موسى بن مناور يمدح الشيخ حامد مداوي وقبائل قحطان

السلام عليكم ورحمة الله وبركاته :

الشاعر / موسى بن مناور السحيمي الحربي

يمدح الشيخ حامد بن مداوي الحبابي القحطاني

وقبائل قحطان يستاهلوووون عوااال الشايب

يا راكب اللي وردوه استبنتين	ماهو جميحيا ولا هو من الفرود
ولا هو مورد من قطر وام القوين	من مصنعه وسط السفينه للحدود
مورده عبداللطيف بلوحتين	اوراق جمرك لا زيوت ولا وقود
لكزس وزايد عن خواته حبتين	اسرع من الطلقه من اخشوم الفرود
مشيكين الزيت فل البانزين	ومزينينه مثل تزيين العنود
يا سايقه خل الرخوم الحاقدين	ونصه على قحطان قاسين الزنود
لبو مداوي له سلام وعأيدين	وللعيد فرحه يا عريبين الجدود
العيد عيد الله وعيد المسلمين	ما هو بعيد للنصارى واليهود
حنا خلقنا الله رجال مومنين	لا رافضه فينا ولا فينا زيود
ونبينا اخر نبي في المرسلين	محمد الهادي ولا نبغى شهود
والبارحة يوم الخلايق نايمين	هواجسي مابين بيض وبين سود
الله يكافيني شرور الحاسدين	وانه يكافيني من اشباه القرود
لاجيتهم يا بو مداوي ضاحكين	ولا قفيت قالوا جعل زوله مايعود
احيان اقول الناس يا خي طيبين	واحيان اقول الناس مافيهم حسود
واحيان اقول الناس ياخي خايبين	الله يا كثر الموارد والعدود
يا بو مداوي بين جيم وبين سين	سوالف تثر وتاثير محدود
وياصاحبي وانتم رجال غانمين	تستاهل الفنجال بن وريح عود
الى نخيتك تجعل القاسي يالين	ولا نته مضريها على كثر الوعود
انته حبابي شيخ قوم وشيخ دين	من روس قحطان الوفاء واهل العهود
قحطان ربعك في الملاقا فايزين	اسود واشبال تسلسل من اسود
ودي اذا ماصحت بالصوت الحزين	عندي قحاطين تقود الموت قود
ان جيت اعدد فعلكم ربي يعين	فود على فود وفود فيه فود
منكم ابن هادي حكم في نجد لين	بعض القبائل تدفع الجزية وزود
ومنكم دليم اعداه دائم ميتين	مطوع العاصي وحراق الكبود
ومنكم ابن لبده فعل والفعل زين	كسب العرب ناقه وكسب الشيخ ذود
هذا مثل ولا العدد يبغى سنين	ما يكفي العداد في فعل معدود
وفعولكم وسط الجزيرة باليدين	اثبات ما فيكم جبان ولا شرود
شيخوكم بين المشائخ بارزين	كالروس مابين المناكب والعضود
قلته وانا حربي وربعي كاسبين	المجد والنوماس والمرقى سنود
وقت المغازي والحرايب ثابتين	مثل الجبال الصم من فوق النفود
وكل القبأيل يا لحبابي فاعلين	في نجد ولا في الحجاز وفي الحدود
ما ذمهم والله نصير الصادقين	وما ينكر افعول الرجال الا جحود
واليوم حنا في ذراى ليث العرين	موحد الدولة سلالة بن سعود
خلا القبائل كلبوهم خاضعين	للدين والدولة وخلاها سهود
والحمد لله في سلام وأمنين	وحتى الفتيله ماتجي خشم الزنود
يالله عساه بجنة الفردوس آمين	عبدالعزيز الفيصلي وايديه جود

بيض الله وجهك يابو نواف علمك غانم ويطلق وجهك
ودايم وانت مشرف ربعك مع الاجناب
تقبلوووا تحيااااتي

صح لسان أبونواف وبيض الله وجهه..

نتمنى تواجده معنا والشكر لك أبوعساف على النقل...

قلته وانا حربـي وربعـي كاسبيـن = المجد والنومـاس والمرقـى سنـود

كفو كفو كفو اشهد بالله انه شاعر
ومثل ربعه ونعم والله يا ابو نوااااااف

راع الوفا والطيب ولاهي غريبه عليك

انا اشهد انك وافي ومطنووووخ

صح لسانك عدد بلا مدد

عز الله قصيده ترفع الراس

بندر ابن عواد

بيض الله وجهك على هذا الطرح الشامخ

كفو يا ابو عساف اشكرك كل الشكر

وهذي خبة خشم عليها

اتمنى طرح مثل هذه المساجلات العريه

لابناء القبيله الوافين

وهم يمثلون ربعهم بالمواقف

شكرا لقلمك

شكرا لسموك الكريم

صح لسان القائل
وسلمت يد الناقل
قصيده جزله من شاعر جزل

صح لسان الشاعر موسى مناور



اتمنى له وللجميع دوام التوفيق

صح لسانك يا ابو نواف
و بيض الله وجهك يا ابو عساف على النقل

صح لسانك يابو نواااااف

قصيده جزله ويستاهلون عواال الشايب

بيض الله وجه الناقل وصح لسانك يابومناور وتواجدك في ملتقى الشعر يزيد النور نور

اشكر الجميع على الثناء وانا افتخر ان اكون من السحمان ربعي وعزوتي وتاج راسي ولاهو مستغرب الطيب منكم وشكرا على الترحيب واسأل الله لكم التوفيق والنجاح والتقدم والرفعة وان اكون عند حسن ظن الجميع