ديوان الشاعر بدر بركات عوض السحيمي

اخواني وابناء عمومتي اتشرف ان اضع بين ايديكم
ديوان الشاعر /بدر بركات عوض السحيمي الحربي
وهو شاعر غني عن التعريف

 

هذه القصيده خاصه لملتقى ربعي
وقد كتبت (ملتقى السحمان الاجتماعي )بطريقة عموديه وهي اختيار اول حرف من كل بيت
[poem=font=",6,darkblue,bold,normal" bkcolor="orange" bkimage="http://www.alsuhman.com/vb/mwaextraedit4/backgrounds/10.gif" border="groove,10,blue" type=0 line=0 align=center use=ex num="0,black""]
من منطلق بدع الشعر والشعر ديوان العرب=كتبت من جزل القصيد اللي ينومس قايله
لو إنها تشرى دفعت من الغوالي والذهب=لكنها تهدا على عزوة تعدل المايله
تجمعهم الطيبه وعلم الطيب خير المكتسب=مثل الخيول السابقه تعرف بطيب أصايله
قامت مراجلنا على عزٍ ماقامت بالرتب=الطيب تبقى عزته والا الاوادم زايله
اهدافنا نسعى لها بالطيب والا بالغصب=نطمح لها لو قالوا العربان محد طايله
العلم غانم والوفاء دربٍ وتاريخ أنكتب=شالوه جداني قبل واليوم كتفي شايله
لا ماتموت الشجرة اللي ثمرها مثل العنب=مادامت عروق الفخر والمزن دوم تخايله
سحابةٍ يبرق رعدها غير عن باقي السحب=اليا مطرت مع كل وادي سيلت مسايله
حنا نجير المستجير ان جات غارات ولهب=ونصير له فية وفاء نهار شمس القايله
مبطي وحنا جارنا يلقى بنا صدرٍ رحب=يقلط بمدهال الضلوع ويرتكي نحايله
العمر يرخص للخوي وحناله السيف الحدب=الراس نسقيه السطر زودٍ على صمايله
ناقف مواقيف الجبال اللي يلاعبها المهب=وثباتنا وقت الشدايد تنتهي دلايله
اللي مايزرع غايته بالجد وجهاد وتعب=بيموت والله ماحصد غاياته ووسايله
إذا المراجل كايده ماقد عشقنا الا الصعب=واذا سعينا للكرم مانرتضي بدايله
جسرٍ مايبنيه الكرم والطيب وعلوم الشبب=ساسه ضعيف ولا انهدم يهدم على هزايله
تعيش ياراسٍ على المدات والجود إنعصب=في وقتنا اللي للأسف يظهر عطا قلايله
من لا رأى وجه الردا ماشاف للطيب طلب=ومن لاتفقه بالمراجل ماعرف مسايله
اللي يبي يسكن بعين ويفترش رمش الهدب=يوفي مع رجال الجميل وينتخي جمايله
عسفت مهرة غاية الشعار لو جات بعتب=وأظهرت من خافق ضميري محتوى نثايله
يقولها اللي ملتقى ربعه له الطيب إنحسب=والملتقى بوجود ربعه مثل (كرت العايله)[/poem]

 

[poem=font=",6,darkblue,bold,normal" bkcolor="orange" bkimage="http://www.alsuhman.com/vb/mwaextraedit4/backgrounds/60.gif" border="groove,10,royalblue" type=0 line=0 align=center use=ex num="0,black""]
جو رائع..جيب جاهز..فكر رايق=حي والله من جمعها في سنتها
لأجمعها شخص ماعنده عوايق=مابقى غير القصيد وهيجنتها
هي دواء وعلاج صدر جاك ضايق=من جروح الناس وعلوم السنتها
مانبي نعرف علوم ولا حقايق=ولا نبي هرج الرخوم وحسحستها
جعل راعي الكذب تنتابه حرايق=اتركوني والعواذل بلعنتها
خلوا الخافق يدوج بطعس فايق=معتلي والغيم ماغيره علتها
مع طيوف اللي طيوفه بالدقايق=يخطف افكاري واضيع بدلعنتها
حبها مابين ضلعيني يوايق=وزرعها بالقلب بالذكرى سقتها
اتركوني ياعرب ماني بطايق=باجمع اللي ضيقتي ماجمعتها
جو رايق.جيب جاهز.فكر رايق=وهالقصيده بس باقي هيجنتها[/poem]

 

[poem=font=",6,darkblue,bold,normal" bkcolor="orange" bkimage="http://www.alsuhman.com/vb/mwaextraedit4/backgrounds/60.gif" border="groove,10,royalblue" type=0 line=0 align=center use=ex num="0,black""]
ياوجودي وجد عود مايقوم=ماكتب ربي على عياله صلاح
ساكن بدار الرعايه معه قوم=كلهم نفس المصايب والجراح
لا تذكرهم تبسم هالرحوم=ولا تذكر فعلهم من غبن صاح
يسألون العود والشايب كتوم=مادروا الا يوم ان الدمع ساح
وش يقول وحالته تكشف علوم=من عقوق اللي تخلو يوم طاح
قال قايل هذا هو طبع الرخوم=وثار صدر العود من هرجه وفاح
اتركوه وحبهم باقي يحوم=في خفوقه مثل حوم ام الجناح
ذا وجودي فيك ياللي بي تسوم=مادريت ان الغلا مثل الوشاح
اشهد ان بعدك مثل حر السموم=واشهد ان الورق مع طاريك ناح
الله يجازيك رديت العزوم=والله يجازي طيوفك بالصباح[/poem]

 

[poem=font=",6,darkblue,bold,normal" bkcolor="orange" bkimage="http://www.alsuhman.com/vb/mwaextraedit4/backgrounds/60.gif" border="groove,10,skyblue" type=0 line=0 align=center use=ex num="0,black""]
الوداع احيان مايشفي غليل=والجروح تزيد لحظه غيبته
ياموادعني وانا عابر سبيل=شرق متوجه وانا تغريبته
كل ضيقه تجرح القلب العليل=وكل ظن اظن تظهر خيبته
لا تعنيني على الدرب الطويل=الموادع منك تكفي هيبته
ياعديل الروح واقرب من خليل=يامعلمني الغرام وطيبته
كيف ابصبر وانت جازم بالرحيل=الرحيل اعلان قرب مصيبته
ما شبعت بقربك ودمعي يسيل=لا ذكرت اللي ندر تركيبته
يكفي لا جيته وقال الود سيل=يابري حالي على ترحيبته
من كثر ما احبه احب الجبيل=ولو بيدي كان لا اطلب جيبته
الوكاد موادعه مهجاد ليل=ياهلا بالضيق لحظة غيبته[/poem]