قصيدة دفاع عن فضيلة الشيخ صالح السحيمي لما نسب له

ياشيخ صالح روحت سيئاتك
لحقو بغيبتهم شيوخ وائمه

ياشيخ والله زودو بحسناتك
ولا يلحقك ياشيخ منهم مذمه

انته بري منهم وحنا عصاتك
اضربها من باع دينه ودمه

القاف قافي والمعاني عباتك
واني لاحولها عليهم امطمه

يالخارج اللي منعثر بعثراتك
وابليس في راسك نفثكم بسمه

ياويلك من الله من مقبلاتك
قدمك عذاب وغمة فوق غمه

مدحور حي ومنتحر في مماتك
ينبئك قول الحق عن ماتلمه

عقيم فكر يحرفونك اعداتك
ولايغررون الا ضعيف وررمه

ليتك لبست اللي يغطي خواتك
ياللي عليكم يدعي ابوه وامه

يذهبكم الله تنقلع بك حصاتك
انته ومن يدرج على الراس عمه

لاوالله الا حل موووعد شتاتك
مغوورق من المووت مافيك همه

بتموت مالك دين كوود احسراتك
ومن غررك دفك بصلب المهمه

ومن يعبد الله تذهبه بخملااتك
اذهبكم الله بالرماح المسنه

من في عباد الله سوا سواتك
من انحلال الفكر مافيك ذمه

جنبت قول الحق باول حياتك
وبالاخره نيرانها المدلهمه

قدمك عذاب الله تلقا جزاتك
انته ومن خطط لعلم تخمه

الكافر اللي مادرى عن مماتك
مثواه وسط النار ربي يزمه

يالخارج اللي لاهي بغفلاتك
رسولنا الطاهر ذكركم بفمه

واخر احاديثه صلاتك صلاتك
عليه صلي الله شرق ن ويمه

بابوي وامي يارسولي وصاتك
حدثت للمسلم عن اللي يهمه

عليك صل الله عدد غزااتك
من بعثتك حتى زمان الائمه

حاتم حمود السحيمي