اللغز العلمي في هذا الاسبوع وش

وش الثنين للي لهم درب باني
	اسما لهم تعرف بس الشكل مايشاف
متعاكسين الدرب ذاني وذاني
	وكلن معه ورعن عديمن بالوصاف
مدخالهم بيتن رهيف المباني
	انهار تمشي والجوهر به اصناف

في كل كائن حي هذا ضماني
	وبدونهم صعبه حياته وتنعاف

الألغاز وأنت أدرى يابوطاهر تجي على حلول كثيره والصحيح دايم عند راعي اللغز

شكلي بأهود وأضم صوتي لصوت أبوفلاح !! بطلب المساعده !!

لو من بعيد لبعيد هههههه

حياك لله يابو ريان انته والزملاء اللي معنا في الملتقى من اعضاء وزوار جميع وتمون انت وهم ولك عليه في كل لغز انزله
يوم السبت او الاحد يبقى اسبوع اذا انحل قبل الخميس انتهى واذا مانحل لكم مني اضافت بيت توضيح من يوم الخميس حتى
يوم السبت الذي اطرح به الغز الاخر وهذا البيت الاضافي لتوضيح في اللغز المذكور اعلاه

لكم تحيييييييييييياتي

مسيتوا بالخير جميعا
اخوكم فلاح معزي دخلت بعضوية الوالد بعد إذنكم
وياابو طاهر عندي رمعه لعلها صحيحه

الحل عندي ياجزيل المعاني	ياللي حبكت اللغز مع حبكت القاف
هذا اكسجين الروح من غير ثاني	قدرة اله الكون بالنفس تنشاف

الحل هو عملية( الشهيق والزفير) وبالنسبه للورعين هم(الاكسجين وثاني اكسيد الكربون) والبيت هو جسم الانسان

اشكرك يابو معزي على الحل والابيات الراااااااااااائعه وبيض لله وجهك بس لي مطلوب انك اذا لقيت فرصه ثشارك
مع ربعك وتراي معجب في شعرك ولك ابيات وشيلات طيبه وربعك يتمنون هذا الشي وهذه بيتين هديه تراي يعلم لله اني احب اشجع الشباب

الحل جبته يافصيح الساني
	تبارك لله راس حربه وهداف
بالشعر لك مبدى وعلمك لفاني
	والشعرله حكمه على كل محراف

بيض الله وجهك أبومعزي وصح لسانك ويشرفنا تواجدك بعضويه جديده ومشاركتنا بكل اقسام الموقع


وصح لسانك أبوطاهر على البيتين الأخيره وكل ماتطرحه

أبو طاهر وأبو ريان اسعد الله مساكم يشرفني ويسعدني اطلاعكم واقدر تشجيعكم لي وابشروا بما أستطيعه

صح السانك ابو طاهر
وبيض الله وجهك يابو فلاح على الحل