سمعت شطر للشاعر القدير/ راشد السحيمي وكان هذا صدااااه !!

( لا يصير إذنك بطاقه كل من جاها شحنها)
	شطر صاغه شاعر(ن) مافيه مثله فالجزيره
الجزيره كلبوها شامها واللا يمنها
	تعترف وتقول: راشد سيرته في كل ديره
راشد الحربي ليا راهن على الجزله ضمنها
	مثل ضلع طويق شامخ ماسك رسان المسيره
شاعر(ن) قدام لاينطق بها الكلمه وزنها
	فيه خير وفيه عرف وفيه صدق وفيه غيره
محترم لا قلت له(تكفا)دفع كامل ثمنها
	سيرته عز وشرف للمجتمع واعز سيره
تحتضنه الاوله من قلب مدري يحتضنها
	نظرته فوق العلالي مالتفت صوب الاخيره
قلتها والكلمه اللي قلتها مسؤل عنها
	في نهار(ن) يسأل ابنآدم عن اللي فالسريره
ودي اسلم عليه وله تحايا نختزنها
	فالضمير وكل مخلوق(ن) يعبر عن ضميره
(ومن يحط إذنه بطاقه كل من جاها شحنها)
	مايحصل له صديق(ن) يعتزيبه فالجزيره!!