علما(ن)لفاني فزني واستفزيت

الوقت مللني وانا منه مليت
ياحظ ناسا(ن)في زمنها سعيده

اضحك واسلي خاطري لو تعنيت
واصبر على مر الليالي العنيده

ابديت ماخفيت واخفيت ماابديت
والقلب شبت به حرايق وقيده

ياكيف يامحمد يجي ماترجيت
ونفس الطريق اللي مشيته اعيده

علما(ن)لفاني فزني واستفزيت
واحيا جروحا بالضماير عديده

دار الزمان ودارني لو تهقويت
ودار الزمان اللي يذلل شديده

البارحه في تالي الليل ونيت
ونة سجينا(ن)داخل السجن عيده

يسري بي الهاجوس واقبلت واقفيت
تعبت بدري والمقاصد بعيده

يالله ياللي تحصي الحي والميت
ياواحدا(ن)قادر على ماتريده

تحقق اللي في حياتي تمنيت
قبل القبر واهوال ساعه نكيده
منقوله
تحياتي
بعيد الهقاوي