ديوان الشاعر محمد بن مشعان

الى جمهوري العزيز وابناء قبيلتي الاعزاء الى من اراد ان يقراء ماكتبت من اشعارويتابع مانشرت من مشاعر ! ها انا اطرح ديواني بين يديكم واكتب مشاعري وانثرلكم احاسيسي في ديواني المتواضع وقصائدي المتواضعه واتمنا منكم قراتها واتقبل منكم الننقد البناء واعدكم بما هو جديد وانني حريص على ذايقتكم عساء الله انا يعيننا على ماهو مفيد لكم ولنا وتقبلوا تحياتي...

ياناشدا ً عني من اي القبائل	بنبيك انا واعطيك عني دلايل
انا من اهل الطيب واهل الفعايل	اللي يشيلون الحمول الثقالي
انا من السحمان بيض النوايا	اهل الحميّا مفحمين السرايا
ربعي ولا جات اللوازم عصايا	اسند عليهم عزوتي راس مالي

اخوكم/ محمــــــــــــــــــــــد بــن مـــــشـــــــــــــــــــعــــــان

انا احمد الله سلمَك ياخادم البيت الحرام	رجعت لله الشكر والحمد والعرفانيه
الفاً هلا والفاً هلا والفاً هلا والفاً سلام	اقولها من قلبي الصادق وباالالحانيه
القلب يملاه الفرح والشعب مثلي مايلام	ابيجتك ياسيدي كل الشّعب فرحانيه
حتى الفقارا والعجز امع الارامل واليتام	كلن تحرى جيتك ويعدّها بالثانيه
صقر العروبه والعروبه تفتخربك يالأمام	كم دولة ٍ ساعفتها عقب المحن عجلانيه
اتمدها بالطايرات المسعفات وبالخيام	وتخفف الام وبلى وتعالج المرضانيه
والمملكه بقيادتك امن الامام الى الامام	الاوله بين الدول ماهي تراها الثانيه
والزائر اللي زارها والحاج للبس الحرام	يشكر مساعي دولتك لازارها مايعانيه
وانته الاول بالسلام وانته كما حد الحسام	تهابك جيوش العداء القاصيه والدانيه
وساعدك الاول نايبك سلطان سلطان الكرام	كفه كما غيث المزن وبمدته سلطانيه
هذاك ابو خالد ولي العهد مامثله حرام	طوّر جيوش المملكه واهتم بالاركانيه
والنايب الثاني وزير الداخليه ماينام	لاجل المواطن والوطن يسهر وغيره هانيه
سقم العداء لطامها للمعتدي مثل الخزام	كم واحداَ من هدته يرجع حسير مهانيه
واحمد كما الضلع المتين وقت الملاقى والصدام	كم هيتن ياقف لها ويذلل العدوانيه
ومحمد النايف كعام المعتدي وقت الزحام	كيداَ للارهاب وبعد بوجيههم بركانيه
ولسيدي عبدالعزيز امير طيبا الاحترام	واغلى التحايا ازفها بالورد والريحانيه
عبدالعزيز الماجد افعاله تعد من العضام	وغلاه وسط قلوبنا بين الضلوع الحانيه
واخوان نوره كلهم اهل الزعامه والزعام	اعزهم رب البشربالحكم والايمانيه
من نسل عود ٍ مايزل ذكره لعله للرحام	وسط الجنان الضافيات ام القطوف الدانيه
عقب المجاعه والفقر عقب الجهاله والظلام	لملم شتات ديارها بالسيف والقرانيه
واليوم حضر وباديه والكل عايش في سلام	من فظل ربي عزّنا عقب الدلي والسانيه
وحنا حماة المملكه للمملكه مثل الحزام	ارواحنا ترخص لها والنفس والله فانيه
لادقت اجراس الخطر في ساعة الصفر الهمام	انبيع والله روحنا لبلادنا مجانيه
وختامها مسك وعطر ياخادم البيت الحرام	هذي مشاعر خاطري غنيتها طربانيه

راكب اللي لاركبته ماتمل	من فخامته وتواصيفه تدوخ
جيب لكزس مابعد جاله مثل	حي ابوه امن الشموخ اليا الشموخ
ابيضاً لونه كما اللؤلؤ وفل	والمقاعد ريحها عنبر وخوخ
لاوقف عند الاشاره وازتمل	المواتر كلها عنده فروخ
بالطريق الوعر ولا بالسهَل	اطلق من الربع والفكس الفتوخ
توَه اللي دقَ سلفه واشتغل	وانطلق بالخط تقلنه صاروخ
ناصي اللي لاطلبته مابخل	راعي المدات والراس الطنوخ
بن رباح الشيخ سالم لايزل	شيخ ٍ مشيخ من سلالة شيوخ
سالم اللي للكرم مضرب مثل	والمراجل كلها عنده تنوخ
عن محله لاتتدور لك محل	عن محل الشيخ سالم لاتتوخ
اشهد انه بالمواقف كالجبل	من عرفته من شموخ اليا شموخ

هذي القصيدة تظم 22 من القاب سبيع الغلباء وهي في مناسبة الحفل اللذي اقيم للملازم اول عايش ابو لليل
وهذي قبل البدايه طاروق تحيه وتسليم في الحفل قبل القصيده

سلام تسليم الوفاء منصاه للغلباء سبيع	آلاد عامر والنعم باهل الوفاء واهل الصنيع
تاريخهم مشهود له بين القبائل مايضيع	نعمين والله بالرجال اللي يعزون الجناب
وحنا الحروب اللي بيارقنا على رؤس الجبال	تشهد لنا غبر السنين الماضيه يوم القتال
يوم المشاحن والمطاحن والمطاعن بالنبال	ناقف لها مثل الجبال وبالشدايد مانهاب

وهذه القصيدة

هاض الضمير وهيضه نظم الاشعار	وجات الحروف النادرات المثامين
واخترت طاروقي وسجيت الافكار	لين استعدن للرجال الميامين
ماجيت هاوي جيت حشمه ومقدار	لاجل الرجال معدلين القوانين
ادفع مشاعر خاطري عزم واصرار	واسوق خطواة الوفاء للوفيين
وحظرت عند معزبي نسل الاحرار	مفرح ابو ليل نعم ٍ ونعمين
مفرح وعايش حميدين الاذكار	اللي على فعل الجمايل مضرَين
وابوهم اللي بالمواقيف بيطار	لو لان ضلع طويق ماضنه يلين
يزمي كما يزمي على الارض سنجار	ويشيل حملن ماتشيله بعارين
محمد محمد ليا صار ماصار	يفعل وفعله مايبيله براهين
شيخ ٍ وله بالطيب مارد ومصدار	بشوش للضيفان طلق الحجاجين
كريم خيَر يحكم الراي والشار	حلالها ويحل الاصعاب من حين
وربعه مقابيس الوغاء سقم الاشرار	اهل الشداد وبالشدايد شديدين
الاد عامر منقع الطيب والكار	سبعان يانعم النسب ياالمسمين
سبعان والغلباء لكم رمز وشعار	وامجادكم من سابق الوقت للحين
ثقلة هل العلياء طويلين الاشبار	خيالة الغلباء كعام المعادين
خيالة العرفاء معسَفة الامهار	اهل السبع واهل القرى يالكريمين
مدلهين الغرب والضيف والجار	اهل الثمان مرجحين الموازين
انتم هل الردات لاشبوا النار	اللي على الطوعات مثل الشياهين
وانتم هل الجذع المحرًق يالاخيار	نطاحت القالات يوم الاكاوين
وانتم هل الملحه متيهة الابكار	واهل الثلاث ان شان وجه البخيلين
وانتم كبار بشوت وبخوت وكبار	واهل العشر ماهي تراها تخامين
عدوكم تسقونه بكاس الامرار	وبقدامكم تاطون رؤس الثعابين
كم طامعن من جمعكم هاب وانهار	ذل ٍ على العدوان بالحيل صلفين
قلته وربعي بالمواقيف جبَار	مثل السباع وبالمعارك قويين
حرب الدول ماهي تخاريف وهذار	اهل الثلاث المعجزات المثامين
وباق القبائل بالفعل ماهم قصار	وافعالهم بيمانهم تعجب العين
هذا وصلوا عدَ ماطيراً طار	على النبي الهاشمي عمدة الدين

عبر الاثير وعبر موجات الارسال	ومن العشيره لين خمسه وستين
برسلك الموضوع ياتركي ارسال	وخلاصة الموضوع مابين قوسين
سلام اسوقه سوق وحروفه اجزال	على العجل ياصلك ماهو ببعدين
سلام مثل البن والهيل بدلال	لاساقه الطيب ومد الفناجين
سلام مثل الوبل لاهل همال	لاهل هماله وسالت ودداين
سلام من فيض المشاعر وبالحال	ينصاك ياشيخ الرجال المايمين
يالشيخ يابن الشيخ ياطيب الفال	ياللي تمد الكف وتغلق الدين
يالحر يابن الحر يانسل الابطال	اطوال الشبور مرجحين الموازين
ربعك هل التكميل ماضين الافعال	زحول الرجال مطوعين المعادين
سهول ماضيهم توارده الاجيال	اهل العزاوي بالملاقى قويين
ياسربة الدم يامفاتيح الابطال	انتم ضهور الخيل مانتم بسيطين
ذباحة الاروام للسرب عدال	اهل الخيول الدهم قوم اللحاوين
وخزيم الاول راعي الجود مازال	اللي على البلهاء يدك الميادين
اسمه غدير الموت للرؤس تلال	اروى المزرَج من دمي المثارين
ذكره فايلكس ماثغن يوم الاهوال	قال اشجع الشجعان يوم الاكاوين
وقال المؤرخ بن سند صدق الاقوال	من افظل الفرسان قول ابَراهين
اللي له ابن سعود وقف له اجلال	يومه شرب فنجال شيخ الشجعين
وفي حدباء قذله طش له كم خيال	وخلى الطيور تحوم فوق الجثامين
وقلَع حصان اللي على القب عيّال	واهداه لمحمد كبير القحاطين
قولن عليه اثبات وادقاقه اجلال	صدق الكلام ومايبيله مزكين
وابوك شيخ معرب الجد والخال	خزيم اللي يذكرونه على الدين
خزيم الوبدان شيَال الاثقال	ابن لحيَان المسمى على الزين
شيخ ٍ له الشيخه تحوبي له اذلال	ماهي بحي الله وشيخة ملايين
مثل البليهي للثقيلات شيّال	شيخ الشيوخ اللي يفك المساجين
قرم وشجاع وللعدى سيف بتال	شهم وكريم وقفته تعجب العين
حلحيل صعب وللصعيبات حلال	نائد وكايدوالصعايب له تلين
ستراً لربعه والضعيفين واظلال	وذكره مع الاقصين قبل الموالين
كريم كفه للمساكين وبّال	شيخ السخاء والطيب شيخ الكريمين
طلق اليدين وللقريبين مقيال	عزاً وجاه وجاه غيث الفقيرين
وحش وقوي الباس بوجيه الانذال	لين جناب محب عند الكثيرين
وانتى ولده وتشبهه مابها جدال	والطيب طبع ومايبي له تمارين
كل الحروف تجيك وتطيع الامثال	والشعر في مدحك يبي له دوواين
ابيض ندي الكف في كل الاحوال	مانته ردي ولاتحب الرديين
وليا بغيت تحل وتعقد احبال	حلالها وتحل الاصعاب من حين
وكبارها عندك كما شرب فنجال	وتشيل حملن ماتشيله بعارين
واليوم جيتك شاكي الضيق مهتال	والهم اشوفه حطني بين نابين
تكفى تراها تصفق الجال بالجال	لاقالها حربي تهز السلاطين
وتكفى ترى تكفى تحرك لها جبال	وايضا بعد يمكن تحرر فلسطين
كلمه لها عند المناعير مثقال	ومن سمعها خالف نظام القوانين
وانته كريم وفزعتك مالها امثال	وشرواك بالفزعه تراهم قليلين
ابيك تفزع يافتى الجود بالحال	واخذ الكلام وسجله فوق خطين
ماني ضعيف ولامقيد باالاغلال	ولاني قصير شبوح مثل الضعيفين
ميرالزمان الشين خبث لي البال	واثر عليه ثم قص الجناحين
واليوم في شعبان والعيد شوال	والبرد ماهو مثل برد الطويلين
والعافيه اخير من جمع الاموال	والاستقامه راس مال الشريفين
والادمي يموت ويحط بكفال	وعقب الحياه يحط في قبره الشين
والله يجملنا على حسن الاعمال	وايضاء يكافينا شرور الشياطين
وختامها من دلة الشعر فنجال	هاك وتقهوى ياحفيد السلاطين
وصلى وسلم على خير مرسال	عداد مالبوا جموع الملبين
وعليه صلوا عد ماسايلن سال	مع واديئن شوفه يسر البداوين
قلت الكلام الصدق ماني بدجال	وهذا تراه البيت واحد وخمسين

عندي ظروف وعندي اشغال لليل	وامور مايدريبها فلان وفلان
لكن على شان الرجال المشاكيل	بحظر والبي دعوتك ياكحيلان
ترى الردى ماله عليّه مداخيل	معربّ الجدين مسفر وسفران
وعن موقف السحمان لايمكن اميل	ولا ترى ماني من عيال مشعان
باقف مواقيف الرجال الحلاحيل	واشيل حملن مايشيله بليهان
وتحرم عليّه دلة البن والهيل	ان ماوقفت وقفتي وقفت حصان
وسلام اسوقه مثل سوق الفناجيل	من كف حربي ساقه الكف مطران
تحية ٍ مثل الذهب توفي الكيل	لنسابنا المطران ذرفين الايمان
وسفيرهم ماطرعن الحط والشيل	انا اشهد انه بالمواقيف بطران
من لابة ٍ مثل السيوف المصاقيل	اللي نهار الكون يرؤن شامان
وخويّه اللي للمحاحيل حلحيل	منور ابو انمر السحيمي وعدوان
لله دره نادراً بالرياجيل	وترى الغنيمه بالرجل قلب ولسان
وليا بغيت العلم هاك التفاصيل	منور وماطر صاروا انساب واخوان
هذاك مثل الجدي والثاني سهيل	والله يجمعّهم على عز الايمان
وختامها لو عندي ظروف لليل	خليتها من شانكم ياكحيلان

يامرحبا مليار تظرب بمليار	وازيدها مليار وادبل عددها
ترحيبة ٍ تضفي على كل الاخيار	مثل السحابه لاترازم رعدها
غلاءوحشمه مع معزه ومقدار	اقولها للي حظر واعتمدها
ومعزب الضيفان لاجوه خطار	رحب ونفسه ماتوانا جهدها
عم المكارم كلها ويش ابختار	فعايله بالطيب كلن شهدها
منور ومنور ماتوفيه الاشعار	سعد المعاني والقوافي سعدها
انا اشهد انه من طويلين الاشبار	ياسعدها اللي منه جابت ولدها
لاشفته اذكر وارث الطيب والكار	نسل الفهود اللي ينومس فهدها
(نمر السحيمي) ماعلى ذكره غبار	شيخ المراجل1والحميا2 واسدها3
تظربه الامثال في كل الاقطار	وجمايله مع حرب كلاً حمدها
وليا نخيته كنَه الملح لاثار	عجلاً على الفزعات للي نشدها
نمراً على الهيَات لاشبت النار	وليا اشتهى حل الحبال وعقدها
ذكره كما عود المجالس ليا اندار	وسوالفه بالطيب كلن سردها
يطري عليَه واتظايق من الدار	واحس كن الروح عافت جسدها
واخذ على رجلي مع البيد مشوار	كني مضيع حاجتي وافتقدها
وامشي يمين يسار ويمين ويسار	ازريت احدد وجهتي واقتصدها
واقعد وافك زرار وزرار وزرار	من ضيقة ٍ بالصدر زايد جلدها
لو الدموع تفيد فيضتها انهار	مير انها حسره وزايد نكدها
عسا على قبره يهلن الامطار	من مزنة ٍ ترعد وتنثر بردها
وعساه فالفردوس في دار الابرار	على الارايك يتكي ويحصدها
مع الحسان العين والحور الابكار	وعلى السحاب الغر يجني شهدها
وصلاة ربي عدَ مانبتت اشجار	على رسول الحق صلوا عددها

ثارت هواجس خاطري واستمديت	امن الكلام الحلو زين العباره
وجبت الحروف النادره ماتحريت	والحر يفهم مايبيله اشاره
شاعر وياما بالقوافي تغنيت	واليوم زند الشعر ابقدح شراره
وحسب الاصول السايده ماتعديت	ابدى وارحب عند شيخ الثوارا
يامرحبا يالضيف حييت حييت	على الشحم والبن زايد بهاره
ترحيبة ٍمثل العسل كان حليت	واحلى من السكر عدو المراره
في بيت من ذكره تغنابه الصيت	اللي بوادِ قديد مثل المناره
عبدالله الثوري ليا قلت سميت	شيخ ٍ مع شيوخ العرب بالصداره
خيَر ووجه للمسير كما الليت	ياحي ابوه الطيب لاجيت داره
كريم يفرحبك ليا من تعنيت	ولجيت ضيوفه يسوق البشاره
(لو يرمي اعظام الحشو جانب البيت)	(تلقى عظام الحشو مثل الزباره)
حمؤيَ حرب اليا نخيته طرانزيت	يجيك وراسه ممتلي بالنعاره
حراً على الهدات ضاري وعنتيت	نمراً وربعه كلبوهم نماره
طيَب ولكن؟ للمعادين عفريت	يعني بصح! القول كله جساره
لو امدحه واكثر المدح مازريت	لنه نجم والنجم عالي مداره
من يوم جتني دعوته ماتونيت	ومثله نلبي دعوته من وقاره
جيته وانا في وسط صدري تناهيت	وشي ٍ بقلبي ياعرب شب ناره
ياكثر ماشفته وياكثر ماوحيت	والقلب من ماشفت زايد عباره
احداث تونس والكنانه وتكريت	شبت بقلب اليعربي الحراره
وارض العراق ملغمه بالدناميت	والقدس عقب العز هدوا عماره
والشام لعبوبه عيال السرابيت	بشار ويرانه وحزب القذاره
الدم يسفك والجثث بالتوابيت	واالعرض ينهك والبلد ف نهياره
مدري انتفاظت شعب ولا طواغيت	ولا مسلسل دبلجوه النصاره
قدر الفتن يطبخ ويغليبه الزيت	وعدونا ركز علينا عياره
واخوان مره ولعوا بالكباريت	والعود ابوهم ماتغير مساره
رحنا ضحيه بين طون وطوانيت	اللي يشبون الفتن بالسجاره
وحنا عزانا بالتوجد وياليت	ول يازمان اليوم ماسرع غياره
لو اتمنا ياعرب ماتمنيت	مثل اعتزاز اليعربي وانتصاره
هذا وصلوا عدَ ماطفوا البيت	على النبي اللي رفعنا شعاره

[/poem]

سلام من دافع معزه وبرهان	برهان عن شي ٍ خطاء وافتهامي
سلام نابع صدق من قلب ولسان	للصاحب الوافي رفيع المقامي
اللي يسد النوب في كل ميدان	محمد اللي له جزيل احترامي
عز الرفيق ومسنده عالي الشان	مقدراً قيمة عيال العمامي
يامحمدالموضوع مافيه كتمان	انا صوابي طلقة ٍ من حزامي
ثارت ومنها الفود ماغير دخان	ودخانها سبب لشوفي عدامي
ولادري وش اللي صابته ياكحيلان	والحر اشارة تقتفيه افتهامي
والصاحب اللي قال زوراً وبهتان	على لساني قايلاً له كلامي
والله لاصادق وبالشك مرضان	شيطان نفسه وصله للملامي
ماهمني هرجاً على غير سيسان	لجل الثقه بين الرجال الحشامي
تبقى ولو حاول من الناس فتان	اللي زرع بين الجماعي لغامي
والسوس لامنه دخل وسط الاسنان	يثر عليها لين تغدي عدامي
وللصبر حد وكل شي ٍ بميزان	لشك كثر الطق فك اللحامي
وانا بن ادم لي مشاعر ووجدان	مارضى ولارضى من ينزل مقامي
هذا الكلام اللي بنيته على شان	من للبنايه يشتهي للهدامي
وعلم ٍ وصلك بذمتي علم ماكان	والله ضليمه خالصه بالتمامي
ياحر يابن الحر ياطير حوران	ياعاشق العليا بعيد المرامي
ارجو السموحه كان بالقول نقصان	واسلم وبلغ من يعزك سلامي

حي الجواب اللي لفاني ولاهان	غالي غلاته من غلات الكرامي
جابه غلاما ً ماتوا نا وعجلان	من بيت ابو موسى لفاني قوامي
اهلا ً هلا بالقاف وافي ومليان	عسا يمينن خطته ماتضامي
ماكنه الا عقد لؤلؤ ومرجان	ولا الذهب في عاليات المسامي
شاعر يصوغ البيت ماهر وفنان	وللشعر في صدره معلق وسامي
عبدالله الل كنّه الطير شيهان	اللي كما طيرا ً بروس العدامي
سعد الرفيق ان غطّه الوقت بحزان	ونوره يقدي صاحبه بالظلامي
ارسلي الابيات ماهي على شان؟	لعب وتسلي! لا علي الحرامي
لاشك مونس ضربة ٍ بين الامتان	من كف ذاك بدون ذكر الاسامي
قال ابتلاني يامحمد وبلشان	هرجه وجتني من عيال العمامي
غديت بحنوك العرب كنّي لبان	في غيبتي سؤو مسلسل درامي
قالوا يقول افلان وفلان لفلان	وانا ياغافل ماسمعة الكلامي
لين جاني من طرفهم (سليمان)	واشر عليّه بصبع الاتهامي
وجيتك بحملا ً مايشيله بليهان	حملا ً لك الله ماتشيله عظامي
احلف يمين وفوقها العذر مجان	ماقيل كذب ولارميت السهامي
ماني بناقل سية ٍ بين الاخوان	ولاني مفرق للقلوب الليامي
وحللت ماقاله ودققت بمعان	حيثه عزيز ولا يبيله محامي
ورديت من صدق المشاعر بالالحان	حسب الشروط وملتزم بالنظامي
شاعر ومبدع متقنن كل الاوزان	اشرب بحور الشعر واقول ضامي
ادري تحت رجلي زلازل وبركان	لكن تحت رجلي تقوم وتنامي
اتبع هل العليا طويلين الايمان	ولاترك هوى نفسي بليا خطامي
وانته يابن صياف شاعر وبطران	معروف بين الناس قبله وشامي
بيتك على ساسه مجوّد بعمدان	بيت الشرف والعز دايم دوامي
ودامك قوي القلب وضلوعك امتان	اصبروخلك في زمانك عصامي
خلك كما ضلع ٍ مسما بورقان	ثابت على سطح البسيطه وزامي
وبعض السوالف مالها عنان وسنان	خلها تولي يارفيع المقامي
زلت لسان وخلها كبوة حصان	ولاتعطي بليس اللعين الزمامي
وان جاك ابن عمك يقديه شيطان	جاهل واذا خاطبك قول السلامي
اعرف ترى الدخان ماهو بريحان	وعود السلم ماهو بعود البشامي
ولاكل طيرا ً له مخالب وجنحان	يفدع وياكل من فروخ الحمامي
الطّيب اللي يبذل الطيب كسبان	ولا الردي بضاعته ماتسامي
قلنا وقلت وزبدة الهرج نيشان	وشداد ريمه فوق وسق السنامي
وان كان تبغى الحق للحق سلطان	وهذا ترى وقعي وبصمة بهامي