ديوان الشاعر موسى مناور السحيمي

هذه القصيدة وجهتها للعم محمد بن غازي العياضي ( ابو غازي ) وهي تعبر عن نفسها

الضيقه اللي بصدري ياولد غازي	عيت تلاشى ولادري وين اسريها
لي مدة عن جميع الناس منحازي	قاصر رجولي عن ادناها وقاصيها
يالله يلي عليك اليوم مركازي	ياخالق الناس والدنيا ومحييها
تفرج هموما كما تدريب وايعازي	عسكر من الصبح قائدها يناديها
ولاكما صوت خرامه لخبازي	على العجينه يرفعها ويرخيها
ولاكما مشرطا في ايدين قزازي	على القزازه من اولها لتاليها
ولاكما شعلة الدافور بالغازي	متمكنه في شراييني تصاليها
ياراكب اللي سوات الحر لانازي	من قو عزمه تقال الارض يطويها
استبنتين ودبل والقير هزازي	ولا المراتب من الديباج كاسيها
حتى المكينه محرزها تحرازي	خواجة من تفاكيره منقيها
مايشرب الا من البيرة وشيفازي	وباقي المشاريب اضنه مايدانيها
ماهو بخراز ولا ابوه خرازي	تصميم راسه ولاهو مبتلش فيها
وماصورة الزيت والبنزين بزازي	عصير ورع ادموعه مايخفيها
من ضيق ماصورته ماهو بينهازي	ممتد عزمه من بلوف يسقيها
ماحط في مسجله راشد وعزازي	وعبده وعبدالمجيد ومن يغنيها
شغال فيه السديس وشيخنا جازي	أيات حقا من الهادي تقريها
عزيز ولي شروه ارجال اعزازي	ناسا مواقيفها ماهي تخليها
سلم عليهم وخص الشيخ ابوغازي	اللي يمينه على الفزعه مضريها
اللي نهار الفقر والناس تعتازي	بيوتهم من يجيها مايعديها
النار مشبوبة والزل شيرازي	والبن والهيل بدلاله معبيها
ادلال رسلان ماتوضع على القازي	ما توضع الا على جمر يسويها
جتني هروجا كما تفصيل تلفازي	سوالف ماتبيض وجه راعيها
ناسا بكرهي خذوا تقدير ممتازي	من غير لاشي بس ابليس مغويها
الفرق واضح مابين الحر والبازي	كالفرق مابين بايعها وشاريها
ماني بمهتم في تفسير الالغازي	جتك القصيده ومضمون الهدف فيها
[/poem[/

poem]]

بسم الله الرحمن الرحيم

قصيده غزليه

قصيدة غزلية تعبر عن نفسها

زارني طيفك البارح وجبت العباري	من عيوني تحاذف مثل وبل المخيله
يا وجودي على شوفك واتل السفاري	تلت اللي ضرب صحراء وقدمه خميله
عشرة أيام في صدري سوات الشباري	او كما طعنت سيوف بقلبي صقيله
آه من ضيقة في الصدر وقت العصاري	خص لا قرب المغرب وحول ضليله
ضيقة تجعل المحزون ماهو بداري	متجه شرق ولا غرب يومي شليله
وجرحي اللي مع الأيام ماهو بباري	رافض انه يطيب الجرح واعزتيله
واطلب الله ربي يا لله انك تداري	قلبي اللي بداء يرجف ويطلع حصيله
مرتبط ما قدرت اروح كني طواري	العمل كل واحد لازم انه يشيله
قوم يا عزوتي نواف نبغى المساري	يم دار الحبيب اللي طويل جديله
عينها عين صقر شاف جول الحباري	هد من فوق روس النايفات الطويله
وصفت أرموشها عسكر نظام انتحاري	يوم تغضي على عين من الله كحيله
وخدها من خجلاها مختلط به حماري	والثنايا كم لون البرد في مسيله
وعنقها عنق ريم في فياض البراري	كل ما حس له حس شرد من جفيله
ومن بياض النحر عقد الذهب منه غاري	غار عقد الذهب لكن ماله وسيله
فارع الطول وشعوره كم قدح ناري	والخصر ضامر وردوف ماهي هزيله
الحياء والأدب فيها بسر وجهاري	والله اللي رزقنيها وصارت حليله
شوفتك تشرح الخاطر بليل ونهاري	كالمطر يحيي عروق الهشيم المحيله
حبك اللي دخل قلبي وشفت العزاري	من بعادك وسط جوفي تشب الفتيله
صدق من قال بن البعد والحزن فاري	والمحبه بلاء ونفوس أهلها عليله
بنت قرم على ربعه حزام وسواري	راعي الطيب والمعروف فعل وفضيله
وربعها اللي ليا قاموا وصاح المثاري	رجلهم ينطح الحاله جموع وقبيله
من رجال لهم تاريخ مثل المناري	مجدهم واضح وفعولهم مستحيله
يوم ضرب السيوف ويوم قدح الشراري	رجلهم في المواقف ما تدور بديله
رجلهم ما يعرف الموت والا الفراري	ثابت مثل أحد صعب على احد يزيله
والختام التحية والوفاء واعتذاري	بالنيابة عن أشعاري بيوت جزيله

قصيده لها مناسبة خاصة

ياراكب اللي سلندره مابعد نيش	ولا فكله عند الوكالات بابي
جديد توه واردا يابن درويش	اسود ولونه مثل لون الغرابي
اقطم قصير ومقدم الشبك به شيش	من شان لا يدخل عليه الترابي
اذا ركبته تقل جالس على ريش	نعومة الديباج لاهل الجنابي
وشكل المراتب كنها رسم تنقيش	حنا بكف منقشات الخضابي
ومرايته تعكس لك الضوء تغطيش	ومصفحا ضد الرمي والحرابي
ازرته قدام والمس بشويش	وجلده من الداخل كما جلد دابي
حجم الازره كنها الربع وقريش	وتقويست الطبلون تقويس كابي
واذاقفيته مثل زرفالات الجيش	واذا نطحته مثل صدر العقابي
اللي صنعه محشش الفكر تحشيش	ماهو بلا مؤمن على الكفر رابي
مدخلا بالواسطة دون تفتيش	ممنوع خوف انه يقوده ارهابي
ومكينته لذاقت القاز تنويش	من قو عزمه تحسبنه سرابي
من المدينه نهض الفجر وغبيش	قدعقب العقله وهاك الهضابي
اذا نويت انا بعيد المطاريش	واذا سريت اسري مساري الذيابي
العلم واضح مانبي فيه تشويش	ولا العطى من عند منشي السحابي
قولو لبو عياد والعلم ياويش	يابن الرجال اللي تعرف الجوابي
ان كان تبغاني ياريف المعاطيش	انا عليك اشفق وحظي لفابي
وكان السبب من عند عياش وعميش	حنا الرجال اللي نحل الصعابي
وكان السبب مافيه غيث ورشاريش	اكيد مابه ياصحيبي ضبابي
انا رجل ماني بديشا ولد ديش	رجال واعرف للخطاء والصوابي
والحمد لله بالنقى عشت واعيش	ان طاب وقتي زين ولا ماطابي
تم الكلام وزبدة الهرج حتى ايش	قاري الجواب وعارفين الكتابي

قصيدة مرثية في ام الشيخ صالح التويجري اخي وصديقي العزيز صاحب الوفاء فكانت والدته في مقام والدتي وكثيرا ما تسأل عني وهي من النساء صاحبات الطاعة والصيام وقيام الليل رحمها الله رحمة واسعة واسكنها فسيح جناته وكانت وفاتها صاعقة عليه عندما جأني الخبر في تاريخ 1/12/1432 يوم الجمعة وكتبت هذه المرثية

الدموع اللي ملت رمش وعيون	كيف اكفكفها وانا ماني بقاوي
والله ان القلب ضايق ومحزون	وكن في صدري ملاهيب ومكاوي
ووالله ان النوم ما طب الجفون	الحزن خيم وخلاني عماوي
الجدى ماغيراعضض في السنون	ولايفيد المنشحن كثر الهقاوي
ماتت ام العطف والقلب الحنون	ماتت اللي كنها الجدي السماوي
يام صالح والخلايق نايمون	تطلبين الله وتعطين العطاوي
ناشيه مثل امهات المومنون	بالصلاة وبالعبادة والزكاوي
شايلينك بالنعش فوق المتون	اتباع لسنته حسب الفتاوي
شوف عيني والخلايق يدفنون	دمعهم كنه على العد الرهاوي
زادبي همي وزادن الطعون	والألم والدمع والحزن متساوي
لو يفيد النوح وتفيد الغبون	والبكاء والصوت مع كثر الشكاوي
ولو اصوت للخلايق يفزعون	والرجال اللي يضدون البلاوي
كان كل الخلق من شانك يجون	وبالقضاء المحتوم ماتفيد العزاوي
الفجيعه عمة اصحاب وبنون	واشهد إن البيت من بعدك سناوي
في جنان الخلد باب الصايمون	جعل مدخالك معه حق وعلاوي
يالله انك من صفوف الفايزون	ومع رسول الله بجنات غناوي
الاجر حظ العباد الصابرون	والله انا في عفو ربي رجاوي

قصيدة بمناسبة زيارة صاحب السمو الملكي الامير عبدالعزيز بن ماجد بن عبدالعزيز ال سعود حفظه الله ورعاة امير منطقة المدينة المنورة لمدينة الصويدرة وتشرفت بتقديمها امام يدي سموه الكريم

بسم إلا ألاه الخالق الرازق المنان	كريم العطأيا مد جوده من احسانه
الاه خلقها من عدم وأكمل البنيان	ولا نقص في تكوين ربي وبنيانه
هو الواحد الفرد الصمد موجد الإنسان	ألاه يحاسب كل واحد على إيمانه
سلام يا امير المدينه رفيع الشان	سلام محمل بالزمرد ومرجانه
سلام كساه الطيب والورد والريحان	سلام من صدور لشوفتك فرحانه
رجال تحب مقابلك يا خطل الذرعان	هلا مرحبا ما طار طير بجنحانه
وبعد السلام اطواع البيت والقيفان	ولا قول شعر ما تجملني الحانه
لأني وقفت بما قف العز والشجعان	وأترجم حروف الشعر وأجود أوزانه
قصيد تزاحم في خيالي ماني عجزان	عن الشعر وافكار تصافق ورويانه
وببداء ببو تركي اببدابه كحيلان	معزز حدود الدار وموحد اركانه
بعد ما سرى معه اربعين من الفرسان	وسيفه وخيله والشجاعه وقرانه
سرى ما عليه من المساري ولا العدوان	يبي حكم أبوه القرم وديار جدانه
نزل هيت لين انه تروى وهو عطشان	رسم خطته والحرب قد زان ميدانه
وجود عياره واحكم الرمي والنيشان	وصلى صلاته طالب الله سبحانه
نصره الله المعبود هو والي الاحسان	الاه عظيم ومعتلي في البشر شانه
ونادي المنادي وأعلن الحكم لبليهان	لعبد العزيز الحكم عزه وتيجانه
وبداء دعوته في نشر دين الله الرحمن	من اكبر همومه طاعة الله وغفرانه
وبعد ما رضخت له ديرة أبوه والجدان	تحيزم ولا هو ناسي باقي أوطانه
أوطان غشاها الفقر والجهل والخذلان	متاهات حتى الجار تغزيه جيرانه
وجاهم وطوعهم على العطف والإيمان	وصار الرجل يأمن لداره وبزرانه
وعم الرخاء كل الجزيرة امن وأمان	من الشرق لين الغرب بحره وشطأنه
وجنوب من الحد اليماني جبل دخان	وشمالا حدود الدار عرعر وعمانه
الا يا معزي جعل منزلك في الرضوان	وعسى قبرك المعمور ينعم برضوانه
وعسى الله يبعد من حكمنا عن النيران	أربع اسود وجعلهم في ارفع أجنانه
واليوم حاكمنا الوفي موفي الميزان	حكيم ولا به ميلة وسط ميزانه
محبة ابو متعب مع الدم في الشريان	يحبه جميع الشعب حضره وبدوانه
اسميه مدري ويش اسميه يا لاخوان	تضيع الاسامي بين صدره وحجانه
هذا اللي ما جابن مثله البيض بالاكوان	جميع الجبال إلى وقف كنها أوزانه
سلامته عز الدار ومدله اليتمان	سلامته حارب راعي الفقر واعوانه
سلامته هداج الوطن مروي الضميان	سلامته زيزوم المكارم وعمدانه
سلامته دايم يبذل المال للعجزان	سلامته فاتح باب قلبه وبيبانه
ويا لله ترحم سيدي سيدي سلطان	عيون تدامع والمخاليق حزنانه
على فراق ابو خالد حزنا من الوجدان	ولكن عساه بجنة الخلد مسكانه
وعسى الله يحفظ نايف الجود والاحسان	ولي العهد ومغطي الدار بعيانه
ولي العهد ومروض الطامع الفسقان	كعام الخوارج واورد الذل عدوانه
على امن البلد سهران ما نامت الاعيان	تنام العيون وعين ابو سعود سهرانه
وو الله مانسى يا لوفاء سيدي سلمان	ابو فهد في وسط الشرايين مسكانه
ابو فهد زيزوم المراجل وشانه شان	وزير الدفاع وحامي الدار واركانه
وارد التحية فيك يا مشبع الفقران	يا صاحب سمو المجد والجود مزبانه
يا راع اليمين اللي كما العود والريحان	يا راع اليمين اللي من الطيب مليانه
ياراع اليمين اللي كما وابل الامزان	يا راع اليمين اللي من الجود هتانه
يا بو سعود لو ان المشاكل غزة الاوطان	تضل السعوديه رخيه كما الدانه
علمها يرفرف كنه الطير بالجنحان	شعار تموت اعداه عجزاء وتعبانه
شعار عليه السيف والنخلة ام افنان	رطبها كرم والسيف للعدل عنوانه
ولا همنا حكي المهبل مع الخلايان	سفيه يهايطله على قلوب مرضانه
كلاب تنابح عزك الله وراى الجدران	تعاون سفيه وحزب طاغي وطهرانه
يقولون في العالم ربيع العرب قد بان	شعارات ناس عندها اهداف رنانه
شعارات ناس تمتطي منهج شتان	والاحزاب واصحاب الفتن دوم خذلانه
وانا اقول ياحنين الفشل حصحص الميزان	وبيان هيئتنا طلع نور برهانه
مدام المشايخ تنشر الدين و القران	مع الحاكم اللي فك صدره وبيبانه
يعيش الوطن في العز والخير والايمان	وراع الظلال يموت من بعد حقرانه
ما يدرون بان الشعب ثابت كما الضلعان	مع الحاكم اللي ما عبد غير سبحانه
قبايل نحب ملوكنا والعدو خسران	ودايم وجيه الشر يامير خسرانه
يا حكامنا الغالين يا بلسم المرضان	لكم مجد في التاريخ من ماضي أزمانه
ولانا لكم من ماضي الوقت حتى الأن	حفظه الولد من رأس جده وشيبانه
يا بو سعود واسمحلي اذا كان به نقصان	ترى الشاعر أتحده حروفه وقيفانه
قلته وانا حربي وربعي من السحمان	نجدد ولانا لبو متعب ولاخوانه
ومن ضل منا واتبع همزة الشيطان	نبا نقص راسه يا وطن من على امتانه
ونهأية قصيدي أختمه بالله الرحمن	وصلاتي على من حارب الشرك بيمانه

.غزليه جديد

قصيده غزلية

الوله فيني مسويبي سوايا	ويش اقول ويش اجيب ويش اودي
والله انه يلتهب بين الخلايا	ممتزج والحزن واضح فوق خدي
اه يا قلب خفق وسط الحنايا	في ضلوع صدته ولا يعدي
اشتياقي له مثل شوق المرايا	للجدايل والمحاجر والمشدي
فارع طاغي على كل البرايا	بالجمال اليوسفي خصر وقدي
تدري انت اللي ترويلي ضمايا	يا عسل يلي على خدك يندي
ما حلا قرطوع من ذيك الشفايا	وانسكابي لين خفاقي يهدي
نظرتك تشعل على الكبد الكوايا	تحت رمش من جمالك مجرهدي
انت ساحر في وصوفك والحلايا	فيك وصف من ذلول وخيل جدي
انت يا ذوق المشاعر والمزايا	لك مراحي لك قدومي لك ماردي
لك في صدري ذود محشوم ونقايا	ما تباع ولا تسام ولا تحدي
ضحكتك تذبح وتلحقني مدايا	وانت حرف بين ضم وبين شدي
وانت اقرب من كفوفي للعطايا	وانت عطفي انت مزحي انت جدي
وانت مسكنك الشرايين الخفايا	وانت عدك مختلف ما هو بعدي
والله ان هرجك وهمساتك بلايا	يا ضروف ساكنه ما هي بودي
يا حلو وابيض من ثلوج الملايا	والله ان اموت ما بيحت سدي

center]قصيدة غزلية

[/CENTER]

كيف اشرع هالظلوع الحدب لجنون الهبايب	واتجود في حبال الذكريات اللي تدينك
لو عطيت ولو جفيت ولو مازلنا حبايب	ياحبيبي والسنين اللي مضت ماهي سنينك
انت ياحلم السنين المقبله والهم غايب	الدرايش في يدين البرد والخافق سجينك
والطعون اللي لها عندك مشاريه وطلايب	علها تفدا الحرير اللي تلمه في يدينك
قلت اسافر في بحور المسك والخفاق ذايب	الوله مورق وانا حلمي تكسر في يمينك
كل ما لاحت عيونك قلت ذا درب الركايب	للهقاوي مسرجين الريح واتبع قطينك
مايموت القلب دونك لو تحاصره النوايب	كل عطرا مربه ساقه على قلبك وعينك
مترف كنك تغبي بالمظاليل السحايب	ناعم طاح الظلام وعانق الشمس بجبينك
وقلت اشرع هالظلوع الحدب وجنون الهبايب	جت تصافق بالخفوق اللي معاليقه تدينك