ديوان الشاعر موسى مناور السحيمي

	بسم الله الرحمن الرحيم السلام عليكم ورحمة الله وبركاته : ملتقى أبناء قبيلة السحمان من حرب يسعدني ويشرفني أن أضع بين أيديكم ديواني الشعري واخترنا لكم بعض قصائدي الوطنية و قصائد المناسبات التي ادعى لها من قبل قبائل عزيزة على قلوبنا لعلها تحوز على رضاكم وانتم بدون دعمكم لنا نعتبر لاشي .. وأخيرا تقبلوووا فائق احترامي وتقديري ,,,,,,, موسى مناور السحيمي الحربي

بسم الله الرحمن الرحيم .

هذه القصيدة في الشيخ حناش بن جارالله العبيدي القحطاني

يا لله اللي خالق الدنيا وعالم منتهاها	جل شانك يا عظيم الجاه خلاق البريه
لااله الا انت سبحانك وعرشك في سماها	واستؤاك لايق لجاهك ونفحاتك زكيه
قوتك ما فوقها قوه ولا والله وراها	نستمد العون من عونك ومداتك سخيه
انت وحدك تغفر الذنب للنفس وخطاها	يا لله اجعلني لطاعتك لي نفس رخيه
واحترام الذات لرجال مطلب من بغاها	والضعيفه من نصيب اللاش والكف الرديه
ومن بغى ود الرجاجيل ما يبحث خفاها	والجمل يشتل الاحمال لو كانت قويه
و والله انه ما يسلي خاطري ولا مناها	كود لا منا مع الدرب عقبنا طميه
شغل اللي كنه الطير والشمس وضياها	غايبه عن المخاليق واضواها خفيه
مركب يبهجلك الروح ويحقق مناها	ريحة أعطور العروسه بكشنه داخليه
لكزس جنوط الكافرات ما ركب غطاها	ما بعد دقوا سويته وشغل فيش ضيه
ابيض فيه الفخامه وعالي مستواها	والله اني ما بعد شفت يا حامد حليه
كل حاجاته جديده من المصنع كماها	صانعينه للمطانيخ والشيخ وسميه
ولا مشينا مثل ما قيل ساري في عماها	والله اني عارف الدرب والنيه مطيه
ان مشينا صبح ولا مشينا في مساها	سجلوا حناش في الشاشه قبل نصل العليه
وامسك الخط المطرف وحذرا لا تلاها	في طريق كله ازحام والديره مليه
واقرواللوحات في الشاشه لغرناطه عساها	للمطر من طلعت الصبح لا وقت العشيه
مسكن اللي ما تفاخر بالكذب ولا تباها	والتواضع والوفاء والطيب والروح الرضيه
نحروه اللي يمينه تشعشع من عطاها	والله انه راعي الجود وكفوفه نديه
فاتح صدره للاجواد ويكرم الحاها	في مضيف داخله طيب ولا النار حيه
اتواهج داخل اوجاره ولا يحرق سناها	وفي طرفها ادلاله الرسلان واعلوم طريه
وسط مجلس يشرح الصدر ورجولك وطاها	فوق ديباج الملامس تقل لمسة بنيه
والذبائح داخل الحوش ما يعرف سراها	كل من جاله من الناس قدمله طليه
تدري ان اسماء هل المجد للمجد وقراها	كل من يقراء حروف الكتاب الابجديه
واسم حناش العبيدي على الصفحه معاها	كنه اوسام القيادي قدم صف وسريه
يا بو احمد واستمعلي ودقق في معناها	يا خوي ساعة الضيق ما يترك خويه
فزعتك مع الرجاجيل ما يلحق مداها	يا شموخ كنه طويق ولا الفيصليه
فزعتك ماهي لقحطان ولا لحلافاها	فازع لكل القبائل وفي راسك حميه
من رجال تنطح القوم لا دارت رحاها	في زمان الشلف والسيف والغزوه عضيه
راضعين المجد يا قحطان بالديد وغذاها	ينولد منكم عقاب ولا نولد منكم حديه
مجدكم من فوق الاقمارثابت في فضاها	ثابت مثل المجرات ضمن الكوكبيه
رفعة ما بعدها رفعه وخلق الله تراها	من قديم الوقت ياهل الفخر والشاذليه
والله ان قومتك قومه ولا رجل شناها	و والله إني جيت ناصيك مادور عطيه
والعطاء من رب الارباب من سابع سماها	الكريم اللي على الخلق مداته سخيه
جيتلك والصدر ضايق وروحي من عناها	ما تذوق الزاد والنوم مثرتن عليه
اتقلب في فراشي تقل تحتي حصاها	ما تقل نايم على فراش والعيشه هنيه
ولا لقيت علاج روحي ولا عندي دواها	والله اللي يفرج الهم ويحل القضيه
والقصيده صغتها صوغ وابعد عن غثاها	وانثر افكاري وانا احس في راسي شضيه
وما مدحتك يا لعبيدي وانا أدور جزاها	باقة احساس ومشاعر واقدمها هديه
وبا لبدايه نحمد الله وابختم منتهاها	اللهم صلي واسلم على خير البريه

[/poem]

دعيت في حفل زواج الاخ العزيز سفر بن مبارك القحطاني في محافظة الاحساء يوم 27/10/1432 وكانت هذه المشاركة

سلام يا قحطان يا لربع الحشام	من المدينة جيت عاني ومعزوم
دعوتك ليه يا سفر اكبر وسام	وانا على البي الدعوه واقوم
رغم العمل والبعد وضروف وزحام	الا ان جيتنا لكم شي محتوم
جينا نلبي دعوة الناس الكرام	اللي فعايلهم رقت فوق النجوم
عندي خلايا المخ عيت لاتنام	وافكار راسي تشتغل عيت تنوم
فجيت صدري من وراى حدب العظام	لان المعاني تجعل الشعر محكوم
ويوم امتزج حبر المشاعر والمرام	طوحت بفكاري كما صقر يحوم
وعجزت حروف الشعر ويعجز الكلام	عن وصفكم يا هل العوائد والسلوم
هذي عبيده والشعر فيها استقام	الطيب فيها جعل فيها العز دوم
يا عبيده كان عج الخيل قام	تدحمون القوم و الفعل محسوم
يا عبيده من زبنكم ما يظام	فزعت اللي حده الوقت محروم
ويا عبيده من خوال ومن عمام	وارثين المجد ورث ومعلوم
يا عبيده من مدحكم ما يلام	وتبت أيدين الذي فيكم يلوم
والعبيدي كنه الحر القطام	للمعالي والسمو دائم يروم
وصفكم ماله مكان الا الغمام	ورجالكم دائم يسدون اللزوم
في ذرى شيخ من السطوة همام	ان بغيته في الدفاع وفي الهجوم
الحصان اللي ما ضري للجام	الحصان اللي قوي في العزوم
العقيد اللي ايتفاخر بالمهام	ما تفاخر بالمشالح والهدوم
شيخته ما هي سواليف وعلام	شيخته قبل البطأيق والختوم
ذاك ابن شفلوت دام الشيخ دام	في المعارك يجعل الخصم مهزوم
و العظيمة مالها غير العظام	و الشكالة يا سفر حظ القروم
واشهد انك من مرويت الحسام	غصبا عن اهل الذل وعيال الرخوم
يا صاحب الفزعات لا شد الحزام	يا راعي النخوات في برد وسموم
انته محلك يا سفر راس السنام	بالمختصر قسمك من اكبار القسوم
محبتك منقوشة نقش الرخام	بين الحنايا وسط قلبي ومحشوم
ومحبتك بين المجالس والأنام	تاريخها بين وواضح ومختوم
بالورد واليشموم وأزكى الاحترام	ما هي محبة مصلحة ولا علوم
من الفرح يطير لك سرب الحمام	ويجر صوته من تحت مزن وغيوم
ومن الفرح انظر رفيعين المقام	اللي لفوا من كل وجهات ويموم
وجيههم تشع فرحة وابتسام	وصدورهم تعج طيب بلا هموم
يا لله عسى افراحك تكرر طول عام	متعاقبه في كل ليل وكل يوم
واختامها ازكى صلاتي والسلام	للمصطفى خير البريه بالعموم

مرثية في سيدي صاحب السمو الملكي ولي العهد الامير سلطان بن عبدالعزيز رحمه الله واسكنه فسيح جناته وجعل مثواه في الفردوس الاعلى امين

هلت الدمعة من العين الحزينة	وارتمت في دفتري حبر وقصايد
والله ان الحزن فيني يا روينه	يلتهب كني على نار و وقايد
وانتثر في داخلي هم وغبينه	لكن إيماني لرب الكون عايد
القضاء ما فيه شك الا سكينه	ما كتبه الله يصير وصار سايد
مات ابو خالد وشعبه فاقدينه	مات من ياقف في حزات الشدايد
مات ابو خالد راع الكف الامينه	طاح نجم في علو الكون نايد
بالنعش فوق المناكب شايلينه	قأيد ودع ما هو بيات قايد
يرحمه ربي بما تبذل يمينه	الكرم زايد وفعل أيديه زايد
كم يتيم ماعرف فرحة سنينه	كم سجين دمعته هم وزهايد
كم مريض حالته صعبه وشينه	كم غريب غربته ذل ونكايد
كم معاق ما لقا منهو يعينه	كم عجوز مالها ناس وفوايد
كم فقير والخلايق طالبينه	معوز مقهور ما عنده سدايد
كم ضعيف دنيته ما هي بزينه	كم وكم وكم يا كثر العدايد
ضمهم سلطان في بشته وعينه	وأصبحوا في جنب ابوخالد سعايد
الأمير اللي مواقيفه رزينه	الأمير اللي بعيد عن المكايد
والله ان مدات ابو خالد سمينه	ما يقدم غير جزلات وفرايد
والله إن أيديه للفزعة رهينة	وابتساماته على وجهه عوايد
الزعيم اللي مواقيفه ثمينه	الفقيد اللي من إكبار الفقأيد
المدن من بعد ابو خالد حزينه	والقرى والنخل وطيور وجرايد
والملك والشعب والخير وعوينه	والفعايل من قديمات وجدايد
كلنا نبكي على فرقاه وينه	والعزاء في واحد كله زوايد
لو فراش القبر من لبنه وطينه	يا الله انك تجعله زل و وسأيد
وريحته تفوح ورد وياسمينه	والنضر ممدود ما قدمه سدايد
جعل ملائكة المغفره محتوينه	ويا الله انك تبعده حر الوقأيد
يا لله انك ترحمه وتعز دينه	و في جنان الخلد ينعم في الرغايد

هذه القصيده في اخي ورفيق دربي وصديقي الوفي المخلص المقدم حامد بن مداوي الحبابي القحطاني وفقه الله ورعاه وسدد على طريق الخير خطاه

يا راكب اللي وردوه بدبتين	ماهو جميحيا ولا هو من الفرود
ولا هو مورد من قطر وأم القوين	من مصنعه وسط السفينه للحدود
مورده عبداللطيف بلوحتين	اوراق جمرك لا زيوت ولا وقود
لكزس وزايد عن خواته حبتين	اسرع من الطلقه من اخشوم الفرود
مشيكين الزيت فل البانزين	ومزينينه مثل تزيين العنود
واذا فتحت الباب عطر وياسمين	ومخلطن من كل باقات الورود
وكشنه من الداخل يسر الناظرين	اجمل من النضرة لسمحات الخدود
ومرايتينه من يسار ومن يمين	ان جيت احليها مثل راس القعود
وركبت لوحات البلد يا سامعين	اميزه والرقم واحد بالعقود
والعقد صادر من مرور الحرمين	رخصه ومختومه بختم ابن سعود
يا سايقه خل الرخوم الحاقدين	ونصه على قحطان قاسين الزنود
لحامد مداوي له سلام وعأيدين	وللعيد فرحه يا عريبين الجدود
العيد عيد الله وعيد المسلمين	ما هو بعيد للنصارى واليهود
حنا خلقنا الله رجال مومنين	لا رافضه فينا ولا فينا زيود
ونبينا اخر نبي في المرسلين	محمد الهادي ولا نبغى شهود
والبارحة يوم الخلايق نايمين	هواجسي مابين بيض وبين سود
الله يكافيني شرور الحاسدين	وانه يكافيني من اشباه القرود
لاجيتهم يا بو مداوي ضاحكين	ولا قفيت قالوا جعل زوله مايعود
احيان اقول الناس يا خي طيبين	واحيان اقول الناس مافيهم حسود
واحيان اقول الناس ياخي خايبين	الله يا كثر الموارد والعدود
يا بو مداوي بين جيم وبين سين	سوالف تثر وتاثير محدود
وياصاحبي وانتم رجال غانمين	تستاهل الفنجال بن وريح عود
الى نخيتك تجعل القاسي يالين	ولا نته مضريها على كثر الوعود
انته حبابي شيخ قوم وشيخ دين	من روس قحطان الوفاء واهل العهود
قحطان ربعك في الملاقا فائزين	اسود واشبال تسلسل من اسود
ودي اذا ماصحت بالصوت الحزين	عندي قحاطين تقود الموت قود
ان جيت اعدد فعلكم ربي يعين	فود على فود وفود فيه فود
منكم ابن هادي فعل في نجد لين	بعض القبائل تدفع الجزية وزود
ومنكم ابن شفلوت بالجنب المتين	شيخ المشايخ في عبيده بالعدود
ومنكم ابن مهمل كما الدرع الحصين	اعداه مثل الماء وهو مثل السدود
ومنك دليم اعداه دائم ميتين	مطوع العاصي وحراق الكبود
ومنكم ابن لبده فعل والفعل زين	كسب العرب ناقه وكسب الشيخ ذود
ومنكم ابن هدلان عوق المعتدين	شيخ عن ربوعه وعن داره يذود
وابن شري لعل راسه ما يهين	شيخ يصد أعداه ويشد القيود
وشيوخ قحطان الوفاء و المحتمين	حدودهم من دون شرط ولا بنود
هذا مثل ولا العدد يبغى سنين	ما يكفي العداد في فعل محمود
وفعولكم وسط الجزيرة باليدين	اثبات ما فيكم جبان ولا شرود
شيخوكم بين المشائخ بارزين	كالروس مابين المناكب والعضود
قلته وانا حربي وربعي كاسبين	المجد والنوماس والمرقى سنود
وقت المغازي والحرايب ثابتين	مثل الجبال الصم من فوق النفود
وكل القبأيل يا لحبابي فاعلين	في نجد ولا في الحجاز وفي الحدود
ما ذمهم والله نصير الصادقين	وما ينكر افعول الرجال الا جحود
واليوم حنا في ذراى ليث العرين	موحد الدولة سلالة بن سعود
خلا القبائل كلبوهم خاضعين	للدين والدولة وخلاها سهود
والحمد لله في سلام وأمنين	وحتى الفتيله ماتجي خشم الزنود
يالله عساه بجنة الفردوس آمين	عبدالعزيز الفيصلي وايديه جود
وختامها على النبي والمرسلين	ازكى الصلاة الطيبه والزود زود

دعيت في حفل تنصيب الشيخ حياء بن فيحان العياضي وكنت برفقة خالي الشيخ سالم بن دريويش السحيمي وكانت هذه المشاركة

اشتعل في راسي الشعر وبنيته	مثل ما تبنى رفيعات المباني
والله اني يا مهند ما خذيته	وما تسلفته من القاصي وداني
والله انه لا طلبني ما عصيته	وان طلبته يا مهند ماعصاني
مطلبه واضح ولا عمري ثنيته	ومطلبي واضح ولا عمره ثناني
ايتزاحم في خيالي مناشيته	ويتراقص في الضلوع وفي المحاني
ويتصافق في الورق لحضة قريته	لين طوعته وجودت المعاني
والله ان العذر موجود وعطيته	للوجيه الطيبة والعمر فاني
بس عذري للعياضي ما قويته	والعذر مرفوض والمشيه ضماني
راكب اللي يعجب السواق ليته	في موديله ما ورد وسط المواني
البريمي فاحسن بديه وزيته	ما يورده الجميح وبهبهاني
موصفاته فل حجمه اف أيته	يعني مصدر من الحد العماني
يعجب السواق من دقت سويته	وحس ماطوره كما حس الغواني
يا سلام الله على حفل لفيته	في ديار ما تناساها الزماني
والمدايح في القصيد اذا بديته	فيك يا راع الخويرى ياالحصاني
ذا نفل ذايع مع العربان صيته	بالبنادق والسيوف وبالصواني
ان بغيت الحرب ليتك ماغزيته	وان بغيت السلم تبشر بالسماني
ما يخيب هقوتك لا من هقيته	ذاك ابو فيحان ما يرضى الطماني
والله ان المجد لامنك طريته	شامخ مثل شموخ الضلع اباني
لا جهلة العلم ولا لا نسيته	انشد التاريخ واسمع بالاذاني
وانت يا فيحان للمجد ورقيته	في مكان ابوك حافظ للمكاني
راعي الوقفات والطيب احتويته	ما خذيته من فلان ومن فلاني
يرحمك ربي عدد من زار بيته	وعد من صلووصاموا في ارمضاني
يا حياء مبروك والفخر ارتويته	كاسبه في سر ولا في علاني
والله ان العز في حيه وميته	اتعاقب بالدقائق والثواني
وفعل معلث بن هدي لا من بغيته	فاتك في القوم في حد السناني
وياعليثه والفرس لامن عليته	دون دارك والقبيله والعواني
والله ان الموت في الغزوه شريته	ما تهاب عداك ياسهيل اليماني
كم زعيم فر ماجود بشيته	وكم زعيم طاح من ظهر الحصاني
فعلكم واضح ولا والله كنيته	يا رجال ما تعرفون التواني
والعياضي في المواقف لا نخيته	والله ان العلم عود علم ثاني
فيهم المعروف مغروز ولقيته	في الطبأيع والعوائد واللساني
وكل رجل فيه فعله ما شنيته	لا ورب الكون والسبع المثاني
وفي النهاية جعل شعري لا بنيته	يذكر الواقع ولا يكذب الساني

[/poem]

هذه القصيدة غزلية وهناك ملاحظة قد يجدها القارئ وهي تكرير كلمة هائم في الابيات الثلاثة الأخيرة فكل كلمة لها معناها المستقل

البارحة يا بو مداوي وانا نائم	فزيت من نومتي على طرف كوعي
مدري وش اللي بلاني والله الدائم	خطير قلبي بغى يطلع من اظلوعي
واخذت ساعة وفكري منشغل حائم	لا ني بصاحي ولكن شبه مفجوعي
يا صاحبي والزمان الشين له لائم	يشعب همومه علي أفراد وجموعي
وسبة همومي هنوف ذكرها دائم	وخيالها في النضرحاضر ومطبوعي
شارب غلاها وانا عن غيرها صائم	يا جوع حالي عليها واه يا جوعي
وان مرني طيفها حتى وانا قائم	جلست عجزان جوفي تقل ممزوعي
العين مثل البحر والرمش به عائم	وحجاجها منرسم رسمه ومصنوعي
والخد يضوي كما ضوء القمر زائم	والفم جمرة غضا والريق ينبوعي
والصوت يدخلك دنيا جوها غائم	إحساس همسات ماتثر على سموعي
والصدر ونهوده الثنتين متلائم	تفاح شامي صغار بحسن مجموعي
والخصر يشكيبه المضيوم للضائم	استغفر الله تقول الخصر مقطوعي
والورك من ردفها يشكي ومتسائم	ومفصل جسمها بالوصف مربوعي
شدت وقفت وانا مازلت متشائم	والله عن الناس غير اكفكف دموعي
وقلبي عليها مثل طير الفضاء الهائم	وحتى الدقائق بعدها كنها سبوعي
واضمى عليها مثل هاك الجمل هائم	ما هو محصل ولو قطره ومنقوعي
عز الله اني بها يا صاحبي هائم	لكنها ابعد من الحبه على كوعي

هذه القصيدة في مدح قبيلتي قبيلة حرب العريقة وتاريخها المشرف ولا يلام الرجل ان يمدح قبيلته ولكن اللوم كل اللوم ان يقلل من شأن القبايل الأخرى فكل قبيلة لها مجدها وتاريخها ولاينكرها الا جاهل والحمدلله ان توحدنا على يد الملك عبدالعزيز رحمه الله وجعل الجنة مثواه

ياراكب اللي ليا منه نوى ديره	يشوفها حد مصباحه وتمثاله
اقطم من ديار الشرق تصديره	والتصاميم حسب الطقس واحواله
قمة إبداع في شكله وتصويره	انسيابي من أيمينه إلى أشماله
فسفله يا مهند يأتي سبيره	وبصمته خصصت للباب واقفاله
النياكل تقادح تقل قصديره	والفرامل كما النيران شعاله
ان نظرت المكينه يعجبك سيره	مستدير حبل دلو بمحاله
داخليه تناسق صف ازاريره	صفت الماس في جيد المها هاله
اقرب اشياء للونه كنه الشيره	المسافات يطويها كما الباله
لكزس والعلامه شبه تدويره	كنها قطعة في بطن محباله
توه اللي خلص فسحه وتقريره	من الجمارك بختم العود وعياله
نصه اللي تعرف الحق والجيره	ربعي اللي نهار الكون قتاله
رجلهم دائم تضحك اساريره	ولا يقفل عن المعروف جواله
فعلهم يعجز التاريخ تفسيره	هم اساس الوفا والجود عماله
ودي اذكر عن الابطال لو سيره	في القبيله من أسلاله إلى أسلاله
مجد فريس للحرب ومشاهيره	صفحة العز للتاريخ وأبطاله
حرب حرابة الترك وطوابيره	في زمان يروح الرجل مع ماله
يا سلامي ليا دق الوغى زيره	وانتخوى بين رجليه وخياله
والمعادي يلو تبعد مشاويره	نا صله وسط مقطانه ومنزاله
وكم زعيم تفاخر في مظاهيره	فر من حربنا يبكي على اطلاله
انتحى ما تشوف الا معاصيره	يوم قفا سوات الدلو في جاله
قدمك الفرم ما توخذ مصاغيره	محتميها ابو جلال بافعاله
اسم يصعب على التاريخ تصويره	كنه طويق ولا الأالب وجباله
والذويبي وخيل جاتك مغيره	واللويصق معه والعز يبراله
الكبيره تعود عنده اصغيره	كم راس من الامتان قد شاله
والزبيدي زعيم و يشعم النيره	وافي في مواقيفه ومكياله
طوع اللي محملة بوابيره	استحل البحر بالفعل واقواله
والمزيني فعوله حيرت حيره	اشهد انه شرار الحرب واهواله
وعالم في كتاب الله وتفسيره	شارب العز في الغزوه وفنجاله
وابن ناحل كرم دله وتبهيره	والصواني وفعل الجود يزهاله
في المغازي يده تمسك وتمريره	يعطي اللي يجيه وصافط ماله
وابن موقد على الأتراك تسويره	رغم قل العتاد وعدوا القاله
ابن موقد يعرف الحرب ويديره	كل تركي في ذاك اليوم يرثاله
والجميلي ما يبخل في دنانيره	لا نصيته رمى غترته وعقاله
في المعارك بعيدات تفاكيره	و القصائد تفاخربه وتهداله
والسحيمي سنام المجد والسيره	عطرت بالفخر والطيب مدهاله
ومن زبنا يبا يلقا تباشيره	فزعة تفرحه لين ايهداء باله
كل حربي ما يكثر في معاذيره	لا نخيته تبي تلقا السعد فاله
والخوي والله انا من مناصيره	في التواريخ مثبوته ومنقاله
البلالي مقيد في مساميره	عن خويه مقدم يا عرب حاله
قدم الروح للسيف ومناشيره	ما تزعزع شجاع وذا الفخر ناله
وينجي الله نويشي من زمهريره	في خويه قطع يمناك يا خاله
غير سته ذبحهم يا لله الخيره	ذي سحابة وفاء من وقت هماله
وحجرف اللي يهلي في خطاطيره	نار تشعم وبن وهيل بدلاله
قدم بيته معلقتن شناكيره	يذبح الحيل والفطر لمن جاله
ايتباشر اذا جوله مساييره	ما يتعذر عن الطرقي من احواله
والكرم ما يحسب في مخاسيره	يوم فقر يعجز الرجل دسماله
معجزات تواتر في أساطيره	ما هي علوم نصابه ودجاله
وفعلنا ما يدون في طباشيره	ما مسح ثابت للمجد واجياله
ولا نذم القبائل كل وخيره	ووالله انهم نهار الكون خياله
الشعر مخي تفنن في معاييره	بين الخلايا قوي ما يقطع ارساله
ما جيب شعر وأدور منه تبريره	شعري ليا قلت كل الناس تصغاله
منقحه والكلام الزين تعطيره	من عقل صافي ولانحسب لجهاله
علم اللي علينا نافخ كيره	يلزم الصمت لا نكشفله أعماله
يلعن إبليس لا تصهل مزاميره	كان عايل ما قدمه غير عياله
الرجل ما يتحدر في تفاكيره	ونظرته لا تجي في وطيت أنعاله
وفا لمجالس تقول بداخله طيره	ما عرف وين مخراجه و مدخاله
لازم انه يميز في تدابيره	يحسب الهرج في دقه وفي اجلاله
ويحفض الله ولاة الامر للديره	ونحمد الله بحكم العود واشباله
فيصلي حكمها عدل واذ خيره	لين صارت عروس وجات مختاله
ذا ملكنا ولا نبغى ملك غيره	علم اللي تغث الكبد واحثاله
واختم الشعر في حرفي وتعبيره	با لصلاه الكثيره لنبي واله

[/poem]

هذه القصيدة ممازحة بيني وبين الابن نواف وفقه الله

يوم الاوادم خاشعة والجميع نيام	تفاكير راسي مشغله قلبي المجروح
وانا البارحة تقول محكوم با لاعدام	همومي عليه من جميع الجهات تلوح
انا والولد نواف وكتابة الاقلام	تخالف ولكن في الحقيقة زعل ويروح
انا اقول من ينصى الرياجيل ماينظام	وهو يقول من ينصى الرياجيل مثل اللوح
وجيه الاوادم ماهي الا لحم وعظام	يبان الزعل ولا الخجل والصدور تفوح
كلام السعة يثر على العقل والصمام	ويثر على باقي الجسد والجروح جروح
يا راسي تحمل صكة الحزن والايام	شموخك ولاتبقى كما الميت المطروح
يا نواف لو عظك زمانك فلا تنلام	تشيد صروح وتنرمي من نظرك صروح
اشوف المعرفه لابسه ثوب دون اكمام	ولقيت الكرم دمه على غاربه مسفوح
يا راع الذلول اللي تهبد بدون اخطام	ذلولك ترى ما قدمها الا جبل وسفوح
لسانك حصانك ماش فعل ولاش اجرام	حذاري حذاري وانتبه يا قصير الشوح
ترى الزير ضحى في خوي الوفاء همام	على شان ثار اخوه ما قاله مسموح
وانا ماني مضحي بمثلك يابو عزام	ذخرتك لوقت مابه الا العقل والروح
رفيق الوفاء معصب عمامه وحقو حزام	يطيب أيتردى شاربه بالوفاء ممسوح
ورفيق المصالح رفقته ما تكمل عام	عزينا ولا لي من وراى رفقته مصلوح
ورفيق يولع في طريقي جمر والغام	وكيله عظيما يعلم السر والمفضوح
ورفيق اذا جيته ضحكلي وقلبه سام	عرفته ولو هو في وجيه العرب ممدوح
وعسى الله يكافينا من الصاحب النمام	ماتدري هروجه صدق ولا هروج امزوح
وعسى الله يبعدنا عن الضن والاوهام	وما يزعلك خله بصدرك ولا به بوح
ولا همنا حكي المهابيل والاقزام	سلامي عليكم ياهل الخاطر المشروح
وترى المشركين اللي توذوا من الاسلام	آخر واحد قاموا بقتله ولد مبحوح
عبدة الله الفرد الصمد ما عبد الأزلام	كريم ودائم باب رزقه وهو مفتوح
انالي في الزمن واقع ولي في الزمان احلام	يا قلبي عروقك كدلي في القليب تموح
قليل الجدى ماله ترى كود عض ابهام	يفرك يديه وداخله ممتلي وينوح
تمر المواقف في خياله كما الافلام	وتمر السوالف من لسانه وهو مبحوح
خيالي يحلق في الفضاءات من اعوام	وانا يا ولد ما ني مغفل ولا مذبوح
ومخي مشفر مثل تشفيرة الارقام	ويمنح بما عنده حسب ما يبي الممنوح
وانا احيان افكر مثل تفكير ابو عرام	ولكن لديه اختلافات ولي اطروح
وانا ما نظرت لخلف انا نظرتي قدام	وانا فالزمن ناصح وانا فالزمن منصوح
وانا صح مريت بمشاكل تعد اكوام	ولكن الله انجاني كما انجا سفينة نوح
واثقال الحمول يشيلها واحد مقدام	رجل في المواقف لا بخيل ولا مشفوح
جبل ما تحركه الهبايب جنوب وشام	تشد العزائم من عزومه عديل الروح
يا نواف ما عندي وقلته بدون اللزام	ونقاشي بما عندك على الطاولة مطروح

[/poem]