مقر عرف وراس منصى رياجيل=من رؤس ربعي طول الله لياليه

بسم الله الرحمن الرحيم
القيت هذه القصيده بزواج رفيقنا مروان عايض عليان السحيمي لعلها ترقى لاذوقكم الشعريه
اسعد الله مساء الجميع يشرفني الوقوف امام ربعي وضيوف ربعي ونبارك لاخينا مروان عايض عليان السحيمي نسال الله له التوفيق

يامن لك التسبيح منا وتهليل
	ونطلب رضاك ومٌنك العفو نرجيه
ياخالقآ ذا الخلق جيلآ بثر جيل
	ومففنيه سبحانك وفي يوم محييه
بك البدايه والمعاني ابتفصيل
	من مبتدا الكلام يالين تاليه
امنسقه وابدا عليكم ماباطيل
	والشعر جزل اوهزل من فكر راعيه
في حفل شيخآ له مكانه وتجليل
	شيخ الخصال الطيبه كلها فيه
مقر عرف وراس منصى رياجيل
	من رؤس ربعي طول الله لياليه
ان كبرت القالات بتاع حلحيل
	وتاخذ رجال العرف رايه وتعطيه
صليب راس وباس راعي معاميل
	علي رفاده حي والله طاريه
الكفو في مدحه يزين التماثيل
	اجاهر ابمدحه وبالطيب اهنيه
اللي لربعه نعم ربعه له اتشيل
	غلا الرفيق اللي كفو يوم نغليه
تشريف له هو والعيال المشاكيل
	ذوي عليان النشاماء بنيخيه
ياحاميآ بيتك بطير الابابيل
	عبدك ابوعايض بجنتك كافيه
وحضرت والحضور واجب وتكميل
	لحقوق ربع الرجل وحقوق داعيه
اما القصيد ابعون ربي تساهيل
	اللي لكيف الشعر ضرمان اقهويه
للشعر كيفآ مثل سوق الفناجيل
	يسوقه الشاعر امبهر الباغيه
وذوقه مثل در البكار المباهيل
	جزل الشعر له ذوق لدى امحبيه
ومن منطق الشاعر تبين المحاصيل
	اما قوي والا ضعيفه معانيه
حياك ياشعرآ يجمل ليا قيل
	يبقى صدى معناه في ذهن موحيه
وافي مايلقى به عليه مداخيل
	الا الصحيح اللي امزين قوافيه
لا دندن الهاجس وجر المؤاويل
	اللي بغيته بالقصيده عطانيه
اليا ورت ارد على صافي النيل
	ولي عودتآ لابد على شواطيه
وصلو على من جاه بالحق جبريل
	شفيعنا في يوم كلن يلاقيه

[/poem]

صح لسانك يابو فلاح وبيض الله وجهك وراعي جزاله دائمأ مبدع سلمت يالغالي

صح بدنك ابوطاهر ووجهك ابيض دايمآ شكرآ لمرورك ولا عليك زود بما قلت دمت بحفظ الله مع اطيب تحيه

حياك ياشعرآ يجمل ليا قيل
	يبقى صدى معناه في ذهن موحيه
وافي مايلقى به عليه مداخيل
	الا الصحيح اللي امزين قوافيه

أنا أشهد يابوفلاح وصح لسانك لاعدمناك

اسعد الله مساك ابوريان وصح بدنك شاكر لمرورك بارك الله فيك دمت بحفظ الله

صح السانك يابو فلاح كما عودتنا على كل جزل وابو معلث يستاهل والربع يستاهلون كل طيب والله يعطيك الصحه والعافيه ودمت بخير

صح بدنك يابوكادي شاكر ومقدر لمرورك اطيب تحيه لشخصك الكريم دمت بحفظ الله وبخير وعافيه

صح لسانك يابو فلاح على هالقصيدة الجزلة يستاهل ابو معلث المدح وانا أشهد انه كفو لها على ماقلت
بيض الله وجهك وتقبل مروري

صح بدنك ابوشهد ووجهك ابيض دايم وكما قلت ابومعلث كفو لما قيل فيه شاكر ومقدر لمرورك تحياتي لك