مرثية الشاعر عبدالعزيز منصور بفقيدنا عبدالرحمن عايد السحيمي رحمه الله

سكران فرقا ماسكرت بفعل خمر
ياخوي ياعضدي وياراس مالي
امر من غيبتك ماذقت لي مر
واحلا من حضورك ولاذقت حالي
ياللي سواليفك على بالي تمر
وتجيب عيني دمعها اول وتالي
وماكنها الا سيل جارف ومن جمر
تخالطت صورتك معها فبالي
كبودنا من نار وعيوننا حمر
اليا طرا لاخواني اللي طرالي
من بيننا عشره وزاد ومضى عمر
وياليت لو ترجع علينا ليالي
افعالنا بيضا لو وجيهنا سمر
وافعالك لحالك بروس الطوالي
يامضمر بطيبك صعايب تبا ضمر
ان غاب زولك مايغيب الظلالي
والله ليا منه بغى نفذ الامر
وياابو حسام الفقد نارن وصالي
عسى السحايب فوق قبرك لها همر
ويكرمك ربك ياكريم السبالي

صح لسانك يا ابو منصور
الله يرحم عبدالرحمن ويدخله فسيح جناته
ابو منصور من شفتك امس وانت جاي من سفره طويله تذكرت رمضان العام وانت معنا وعبدالرحمن معنا اه ياعبدالعزيز المصاب كبير ربي يجبري كسرنا ما اقول الا بيض الله وجهك يا اخوي وحبيبي عبدالعزيز

ياهلا اخوي عبد العزيز ومبارك عليك الشهر الكريم وصح السانك على هذه النوادر الثمينه ورحم الله اخينا عبدالرحمن برحمته الواسعه والطيب مايغيب ذكره ولو غاب عن دنيانا

صح السان الشاعر عبدالعزيز المنصور
وسلمة يد من نقلها إلى هنا
ورحم الله الفقيدعبد الرحمن واسكنه بفسيح جناته

صح لسانك يابو منصور ورحم الله ابو حسام

راعي وفا ابومنصور ولاهي غريبه عليه هالأبيات صح لسانه والله يرحم عبدالرحمن ويجمعنا به في جنات النعيم


تقبل مروري ابوشهد الله يجبر عزاكم بأبوحسام