،،،(( التوبه ))،،،

ياالله يامهيمن بنفعه وباسه	يامفظل ابنآدم على السبع الاطباق
يامحيي الدمدم فحزة يباسه	ياحي يامالك مفاتيح الارزاق
يامطعم الجايع بعد حل ياسه	ياعالم بغيب الليالي ياخلاق
طالبك توبه مابعدها إنتكاسه	عاااااجل قبل لاتلتف الساق بالساق
فالنفس عيت لاتفيد السياسه	في غيهب اللذات تسهى وتنساق
في دنيتي ماذقت غير التعاسه	في معمعة عمري بلا سنح وارواق
إتظن في الناس خير وفراسه	وانا من الحسره علي الفضاء ضاق
قلبي على الفطره يالولا إنغماسه	في غفوة التسويف لساااع مافاق
ادرس وعيت لاتفيد الدراسه	رغم الحياه إلها دروس(ن) بميثاق
الآدمي لافارق اهله وناسه	إفراقه إمأبد ماهو بية إفراق
كل(ن) تفصل له ملابس مقاسه	وتحصى له اعماله على بيض الاوراق
إما يجي فالعرض مرفوع راسه	واللا يحطوله سلاسل فالاعناق
احد(ن) يقدم له عسل وسط كاسه	واحد(ن) يقدم له حميم(ن) وغساق
العاقل اللي قص دربه وقاسه	ويفرح بمقسومه ليا قيل : من راق
العذر يسهل فالحياه إلتماسه	لكن مانظفر به لايبسن الارياق
لابارك الله فالفرح والوناسه	إن كان ماسرنا على دين واخلاق
اتوب واذنب نعنبوها إنتكاسه	واحسرتي لو تلتف الساق بالساق!!