ديوان الشاعر نافع بن عوض بن دخيل

اتشرف ان أضع ديوان ابن العم الغالي نافع بن عوض بن دخيل السحيمي
بين ايديكم واتمنى ان ينال استحسان الجميع

وللشاعر نافع كلمه خاصه
احبائي في ملتقى التواصل والوفاء كتابتي للشعر ليس لغرض الشهره او لكسب المال
وانما لحاجتي الخاصه لترجمة مشاعري تجاه عزيز خطفته المنيه
الرثاء
او معاناة اكتوينا بها
او لمدح شخصا اشتهر بالكرم والجود وليس له هدف سوى وجه الله تعالى
او لمدح شخصا فعل لنا صنيعا وقد ورثنا عن اسلافنا ان نرد الصنيع ولو بكلمة ثناء
او للترفيه عن النفس في شعر الغزل او ما شابه

وقد احببت ان أضع ديواني في هذا الملتقى الرائع وهو اقل واجب علينا لدعمه
واشكر جميع القائمين على هذا الملتقى
واخص الأخ حسين بن مرزوق لجهوده الواضحه في الحث على المشاركه
الفعاله في هذا الملتقى
واخيرا وليس اخرا اتقدم بالشكر الجزيل لأخي ومصدر اعتزازي
محمد عواد دخيل
على جهوده في وضع هذا الديوان
ولكم كامل التقدير والاحترام

بسم ربن كريمن يعلم الصايب من الغلطان	ويعلم ماخفى بصدور الامه من دواخلها
وصلاة الله على خير البريه من ولد عدنان	رسول اختاره الله بين هاالامه يمثلها
رسول الحق والرحمه ومن هو كذبه شيطان	مثل ياسر حبيب وزمرته الله يخذلها
يسبون الصحابه ياعساهم طعم للنيران	وهم بعد الرسل اخلاقهم ربي مكملها
بدافع عن عمر وابو بكر مع سيدي عثمان	وعن علي كريم الوجه والبشرى محصلها
وعن ام المومنين اللي مطهرها عظيم الشان	يوم ان الرافضه بالشتم واللعناة تشملها
عليهم من غضب ربي حميم يقطع المصران	على زمرة ابليس الفاسده واللي يمثلها
عسى الله يلعن اذناب اليهود وخانت الاديان	ومن بد البشر كل الروافض مانعاملها
يخلطون العسل بالسم ويحفرون للسيسان	مخططهم مدمر والحقيقه وين جاهلها
ابا نادي على الحكام وانادي على الشيخان	تصدو للمصيبه وادحروها في معاقلها
حرام انا نصادقهم وهم ألعن من العدوان	على الامه خطر من حقدها تقضي غلايلها
انا لي مدتن قلبي حزين وخاطري مرضان	على بعض الخطب ملعون كاتبها وقايلها
هلمو ياهل السنه وياحمايه الاوطان	ندافع عن عقيد تنا ونشرب من مناهلها
ولاننسى جهودك ياالعريفي عزك الرحمن	كشفت امور من عند الروافض في مداهلها
انا سني ولد سني سعودي لابتي سحمان	من فروع الحروب اللي مع السنه صمايلها
عسى الله يكتب الاجر الكبير ويرجح الميزان	ويكتب لي بها حسنات ماشي ن يعادلها

البارحه يوم اكثر الناس هجاع	قلبي توديه الهموم وتجيبه
لو عن هروج الناس صكيت الاسماع	واحفظ لساني عن نميمه وغيبه
يسريبي الهوجاس مع كل مطلاع	ومن كل هم القلب ياخذ نصيبه
لو الفكر يضربه اثلاث وارباع	طبعه غريب ومفرزاته غريبه
لو حاولو تحويلة القلب ماطاع	ماينوخذ منه الغلا بالغصيبه
ياما تحمل من صواديف وااوجاع	ويا ماتحمل بالامور الصعيبه
من شان مايطمع بنا كل طماع	ويزيد بالقلب المولع لهيبه
قلبي صبور ولو قسى الوقت ماذاع	يصبر على بلواه لو هي عطيبه
قلبي يحب الصبر لحد الامتاع	لامر فيه الصبر حدر شعيبه
مافيه حقد وحسد ولياومرطاع	على الدروب الموصله للحبيبه
الجنه اللي هي لنا خير مرتاع	ياالله عساها يوم نبعث قريبه
نمشي بهالدنيا كتومين ووساع	ونصد لا شفنا العلوم المريبه
ويباعد الاحزان سجه بمرباع	برضن خلا فيهاالمنابت رغيبه
مع خوة اللي لا شرى الود ماباع	اللي عن الزلات يدرى صحيبه
في روضن اخضر والهوى له تذعذاع	والنار تشعم والسوالف طريبه
سوالفن ماجابها شين الاطباع	اللي يخلط المخطيه والمصيبه
سوالفن يطرب لها كل سماع	واللي نبيه من السوالف نجيبه
هذا هواء بالي ولا عنه مرجاع	وكلن على كيفه وربه حسيبه

قصيدة موجهه للشيخ سعود بن ناصر الزغيبي

ياالجيب مالك عقب لازمك مقعاد	مالك عذرمدام مابك خلافي
ياالجيب درجها على راع الامجاد	يم الحفر للي فعوله تشافي
له سيرت(ن) بيضا على روس الاشهاد	تعجز على وصفه جزال القوافي
نعم الرجل لصارللطيب ميعاد	كريم كف وباالمواقيف وافي
رجال دايم للنواميس صياد	النايبه يقدم لها مايخافي
راعي كرم قديم من عهد الاجداد	يوم المجاعه والسنين العجافي
وسوالفه ماحافها كل نقاد	يجيبها من عقل ولسان صافي
سعود ابن ناصرلياجاك نشاد	اشر عليه وقول ذاك السنافي
الله يصلح له حواله والاولاد	ياالله عسى مافيهم سراج طافي
نحب ابو ثامر وشوفه لنا اعياد	وفرصه سعيده لي حضور الزفافي
وليانشد من حضر عن راع الانشاد	انا سحيمي من بني حرب لافي

قصيدة في أخي ونصفي الذي فقدته المرحوم بأذن الله تعالى
بادي بن عواد بن دخيل السحيمي

لي مدتن وانا على صالى النار	يوم اتذكر صحبت الغانميني
اللي لهم بالقلب حشمه ومقدار	لوانهم تحت الثرى ميتيني
صحيح معي اخواني إيمين ويسار	وعيال عمن كلهم حاضريني
اسعارهم بالصنف غالين الاسعار	بالمعرفه والطيب متكامليني
لكن غريب الوصف للقلب تذكار	ماانساه انالو طولن السنيني
دوره لنامشهود لاعدت ادوار	مهما ينزل قدره الحاقديني
صميدعي(ن)صيرمي راع الاشوار	شيخ الكرام وسيدالطيبيني
المشكله ماعمر ولاها الادبار	لوان ريسها ابليس اللعيني
يحلها بالعقل لوصارماصار	كم مرت(ن)خرب على الطامعيني
والله افاخرفيه في سر واجهار	واتصوره مابين خشمي وعيني
يكفيني انه لابغى يروح مشوار	يوخره يالو شهر يحتريني
يالله ياجعله رفيق(ن) للابرار	يارب امين برفقة الصالحيني

بيني وبين الفقر صحبه مواليف	سنين واحنا مع بعضنا حبايب
احيان ارحب فيه ترحيبه الضيف	واقوله خلك معي لا تغايب
لاصرت في جنبي تقل المعاريف	وافقد حساس الاصدقاء والقرايب
واعرف مقامي عند شرابه الكيف	اللي على الماجوب مثل الهبايب
واحيان اقول ابعد خذتك الصواديف	ماشفت منك الا التعب والنشايب
لاصرت في موقف يبي له مصاريف	ماانته خوي اللي يشيل النوايب
انته خوي اللي قليل المحاريف	قصرت شبوح الناس وانت السبايب
بشكيك للي خالق البرد والصيف	منجي عباده من سعير اللهايب
يبعدك عني يم باريس وجنيف	والايطشك يم قلع السرايب
لاقاضيآ حاجه و لا مكرمن ضيف	ابعد تقلع يالعين الصلايب
ماني على مثلك كثير التحاسيف	ذليتني ورعن وهاالحين شايب

النذل لوانه قريبك تعداه	خله ممر ولاتحطه مقرا
تعطي له اليمني ويعطيك يسراه	معدن خبيث مقابله مايسرا
احرص على فرقا مثيله وشرواه	قدام تثقلك الحمول وتزرا
مادام شاش الراس وابليس خاواه	ابعدعنه يالوللنجم المجرا
يغنيك ربك عن مطاعيمه وماه	لاتطلب العونه منه لوتعرا
واسلك طريق الخير لوطال ممشاه	واضبط علاقاتك على ماتورا
واترك علوم الوشوشه والمناجاه	خل البغيض يطيح ويموت حرا
حنا الجواب الزين ياما شريناه	والقلب ياما جره الود جرا
من لاتعلم من زمانه توطاه	خبلن يجيب المشكله ويتبرا
وخلو على ما قيل وادي ومجراه	خسران يالي بالسوالف تطرا
انا كتبت القاف واتقنت معناه	وان مافهمت اطلع عن الناس برا

قال نافع يوم الايام ضامنه	واليال السود باحت بمافيها
يوم همه مثل لظاية الكنه	لاظين كل المعاليق يشويها
يوم ماجات المعاني على ظنه	واستباحته الهموم وبلش فيها
بين فقر وبين ركابة المنه	وبين روغات اليال وبلاويها
وبين رجال(ن) لاشافك ضحك سنه	وحين تقفي قال فيهاومافيها
كن بعض الناس في داخله جنه	كل ما جيب القرابه وطاريها
مذهبه ماهو لاشيعه ولاسنه	والعلوم اللي تنومس مخليها
والله اللي عنده النار والجنه	خالق الانفس وعالم بمافيها

قصيده في اغلى الناس

اطلب من المعبود يايم يشفيك	يجمع مابين الاجرلك والعوافي
ياليتها يايم فيه ولافيك	لجلك اشيل اثقالها والخفافي
لو تنفدين بشي باالروح لفديك	وبااللي سكن بين الضلوع الرهافي
كلي وما املك فراش لمواطيك	لوهوبكيفي شلت عنك الخلافي
ابيع كل العمر يايم واشريك	واحط لك عيني فراش ولحافي
من الغلا مدري انا وين اوديك	واعرف بحق الام ماهو بكافي
ياالله عسى يايم تبطي لياليك	ياأم الحنان اللي على الكل ظافي
ياجامعه كل القرايب حواليك	وتوصين بالمعروف بين وخافي
لا عاش من لا ينثني عند رجليك	ومن دونها ماني شجيع وسنافي
ياالله عساني طايل الدهر ماابكيك	دنيا بدونك ماعليها الحسافي
شعري واحاسيسي وقلبي يناجيك	لأنك المعنى ووزن القوافي