ديوان الشاعر معزي فلاح واصل السحيمي

اللي من ابعيد يرصدني

[poem=font="simplified arabic,6,black,bold,normal" bkcolor="white" bkimage="" border="none,4,gray" type=1 line=0 align=center use=ex num="0,black""]


اللي من ابعيد يرصدني = يبعد بشره وحسناته
والشك يمه يرواودني = فهمت هالحين غاياته
ياللي عن الحال تنشدني = وكرهك بوجهك علاماته
رح بس رح لاتعقدني = مثلك قطعنا علاقاته
تهبا يامبغض وحاسدني = بيموت قلبك بحسراته
وعلم ياهاجس يطاردني = تهز الافكار هجماته
مع كل فج(ن)يسندني = على مزاجه ورغباته
لازان جوي ينكدني = وتسرح بالافكار جولاته
هاجس من النوم يقعدني = ويحرم العين لذاته
الله ياهاجس امجاهدني = وان غاب ياسرع جياته
هاجس يالو كان لاهدني = لازم البي طلباته
ان قلت ماابغاه عاندني = الا يجيني على اوقاته
ياهاجس الشعر زودني = طاروق مازون لي هاته
تراك دائم اتواعدني = بالشعر لاجات حزاته
قال ايه هيا يامنشدني = قاف(ن)ملي رتب ابياته
انظم الحوني ورددني = لافتح الفكر موجاته
ياسامعي يامشاهدني = عرف الرجل من مقالاته
اقرا قصيدي وتاجدني = شخصيتي فوق صفحاته
وسجه عن المدن تبعدني = ترفع عن القلب ضيقاته
وطاعة إلهي اتقيدني = وسعادتي في امنجاته
ادعو إلهي يساعدني = على القيام بعباداته
يالله ابحبلك اتجودني = يامن على اعلى سماواته
ويالله بهديك اتسددني = يامنذر الخلق باياته
ويالله الى الخير ترشدني = يامخضر الارض مداته
قبل الاجل يقرب ويدني = والموت يرسل اشاراته [/poem]

 

عبدالله إبيوت شعر أكزها إليك

[poem=font="simplified arabic,6,black,bold,normal" bkcolor="white" bkimage="" border="none,4,gray" type=1 line=0 align=center use=ex num="0,black""]
عبدالله إبيوت شعر أكزها إليك = طرت لي البارحه قبل إني انامي
إبيوت شعر(ن) ابوك اليوم يهديك = الله يثبتك على دين الاسلامي
بالشعر اكلمك فتح لي اذانيك = الله يلهمك مايفيدك الهامي
بالشعر اخاطبك جعل الله يعافيك = اخاطبك في كلام امفيد ياحزامي
حرص الابوه دفعني يوم اوصيك = والاانت مابك ردى ياحر ياقطامي
ابغاك نشمي يامكبر هقوتي فيك = ابغاك في كل ماينومسك قدامي
وانته ذكي ماخفاك اللي ينشميك = الدين هو والكرم تلبس به اوسامي
ابغى اليا جابوا اهل الطيب طاريك = بالنعم ترقى براس العالي الزامي
وحافظ على طاعة ايلاهك وتنجيك = في يوم الاعضاء تكلم لهلها اخصامي
وخدمة اخوانك تراي ليوم حاسيك = لاقصر شوفي وقامت ترقل اعضامي
عبدالله امرك بيد ربك وواليك = لاتزعل ان ماتهيت بعض الاحلامي
زمانك ان زان قال الله يحيك = لاكان شان او زان بحال مادامي
وش لك بدنيا تضحك وتبكيك = وان جت تبسم تراها اوهام باوهامي
دنياك لو كل ماتبغاه تعطيك = تروح منها بمترين(ن) من الخامي
اقنع بما يسره ربك ويكفيك = وياكثر مالك وهب ربي من انعامي
الكون كله وماحاشه مهاليك = والدايم الله تعالى رب الانامي
اصحى لاتنسى الذي ماهو بناسيك = يخطفك لاوقفت الساعات بشمامي
ولاترافق المنحرف تراه يعديك = من رافقه وقعه بحقول الالغامي
وبعض العرب لاتبين له خوافيك = ولاتبدي اوناسك لحاسد ونمامي
وفي لازمك لاتلفت بالصعاليك = الله كريم وجعل في خلقه اكرامي
فكر وقرر ولك عقل(ن) يقديك = واذا جهلت انشد وتاصلك الاعلامي
من لايقدرك له لاتسير رجليك = فكر قبل ما يسيرن فيك الاقدامي
ويم اهل الطيب ماتعيبك مماشيك = وناصيك كن له عوين بعسر الايامي[/poem]

 

حوار مع جيبي

[poem=font="simplified arabic,6,black,bold,normal" bkcolor="white" bkimage="" border="none,4,gray" type=1 line=0 align=center use=ex num="0,black""]


يااللي تقولوا بحب الجيب مفتوني=أحبه اللي يزيد الرجل نوماسي
ياصانع الجيب لو مشرك وملعوني=أحسنت وأتقنت صنع الجيب يالخاسي
لو قيمت الجيب وصلت ربع مليوني=من إستطاع إشترى قطاع الارماسي
ياجيبي أبشرلك بطاروق مازوني=يوم الهجوس أوردن أخماس وأسداسي
طرق(ن) يشوق الذي للقاف يوحوني=يطير إنعاس من بعيونه إنعاسي
قاف(ن) أخترته وفيه أوضح إشجوني=لاصار جاشي تقل يقلى بمحماسي
ولي قال جيبي إلك شكري وممنوني=بفتر بالارض والين لك القاسي
تعرف دروبك وفي يدك دركسوني=مع كل فج أعط بي لعل ماباسي
قلت أعرفك زين لا ماتخيب إظنوني=وتلتك مع كل فج(ن) ترفع الراسي
وياباغي الشعر دونك ردد إلحوني=توه صفى الفكر مع ذعذاع نسناسي
إليا زهمت القوافي لي يجيبوني=بأختار دره ثمينه كنها الماسي
بسم الله أقول ياالسامع ولاتهوني=ماجاز لي ناظمه في سطر قرطاسي
ياالله منك الستر والعفو والعوني=يامصرف الكون محصي كل الاجناسي
يامالك(ن) مااحتواه وضمه الكوني=عفوك نهار(ن) يجي به ربح وإفلاسي
وغاوين يااللي تعذلون وتلوموني=إلياعطيت الخلا لو مامعي ناسي
مادام ماقلت أنا تكفون خاووني=بالسجه اللي تخفف بعض الاوناسي
أنا إليا منها خمتني شطوني=بالله توكلت لادقن الاجراسي
قالوا تمشى لحالك قلت خلوني=أسج للبر أحوم تقل عساسي
ماني بمصغي لكم ياللي تعذلوني=لا والله ألا عزمت ودق هوجاسي
لي ماتورى ولكم اللي توروني=لاتكثرون العذل تراي حساسي
ذي رغبتي بس مني ويش تبغوني=البر ريحة هواه يطير إعماسي
ماني برايح مهاوي غرو مزيوني=ولا رايح لديرة(ن) يشرب بها الكاسي
أبغالي إفياض يكحل عشبها عيوني=في ديرة(ن) مخليه يصفابها إحساسي
وتراي شاكر لكم ياللي نصحتوني=كفاني الله وأنتوا شر الانجاسي[/poem]

 

من معزي معاني عبر قافيت القصيد

[poem=font="simplified arabic,6,black,bold,normal" bkcolor="white" bkimage="" border="none,4,gray" type=1 line=0 align=center use=ex num="0,black""]
من معزي معاني عبر قافيت القصيد = ياعساها تفيد نفسه وقاري مقاله
اكتب ابياتي وافكر واطالعها واعيد = النظر فيها قبل طبعها بحروف الااله
بالكلام الصايب افيد غيري واستفيد = وطاعة الله عز للمومن ياويل اهل الضلاله
كل منهو فوق الارض ابيوم لابد الشديد = والحضيض اللي على التقوى امجودته حباله
وكل مخلوق(ن)وكاين للفنا لو هو جديد = والبقاء لإيلاهنا الموصوف دائم في كماله
اشهد اني خائف(ن) يارب من يوم الوعيد = يوم كل(ن) ياخذ اكتابه بيمناه او شماله
وادري الموت انا اقرب لي من حبل الوريد = وشيب راسي ودقني منه ليه رساله
ياعظيم وياكريم ويارحيم وياالمجيد = يامضل المومنين اموحدينه في ضلاله
ياالله التثبيت لانزلت في قبري وحيد = وجو ملائكة السؤال الكل قدم لي سؤاله
يالله اني في رجاك امجود الحبل الجويد = يامجيب العبد لامنه رفع يده يساله
ياعليم ابخفايا النفس علينا شهيد = يطلبك عبدك الغفران هو راس ماله
طالبك عفوك يامن يفعل بخلقه مايريد = في نهار(ن) مايهم الادمي ياغير حاله
الحضيض اللي لامنه مات قدامه رصيد = له صداقات(ن) تجيه وتنفعه دعوة إعياله
يافلاح الله يرحم جدك الشهم الفقيد = الذي تدمع عيوني كل ماجبتو مجاله
ياعساه ابرزخه مباح واخرته سعيد = بجاه خالق هالوجود امصرفه جل ابجلاله
جدك اللي من خيار الربع لو ماهو فريد = استمع لامر ذكره قيل والله حي فاله
يافلاح ان كان عبدالله اله راي(ن) مفيد = احترم رايه ورايك مانشك انه بباله
طيع راي اخوك وانته بادله راي(ن) رشيد = حملك اذا زاد ندري قام اخوك وعنك شاله
الاخو وانته لبيب اعرف ترى هو العضيد = والولد يذكر بأبوه وفيه شيئآ من خواله
ولاتطالع بالقريب خل نظرك بالبعيد = وصاحب إكبار العقول وخل عنك الحثاله
راجح العقل تكسب منه راي(ن) سديد = والمهابيل طش افكارها بالزباله
ورافق الطيبين ولاترافق بليد = ولايغرك كم واحد يميل عقاله
وجًه اخوانك اكرر لك كلامي وازيد = لايماشون غير اهل التقى واهل الشكاله[/poem]

 

بسم الله اللي نسبح له بليل ونهار

[poem=font="simplified arabic,6,black,bold,normal" bkcolor="white" bkimage="" border="none,4,gray" type=1 line=0 align=center use=ex num="0,black""]
بسم الله اللي نسبح له بليل ونهار = اللي بوعده ونصره يفرح المومنون
اللي بمده وفضله يكسي ارضه خضار = سبحانه ان قال لامر ايكون فانه يكون
اللي بعدله جعل للخلق جنه ونار = واهل التقى بجنته والنار للكافرون
الهاجس اللي معه علم وخبر يوم زار = الله يحيه معه احلى القوافي يجون
ياهاجس الشعر شفني منتظرك انتظار = انته مجيك يرتب لي جديد اللحون
اخذ معك كم ساعه في نقاش وحوار = لي انظم الشعر لللي للشعر يرغبون
ياهاجسي بااتخير بالبيوت اختيار = دام المعاني لها بسوق المعاني زبون
شعرآ بليا هدف ضربت عصا في غبار = لو سمعه المجتمع ماكنهم يسمعون
يااهل المعاني مااسوق الدله إبلا بهار = الكيف شرابته علي لايشرهون
عمار مجالس اهل الطيب والله عمار = زوارها كل علم(ن) غانم(ن) يكسبون
اهل التقى والكرم والصدق واهل الوقار = بتوفيق من ربهم بهدايته مهتدون
الخير هو الشرف والعز والافتخار = في طاعة اللي هل التوحيد له يسجدون
ومجالس الفسق يامال الفنى والدمار = اللي لها طيبين الناس مايقربون
ياعاقل اعمل بهاالدنيا لدار القرار = اللي بها المتقين لربهم يكرمون
الرابح اللي مخافة خالقه له شعار = ودنيا النكد كبها للي بها هايمون
يبكي على حالته في ساعة الاحتضار = ويقول يارب تجعلني من المفلحون
يااللي على النفس والشيطان تبغى انتصار = زور المقابر وشوف اللي بها يدفنون
لعل نفسك تصاب إبخوف ثم انكسار = لمكون الكون سبحانه وله يرجعون
واذا الكلام الصحيح ايكون له اعتبار = بعض العرب ماعلي منهم يالو يزعلون
اهل الحسد والكبر والكذب لوهم كبار = عند العرب لو رفيع(ن) شانهم يصغرون
ترى التواضع وحسن الخلق يثمر ثمار = ياللي تضرون خلق الله ولاتنفعون
بالناس ياللي تناظر نظرة الاحتقار = الناس من نظرتك فيهم الك ينظرون
وترى المواقف يقولوا للرجال اختبار = وراعى الوفاء يحفظ المعروف للطيبون
بالناس يامسوي المعروف تجني ثمار = من جملة الناس وايضا ناسك الاقربون[/poem]

 

عديت في ضلع(ن) زما فوق حرت

[poem=font="simplified arabic,6,black,bold,normal" bkcolor="white" bkimage="" border="none,4,gray" type=1 line=0 align=center use=ex num="0,black""]

عديت في ضلع(ن) زما فوق حرت=في قمته تجي القوافي إليا وقت
ونفسي بخمسين أكملت لي تطرت=يارب عساني لطاعتك وفقت
لعل خمسيني بعفوك أخضرت =إلطاعتك ياخالقي أدري إخلقت
يهبي يادنيا النكد والمغرت=إليا صفالي يوم من باكره ضقت
تمشيبي الايام في ما تورت=وبكفوفها مابه غرابه لو إصفقت
والفرصه اللي خالفت حين درت=هفت وانا باامال وأحلام وهقت
ودنياي ماتسوى بعوضه وذرت=ألوم نفسي لو أنا لحبها تقت
الله على الايام علي أصرت=ألا تحملني بحمل إله ماطقت
اللي بغيته لي به ما أستمرت=اليوم ضريبة حلاها لها سقت
مادام من بعض الاماني تبرت=أنا أدري إني فيه أمور(ن) بها أسبقت
لو تصفي الايام مليون مرت=يمر يوم أعيف به كل ماذقت
أوناس لو منها الضماير أفترت=ماقدر الله راضين به ولا ضقت
باأقول أنا الاحوال سرت وقرت=وأقول بالي رايق(ن) لو مارقت
وتهبا نفوس(ن) للمضره تحرت=آلجا لربي من حسد فيه طوقت[/poem]

 

اعجبت بقصيدة للشاعر مخلد مشعان السحيمي ((حق العرب ماينهضم بالسهوله)) وعلى ضوء ذلك كتبت الابيات

[poem=font="simplified arabic,6,black,bold,normal" bkcolor="white" bkimage="" border="none,4,gray" type=1 line=0 align=center use=ex num="0,black""]
بإسم الله اللي خص بالعقل الانسان=مالي كفوف عباده اليا إرفعوله
أكون في ساعات للشعر خرمان=أشتاقله وأسرج بفكري خيوله
الشعر له مغزى ومعنى وله أوزان=واليا وضح معناه جاك محصوله
للمشرع الصافي يرد كل ضميان= والشعر عندي مايعرف الكهوله
ماني بمتكلم بليا إستئذان=إذا سمحتولي بقولي بقوله
ان كان ماأقطف ورد من كل بستان=بالصمت ذلولي تراها معقوله
أنا أعجبتني قافيه لإبن مشعان=اللي على الحكمه إدرهم ذلوله
يعيش راس مرتب الشعر لاهان=ومايزعل الرجال نفسه زعوله
راسه بجزل الشعر راهي ومليان=معنى قوي خواطري صفقوله
والبنت خمني قافها زلة لسان=والناس كل(ن) شاهدتله فعوله
ويمكن بعد غلطة بترتيب قيفان=به بالقوافي عاقله ومهبوله[/poem]

 

احد الربع قال لي لو تلطف قصيدك بشي من الغزل فاأخترت هذه الابيات وعمرها يقارب 30 عام

[poem=font="simplified arabic,6,black,bold,normal" bkcolor="white" bkimage="" border="none,4,gray" type=1 line=0 align=center use=ex num="0,black""]
قبل ماأكملك كلامي تعجلت = ولا للزعل داعي زعلك أفتعلته
ليتك قبل تمشي دقايق تمهلت=وتسمع جواب سوالك اللي سألته
يامن على العرش الضماير تأهلت=ولا لك منافس في محل(ن) نزلته
ياحيف كان إنك بما قلت صملت=وأنا الذي حب النقى ماختلته
على الوفاء والله معك تعاملت= لي مذهب(ن) عن كل عوجاء عدلته
أنت اللي بحواس فكري تجولت=والقلب والله عن سواكم قفلته
في كل نبضات الجوارح تنقلت=حتى سكنت المنزل اللي دخلته
وأنت الذي على خفوقي تطاولت=وبيديك من معلوقه أنته نشلته
وأنت اللي أشوفك بعيني تمثلت=والنفس غيرك بالعرب ماقبلته
وأنت الذي زلتك لو جت تحملت=وقلبي بنبع العف لاأجلك غسلته
وأنت اللي حقوق الموده لك أكملت=وأنت الذي حال المولع نحلته
وأنا الذي مع نور الامل تعللت=والقلب مايطيعني لو عذلته
وعلى عليم(ن) بالسراير توكلت=على إيلاهي خالص أمري تكلته
وأنت الذي بإسم الوفاء لك توسلت=عسى الغلا اللي بيننا ماقتلته
وأنت اللي بنظم الشعر بك تغزلت=ومن حضرتك جرح الموده نقلته
ليتك في حروف القوافي تأملت=يامن لك الود الحقيقي كفلته
عسى ليا منك للامثال حللت=لك ينكشف كل الذي بي جهلته
يمكن تقول أنا معه ماتجملت=وأنا عن ود الغير معي عزلته
وله بالشقاء ويا السعاده تكفلت=ومن جانبي لاشي يذكر فعلته[/poem]

 

البدايه ذكر ربي خير ما نبديبه

[poem=font="simplified arabic,6,black,bold,normal" bkcolor="white" bkimage="" border="none,4,gray" type=1 line=0 align=center use=ex num="0,black""]
البدايه ذكر ربي خير ما نبديبه = الذي عفوه سبق مع رحمته عذابه
قلت بسم الله ربي دايم اسميبه = جل شانه ربنا هو خير مانبدابه
خالق الوجود كله محكمه رقيبه = مستعينه ربي اللي ماخسر طلابه
ملتجي بك ياكريم المد مطاليبه = في يدك يالمنعم اللي مايقفل بابه
الهجوس ابكل صوب(ن) خافقي تعطيبه = فز ياجيبي بدور لي رجم ارقابه
زان مسرى الليل ياجيبي نبي نسريبه = اسر عن ضوضا البلد للديره الخلابه
كم ليله منوتي روض(ن) خلي امسيبه = في فياض(ن) وسطها المرهق تروق اعصابه
وهاجس الشعر المرتب مرحبا اهليبه = لو يحوس افكاري اشويه هلا بركابه
مرحبا به كل مايجيني احييبه = في محل(ن) كل من جاه الكرم يلقابه
لانقول ان الزمن ماتشين مشاريبه = ضربته توجع ياغافل به لاكشر نابه
القدر لامد باامر الله مخاليبه = الحذر والحرص مايفك من مضرابه
ومايصيب العبد باامر ايلاهه وترتيبه = والموحد ماقسم له خالقه يرضابه
الليالي ماكتب للادمي اتجيبه = القدر يدرك ليا منه ضرب مخلابه
لاابتلا رب العباد العبد باي مصيبه = ندري المومن ترى ماجور في ماصابه
ومايعاب الادمي لو العرب تدريبه = لو يعكسون العلوم الشله الكذابه
والصبر بااقدار رب الكون مكاسيبه = ويسعد اذا انه تسلم باليمين كتابه
لاشماته يارموز الكذب واهل الغيبه = دعوة المظلوم لو من بعد حين(ن) مستجابه
المصايب ياخباث الناس الادمي ماتعيبه = لو كل(ن) في قفا المبلي حذف مشهابه
الذي ياكل لحوم الناس بااكاذيبه = ايتوقع ضربت(ن) تاتيه من مشعابه
الزمان يودبه لابد من تاديبه = لايقول المبتلى مابه بلا يبلابه
الخبيث من العرب معروف بااساليبه = وش عليها الناس من هذا ونبح اكلابه
لو نشوفه بالمجالس يفتل اشانيبه = الرجال اتعرف مقداره ولا تشقابه
يعرف الانسان من ممشاه واصاحيبه = لاجهلت الادمي طالع وشوف اصحابه
والذي للناس به خير(ن) ويذكر طيبه = عند رب الناس معروفه كتب بحسابه[/poem]

 

حوار مع أفق

[poem=font="simplified arabic,6,black,bold,normal" bkcolor="white" bkimage="" border="none,4,gray" type=1 line=0 align=center use=ex num="0,black""]
قوافي أخترت مبداها على أفق= لعلها تفيد ناظمها وسامعها
يازينها جلستي بالبر ياأفق=في فيضة(ن) مخليه ناري مولعها
أقول وأنظم معانيه على أفق= لاأجل المعاني أرتبها وأوزعها
لعله يفيد مانظمت في أفق= يفيد للناس عاقلها وصايعها
ولازلت بالقافيه ماشي على أفق= تكرار نظمي على أفق يدلعها
أن كان بعض العرب ينقد على أفق= الناس لاشك مختلفه طبايعها
ومن لا عرف ليش تكراري على أفق= يسال عن سبة التكرار بادعها
ساعات مضيتها بكتابتي ل أفق= من راسي أفكار بالموضوع دافعها
الحرف محدود والمعنى على أفق= والشكر لله علي الله موسعها
راع التقى والكرم والصدق يا أفق= بكسب الفظايل إله رايات رافعها
دنيا النكد ماتدوم إبحال ياأفق=وعلى الشدايد لابد إنا نصارعها
يامسعد اللي يخاف الله ياأفق=والاخره ندري الدنيا مزارعها
بالناس مقرود لو يجود يا أفق= لاكان يبقى علوم الطيب جامعها
إكفوف الايام كم واحد بها يصفق= دنيا النكد بالنكد ترمي مدافعها
يامضيع فروض ربك كيف تتوفق= مايفلح اللي حقوق الله مضيعها
قبل الاجل مايجيك ابحالك إترفق= نفسك بها الخير على الدين طبعها
إلجى لربك يجيك الخير يدفق= قدام دنياك ياالغافل تودعها
قبل نهار(ن) على الطاعات تتشفق= قبل نهار(ن) يجي للروح نازعها
إبن عرب ماأنت ردي أصل وملفق= إذا ماسنعت نفسك من يسنعها
في وجهك إمصككه تدوج تتصفق= فتش بنفسك ترى الاثام توجعها
وشلة إبليس اللعين إنجوس ومطفق= الشله اللي مافيها خير قاطعها
إبليس لاأغوى أدمي(ن) كيف وصفق= ونفس(ن) تطيعه ترى بالشر يوقعها
وهالحين باغني الطاروق ياأفق=بعد ماأنقح قوافيها وأراجعها[/poem]