يالراس شف لي

بسم الله الرحمن الرحيم
ابيات مختصره لعل يكون فيها شي من الفايده

ياالراس شف ليه امن اخر قصيدك	اليا صفن وروقن فيك الافكار
وش فيه لو بينت بعض جديدك	الشعر له عشاقه اكبار واصغار
عطني وهاجوس القوافي عضيدك	شعرآ بسوق المعرفه غالي اسعار
وقبل مايمشي بالرساله بريدك	من اطايب الكلام تنقى واختار
للشعر نقاده فحكم نشيدك	افطن ترى للهرج مدخل ومظهار
ياالله يامصرف ومحصي عبيدك	منك العفو والستر ياالله ياستار
يامن ماظم الكون في مسكت ايديك	وكلنا لك يسبح لك اجلال واكبار
يالادمي احرص على مايفيدك	بدنياك قبل انك اتسافر امن الدار
واطلب اهداية ربك اللي يزيدك	توفيق واهدايه ولايلاه غفار
وللاخره اتعب وزود رصيدك	اللي بها جنات مع حور وانهار
ماينفعك ولدك ولاحفيدك	بيومآ يوزع فيه محصول الاثمار
وياابليس مايثر علي اتهديدك	احرك لو وقفت قدمي بالاذكار
اذلف ووجه يم حزبك وعيدك	اللى لهم تدق طبله ومزمار
اللي محبتهم جرت في وريدك	اللي توردهم بااساليبك النار
من طاعك امن الناس هذاك سيدك	ياكثر من دهواه شورك يامكار
لا اغويت كم انسان هذاك عيدك	كم غافلن جريته ال شلة اشرار
اتصيد ناس وفيه ناسن تصيدك	هبيت ياويلك من اصفوف الاخيار

وين الغيبه يا ابو فلاح افتقدنا جديدك
صح لسانك مميز كعادتك الله يعطيك العافيه

صح لسانك يا ابو فلاح قصيده فيها من الحكم الكثير 000 لكن والله العالم انا اصبحنا في زمن اللي يقرا كثير ولكن الفهم قليل 000 كثر الله من امثالك شاعر جزل00

من طول الغيبات جاب الغنايم
صح السانك والحمد لله على السلامه

اخي ابو فيصل اسعد الله مساك الغيبه ياابوفيصل اشغال الانسان والافكار في بعض الاحيان ماتكون صافيه لكتابة الشعر اسعدني اطلعك حفظك الله

اخي العزيز خالد عواد دخيل مساك الله بالخير ابو عواد اطلاعك وشرواك سرني كثيرآ مرورك تقبل خالص تحياتي

اخي ابو فهد وجهك غانم واسعد الله اوقاتك ياابو فهد بكل خير والغيبه اعتقد انها ماهي طويله اسعدني جدآ اطلاعك ولكن وين القصص والروايات اللي نبحث عنها دايم لك كل احترامي وتقديري

ولـــلاخـــره اتـــعــــب وزود رصـــيــــدك
اللـي بهـا جنـات مــع حــور وانـهـار
مـايــنــفــعــك ولــــــــــدك ولاحـــفـــيــــدك
بيومـآ يـوزع فيـه محصـول الاثـمـار
صح لساااانك يابوفلاح والله يجمعنا وياك والسامعين بجنات النعيم

صح بدنك اخي ابو ريان واسعد الله اوقاتك بكل خير اسال الله جل شانه ان لايحرمنا وياك والمسلمين من صادق دعواتك ودمت بحفظ الله