قصيدة بمناسبة افتتاح الديوانية

بسم الله الرحمن الرحيم
* ارحب بجماعتي واثني عليهم لجهودهم في المنتدى *

وسعد عيني يوم شفت الذي صار
	وضع القبيله بالوفا زود في زود
الحظ قايم والمحبه لها دار
	معمور من ربعن لهم شان معدود
وآخر صروح المجد مجلس للاحرار
	تنشا له الفكره وبالخير مشهود
فيه الشعر فيه النصايح لها اصدار
	نبني بها جيلا"ن" على الخير معهود
من قدمهم شيبانهم شيدو دار
	مشهود بالخيرات للطيب مردود
بالدين والفزعات والعز للجار
	من سمعتن مثل الذهب ياهل الجود
مبدأ ومكسب سجلت والزمن دار
	وذكر الحاضر بماضي له بنود
معدودة وموثقه بروس الأحبار
	من روس قوم والطناخه من العود
ورثها لعيالن لهم فعل جبار
	بالمرجله والرحمه اللي على الود
بنوره اللي شع من فوق الأنوار
	شي"ن" ينومس والحميا لها وجود
براس كل سحيمي ماهو بمحتار
	يجيك للفزعه متعدي بها حدود
ومن اجل ربعي بأجود القاف بالنار
	واسطر بيوت "ن" لها الفكر مكدود
ويالله ثبتنا على الخير باصرار
	وابعد حسود "ن" ينوي الحبل بعقود
والجيل هذا عاد كل الذي صار
	من مجد مبني والخلايق له شهود

أخوكم / عادل سليم السحيمي