ملتقى السحمان من حرب

ملتقى السحمان من حرب (www.alsuhman.net/vb/index.php)
-   ركن الشعر العام (www.alsuhman.net/vb/forumdisplay.php?f=32)
-   -   يالراس شف لي (www.alsuhman.net/vb/showthread.php?t=1986)

معزي فلاح واصل السحيمي 21-05-2012 05:25 PM

يالراس شف لي
 
بسم الله الرحمن الرحيم
ابيات مختصره لعل يكون فيها شي من الفايده

ياالراس شف ليه امن اخر قصيدك اليا صفن وروقن فيك الافكار
وش فيه لو بينت بعض جديدك الشعر له عشاقه اكبار واصغار
عطني وهاجوس القوافي عضيدك شعرآ بسوق المعرفه غالي اسعار
وقبل مايمشي بالرساله بريدك من اطايب الكلام تنقى واختار
للشعر نقاده فحكم نشيدك افطن ترى للهرج مدخل ومظهار
ياالله يامصرف ومحصي عبيدك منك العفو والستر ياالله ياستار
يامن ماظم الكون في مسكت ايديك وكلنا لك يسبح لك اجلال واكبار
يالادمي احرص على مايفيدك بدنياك قبل انك اتسافر امن الدار
واطلب اهداية ربك اللي يزيدك توفيق واهدايه ولايلاه غفار
وللاخره اتعب وزود رصيدك اللي بها جنات مع حور وانهار
ماينفعك ولدك ولاحفيدك بيومآ يوزع فيه محصول الاثمار
وياابليس مايثر علي اتهديدك احرك لو وقفت قدمي بالاذكار
اذلف ووجه يم حزبك وعيدك اللى لهم تدق طبله ومزمار
اللي محبتهم جرت في وريدك اللي توردهم بااساليبك النار
من طاعك امن الناس هذاك سيدك ياكثر من دهواه شورك يامكار
لا اغويت كم انسان هذاك عيدك كم غافلن جريته ال شلة اشرار
اتصيد ناس وفيه ناسن تصيدك هبيت ياويلك من اصفوف الاخيار

فهد عايد بن عنيزان 21-05-2012 05:35 PM

وين الغيبه يا ابو فلاح افتقدنا جديدك
صح لسانك مميز كعادتك الله يعطيك العافيه

خالد عواد دخيل الحربي 21-05-2012 05:35 PM

صح لسانك يا ابو فلاح قصيده فيها من الحكم الكثير 000 لكن والله العالم انا اصبحنا في زمن اللي يقرا كثير ولكن الفهم قليل 000 كثر الله من امثالك شاعر جزل00

بعيد الهقاوي 21-05-2012 06:54 PM


من طول الغيبات جاب الغنايم
صح السانك والحمد لله على السلامه


معزي فلاح واصل السحيمي 21-05-2012 07:57 PM

اخي ابو فيصل اسعد الله مساك الغيبه ياابوفيصل اشغال الانسان والافكار في بعض الاحيان ماتكون صافيه لكتابة الشعر اسعدني اطلعك حفظك الله

معزي فلاح واصل السحيمي 21-05-2012 08:00 PM

اخي العزيز خالد عواد دخيل مساك الله بالخير ابو عواد اطلاعك وشرواك سرني كثيرآ مرورك تقبل خالص تحياتي

معزي فلاح واصل السحيمي 21-05-2012 08:06 PM

اخي ابو فهد وجهك غانم واسعد الله اوقاتك ياابو فهد بكل خير والغيبه اعتقد انها ماهي طويله اسعدني جدآ اطلاعك ولكن وين القصص والروايات اللي نبحث عنها دايم لك كل احترامي وتقديري

حسين مرزوق بن راشد 21-05-2012 09:28 PM

ولـــلاخـــره اتـــعــــب وزود رصـــيــــدك
اللـي بهـا جنـات مــع حــور وانـهـار
مـايــنــفــعــك ولــــــــــدك ولاحـــفـــيــــدك
بيومـآ يـوزع فيـه محصـول الاثـمـار

صح لساااانك يابوفلاح والله يجمعنا وياك والسامعين بجنات النعيم

معزي فلاح واصل السحيمي 21-05-2012 11:22 PM

صح بدنك اخي ابو ريان واسعد الله اوقاتك بكل خير اسال الله جل شانه ان لايحرمنا وياك والمسلمين من صادق دعواتك ودمت بحفظ الله


الساعة الآن 05:35 AM.

Powered by vBulletin® Copyright ©2000 - 2011, Jelsoft Enterprises Ltd.
new notificatio by 9adq_ala7sas
HêĽм √ 3.2 OPS BY: ! ωαнαм ! © 2011-2012

Security team