تــــوك صـغـيــر ولا بــعـــد صـــــرت رجـــــال

هذه القصيدة تحكي عن قصة حقيقيه عايشها الشاعر الكبير عايض محمد العصيمي:

ابـــن الـمـطـوع مــــا لــقــا الــــدار مــاهــول
مخـل ٍ جنابـه عـن جميـع الونـس خـال

شافـه خـلا مـن عقـب مــا هــوب مـنـزول
وأقـفـا عـلـى أقــدام الحـفـا يـهــذل أهـــذال

ابـــن الـمـطـوع مـــات مـــع درب مـجـمـول
عطشان في راس أبرق ٍ نايف ٍ عال

لــكــن ســواتــي مــــا بــعـــد عـاشــهــا زول
ولا قـد سمعتلهـا مـع أهـل الـهـوى أمـثـال

عايشـتـهـا عـمــري ثـلاثــة عــشــر حــــول
أو هــو يـقـل عـــن الـثـلاثـة عـشــر حـــال

أنــــا صـغـيــر ونــاحــل الـخـصــر مــدلـــول
ســبـــع وثـــــلاث مـعـديـتـنـي ورى الــجـــال

الفـرق عـشـر ٍ فيـهـن أريــاف ومـحـول
فــــــارق هـــوانـــا فــــــرق راحــــــل ونـــــــزال

صــبــرت عــــل الـصـبــر يــنـــدار بـحــلــول
وحـمـل العـنـا عـــن بـايــد الـحـيـل يـنـحـال

أقـــــول أظـــــن الـصــبــر يــنـــزال ويـــــزول
وصـبـرت وأثــر الصـبـر مـــا هـــو بـحــلال

ونـويـت أكـسِّــر حـاجــز الـصـمـت وأقـــول
أمـــــــا طـــمــــع وألا مـنــاكــيــف وأجــــــــزال

واجـهـتـهــا خــايـــف وســايـــف ومــذهـــول
وأخبـرتـهـا بـالـحـال عـــن خــافــي الــحــال

واجهـتـهـا مــــن راس مـرسـلــت مــرســول
وردت بعلـم ٍ مـا خطـر لـي علـى الـبـال

قــالــت واشـافـيـهـا تــفـــرق عـــــن الــلـــول
تــــوك صـغـيــر ولا بــعـــد صـــــرت رجـــــال

اليـا شـتـد عــودك وأصـبـح الـزنـد مفـتـول
ومـشـيــت مــــا بــيـــن الـمـنـاعـيـر تـخــتــال

يـمــديــك تـلــقــى مـــــن يـسـلــيــك بـــدلـــول
ويـحـطــلــك بــأقــصـــى خــفــايـــاه مـــنــــزال

وأقــفــت يلـحـفـهـا مــــن الـلــيــل مــجـــدول
مـــا غـطـتـه عـــن نـاظــر الـطـفـل بـجــلال

أقـفـت وأنــا فــي مـاقـف الـيـاس مـخـذول
مـفـلـس افـــلاس مـضـيـع الـجــاه والـمــال

تـفـتـر بـــي دنـيــاي فــــي حــيــل مـشـلــول
وفـي مـا قـفـي مــا طـاعـت الـرجـل تـنـزال

وراح الزمـان وطـال واطــول بــي مـطـول
وأصـبـحـت فـــي رجـــوى قـبــالات وهــبــال

أصبـحـت جـرحـي فــي خفـايـاي مـشـيـول
نــــوب يـهـيــض ونــــوب يـلـتــف بـأسـمــال

لا طـــاب مــــن مــابــه ولا مــــات مـقـتــول
أبــطــى وتـاثـيــره عــلـــى الـنــفــس مـــــازال

جـرح ٍ يــزوره ســاري الطـيـف محـمـول
عـلــى مـتــون الـلـيـل فـــي مـهـمـه الــــلال

يسقـيـه فـــي لـــذة كـــرى الـنــوم مـعـسـول
حــلـــو الــمـــذاق بــلـــذة الــنـــوم ســلــســال

مــن منـهـل ٍ ياعـنـك مــا هــوب مـنـيـول
صعـب ٍ عـلـى خـيـار النشـامـا والانــذال

والـيـا انتـبـه جـرحـي مــن الـنـوم مـثـمـول
عــــادت عـلـيــه أتــــراح الافــــراح تـنــهــال

هــذا جــواب الـلـي عــن الـنــاس مـعــزول
عـزل الجبـال الصـم عـن جــرد الاسـهـال

واتــلا الـجــواب مـــن المسـاهـيـر هـمـلـول
تـهــدي لـهــاك الـــزول مــــن بــــد الأزوال

شعر /عايض محمد العتيبي





وعايض محمد من الشعراء المبدعين والمتواجدين على الساحه الاعلامية ايام الشعر الحقيقي والشعراء الكبار في فترة الثمانينات الميلاديه والرعيل الاول من شعراء العصر الحديث

يعطيك العافيه على الموضوع

دايما يابو فهد ما تختار الا الجيد صح لسان الشاعر عايض شاعر قصايده جزله

الف شكر لكم جميع على المرور

فعلا اختيار موفق وراااااائع يابوفهد ولك عندي عتاب بس في وقته ياولد العم