13-04-2012, 01:20 AM
|
|
|
،،،(( ثلااااث و ثلااااث ))،،،
| في داخلي ضيقه وثوره وإنقلاب |
وفي خارجي لمقاوم الفتنه رسن |
| ينفك باب وينقفل عشرين باب |
حتى الاماني في مهدهن عنسن |
| وهقوات نفسي بالغه حد النصاب |
ماكنهن في (معهد الخوف)إدرسن! |
| صار الخطأ في خاطري مثل الصواب |
وافراح عمري كل ماقمت إجلسن |
| طفت أربعين ولا جنيت إلا العذاب |
تايه مع الاحزان وضروفي قسن |
| الوقت طاحني على ضرس(ن) وناب |
واسناني اللي في جمايه سوسن |
| إلى متى بطرد ورى ذاك السراب ؟ |
وإلى متى بذكر آمال (ن) نسن؟ |
| وإلى متى يبقى السؤال بلا جواب؟ |
وإلى متى بصبر على أوهام (ن) رسن؟ |
| وإلى متى والغيث في غر السحاب؟ |
وغصون قلبي جف ماها ويبسن! |
| ثلاث حاجات(ن)تجيب الأكتئاب |
الفقر والوحده ودمعات المسن |
| وثلاث حاجات (ن) يردن الشباب |
المال والبنون والوجه الحسن |
| صحيح بي ضيقه وثوره وإنقلاب |
لاكن معي لمقاوم الفتنه رسن!! |
|
العرض الشجري