من روائع شاعرنا القدير حاتم حمود السحيمي


يابو مهل مال القوااافي معاذير
ماني مكلم شاعر الا بقصيده

شاعر ودلوي لاجذبته من البير
راحو معفت القصايد عصيده

ميرادهن يمي ويمك مصااادير
والله يفعل مايشاء ويرررريده

سلام من شاعر يدك الطوابير
مايصخر الا المفردات العنيده

ماقول يارمزي حقررت المناعير
لاكن تحاقرت النفوس البليده

هذ زمان اشكل هبوبه معاصير
حتى النخل قام يتطاير جرريده

وتعاقبت فيه السبايب معاسير
والحرر قامو ينهمووونه عبيده

وهبت هبوب مدورين المخاسير
اللي يحسبون المراجل رغيده

لك يعتزي وقت الرخاء بالمغاتير
من قوو عزمه تحسب انه وليده

ولاشتد بك ماقف وجيه مغابير
حيله ردي وادنات شي يبيده

حتى الليالي منكفات ومدابير
ماراح منها لاتفكرر تعيده

يعيدها من كور الكون تكويرر
من كاد كيده فوقه الله يكيده

الله من هم عسا مارده خيرر
تقول يصلاني بقطعة حديده

لو ترتكي فوقي دلال مباهير
فاحت قدم لااهلها بالنشيده

سريتها يمك وانا ماني بخيرر
ولاطبت لين ارسلتها لك جديده

حاتم حمود السحيمي

رد الشاعر الكبير رمزي بن مهل

حي البيوت اللي لفنا مسافير
من شاعرآ ذخر المعاني رصيده

يقطف زهر ويصخر القاف تصخير
وبيته من المعنى يفيد ويفيده

يمي يسوق القاف حرقه وتقدير
من شي شافه بارقه مع رعيده

مرحب هلا واهلين والواقف يسير
وأبشر وماينقص علينا نزيده

والناس فيها فرق ياسالم الزير
ومعامل الاشخاص في ما يجيده

العرف والفطنه من الله وتحذير
لو جات غصب جرها العبد بيده

لا شفت زوله قلت ياناس هو غير
وعقله مثل عقل الجراده مريده

وكان الزمن كدر بنابه مشاهير
حنا على الهقوات يركي بحيده

والله لسده لو تضيق المشاوير
ما دام رأسي حي والشعر أسيده

شاعر ولي فكره فريده وتصوير
واخاطب اصحاب العقول الفريده

وأسير المعنى على الكيف واشير
واليا بغيته بالمواقف اصيده

معن في تال الزمن هذا الاخير
وهني من صامت وروحه زهيده

واليوم ياسنجار وأﻻ شمنصير
عز الشعر وفزع لوقته وعيده

للعصر الأول يوم كله تعابير
ودليل واستدلال فكره رشيده

لي هقوتن فيكم فريده عن الغير
متميزه بأسلوب راقي تجيده

رمزي مهل السحيمي