ملتقى السحمان من حرب

ملتقى السحمان من حرب (www.alsuhman.net/vb/index.php)
-   ركن دواوين الشعراء (www.alsuhman.net/vb/forumdisplay.php?f=34)
-   -   ديوان الشاعر أيمن بن ناير بن عوض (www.alsuhman.net/vb/showthread.php?t=1266)

فهد عايد بن عنيزان 14-04-2012 12:44 AM
ديوان الشاعر أيمن بن ناير بن عوض
 
http://www9.0zz0.com/2012/04/16/13/555591797.jpg

السلام عليكم ورحمة الله وبركاته


يعطيكم العافيه بجيبلكم قصائد حصريه من شاعر يشق طريقه الى القمه وهو قمه شاعر صغير بسنه كبير بعقله وفكره مهما كثرة من كلام لن اوفيه لكن قصائده هي التي تساندني برأي فيه عموما انا سوف اخالفكم بانزال الديوان حيث ان اغلب الدواوين تنزل القصائد مره واحده لكن انا بقوم بنزال القصائد قصيده قصيده حتى لايمل القارئ من كثرة القصائد

اوعدكم باذن الله باني سوف اقوم بتنزل قصائد شاعرنا اول باول اتمنى يحوز على رضاكم وذائقتكم علما بانه سبق وان كتب عنه الشاعر عبدالعزيز المنصور موضوع على الرابط
http://www.alsuhman.com/vb/showthread.php?t=1148


فله الشكر الجزيل واحببت ان يكون له ديوان خاص
شاعرنا هو ايمن بن ناير بن عوض السحيمي

(هاجسي)


هاجسي ياليلي المظلم بفكره سراك  
  وأوقد من احساس شعره مصابيح القصيد
استفز الشوق جفنه وجا يطرد وراك  
  يجمع الذكرى ويكتب للملاقى نشيد
كيف اباضم طيفك واوصل لمنتهاك  
  وانت مني قريب 00 وانت عني بعيد
من سرابك نزف دمعي لموعد لقاك  
  ومن غيابك نشف دمي بوسط الوريد
مسكنك داخل القلب وضلوعي سماك  
  ولهفة المسكن لراع الدار دايم تزيد



بقلم ايمن ناير

فهد عايد بن عنيزان 14-04-2012 07:28 PM
(يبه)

فداك عمري لاوالله عمري قليل عمري فدا لقل حسناتك علي
ياكاسب الطيب ياكايد قوا المستحيل ياللي بعرش الكرامه نايف ومعتلي
لاجا نهار(ن)وشب الهم خشم الفتيل هيجنت الابيات لامني نصيت جبلي
القاه شامخ ومن شوفته يبرا العليل ويستسلم الهم من بركانه وينجلي
عرفت من مطقة رأي الحكيم النبيل وعرفت من صمته إنه بالصبر ممتلي
علمني أمور عنها ما أحيد وأميل الين ثبت على كبد السما منزلي
ياما من الضيق عني اللوازم يشيل وياما من اتعاب عمره بالرخا مدلي
ياجعل عمرك (يبه)بالناس عمرٍ طويل وياجعل ربي على طاعتك يرضا علي

بقلم أيمن ناير

فهد عايد بن عنيزان 15-04-2012 11:38 PM


شفت المطر يومه يهل بغزاره وتضمه احضان البسيطه من الشوق
وتنفض من احزان الليالي غباره وتلبس من ثياب التباشير وتروق
عندي مثل خلي ليا زار داره قامت تلاعج وسط جوفي له بروق
ويظفي على قلب المولع خضاره ويعودلي في عودته كل مسروق

فهد عايد بن عنيزان 16-04-2012 12:06 AM
الكلمه

الكلمه الي صداها حيل عناني شبت ضلوعي من الحيره معانيها
من كثر ماعيدها في نبرة لساني عجزت لدفن مطارقها واطفيها
لاوالله انها عليه سم ثعباني طب الطبيب المعاصر مايداويها
ياليت منته بحقي صاير الجاني لقول كلمه من العادي بعديها
لكنها منك وانته وسط وجداني وياكيف من حرها بالصدر اخفيها
أبوي للطيب علمني ورباني والكلمه الطيبه لابد أبديها
أنته سليل الكريم ومزبن العاني ورجلك على العز والعليا مضريها
وأنت البحر والبحر مع مر الازماني الياغضب يهدم ديار(ن)ويمحيها
مير البحر ملح مايرده ضمياني وأنا وردت البحر بروي ضواميها
والحمد لله يوم إن الله أنجاني من قبل لندم على شي بتواليها
وحسيت شي من الضيقه تحداني وأطلقت فكري يصيد أغلى حباريها
ثم أنطلق طلقته تقال نيشاني وجول الحباري مخالبيه مخاليبه تدميها
سجلت ماكان في قلبي على لساني ووكلت ربي عسا ربي يسويها

فهد عايد بن عنيزان 16-04-2012 12:24 PM
انتظروا المزيد من ابيات وقصائد شاعرنا ايمن ناير عوض وان شاء الله تحوز على رضاكم

فهد عايد بن عنيزان 17-04-2012 09:25 PM
ذاربي قلبي الابيض وكثر السماح في زمان السواد وفي زمان الخطا
كم صديق(ن) غرس في وسط قلبي رماح لين جرحه مع الايام زاد وسطا
كني الغصن والاحباب حولي رياح كل ماخطو عليه مال غصن العطا
بارق الهم والهجران والبعد لاح عقب ماكنت بيره والدلو والغطا
مابقالي لحرب البعد منك سلاح اسرج الفكر خيل البعد ثم امتطا
سلمولي على اللي زاد في الجراح وعلموه ان قلبي مات بعد البطا

فهد عايد بن عنيزان 18-04-2012 10:00 PM
من قدح فكري طار عن عيني النوم ونقيت من جزل المشاعر معانيه
ماتلحقه شرهه ولا يلحقه لوم مادمت في جنبه عن الناس مغنيه
فكر العرب يسري على مكسب اليوم وفكري على درب الملاقا تسريه
هيضتني ياطير فكري على الحوم وانته ليا جات المواقف مكفيه
غلاك ماهو داخل القلب مرسوم غلاك وكر(ن) مالقا من يعديه

فهد عايد بن عنيزان 19-04-2012 09:43 PM
الله يجملني على طيب الجميع  
  والله يقدرني لرد حقوقك
اسعدتني ياصاحب الصدر الوسيع  
  وانت المعالي شابهتك بذوقك
تطوع اللي بالصعايب مايطيع  
  وتظفي على طيبك حسن منطوقك
احيان احس بداخلي برد وصقيع  
  واحيان تكويني لهايب شوقك
بعض النجوم بزحمة الكوكب تضيع  
  وبعض النجوم اليا نظرت تروقك
وانت القمر ياصاحب الحسن البديع  
  في كوكبي مافيه حي(ن) فوقك

فهد عايد بن عنيزان 19-04-2012 09:50 PM
ويش اسوي ليا جاني الغلط من قريب واستعر بالضلوع الحدب مكنونها
ان تكلمت لحقت الحطب باللهيب واشتعل ضو نار{ن} مايطفونها
الفتن روحت بامير تغلب كليب والسبب ناقة{ن} جربا يسوقونها
كل ماحط هقوه في زماني تخيب بينت لي ظروف الوقت مضمونها
ودام لي نفس ترضا بالقدر والنصيب ربي يحاسب الانفس على ضنونها

فهد عايد بن عنيزان 20-04-2012 02:33 PM
مابقا للحزن في قلبي مجال  
  والمدامع غارقه في موقها
طامعٍ بالوقت مير الوقت مال  
  والاوادم من يسد حلوقها
الاماني صارت بعيني رمال  
  والسحابة روحت ببروقها
وسيفي اللي يشطر حشود المحال  
  ذاق طعم المر من معلوقها
مارجيت الا الولي رب الجلال  
  عالمٍ ماتحت الارض وفوقها
وكل ماهبت عليه من شمال  
  استهل الحزن مع طاروقها

فهد عايد بن عنيزان 24-04-2012 02:09 AM
يازمان الصمت ياصلف الليال ليه جبت احزان قلبي تسوقها
مابقا للحزن في قلبي مجال والمدامع غارقه في موقها
طامعٍ بالوقت مير الوقت مال والاوادم من يسد حلوقها
الاماني صارت بعيني رمال والسحابة روحت ببروقها
وسيفي اللي يشطر حشود المحال ذاق طعم المر من معلوقها
مارجيت الا الولي رب الجلال عالمٍ ماتحت الارض وفوقها
وكل ماهبت عليه من شمال استهل الحزن مع طاروقها

فهد عايد بن عنيزان 24-09-2013 07:52 AM
يروق الشعر في حال ارتفاعه  
  وقطفه من عناقيد المعاني
يسر الصاحب الغالي سماعه  
  ويكدر من يدور لي هواني
وأنا بالمختصر عندي مناعه  
  عن الظالم وظلمٍ به رماني
وانا ماني مكلف في طباعه  
  وخساره معه لو ضاعت ثواني
ولو زاد الزمن حدة صراعه  
  بساير وقتي وحدة زماني
قليل المال .. واكثرهم قناعه  
  صغير السن .. واكبرهم اماني
ولو اركى علي الهم ساعه  
  قطفت حروفي ابيات واغاني


الساعة الآن 10:19 PM.

Powered by vBulletin® Copyright ©2000 - 2011, Jelsoft Enterprises Ltd.
new notificatio by 9adq_ala7sas
HêĽм √ 3.2 OPS BY: ! ωαнαм ! © 2011-2012

Security team