من القلب للقلب للشاعر القدير : سلمان نفاع عمران السحيمي

اهلن هلا بلي حضوره لنا نور	والنور نعمه والبشر تستضي به
حييت ياسلمان واقول : مشكور	لك من صميم القلب حشمه وهيبه
انته على الجزلات منته بمجبور	ترا الجزاله فيك ماهي غريبه
شاعر ولد شاعر بحاسيس وشعور	ولك نظرة(ن) فالشعر ماهي قريبه
ياليت شعرك ينقشونه على صخور	من شان يبقى للعرب تقتديبه
اسمح لي اسميك للشعر دكتور	ولايشتكي من باس وانته طبيبه
كلن بها الدنيا مكلف وله دور	ودورك يبن نفاع ردع المصيبه
ياكم شاعر يكتب البيت مكسور	واللي ماتكسر من بيوته صويبه
ويحضى بجمهورن وديوان منشور	ويقول: انا عندي قصايد عجيبه
الشعر تال الوقت مدمور مدمور	وان مااحتما بحماك من يحتميبه
ارجوك لاتبطي ترا الشعر مقهور	عجل قبل لاتحط فوقه نصيبه
اغيابكم (ظلمه) وتشريفكم (نور)	حياالله اللي فالدجا نستضي به !!

(((((( ارجوا المعذره لعدم تنسيق القصيده حيث حاولت امرار وتكرار ولم استطيع والجود من الموجود وتقبل تحياتي يبوشجاع ودمت بألف خير ))))))

يستاهل أبو شجاع فعندما تقرأ ديوانه تجد فعلا الشعر الجزل المفيد
وصح لسانك يابوأحمد ولاعليك زود انت أيضا

صح الله لساانك ياابوو أحمد وبيض الله وجهك .. هذاا كلاام ينحط وساام على صدر االواالد ..
الحقييقه أبياات نبعت من مشااعر شااعر نكن له التقديير والاحتراام في قلووبناا ،، شااعر أجبرناا وأسرناا بأبيااته الشعريه ،، بصرااحه لاا أدري مااذاا أقوول وماا ذاا أفعل عندماا قريت هذه الأبياات التي كفيت ووفيت فيهاا بحق شااعرناا ( ابو شجااع ) ولن أجلس مكتووف الأياادي ، بعوون الله سووف أبلغهاا لواالدي وسووف تصل اليه بالقريب العااجل بحوول الله وقووته .. أبياات تستااهل المدح والفخر والاعتزااز والإشااده ..
ساامحني إذاا قصرت بكلاامي ليس لدي ماا أقوله ولن ولن ولاا يمكن ان اعطيك او اوفيك حقك ...
كل ما أملكه هوا قوول شكراً ومااعليك زوود ..
لن أقوول شكراً واحده بل الاااف الشكر لك وكل ماانطق لسااني بكلمة شكر سووف أذكررك واشكرك ألف ..
شكراً ابو أحمد وبيض الله وجهك ودمت لناا انت وشعرك الاكثر من رائع ....
هذاا كلاامي ولاا أدري ماا يملكه الواالد من كلاام لك ،،. بل يرااودني إحسااس بأن رده بأبياات مماثله لأبياات التي قرئناهاا وعشقنااهاا ..

انا الذي اشكرك اخي زعيم سلمان وانت الذي تستاهل الثنياء الحسن والشكر الجزيل لأنك جزل وكلامك جزل وهذا لانستغربه منك وانت شبل ذاك الأسد الأسد الذي نعتبره والد الجميع لمايملكه من اخلاق عاليه تجعل الجميع يتعلق به اكثر واكثر ووالدك الكريم له بصمه مضيئه تجاه تكميل جماعته وجيرانه واصحابه وزملائه والوقوف معهم في افراحهم واحزانهم وهذا لايستغرب عليه لأن معدينه اصيل 0 ووالدك الكريم ليس بحاجه لمدحي وفارض مكانته بمواقفه المشرفه0 وانا اقسم بالله اني اعز واحترم كل من مد الوفاء مع جماعته لاسيئما في هذا الزمن الذي ظهرت فتنته وان قلبي يتقطع حزنآ عندما أرى هذا مع اصحابه وهذا مع اصحابه وتجده مقصر تجاه جماعته اللذين هم حزامه وعصابة راسه في الرخا والشده ولو ربط بين جماعته ومن صلح من اصحابه لكان خيرآ له 0 وانا اقول هذا الكلام وانا أول المقصرين مع جماعتي ومهما فعلت لاأوفيهم حقوقهم,,,,, وفي الختام اسأل الله العظيم رب العرش الكريم ان يردنا الى رشدنا ويصلح امرنا وان يهدينا الى صراطه المستقيم وآخر دعوانا ان الحمد لله رب العالمين ,,,,,,,,,,,,,,

صح لسانك



تسلم يمينك
يعطيك ألف ألف عافية ... نتطلع لجديدك دائماً
شـكــ وبارك الله فيك ـــرا لك ... لك مني أجمل تحية .

هذي القصيده للشاعر/ سلمان بن نفاع السحيمي ...
رداً على قصيدة الشاعر/ صويلح بن مرجي السحيمي...

قاف(ن) سمعته ما على بدعه قصور	من شاعر(ن) ما فيه شكه وريبه
ذا شاعر(ن) مخبور والأصل مخبور	دايم شداده فوق ظهر النجيبه
جزل البيوت ويترك العمي والعور	ورميه صواب نسدده فالضريبه
ولا يقرّب الأبيات من كل محذور	من خوف ناقد مع دليل(ن) يجيبه
شعره نظيف ومن سمع صار مسرور	مثل العسل لا صار صافي صبيبه
اللي جناه النحل من عالي الطور	له معسله توجد براس الرقيبه
والضلع والوادي من الوسم ممطور	ولحد(ن) يفلي به على شان ذيبه
دار(ن) خلا ما جالها نزل وسبور	الا الظبا اللي دوجت في شعيبه
ولا هان رجل(ن) ما هرج هرجة الزور	والمدح للغيّاب ما فيه غيبه
صويلح ولد مرجي وله باع وشبور	ولا خاب منه دايم(ن) يعتزيبه
ندعي لهم عداد من حج ويزور	وعداد زوار(ن) يزورون طيبه
عساه فالدنيا على الخير مامور	ومن جنة الفردوس ياخذ نصيبه
ولا صار ما رديت شعري على الفور	ابغاه يسمح لي بنفس(ن) رحيبه
والوضع كله شعر والشعر مقدور	شعر(ن) ثمين وشعر ما ينغزيبه
مير الغناه تخلي الرجل مستور	لا باروا الأصحاب يرجع لجيبه
وايامنا لها تحاسيب وكسور	وحسابها ومتابعتها صعيبه

صح إلسان شاعرها وناقلها والشاعر الجزل مايكتب إلا الجزل ورد وافي وكافي من رجل وشاعر غني عن مدحي يشهد له الجميع بمواقفه المشرفه ويستحق لقبيلته ان تفتخر به ولا على الطيبين امثاله زود والشعر يقال وينسى والرجال امثال ابو شجاع يبقى مدى الحياه شامخ في قلب كل من عرفه استبيح الشاعر القديرابو شجاع وشبله الفاظل زعيم عن عجزي بالتعبير عن مايكنه لهم القلب من محبه صادقه لله شاكر ومقدر لهم وسوف تبقى هذه القصيده وسام فخر وعزه على صدري مدى الحياه حفظ الله شاعرها وناقلها من كل مكروه حيثما كانوا0

صح لسان شاعرها وسلمت يمين ناقلهآآ

وتستاهل يآأبواحمد .. وقليله في حقكـ


الله وحدهـ القادر على ذلك .. أن يجعل لنا دايمآ وابدا اجتماعً مرحومآآ وتفرقاً معصومآآآ


وبارك الله في هذا الصرح وفي القائمين عليه الذي كمل بتوفيق الله النقص الذي كان واضحا لاغبارعليه00 وبفضل الله تم التواصل رغم طول المسافات 000 نسال الله الثبات ثم يعيننا على انفسنا حميعا والا نمل والا نكل في شحذ همم الرجال
في هذه القبيله وسرعة انضمامهم لهذا الصرح حتى يكتمل العقد 0000

الله يعافيك يازعيم وصح لسااان شايبك
ابو أحمد يستاهل كل خيرويستاهل ماكتب فيه

شكراً ياابو احمد على هذاا الكلاام الجميل ....
شااعرااناا :
سلمان بن نفااع السحيمي ( ابوو فاارس )
صويلح بن مرجي السحيمي ( ابو أحمد )
------------------------------
لكم من كل قلب محب صاادق احسااسه الود والحب والوفااا ،،،،،
شكراً لكماا شااعرااناا واسأل الله العليم رب العرش العظيم ان ينفع بماا قلتم وان يجعله في موازين حسنااتكم ونتطلع لماا هواا قاادم من ابدااعكم وشعركم الجززل ...