ياماعذلت القلب لاشك ماطاع

يامـا عذلـت القلـب لاشـك مـا طــاع ولاهو على بعض المعاني سنوعـي
غاب وعمى ماله من البين مطـلاع مـتـحـيـر مــالــه مــنــاع مـنــوعــي
وا ونتـي مالـي مــن الـنـاس فــزاع ولا فـكـنـا كـــل الـقـبـايـل بـطـوعــي
واكتلت من لوعـات الايـام بالصـاع ولاهـي علـى راسـي كثيـر ربـوعـي
غصب على الغالين يطلعن الادمـاع والصـبـر والله منـزلـه بالضـلـوعـي
وانـا بـدبـرة سـامـك الـعـرش قـنـاع ولاني من اللـي يقسـم الله جزوعـي
يا عالـم بالغيـب يـا مبـري الاوجـاعيــا مـالـك الدنـيـا بصـيـر سـمـوعـي
تاسف لمن قلبه غـدا حصـو مقـلاع والا فـحــم كـيــر يـشـبـه قـطـوعــي
علـى حبيـب حـال مـن دونـه الـقـاع عـــذب عـــذي عــايــز بالـطـبـوعـي
تفهـم لـيـا غضـيـت يـمـه بالاصـبـاع والناس ما تـدري علـى ايـاة نوعـي
وليـا طلبتـه حاجـة جــت بـالاسـراع اسـرع مـن العبـرة بنثـر الدمـوعـي
وان جـاه شـي مـا تـدور بـه اطمـاع ولا هي من اللي يدهلونـه بشوعـي
ولانا من اللي يدحـم الوجـه مرتـاع لو غبـت عنهـا خاطـري بالسنوعـي
وان جو منـا كيـف مـع البـر جـواع طار الخبيث ليـا لفـوا عقـب جوعـي
وبـه ذارب مـا تطلـع البيـت مخـراع مـــا عـلـمـت قـوايـمــه للـطـلـوعـي
ماهي من اللي لامشت تقل سعساع مثـل هريـف الذيـب بـيـن النجـوعـي
وبه ذارب كنه علـى الديـد مرضـاع اسخـى مـن الوالـد حـلـي النفـوعـي
بقلـبٍ صخـي عايـز الطبـع مـطـواع لو اشتمه تضحـك وتمشـي بطوعـي
يا مسخر الحوته ليونـس بالاضـلاع يـا خالـق الاثمـار مــن كــل نـوعـي
بجاهـك وجـاه اللـي للاسـلام شفـاع المصطفـى سيـد قريـش الشفـوعـي
تجعل لهـا فـي جنـة الخلـد مجضـاع ارجيـك ياللـي منـك ترجـا النفوعـي
على الصراط ليا مشـت بـاع وذراع لمحة بصـر او سبـق بـرق لموعـي
لـو يعرضـن عذبـات الانيـاب فــراع متـولـع قلـبـي بـهـا وطــار شـوعـي
دغيم الضلماوي

 

صح لسآن قايلها
وتسلم يد ناقلها
يعطيك العافيه أخوي...

 

جزل ياأبوسلطان ولايجي منك ألا الجزل ..

تنسيق القصيده يعطيها قوتها أكثر وكلنا والله بلشانين بالتنسيق هههه رغم أن أبو معوض منزل موضوع عنه ..

تقبل مروري وصح اختيارك

 

صح لسان شاعرها رحمه الله عليه وعلى جميع اموات المسلمين وصح اختيارك وذوقك يا ابو سلطان وسلمت يمينك
تقبل تحياتي

 

مشكورين بعيد الهقاوي وبوريان وبومحمد رحم الله والدي الجميع
ونا وبو معوض عينين في راس وعتذرله

 

طيب ماتجيب لا الطيب يابو سلطان
وصح لسان قايلها ورحمت لله عليه
وتقبل اطلاعي

 

بارك الله فيك بعيد المشاويح