قصيدة الشاعر ايمن ناير

قصيدة الشاعر ايمن ناير بالمناسبه اللتي أقيمت بمزرعة ابناء الشيخ سالم بن دريويش السحيمي رحمه الله لفضيلة الشيخ القاضي ذياب بن سعد السحيمي

بسم الله الرحمن الرحيم
آلسّلآمُ عليكم ورحمة الله وبركاته

الا ياربنا الفرد الصمد يالواحد المعبود	تسهلي طريقي يالولي وتحقق مرادي
آنا شاعر بصدري ياإللهي للقصايد ذود	ليا من عرضن وسط الجموع تغيض حسادي
تثور براسي أفكاري كما تثويرة البارود	والى مني بغيت الصعب دونه ضربت زنادي
هلا يآبو عمر وإعداد ماهبت هبوب النود	وعدد مآتحمل الغيمه عدد ما رن رعادي
‏​​​​​هلابك دارت الدله تقفاها ثمين العود	‏​هلابك والمدينة حضنها الدافي لك ينادي
ذياب العدل والوقفات تشهد والرجال شهود	وأنا فعلك وعرفي لك ترا هم خير شهادي
ومن بعدك هلا باللي لفونا في محل الزود	محلِِ أسسه من كان للفزعات روادي
ولي وقفه مع ذكراه ياليت الليال تعود	واقبل كفه الطاهر وهذي كل أعيادي
تعلمنا كرمه وعزته وأحسانه المعهود	وتعلمنا التشاور بالأمور وجمع الأيادي
عسى الله يرحمك يا تاج راسي فزعه الملهود	عسى الله يرحمك يآمن سكنت بداخل فؤادي
عسى الله يدخلك في جنته وبطلحها المنضود	وعسى الله يجمعك مع خير خلقه سيدنا الهادي
وذكرك حي ياراس المكارم دايم وموجود	ولا ينساه ياكود الجحود المبغض الغادي
ويقولون لا عقب ترا مايموت العود	وأنا أقول ما ماتو وهذا نسل أجدادي
أسود عقبت من بعدها للطايلات أسود	يسدون من حده من أيامه الحادي
ويقولون لا زاد العطا قل دخل الزود	وأنا أقول لي سيل جرف حادر الوادي
ومعلوم الفضا واسع ومعلوم الرجال عدود	وانته يآكريم الساس عدي وأنت ميرادي
أسوق بكار فكري يم بابك بدون قيود	وتراك سهيل في كبد السما ظاهر وبادي
وأنت اللي بعد ربي عليك الأمل معقود	على نهج من جابك تسير لدرب الأمجادي
وانته رأس يا خالي وحنا لك سند وعضود	ولا خير في بيتِِ بليا طنب وأعمادي
سلامي على النادر سلامي على الفرهود	سلام يمتزج مع عطره الريحان والكادي
ومنهو مثل خالد نسل سالم يا وريث الجود	حرام أني على رأس السنام موثّق شدادي
ويا عيسى يا سيف في يدي يم العدا مجرود	يآمنوة خاطري يا سيفي اللي دايم جلادي
ويا ممدوح وأحلفلك أحبك حب دون حدود	سِعد من كان جنبك لا بدا في وقته عنآدي
وصلاة الله على الهادي نبيه سيدنا المحمود	شفيع الخلق في يوم ما ينفع مال وأولادي

صح لسان شاعرنا واتمنى ان تلامس ذائقتكم

صح لسان شاعرنا ايمن بن ناير بن عوض ورحم الله جدك فقيد السحمان سالم بن دريوش واطال الله بعمر شيخنا الفاضل الشيخ ذياب بن سعد
قصيده رائعه ومؤثره وشكرا خالد على النقل

راع البويضا شاعر فحل و اصيل بغض النظر عن عمره ماشاءالله عليه ريحة الهيل والعز والمرجله ماتغيب عن قصيده
ويستاهلون الممدوحين اكثر والله يرحم سيد أهل الجود خالي


مشكور يـ ابو شهد واعتقد ان خلف طرحك هناك شاعر اكثر من ممتع لإن ذائقتك تأتي بعيون الشعر

الله يعطيكم العافيه جميعا وشاعرنا ايمن يستاهل الثناء من اهل الطيب وعسى الله يجمعنا على الطاعه
دمتم ......




وانتظرو ابداعات ايمن قريبا
تحياتي

صح السان الشاعر ايمن
والف شكر لك الشقاوي على هذا الطرح الرائع

معلوم الفضا واسع ومعلوم الرجال عدود

مشكور اخوي خالد على النقل وصح لسان ابو ناير

سلمت ودمت ابوشهد دائما اختياراتك موفقه

أيمن ناير شاعر قوي وجزل نتمنى أن يتواجد بيننا ويستطيع ان شاء الله