ديوان الشاعر نمرمنور السحيمي (وارث الطيب) رحمه الله

أتشرف أن أضع بين أيديكم ديوان شاعرنا نمرمنور بن عويد السحيمي رحمه الله وأسكنه الفردوس الأعلى من الجنه

أبو بدر رحمه الله ولد في المدينه المنوره عام 1378هـ وكان أكبر أخوته

بدأ دراسته كاالكثير من نظرائه أبناء القبيله بمدرسة السيد عباس السقاف وحصل على الشهاده الأبتدائيه منها عام 1393هـ ثم التحق بمدرسة ابي بكر الصديق المتوسطه وحصل على شهادتها عام 1396هـ ثم التحق بثانويه الأنصار وتخرج منها عام 1400هـ (قسم علمي)

التحق بعدها أبو بدر (رحمه الله) باالكليه الأمنيه وتخرج عام 1404هـ وتعين بداره سجون المدينه ونظرا لكفائته رحمه الله وسمعته العطره في مجال عمله تم استدعائه لخدمه وطنه بسجون بريده عام 1408هـ الى أن عاد عام 1415هـ كضابط تحقيق جنائي بشرطه المدينه المنوره ووصل الى رتبه مقدم وهو بين ربعه واخوته بسمعه عطره وصله رحم فرض بها المحبه على من عرفه واستقر رحمه الله باالمدينه الى أن توفاه الله اليه اثر حادث مروري يوم الخميس 30ذي الحجه 1421هـ

توفي ابنه الأكبر بدر وكتب مرثيته به وكتب أيضا مرثيته بنفسه قبل وفاته..

توفي رحمه الله وله من الأبناء..ثامر..ماهر..عماد..عبدالله..بندر..عمر..بدر (الثاني)

هذا ماأستطعت الحصول عليه من سيرة شاعرنا رحمه الله من أخيه عدوان بن منور وأما ماأعرفه شخصيا عنه فقد لاأجد مساحه تكفيني هنا وقد تكون شهادتي فيه مجروحه ولاأملك الا سؤال من يقرأ قصائد ( وارث الطيب ) بالدعاء الصادق له بالرحمه والغفران

والسلام عليكم ورحمه الله وبركاته

 

رساله ( وارث الطيب ) الى الأمير العاشق ( نمر بن عدوان )


[poem=font=",7,white,normal,normal" bkcolor="firebrick" bkimage="" border="double,8,black" type=1 line=0 align=center use=ex num="0,black""]
يانمر ابن عدوان صرنا تواما=باالأسم والشكوى من هموم وطعون

لكن تراك أنت شكيت الغرامـــا=وانا ترى شكـــواي ماهي بها اللــون

أنت بكيت فراق راع الزمــامـا=وعفت الجمال وكل من قيل مزيــون

ومن عقبها حالتك صارت حطاما=وخفت اتزوج خبله(ن)عقلها دون

وقلت المثل يضرب جنوب(ن)وشاما=(ياعقاب هذا هو بلا أبوك بالعون)

هذا اللذي تشكيه عده اعواما=مالومكم والناس لا مايلومون

وانا أشتكي دنيا غشاها عساما=فيها البشر مابين طاعن ومطعون

والكذب فيها تقل ماهو حراما=والصدق فيها تقل ماهو بمسنون

والنذل فيها لابس(ن)له وساما=والصقر وسط النار يانمروشلون

وابا الحصين يركبونه سناما=والذيب خلو مجلسه فوق عرجون

ويامابه أوضاع(ن)وياما وياما=لو كلها أذكرها من القبر تقفون

دنيا أصبحت كوميديا مع دراما=ماعاد هي دنيا مثل ماتخبرون[/poem]

 

معيار الرجوله

[poem=font=",7,white,normal,normal" bkcolor="firebrick" bkimage="" border="double,7,black" type=1 line=0 align=center use=ex num="0,black""]
كان الرجوله في معاييــرك الـــــزول=والثوب والغتره... تحت سكبه عقال

وبشت وعطروالشارب أسود ومفتول=وبيجر وخاتم.. وازرق اللون جوال

وشبح ..وسبحه.. والخرز لمعه اللول=ومعهن رصيد بنوك (دولار وريال)

وبياض بشره.. أسود الرمش مكحول=وشعر(ن)مع أطرف نسمه تهب ينشال

وخطوة دلع..والهمس في ناعم القول=وأقوال واجد.... مالها ردة أفعال

تراك ضايع..ياادعج اللون مهبول=واقف على جرف(ن) تحراه ينهال

الرجل صمله قلب ولسان وفعول=قاسي جبل ..يدحم..ولاتهزه اجبال

ولاصار معيار الرجوله هو الطول=تراه ماقدمك بها الثوب ( رجال ) [/poem]

 

قصيده أضحك واجامل لوارث الطيب


[poem=font=",7,white,normal,normal" bkcolor="firebrick" bkimage="" border="double,7,black" type=1 line=0 align=center use=ex num="0,black""]
أضحك واجامل واتظاهر بنسيان=واقول للمخطي مسامح ومعذور

واكتم على مافي ضميري بقضبان=وانطق بكلمه من لساني لها دور

من شان مايهرج بنا فلان وفلان=ويشيل هرجه كل حاسد وثرثور

اللي نقوله ينقلونه بنقصان=ولا يريدونه بعض ناس باالزور

ناس(ن)لهم في عالم الهرج برهان=ياكثر ماشاهدت منهم من دهور

الصدق له باب(ن)مرصع بذهبان=ومعطر(ن) بالمسك والعود وزهور

والكذب له في تالي الوقت نسيان=لاشك حيله..تالي الوقت.. مبتور

لكن نعيش وناقل الهرج خسران=ونكايده ويعيش مخذول مقهور

حياتنا بيدين خلاق الأكوان=وكل(ن) يلاقي مابدى منه منشور[/poem]

 

يقولون النشاما رائعه أخرى لأبا بدر رحمه الله


[poem=font=",7,white,normal,normal" bkcolor="firebrick" bkimage="" border="double,7,black" type=1 line=0 align=center use=ex num="0,black""]
يقولون النشاما لانصاك الشر عطه الراس=ولادون الحلوق الا اليدين وربك الكافي

وليامنك ضربت أوجع بعزم اضرب وقوة باس=وليا منك قدرة العفو عند المقدره كافي

وليا خيب يمين الشر ولايسار خل الناس=تواجه شرها وابعد وقل ماهو بميقافي

ولاتضحك بمن واجه شروره مثل ابونواس=وعليك الناس تضحك ياجحا بالوجه والخافي

ولاتضحك بمن خانه زمانه وابتلاه الباس=ترى الله مايخلي من ضحك عايش ومتعافي

ولاتعطي عدوك سر واحذر ينقله بلاس=كثير الناس ضاعت في عجاجة جوها الصافي

ويقولون الرجال رجال وفيه من الرجال نحاس=توقع واعرف الفارق ترى لون الذهب صافي

ايوالله ياذهب صافي وياياقوت وياألماس=تشع النور من نارك وغيرك يحترق طافي

ايوالله ياذهب عزي وعلى راسي عصابه راس=وغيرك مايسر ومن متى عزالخوي هافي

ويقولون الجماعه عن ولكن هالعقول انجاس=عقل يجمع عقل فرق اقول الخالق العافي

متى الله يجمع العالم ويسري الحب بين الناس=قلوب الناس وش فيها تموت تدور الوافي

أقول الله يعدلها ولامالت على الأنجاس=ولادون الحلوق الا اليدين وربك الكافي[/poem]

 

من قصائده أيضا قصيده ( ياناشد عني ) واللتي يشرح فيها حاله واحواله وملابساتها حيث يقول

[poem=font=",7,white,normal,normal" bkcolor="firebrick" bkimage="" border="double,7,black" type=1 line=0 align=center use=ex num="0,black""]
ياناشد(ن)عني تقول أنت وش فيك=تعال وانت تشاهد الوضع معلوم

ياناشد(ن)عني تجرك خطاويك=للراحه اللي منها انا صرت محروم

ياناشد(ن)عني تسرك لياليك=وانا ليالي أظلمت مابها نجوم

ياناشد(ن)عني تحقق أمانيك=واعيش انا في عالم(ن) كله حلوم

ياناشد(ن)عني زمانك مهنيك=وانا بزماني ماتهنيت لو يوم

ياناشد(ن)عني ترى الحال يبكيك=عايش بدنيا كلها أحزان وهموم

ياناشد(ن)عني علي تصفق ايديك=لو شفت حالي تنحرم لذة النوم

ياناشد(ن)عني مع الوقت ياتيك=شرح(ن)وفي لحالتي من بعض قوم

ياناشد(ن)عني يجي من يواسيك=بافضح خبر باكر يقولون مرحوم[/poem]

 

المرايـــــــــا

[poem=font=",7,white,normal,normal" bkcolor="firebrick" bkimage="" border="double,7,black" type=1 line=0 align=center use=ex num="0,black""]
شوف المرايا باالخبرصــــــورتنا=متقـــــابلين وبااليدين الهدايا

صوره على كل اتجاه ارسمــــتنا=وقامت تهدد باالبيان المرايا

في بحرها عشنا زمن واغرقتنا=الموج شوفه من جميع الزوايا

كانت شراره..واختفت واضحكتنا=ضحك الغرور وللشراره بقايا

شلنا من الهم الكثير وسكــتنا=ماتقل نحمل باالضمير الشظـــايا

يوم التـقينا ليتـها فرقــــــــتنا=من قبل لاتكتب علينا خطـــــــايا

وليت السنين اللي مضت علمتنا=انه ورى بعض النوايا نـــوايا

قل للمرايا تنكسر..وضحتــــــــنا=صرنا ضحايا لابقن.... المرايا[/poem]

 

هذه القصيده من ابو بدر لأخيه الأستاذ ناصر النعيمي رئيس تحرير احدى الصحف آنذاك

هديه للتواصل


[poem=font=",7,white,normal,normal" bkcolor="firebrick" bkimage="" border="double,7,black" type=1 line=0 align=center use=ex num="0,black""]
كم عزيز(ن)..قال واصل سفرك..أبحر أواصل=وانتظرت..ارقب غدير الحيا..باشرب مزونه

ويوم ناض البرق..من شرق يلمع ومتواصل=جيت كلي..مندفع..باشعل الليل وسكونه

جيت في كفي سنابل..هديه للتواصل=جيت أشيـــل الورد..والياسمـين وزيــــزفونه

جيت ماحمل في يدي قوس منه السهم ناصل=جيت اببني..صرح شامخ..من العزه ركونه

وجيت ابهدم..كل حاجز وقف ضدي..وفاصل=جيت أذكر.. كل منهو طعني في طعونه

جيت ابكشف بعض حاصل ولااكشف كل حاصل=جيت أسدد..كل..ديان..برقبتي ..ديونه

وجيت..أشد قلوب وعيون..واحرك مفاصل=جيت لاجل عيون غالي..وصبرك ياعيونه

والله اني غير أحرك نقط..وألغي فواصــل=من بعض هاالصفحه المتخمه..حرف ورعونه

والله اني غير اسوق الركايب لين تاصل=للمكان اللي ورى سهيل..واشرب من مزونه[/poem]

 

وين أوديـــــــــــــك !!

[poem=font=",7,white,normal,normal" bkcolor="firebrick" bkimage="" border="double,8,black" type=1 line=0 align=center use=ex num="0,black""]
مرحبا بك.. أحبك موت واغليك=ياهلا بك حبيبي وين أشيلك ؟

كل ماغاب عن عينك يحييك=وكل ماتلمح العين يعدي لك

صدق محتار مادري وين أوديك=وينه آمن مكان اللي يشيلك

قلت بالقلب ياعمري باخفيك=خفت يزعجه نبضك طول ليلك

قلت بالصدر..خفت الهم يشقيك=من كثر مايشيله..يشتكي لك

قلت بالعين..خفت الدمع يضنيك=وانت صدرك حنون..الله وكيلك

فيك الاحساس مرهف..لابعد.. فيك=صادق شعورصادق من مثيلك

شفت وشلون.. ماكملت احاكيك=لاح في ورد خدك..سلسبيلك

بس..كف الدموع الله يخليك=ماحتمل دمعتك..تكفى.. دخيلك

والله اني ماقلته لاجل أبكيك=ياعسى الشر..عمري..مايجي لك

حط راسك على صدري..وانسيك=ياحبيبي عساي الحق جميلك

ذا يكفيك..لو حتى..يكفيك=لك عهد..مايجي غيرك..بديلك[/poem]

 

ليل الوفا...صبح....وصباح الجفا.. ليل

معنى لايجيده الا وارث الطيب

[poem=font=",7,white,normal,normal" bkcolor="firebrick" bkimage="" border="double,8,black" type=1 line=0 align=center use=ex num="0,black""]
شجرة غرورك..ترتوي من جذورك=كلما..رواها سيل..تحتاج للسيل

كم يفضح الطيبه..توهج..غرورك=يلعن بدون شعور..التفاصيل

فاضح شعورك..ليه تحرج..سرورك=لاترسم البسمه..يكفيك تمثيل

ماتستر البسمه..ملامح شعورك=هي ساومت سود الليالي قناديل

ماتغري الظلما..مصابيح نورك=ليل الوفا صبح..وصباح الجفا ليل

عندي حضورك..مثل غايب حضورك=ان طعتني..تقطع جسور المواصيل

والمد..لو عانق..شواطي بحورك=لاتنتظر مني.. مرد.. المراسيل

ابذر بذور الوهم..باطراف سورك=واسق الجذور..وشيل صوت المواويل

حتى غرورك يرتوي من جذورك=واليا غشاك السيل..يجتاحك السيل[/poem]