ديوان الشاعر علي رفاده السحيمي

بسم اللله الرحمن الرحيم
السلام عليكم ورحمه الله وبركاته
متلقى قبيلتي السحمان يشرفني ويسعدني ان اقدم لكم بعض قصائد من ديوان العم حفضه الله الشاعر علي رفاده السحيمي واتمنى ان تحوز على رضاكم

يامل قلبن ماهو للناس مشتاقي	واللي مايصلح لعيني ليش اتعبها
والله مايحب قلبي من بغى فراقي	والناس ماني مكلف في مذاهبها
ركعتين الضحى عند اول نياقي	اخير من هرجتن شينه عواقبها
يوسعن الصدر والقلب لا ضاقي	وانحاش عن جندي الهرجه ونايبها
محلى لبنها لمنه جاك مفتاقي	وتطمع لاشفت الشماله فوق غاربها
والله ماصيدي مع الخلفات معلاقي	ياكود فقره لهن بالقلب حاجبها
وليا ارتخا سعرها في كل الاسواقي	ماني معاين علوم اللي يقولبها
بعض الاوادم على البل ليحت ارهابي	ماهو بناشدعن البل ويش واجبها

عندي هديه لكم ياعيال مجاني	علوم تصلحلكم وانا مجربها
ابي لكم مع رجال العرف ميزاني	وتخاشرون النشاما في مكاسبها
ابيك مع الرجال حصان ديقاني	بالطيب ولا لاخبثت مشاربها
مابيك تاخذ علوم فلان وفلاني	يفشلونك لابانت مذاهبها
عندك ياابو سيف انا لي غرض ثاني	وراك لانبتت اللحيه تحاربها
يازين وجهك عليك شماغ وعقالي	وتكسب رضا العود واللحيه وشاربها
عطيتكم هرج مايشرا بالاثماني	واللي يبي الطيبه واللي يسيبها

عدا علي بالطارفه من مروراه	اللي عن البير المطيوي جنوبي
معه كتاب في ضميره ويقراه	يالله ياللي عالمن بالغيوبي
يقراه في صدره ولا بينه جاه	اجحد صواب الخافيه من ضروبي
الاوله يالله يالله يالله	انك ان تمحى الجامعه من ذنوبي
والثانيه طالبك من كل الاجهاه	انت الخبير في ماتحس القلوبي
تعطيني اللي غاية الروح ومناه	يامنبهى قلبي على كل صوبي
اللي على كل المذاهب مرباه	ماهي من اللي شين مذهب كذوبي
القلب عيا ما يريد المهباه	لو ان ابوها فالرجال محبوبي
مابى الطعام اللي على الكبد ماذاه	ولابى الشراب اللي على الدور يوبي

ابيات لسبيل ابن تنيضب السحيمي رحمه الله مرسلها على علي رفاده السحيمي

عديت راس النايفه ياسليمان	بين البويب وبين ضلعان ضيري
ياالعين شوفي وين راحن الاضعان	وين الامير وين نزل الوزيري
واسلم وسلملي على علي لاهان	علي واخوه مدلهين القصيري

رد الشاعر علي

ياراكبا من عندنا بنت ريمان	تشدا لطير الجو لوماتطيري
تاصل سبيل شوق مردوع الاوجان	ابن تنيضب شوق داف الضميري
وسلم وسلملي على هاك الاوطان	لزوم خص كبارهم والصغيري
وقله لقينا العشب في مرتع الضان	كل العرب زوار جوله جريري
يحددونه فالجذيبه الى الاركان	عطه الخبر وهو بنفسه بصيري
وقله رعينا العشب باايمن بعيجان	يومنه مقابل خصاب وغديري
مناظر مغيلب وسالم وسلمان	يوم العرب يسلون سمن ومضيري

كتب الشاعرعلي رفادة في جميع أغراض الشعر وأجاد وأبدع ولكن مايميز هذا الشاعر في كثيرٍ من نصوصه هي حكمته المنبثقه من رجاحة عقله ونضوج فكره سواءً على المستوى الشعري أو حتى على المستوى الإجتماعي ولكن هذا الشاعر بعيد عن الاضواء الاعلاميه
الف شكر لك ابو طاهر على نقلك لهذا الديوان

لقيت الحره على الددسن عواقيب
	يمشي بواحد تقل مافيه نيه
اشرولي الجيب وازهل شمخ النيب
	وان ماشريتوه لاتشره عليه
لعلم القوم في عوج العراقيب
	واعلم الذيب مجهول الهويه
اليا تعشى زبن رؤؤس المراقيب
	لو تنشده مايعلم بالقضيه
اللي لااكلها مايعطي حق ومصيب
	يكود تقضي عليه ولايتيه

اضبط الموتر بنمره واستماره
	واطلب المولى يفكك من أعبوشه
وهون السرعه وعينك للحراره
	لاتجي رجلك للبنص مغشوشه
اركب الرجلي لاتنشد وين داره
	عندما ينزل لاتسال عن قروشه
اضبط وصاتي كلامن في وقاره
	لاتجي يمناك للقرش مهروشه

كل العرب راحو جنوب وشمالي
	وانا وسبيل بقاعه الضلع مانروح
يالله يامنشي جديد الخيالي
	تغيثنا باللي لنا فيه مصلوح
انك تثبتنا نهار السوالي
	يومن فيه العربان قايم ومطروح

هذه القصيده مرسله من الشاعر العم علي رفاده السحيمي الى اخيه رشيد عبيد السحيمي

ياراكب اللي يقطع الدو ممشاه
	سواقها ياطاء الوعروالسهليا
يلفي على اللي بين حرفين مبداه
	لذة حروفه تقل لذة عسليا
وسلم عليهم كلهم بالمعافاه
	لزوم خص كبارهم والجهليا
والشايب اللي مثل ابوزيد حلياه
	وام العيال اللي مثل شكل عليا
الناس لاتشقيك من كل الاجهاه
	حنا نعرف إدروبها والعملبا
ترى العرب كلن على قد دعواه
	فكر فالدار المخضره والمحليا

من بعد ماارسلها الى الوالد جاريتها في هذه الابيات

ياراكب اللي من حفيزه شريناه
	مفحوص مايحتاج فحص اكتمليا
من شركة اليابان صنعه ومجناه
	صنع الخواجه بالصنع مابحليا
من الحفر مصدر مروره قريناه
	ومحشمه راعيه ليه كفليا
ياصل لمنهو صوغ قافه عرفناه
	يصوغهن في إبهام صوغه عدليا
الشايب اللي بالكرم ماجحدناه
	معروف راع الطيب ماله مثليا
رد الجواب وبلغت الهرج معناه
	و عن الكلام الشين مجلي جليا
ورد السلام لربعنا ماقطعناه
	مرفوع راسك مامشيت بخجليا
والطيب مابين الجماعه كسبناه
	والا الردى ماله علينا سبليا
ياللي تقول وقولكم ماسمعناه
	أمانتك مصيونتن في كمليا
أحسب ليوما يافتى مانسيناه
	في ساعتا بالضيق مغلي غليا
راع النميمه ظلم الأجواد ماغناه
	ماني مصاغيله ولولي حكليا
حنا عرب بالكل ياما بذلناه
	وكلن على طيبت رفيقه بذليا
ليا مات واحد كلبونا بكيناه
	والعين من فرقاه تهمل همليا
وصلاة ربي عد حين شهدناه
	على نبيا مامشى بالبطليا