|
الرشــــــيدي
الرشــــــيدي [table1="width:95%;background-image:url('http://www.alsuhman.com/vb/mwaextraedit4/backgrounds/22.gif');border:4px double gray;"] | [/table1]ياراكـب اللـي يدفــعـن الدواليــــب == مـن وزن رمانـة ليـدار ويـلـه ركابة اللي يوصل الخـط ويجيــــب == للطيبـه يمنـاه مـا هـي ذليـلـه بلـغ ســلامـي للرشيــــدي تراحيـــب == جميلـة للـي يـحـوش الجميـلـة ســــلام أحلى من لبـــن شمــخ النيـب == وأحلى مـن الهتـان بـأول مخيلـه انتم سلالة عبس من مصــدر الطيــــب == الطيبة مـا هـي مـن المستحيلـة الطيبة لـــو هـي بـروس المراقيــــب == دايـم علمكـم فرعهـا بالطويـلـة وحنا الحروب النا عليهــــا مطاليـــب == ونسعالهـا سعـي العميـل لعميلـه لو دونها حـر وسمـــوم ومـــلاهيـب == نطمع بها لـو عنـد خشـم الفتيلـة ودخيلنـا يـــوم الليـــالـــي شــلاهـيـب == بين العرب ما ينعرف مـن دخيلـه وخـــويــنـا يحظـا بكـل الـمــواجيـب == ومن لا شهد بالحـق ضايـع دليلـة وان صاحت العذرى على أم الدباديب == اقفوا بهـا مـا عـاد فيهـا عقيلـة قلنا وراها تطـــلـع الشمـس وتغــيـب == ترى الوعد مصباحهـا يـا لجليلـة ولحقوا على الزلبات عوج العراقيب == تسعين منهـم مـن عيـال القبيلـة وشبع الثعل ومخيمر الضبع والذيـب == منـا ومنهـم والخسـايـر ثقيـلـة تدرين عقب اليوم هـذاك اصاحيـب == أحفاد هـاك اليـوم نحصـد جميلـة |
تحذير
تـحـذيــــر [table1="width:95%;background-image:url('http://www.alsuhman.com/vb/mwaextraedit4/backgrounds/22.gif');border:4px double gray;"] | [/table1]يابـــن عتيــق الرجل يبغــاله لـحـــاف == ويضا بعد لــرس لازم عمامـــه اسمع كــلام الي بــداء راس مشــراف == وكاشف على مدار داخل تهامـــة بكره يجيـك القيض وتجــف الاريــاف == ويـــزول عن دار اليتــيم الغمامــة وتكــشر الانيــاب وتضيــع الاهـــداف == وتحذف عن الاكتاف بشت الزعامة وتصبح تضم الوسط وتضيع الاطراف == وراع الغرام يــعذرك في غرامـــة انجيـــت يم الــراس قال الزمن طـــاف == عليك تحفر بيـــر تسعين قــامــة لاكـــن اغتـنمها فرصتن حــج واطــاف == قـــدام يصحي نايـــم من منامــة هـــذي نصيحت واحــدن قال ماخـــاف == والخوف نوع من الرداء والرخامة الي يجيـــك بصكــة اخـــذه ولا تخــاف == ومن دون صك احسب حساب الغرامة اجبـــالنـــا بصكــوك من دار والاوقــاف == لاتمرها كـــان انت تبغــاء السلامة وان كـان شكــلتـــم حزابــات واطـــواف == الله يــستــــر لاتــقــوم الــقيـــامــة تـــجيــك فـــزعـــتهــم معصي وحـــذاف == وكلمت بعد بعدين هـــذي علامــة تشــــوف وقفتــهم طــوابيـــر واســـلاف == ونعمين كان اليل طـول ضلامـــة اجسمهم ماتمتــــني غيـــرهــا اوصـــاف == جسم الحصان وراس طبع النعامة |
[table1="width:95%;background-image:url('http://www.alsuhman.com/vb/mwaextraedit4/backgrounds/22.gif');border:4px double gray;"] | [/table1]لـقــدحــت النـــار والبـــن يحمــس == وقروم ربعي كلهم بإنتظــاره مع دلتيـــن فيهـــن البـــن ماهــمس == القطفه الاولى نقـــاوة بهــاره وكبش هلا النموس فوقــه تنــومس == كل يبي مثلـــه لجـــاء نهــاره وســوالـف ليــن السويــبع تنكـــس == ومن له شوير بكلمته ماستشاره ودارت سوالفهم على طيب الانفس == كل سرى مبسوط واخــــذ قراره هذي طرات الــــروح قــدام تيبــس == قبل الحصاد وقبل وقت انكساره يوم الردى عن واجب الضيق يندس == وان خلفوا يسرع للحس السواره وان شاهد الخطار من مجلسه نــس == وظلا يتمشى في نحر بيت جاره حتى يحــول نــظرهـــم ويتلسلـس == حضني ودمه وصفتـــه دم فـــاره وجداه ليت الطيب ملبـوس يلبــس == حتى نعرف النذل من دون اشاره مثل الفهد والنمر وذيــب والبـــس == ويصير للإنسان نفــس العبـــاره ماقول أنا للطيـب رجــل مهنــدس == قسمي مع هل الطيب مثل الشراره أعـــوام في بحر المثل مـاتطفــس == أرشد بها نفسي ومن له انظاره ياخـالــد أبوصيك وابغــاك تحـتس == ترى النذاله عيب ماهي شطاره لاتجالس الانـــذال بالهرج تفــرس == ترى ضعاف الهرج منه المراره ناظر شرار النار وشلـــون يقبــس == البر حريقه من ضعيف لشراره لو ثوبك ابيض مجلس النذل يدنس == وان ردت الاخبار قالوا خساره جالس ثلاثه رجـال ماقــولك بــس == يمكن وراهم مثلهــم في الاراده الاول اللي لو هبا الدهــر مــاهس == معشي الخطــار لــو بالاعـــاره صينيته دايــم من الحيــل تدمـــس == وكم مرةٍ تغضب بشط الحواره مع دلتـيــــن نـــارهــم دوم تقبــس == ومن تاه تالي الليل شاهد شهاره والثــاني اللي للشــجاعــه مــدرس == لجاء نهــار مولــع ابليس نـــاره كفه يدوس اللي له ابليس وســوس == يرخص بروحه دون ربعه وداره اسبابهم الهزلا الوجيــه المنحـــس == وعود شقاهـــا للفهـــد و النــماره والثــالث اللي بالخطاء مايتــرمس == عقله كبير وهرجـته بإختصـــاره له كلـمةٍ تطلــق جميــع المــحبـس == وان عمست الاشوار عود لشاره لاتتــابع الدنيــا تشــيب وتــعـمـس == حاول تسير كــل وقت بمســاره دنياك هاذي من تبع رايــها افلــس == بالفكر و الا في مجــال التجــاره |
قصيدة غزلية مهداه إلى الشاعر / صياف عواد الحربي عام 88 هـ من نبع جيزان [table1="width:95%;background-image:url('http://www.alsuhman.com/vb/mwaextraedit4/backgrounds/22.gif');border:4px double gray;"] | [/table1]لا الله ألا حــــرق الـحــب فـيــه == والبال من كثر الهواجيس منحاس والقلب كأنـه وسـط نـار وريـــة == وألا كـما بــن ٍ يقلب في محـمـاس لا وعـذابـــك يالعــيـون الشقيــة == لا و عذاب العين من قـل الاونـاس أزريت في خفـــارات ٍ وانقـريـــة == وأزريت بالفاروع وأزريت بالفأس ماعاد لي مجلاس وسط السريـة == بــسـلم البـنـدق ومجموع الالبــاس نبــي نــمـشي يــم دار عــــذيــه == ونشوف نبتن بالوطن قبل الايباس ممشى مع الغالــي لـونـه شويــه == أخير من جيزان وديــار الإفـــلاس تكفى يابـن عـواد تلحـــق عليــه == الحــق عليـه قــبل غــوال الأنفــاس نبـــي نـدور طـفـلـة ٍ عسـوجيـة == ريحـه نسمها ريــح مسك ونــوراس أبو ثماني يــوم تضحـك شفيـــه == كأنه بـرد مـزن ٍ ظـواهـر وغطــاس والهنــد يشـدا بيضــه الـرعبيــة == من ماكـر القرنـاس يــأتيـك قـرنـاس وجدايلة فوق الردايـــف ضفيــه == تكسي ردوفـــه عن ضفيــات الالبــاس عطهم وأنا خابرك جزل العطيـــه == وان وافقــوا فزنا وفزت وانت بالكـأس لو أعـــرفك بالحال تبخــل عليــه == ما اشرح لك إحساسي وأنا أعرفك حساس الشاعر صياف قليل قصائد النظم إلا معي حيث قال عدة قصائد من جملتها هذه القصيده رد على نبع جيزان 88 الي يقول مطلعها [table1="width:95%;background-image:url('http://www.alsuhman.com/vb/mwaextraedit4/backgrounds/22.gif');border:4px double gray;"] | [/table1]لا الله ألا حــــرق الـحــب فيــه == والبال من كثر الهواجيس منحاس [table1="width:95%;background-image:url('http://www.alsuhman.com/vb/mwaextraedit4/backgrounds/22.gif');border:4px double gray;"] | [/table1]يقول ابن عــواد جـاتــه هــديــه == هديةً الـذهــب زيــن الأجنــاس مهــداه من دارٍ علــينـا شــويـــه == من دونها الطيار تحــداه الأقــواس صعبه على الرجلي راع المطيـه == كم واحد ٍ من دونها صــابـــه نعــاس يلي بطرق الحـب تشكــي عـليـه == أنــا مــنه قلبـي دخل فيــه وســواس إن جيت بصبر باحــت المعقليــه == وان جيت بافعال سرت عرضه للأدناس اشكه على الي يحتمون الرعيـه == ربع ٍ على درب النقى تشرب الكـــــأس أهل الوفا وأهل الوجيه الرضية == أهل الدلال ألي على النـــــار جـــــلاس يا ربيــع أبوصيــك مني وصــي == وصـــيه ٍ تقطــع كما يقــطع الـــماس أوصيك عن مشي الغلوم الردية == ترى العلوم الخايبــة تهـــدم الســـاس رجل ٍ بغير قيــاس تكـثر غويــة == وان ضاعت أفكاره عليه القـــدم داس وأوصيك بالطيــب وخلك خويـه == ترى الردى فب بعض الأحوال بنحاس |
المكرمين الأخوان عطية الزهراني والأخ سعد القحطاني هدية من عادات العرب شاكرين لكم تعاونكم وما واجهتمونا به وكان له الأثر في نفوسنا جعله الله في موازين حسناتكم انه سميع مجيب [table1="width:95%;background-image:url('http://www.alsuhman.com/vb/mwaextraedit4/backgrounds/22.gif');border:4px double gray;"] | [/table1]قالوا سعد قلـنا سعـد من سعــدنــا == يالخنفري يا مركز المدح والطيب قــلـت بعد عشرة ليــالي وعـدنــا == من دونها كم تطلع الشمس وتغيب الأمر ســـار بيــدك مــاهو بيدنــا == وش واجب الضيفان عند المعازيب يوم انت من قحطان ساس وسندنا == والناس تعرف فعل شالح اباذيب ميــقــافكم مـعـنــا ينــجي ولــدنـــا == ولا ينكر المعروف غير الدباديب مـن عنــدكم بـالله حنــا اجـتهـدنــا == صحيح قالوا عالج الجرح ويطيب ونشكر صبي زهــران وفـا وعدنــا == أهل الكرم زهران شباب و مشيب بجــاه مـن بيتــه بني فـي بــلـدنــــا == عسى لكم في جنة الخلد ترحيب وحنـــا حـروب بـكـل مــارد وردنــا == رجـــالنـــا يافي بكل المطاليــب مانقــــول حـر وبــرد وألا رقــدنـــا == نافي بحرف الطيب برد وملاهيب ولا نقول أخذنا الطــيب كله وحــدنا == دايم رجال الطيب في منبع الطيب يا الخنـــفري لتحسبــــــنا قصــدنــا == ترى ظروف الوقت منها التعاجيب ولـــولا ظروف الوقت محــد نشدنـا == ولا سارت العرفه وكثر الاصاحيب صلاة رب لـــــه ركــعنــا وسجدنـــا == مرجح الوزنه لمـن يفعل الطـــيب عـلــى نبــي يــم ديــنــه عــمـــدنــا == محمد اللــي رتب الديــن ترتيــب من بيت سيــد الخلق يصـدر عــددنا == لبيت رب الخلق تصل المكــاتيب |
على هوى الجليس [table1="width:95%;background-image:url('http://www.alsuhman.com/vb/mwaextraedit4/backgrounds/22.gif');border:4px double gray;"] | [/table1]طـــلال بــالله قـــرب الهــاف ليـــه == وعب التوانك شرط من شيشة إدريس هــاف جـديـــد ولا عليــه الحنيـــه == تلـقــاه بالــرصـــه خــلاف الاتابيـــس شوف المهندس شرقي الناصريـــة == افحص عليه وعلمــه بالحــواسيــس تــــراه لــه بالـــدار نـــاس ادميـــه == لكــن اطلعــه باليــل عن الجواسيــس من الـكــويــت مروحينــه عــشـيــه == عليه من شكل القريفـــل مــلامـــيس مغــلـــق التــمــريــن فــالـقــادسيــة == امـــرنـــه مشـعـــان ولا كديمــيــس دقت سوستــه تـقـل حـس بــرديـــه == مثل الرعد في عرض مزن ٍ غواطيس لعـطــالــه سهـلــت ٍ جــر هـــديـــه == حذف الحصى طقات عقب النواديس لعـلــم انبــيــره على رقـــــم مــيـه == سكر قزاز البــاب عن النسـانـيـــس وخل القصيم يمين وانصى الحويـه == وسيس محل البدو يالقرم تســـييس أهـل الــدلال مقــدمــيــن التـحيـــه == من قبل تقلــــط بنهـم فالمحــاميـس أبنــحـــر المجـمــول رادع شفيــه == اظني ادلـــه عن كثــير الهواجيـس هـذي ثمـان سنيـــن بالعســكريــة == أقــدامــنا طلـقـه وحنــا محـابيــس |
[table1="width:95%;background-image:url('http://www.alsuhman.com/vb/mwaextraedit4/backgrounds/22.gif');border:4px double gray;"] | [/table1]يــاسعـود يوميــن الشفارات صفـن == عندك من اللي يقعد الرأس حاجة راســيــن مع راسيــن لـراس يكفـن == راسً يحب وراس يبغى علاجه ولا حصل مطلــوبهن سـعد أهلهــن == بيجيلهن عقب الأخير اعتلاجه ابيـــه من لمــس القـدم لــرتكـز ون == ونين مخلوق غدا منه حاجـــة ولا صــفــا جـــوه وجــا للهـواء فن == يسرى لوان الخط فيه انعواجه وعلى أيمنه ياسعود مخلــوق يفتــن == ويرافقه ياسعود واحــــد دجاجة لحــرك الــشرطـــان ومسجــلـــة دن == حسية بالرحمة وخضعت حجاجه وقلنـا لــراع البـــن لا تحــرق البـــن == خل الردي يقفل زريبة انعاجـــه غمزة عيونـه ســابقــة ضحكة السن == وقلبي وجسمي سار فيه ارتجاجه اشـــر عــلي وقــلـت كيــف انتمكــن == اسود وليل اسود صعيب انخراجه الــدار مسكــونـــة واشلــون نسكــن == أخاف من هــرج وراه السماجـة ميـــل عــليـــه ليـــن الأكتــاف حكــن == حتى مع الأكتــاف وقـــف عجاجه ولمست انا الحساس لين الجرس رن == ماعاد بـــاقي ترجمــة ياخــواجــة راعي الهوى مايفوتــه البيت يفطــن == وأهــل القلوب العمـي فالاندماجــة |
يذبح الداب قفنود
يذبح الداب قفنود [table1="width:95%;background-image:url('http://www.alsuhman.com/vb/mwaextraedit4/backgrounds/22.gif');border:4px double gray;"] | [/table1]يابلشت الـدكتــور في رجــل مقعــود == يشر على قلبه ومرضان سنه بـلـشــي سليـمـان بــأفــكــارة الســود == لاقلت شهرة جدنــا قال كنـــه وان قلت شوف الطيب والورد والعود == له شهرةٍ من طيب عوده وفنه رد الجواب وقال ذا الهــرج مفـقـــود == في دفتر الابحاث ريحه مصنـــه لعـاد مانـت رويتعي ويـن مــوجــود == وش شهرتك وش نجرك الي تدنه أجــدادنــا الي مــن على وقــت داود == في حقـــهــم مــاواحــدٍ نستمــنه أهل المفاخر والكرم مصـدر الجـــود == من ضاع من تاريخهم خاب ظنه ربعك كما عـــد من القيــض مـــارود == لحدك الملهاب فــربـــت منــه جدك مظابه وقت واجيـــال وعهـــود == ولا ناكــر الي سنهم قبل سنـــه تصبح مثل يقضى على الناس مقرود == من الجهل بيحول الفرض سنــه ماانت بجاهل تعرف الرب معبــــود == والشرك وأهل الشرك من دون جن لا تتبـع الشيطــان وتـــروح وتعــود == تصبح كما القبـــار عنـــد الجنـــه قلنــا وقلنـــا بطـــل الشيـــل لاتــزود == خل الجرس يلقى غشيم ٍ يرنـــه ضيعت مجهودك على غيـر مجهـــود == سوات من يحمل على المتن شنه فــكــر بعــاد وقــبــلهـم قـــوم ثمــــود == راحوا وتاريخ الأمم في مسنـــه ليــتك طلبــت الحـــق والهرج مفقــود == اخير من سيفٍ لربعــك تسنـــه لا تصـدق الي قــالك حب مــرصـــود == ينســاك لمــن اللحى وخــرنــه لـجــاء نـهــار مــولــع النــار بلعــود == ياقف معك والخيل من دون أعنه إن رحت عيب وعار وان عدت منقود == صوبن يديك وكفك الزين حنه ربعك في ظهر الحق والحــق مجــود == يمناك لمن الشهــود اثبتـــنـه ماانت على زرع الردى رجل محـــدود == عيب الردى ونفوسكم راودنه يا حسيفي يا ابــوان خـالــد و مسعـود == يا سيوفنا الي بيتنا يحتــمنـــه مــن شــافـهـن بالحلــم لنــوم مايعـــود == ومن شافهن بالعلم يزداد جنه والله مااصـــدق يــذبـــح الــداب قنفــود == انياب سم وروس ماحاربنــه افــاعــي بـانــيــابهــا الــسـم مـرصــود == انيــاب نفــقدهــن ولايفقــدنــه اسأل وقول معيــض ومثيـب مـــوجــود == راضيـن والا اصواتهم ناكرنـه لعــل مـااصبـح بيـــت الاجــواد مهــدود == عسى ركون البيت ماوادعــنـه يـاسـلالــة المرحــوم مــن دون معــدود == الي لهم وسط الضماير مضــنه مـن كـان لــه بالبيــت مــيــراث ماكــود == تـرى الحــبال البيــض مايقطعــنه يــاربعــنــا مـــاودنـا الثـــوب مــقــدود == تكثــر فتــوق الجـــيـــب ويعبنــه الـرجـل مــايـقـــدم عـلى غير مقصــود == إن كــــان هيــل لا يحمـــس بنـــه يـــصــبـح عــشــا للــذيـــــب والـــدود == والي وراه يـــون تسعيـــن ونــــه حنـــا ترانـــا رجـال والشيــــن مـردود == من لاصــدق ماعنــدنـــا لـه محنــه ماهمنـــا لــو قالـــوا الــدرب مقــعــود == الحـــق هو الحــق والمــوت سنـــه |
من يوميات الشاعر
من يوميات الشاعر [table1="width:95%;background-image:url('http://www.alsuhman.com/vb/mwaextraedit4/backgrounds/22.gif');border:4px double gray;"] | [/table1]صحيت من صوتٍ سمعته وأنا نيــم == صوتٍ غريب وداخل القلب نما قلنــا فـريـق سليــم وألا مــن سليــم == عندي دفــاع ومعه خفيـف دمـا وميل فـريـقـه والحكم ولعبــوا قيــم == في ملعبٍ مجهول ماهــو مســما والقيم والأخر سار في ملــعب ثليــم == وشفت الحكم بالكرت مرات هما والحــب جـاء هتـان ونهايـتــه ديــم == على مــكـان ٍ دمــه السيــل دمــا لا خيــل خيـالـه ولا شـــفتـلــه غيـم == لكـن البروق تلـوح في مـدلهـمــا إن كان ياعيسى تبي غزوت غنــــيم == افــهــم على المعنى ولمــوه لمـا |
بسم الله الرحمن الرحيم المكرم / عايض عويض .. حفظه الله بمناسبة دفاعك عن صديقك الشاعر المنشق سليمان دخيل وتحريضك له بأبيات من الشعر التي لا تعالج المشكلة بل تفرق ولا تجمع ونتيجة لذلك أوجه لك هذه الأبيات وهي على النحو التالي : [table1="width:95%;background-image:url('http://www.alsuhman.com/vb/mwaextraedit4/backgrounds/22.gif');border:4px double gray;"] | [/table1]عـدو عينـك مثل حضرة سليمـان == لا فأول الحملة ولا هو وراها كـلا ً يـقـول الادمــي ذاك شقيــان == لــه قصةٍ كـل عليَه حكـاهـا مـــاهـى ردا لكنـهـا دون عـقــلان == نفسه مشقيها ويتــبع شقـاهـا اما رجــع للحـق والصبـح مابــان == رفعت بوارقها وطبق حماها عز الله إنــه مـن سلايـل كحيـلان == لكن الافاعي نوب يفسد ظنهاها نـــاس ٍ تحـط لسـان مـاهـو لسـان == تلصق بعض لسناتها في حماها حنا جسد له راس وايدين وأمتــان == يدرا عيونه مايحاول عمــاهــا ماودنــا في وسطنا قـلـب مرضـان == أربوعنا تزعل وتفرح عداها وليـــا طلبت الحـق نأصـل عليـان == عيب على الي جابته مايحماها والاتجي وتقول أنا سـرت غلطـان == فاالاوله واستسمح الي وراها أجدادنا تاريخ من مـاضي الازمـان == مانتركه و الرب يمطر سماها يوم الـزمـان الي بـه الذيـب شبعـان == والثعلبه قاصر عليها عشاها ستر الدخيل وضيف واكرام جيران == مصدر كرم وتكرم الي نصاها تـاريخهم ماهـو سـواليـف ورعــان == ناس تحاول تمسحه بنعصاها تــاريخهم دونــه طويليــن الأيـمـان == تفتــل شـواربها وتمسح لحـاها لـو جــاء نهار فيــه لبليــس دخــان == إنشــوف لهبتـها ونونس سنـاها اخير من ضحكة بعض ناس عميـان == ربيع قلب وتوجـع الي قــراهـا يابـن عويض حطـها وسـط ميــزان == وان مليت واجبك تشرح خطاها المكرم / ربيع هذه القصيدة لاتعتبلا رد وانما هي مواساة وحافز للقصيدة الذي من هذا النوع :- [table1="width:95%;background-image:url('http://www.alsuhman.com/vb/mwaextraedit4/backgrounds/22.gif');border:4px double gray;"] | [/table1]هذى رسالة شكـر لابـن عــريمــان == قـدام يفصل ليـلهـا عـن ضحاهــا تحـمــل تحيـاتي وشكـري عـلشــان == اعتــز بلابــيــات والـي بنــاهـــا العقـل حـكمـة خـالقـة رب الإيمــان == وبعض العرب تعمل بما الله عطاها فلي يـعرف العـلـم مــاانـت أبلشــان == تــبــلش بــناس علمها ماكــفـاهــا لابس ثياب وصورته صورة إنسان == وعايش على غيض النفوس ورضاها صحيح قالوا جاز الإحساس بإحسان == والشين بيـعه خاسر من شـرهــا الرجـل قـالـوا لك منه قلب ولســان == والابــتسامـه للنسـاء وشبهـاهــا مايوجه سلاحه على صدر صدقـان == يقـال ثــارت بندقـه في خــباهـا رجـال مــايخسـر ورجــال كسبــان == عميت عيون الي ربوعه شناها مــايــرث الـرجـال من دون جــدان == من غير ربعه كيف داره حماها عدوان جـدك وعـدهـم دوم عــدوان == لا تصدقه لو قال مبطي نساهـا خبــارة الديـبـان تـطـلـع بـد يـبـــان == يونس حرارة سمها من وطاها حنــا نسبـنـا من رويـتـع ونـجــوان == لصاحت الخفره وطشت غطاها في عـيـونــا الميــدان مـاهـو ميــدان == عشاق ثورتها ودورة رحاهــا مــن عـاش قلـنـا نعم يـافـلان وفـلان == ومن مات ميقافه واخذنا ثراها دايم ضحايـا المعركـه نـاس شجعــان == يضرب مثل فيهم وهم قتلاها دارٍ سكنـاهـا جـدنـا مــاضى الازمــان == نحمى طوارفها ونركز حماها مـاردت الهضـبــه ومــادار دقــســان == دار الجدود التي نعشى هواها دارٍ سكنـهـا النـمـر والذيــب سرحـان == ورجالها الأسمين هو اصدقاهـا والصقر ماهو صقر من دون جنحـان == حتى الحباري تعمله من عشاها الـقلـب اخــذ منها وشــافــن الاعيــان == تابعتهــا حتى ارتفــع مستواهــا صلوا على محمد عدد فرض الاركان == من مبتــدأ القصه إلى منتـهاهــا الشاعر/ خالد ربيع عريمان السحيمي |
بسم الله الرحمن الرحيم أيها الإخوة الأفاضل شيوخنا وعلمائنا وضيوفنا الكرام أيها الحفل الكريم السلام عليكم ورحمة الله وبركاته بالأمس أبدينا موقف مشرف بإسمكم جميعاً لحضور حفل قبيلة حرب عامة بارك الله لمن سعى لإنجاح تلك المناسبة وكان موقف مشرف أشادت به حكومتنا الرشيدة من خلال من حضر من ولاة الأمر وكذلك من شاهد ومن سمع من وسائل الإعلام بان هذا الموقف يذكر بالمواقف الماضية لقبيلة حرب مع حكام هذه الجزيرة ماضي وحاضر وهذا الكلام سمعتوه بأنفسكم من ولاة الأمر الذين حضروا هناك واليوم نحن هنا نجدد هذا الموقف لنا خاصة ليفهم شبابنا عن ماضي أهاليهم ويكون لديهم علم عن الماضي والحاضر وسبق أن قلت في قصيدة سابقه عن هذا الموضوع : [table1="width:95%;background-image:url('http://www.alsuhman.com/vb/mwaextraedit4/backgrounds/22.gif');border:4px double gray;"] | [/table1]وان كان ماحضرك يشهد لماضيك == سجلك التاريخ من غير ماضي انظر على تـاريـخ جـدك وأهاليـك == الطيب مثل السيل يحيي الفياضي ما أعاتبك مشان ازعلك وأرضيـك == ثمرة كلام وتصبح الصبح راضي وهذا التوجيه كله فضل الله سيحانه وتعاى ثم بفضل شيوخ القبيلة وعلمائها وكبار سنها الذين يوجهون ويحرصون على عادات القبيلة وتقاليدها من الضياع وتعارف القبيلة بعد اتساعها بعضها على بعض شبابها على شيوخها وصغارها وعلى كبارها اكرر وأقول بارك الله في حكومتنا وشيوخنا الذين يهيئون كل شيء للمحافظة على العادات والتقاليد من الضياع بارك الله لهم وبارك فيهم |
مساجله هذه قصيده ارسلتها لشاعر فلاح صياف السحيمي [table1="width:95%;background-image:url('http://www.alsuhman.com/vb/mwaextraedit4/backgrounds/22.gif');border:4px double gray;"] | [/table1]مرحوم يا حام المواقيف مرحوم ==اليا لتقى الجمعين والصف غبر على صديق العمر مانقبل السـوم == لــو الليالي تمر والـوقت دبـر فلاح كيف أوعدتني قبل كم يــوم == ومن عقبها ماعنكم الطير خبر وإن كان هذا نوم قلي وش النــوم == اليا صحى الرجال صلى وكبر يوصل رسالة قوم ويجيب من قوم == حتى يقال الرجل للقوم سبــر وان كان جبتوا عذر عـداكـم اللـوم == عذًر صحيح العلم ماهو مدبر ولا تعتبر هــذي ذبيحة من الكــوم == هذا مثل والرجل لا ضاق عبر والصقر لاماصاد ما يكثر الحــوم == واللاش دايم حول شي يتصير ولايفطر الصايــم على حبـة الثــوم == لو كان عظمه بالجباير مجبر وتمر النخل ما هو كما تمرة الــدوم == حلو المذاق وراعي النخل وبر فيها ذبيحة رجل ما هــو من القــوم == وان شفتها قلنا على الشعر سبر واعرف ترى المقسوم ماعنه مقسوم == ومن تــابــع الأيـــام فيها تعــبر رد من الشاعر فلاح صياف السحيمي على قصيدة ربيع عريمان السحيمي [table1="width:95%;background-image:url('http://www.alsuhman.com/vb/mwaextraedit4/backgrounds/22.gif');border:4px double gray;"] | [/table1]أنا الجريـــح اللي من الــوقت ماســوم == ياليـــن ســرت لجـــور الأيام منبر قلبي غــدا من صالــي الهــم مزحـــوم == ولانــي بســـالي مع هاللبحر والبـــر ولاينفــقـــد فـــالقـــوم ياغـــير زيــزوم == وأن مات يبقى الصيت والجسم يقبر ونته صنعت القـوس ورسلت بسهـــوم == وأنته تعرف القلب بالصبر مجبـــر ويابــو نمر لـــوجات الاعـــذار لملـــوم == مافـــرجت هـمــنً عليـــنا مــزبــر ومن فسر الـدنيــا حسابـــات ورقـــــوم == يلقى العـرق سايــل على كل صبــر والصـقــر مايـــاقع على ماقـــع البـــوم == ولا يـــارد الـعــد الهمـــاج المغثــبر ولايـقــــبلـــون الـــذل ســلايـل قـــروم == وأشبــارهــم زادت على كـل شبـــر ولايمشي المحراث في صخر صمصوم == امـا انثــلم ولا غــدا راســـه كســـر |
( هذه القصيده القيتها في حفل غزاي السحيمي بمناسبة حفل اقيم لاانسابه وبنيخيه من قبيلة يام وربعهم ) اتمنى ان تنال اعجابكم
|
(مساجله) قصيدة الشاعر فواز عايد السحيمي
ردي الشاعر ربيع عريمان السحيمي
|
من نوادر الابيات ربعي سحيم ان قالوا الصبح ميعاد كلن يقول الموت في راس كوعي وان حولوها طيب زاد َ لنا زاد قصرا لنا في روضته ما نجوعي ميقافنا واضح ونظراتنا بعاد وتاريخنا معروف بين الجموعي دايم لنا في قمة المجد مسناد وهاماتنا ماتنحني للخضوعي رجالنا يرقد على روؤس الاوتاد لاجاع لايسرق ولاهو دنوعي والناس كلن له مواريث واجداد وكلن على حقه طموحَ جزوعي واعرف ترى بيت الوفا دوم ينراد وبيت الغنا لاتامنه لايجوعي مافات من عمرك والايام ماعاد وانهب من الدنيا وخلك قنوعي |
من قصائد العرضات على الشاعر صياف
سلام ياضلع تزلزل ثم زل وزلته ماهي بسيطة وهوه جبل مشهور في كل العواصم قمته تحمى محيطه ماظن زلزاله يوثر في الجبال الراسيات اللي على حيد الخريطة مادام فيه ارصاد جويه وميزان الحرارة دوم يشر للجهاز الرد من الشاعر صياف يامرحبا سارت قلوب الناس بالتالي عبيطهكلن يفصل ثوب ويضيع مقاسه مايخيطه سلك الحرير ان كان شديته على غير السنع تسمع عطيطه ينهار بيت مابني ساسه عزاز |
لغز مطلوب حله
عرضة ولغز سلام تسليم السحاب اللي يطير الرمل من فوق الجبال الصم من تاثير ضربه لاصحابنا واللي حضر فالحفل مع درب الشكاله والردى معروف دربه وش رايكم فالحاكم اللي تخضع الامه لحكمه شرقي العالم وغربه نبغى الجواب يدوم حكم الحاكم العدال والا مايدوم حاكم وفي قمة جبل من صالحك سلمه ولا صالحك حربه ماله صور بين العرب والصحف والتلفاز ماعمره ظهربه ماذاعت لندن ولا ام بي سي عنه مثقال حبة خردله وانتم تجيبون العلوم |
| الساعة الآن 10:25 PM. |
Powered by vBulletin®
Copyright ©2000 - 2011, Jelsoft Enterprises Ltd.
new notificatio by 9adq_ala7sas
HêĽм √ 3.2 OPS BY: ! ωαнαм ! © 2011-2012