05-05-2013, 08:53 PM
|
|
|
حدى الامرين !!
هذه القصيده ارسلتها إلى احد اصدقائي عندما خفت عليه من شر رفقاء السوء اللذين يلتفون حوله ويحاولون استغلال فطرته السليمه وحسن نيته اقول فيها
| سلام الله سلامن فيه من بعض العلوم علوم |
|
| |
سلام يصد عن خبث اليدين ولا يخامسها |
| اتا خايف عليك من الكلاب اللي عليك تحوم |
|
| |
حدى الامرين ياعضت يدينك ياتنجسها |
| وانا مثلك بعد خايف ماقول إني ملك معصوم |
|
| |
لكن مرت على دروس للغالين ادرسها |
| _ احد_ مقوي لاطاح يقوم و _ احدن_ لاخثع مايقوم |
|
| |
و _احد _ نفسه على كرسي ملذاته مجلسها |
| انا ودي تعلق بالرجال اللي تسمى قروم |
|
| |
رجالن ماتوجه للمكان اللي يدنسها |
| على عز وشرف نبيك تعكس صورة المرحوم |
|
| |
ابوك اللي بذر جزل السجايا فيك واسسها |
| تعوذ من بليس وراجع اعمالك وصل وصوم |
|
| |
وكل اعمال تغضب وجه ربك لاتمارسها |
| وابيك تحسب للشده ترى وقت الرخا مايدوم |
|
| |
وابيك النفس بالترغيب والتخويف تحبسها |
| واقول: إياك والغيبه ترى لحم العرب مسموم |
|
| |
قبل تنطق بكلمه رتب الكلمه وفهرسها |
| ابلغك السلام وفيه من بعض العلوم علوم |
|
| |
سلامن يبذل المجهود وإيمينك يخامسها |
آخر تعديل حسين مرزوق بن راشد يوم
06-05-2013 في 01:02 AM.
|
العرض الشجري