأ ومكـسـب سـجـلـت والـزمــن دار
وذكــر الـحـاضـر بـمـاضـي لـــه بـنــود
مـعــدودة ومـوثـقـه بــــروس الأحــبــار
مـن روس قـوم والطناخـه مـن الـعـود
ورثــهــا لـعـيـالـن لــهــم فــعــل جــبـــار
بالمرجلـه والرحـمـه الـلـي عـلـى الــود
بنـوره الـلـي شــع مــن فــوق الأنــوار
شـي"ن" ينومـس والحميـا لـهـا وجــود
بــراس كــل سحيـمـي مـاهـو بمـحـتـار
يجـيـك للـفـزعـه مـتـعـدي بـهــا حـــدود
ومن اجل ربعي بأجود القـاف بالنـار
واسطـر بيـوت "ن" لهـا الفكـر مكـدود
ويالله ثبـتـنـا عـلــى الـخـيــر بــاصــرار
وابعد حسود "ن" ينـوي الحبـل بعقـود
والجـيـل هــذا عــاد كــل الـــذي صـــار
مـن مجـد مبنـي والخلايـق لـه شهـود

الماقف اللي فيه عز الرياجيل
حق(ن) عليّ اجيه واظهر يميني
واعقّل الجزلات للفكر تعقيل
موثّق قيود القصيد الثميني
وابدا بذكر الله قبل كل ماقيل
من قاف نظم الراس يبغى يبيني
اقدّم السلام وابدا بتمثيل
فكره وللاخراج ربي يعيني
ويالله تيسر الماقف بكسب تحصيل
كسب الرجال اللي لهم عزٍ متيني
وبوجودكم يازين مسامر الليل
ياروس ربعن فالزمن ماتهيني
والله ثم والله لوجبت تحليل
وحللت دم العرق والله يبيني
حب القبيله داخل العرق سايل
واضح على الجهاز عمره سنيني
يامحزمي يابندقي ياالمشاكيل
يااهل الاصايل يا الضمان الضميني
ياقاف ابي من اجلهم شدّت الحيل
ولروسهم والله اني مديني
وانا ولد منهو يحب الجمايل
للضيف والمحتاج وقفة معيني
رباني من صغري على علم قايل
حب الربع من قلب وجهك يزيني
وللخير والمحتاج لا،،لاتحايل
سوق القدم للخير رزقك يحيني
خوالي فالميقاف ركّابة الخيل
لجى نهارٍ فيه شيب الجنيني
الاد عم ابن السحيمي زحاحيل
ومن حبهم لثنينهم متضامنيني
الوسم واحد وللتكاتف مقابيل
هذا الصحيح وكلهم وسط عيني
ويالله جمّلني على علم طايل
واجعل زهاب النفس صدقٍ مبيني
في ماقف لعز العرب وقته الليل
هاضت له الفكره وشدّت جبيني

الصبح بان وبان نورٍ من الشرق
وطرى علي اللي من الناس غالي
قلبي يحبه والمودّه تزارق
وهو المشاعر كلها راس مالي
يازين نفسه خفّها خفّة الورق
مصيون من كل العذارب مزالي
ماشي بخوف من الله وحافظ الطرق
اللي تودي للطريق الحلالي
نور الايمان بوجهه اوضح من البرق
واضح ضرب من فوق دار الشمالي
يحفظه خالق خالق الكون من زرق
زرق الصواديف وخوافي ليالي
محظوظ في حبّه وبعده كمالحرق
يحرق ويكوي قلبي من بعد جالي
هذي مشاعر صادقٍ ينظم الطرق
باجمل قوافي لجل ناسٍ غوالي
ويالله ثبّت قلبي ياجاعل الشرق
مطلع لنور الشمس بحب غالي