ديوان الشاعر نمرمنور السحيمي (وارث الطيب) رحمه الله

قصيده أهداها وارث الطيب للأستاذ عبدالرحمن بحير بتاريخ الأول من رجب 1413هـ

الفرصه

[poem=font=",7,white,normal,normal" bkcolor="firebrick" bkimage="" border="double,8,black" type=1 line=0 align=center use=ex num="0,black""]
اغنم الفرصه ترى الفرصه تفــــوت=قالها جدي وضاعت من يديـــني

تحترق ذكرى وذكرى ماتمــــــــوت=اه ... مااقسى ذكرياتي ياسـنيني

للصدى كم ينعكس صوت(ن)وصوت=لوتجاهلت الصدى صوته يجيني

وابلغ من الحرف نظرات السكــوت=من ألمها تشتكي نظرات عيـــــني

ماتذكر ... هاالشوارع والبيــــوت=عن بقايا اطلالها .. لاتسأليـــــــني

ماعشقته فن تطريز الكــــــــروت=ياقريبه باالكروت تراسلــــــــــيني

ماتت الأحلام مع ليلى ونـــــــوت=معهن الاحلام ماتت صدقــــــــيني

انشليني من بحر مليان حــــــوت=ابعديني عن شواطيه ابعديـــــــني

ودثريني في ورق شجرات تـوت=اسألك بالله قومي دثريــــــــــــني

واحتويني ياخيوط العنكبــــــوت=يمكن أنسى ذكريات(ن) تحــتويني[/poem]

 

فنجال الغلا

[poem=font=",6,white,normal,normal" bkcolor="firebrick" bkimage="" border="double,7,black" type=1 line=0 align=center use=ex num="0,black""]
ياحبيبي..ياهلا..مرحبا..اقــلط تقهوى=ذوق فنجال الضيافه وشف ويش احتوى

الغلا ثم الغلا والغلا..اشرب لين تروى=من شراييني سكبته .. وتبشر باالروى

حالف انه غير يرويك صدر انسان تهوى=اشربه فنجال مغليك وغيرك ماهوى

آه لامنك تضايقت .. مايفرح بسلوى=وكل ماتبعد من البعد ضاق به النوى

وصب من مزن السوالف على هالصدر يروى=شوف عشبه كيف بعدك؟ غدى أصفر والتوى

مابقى به غيرشجرة غلا وجذور تكوى=من فراقك صار به جرح ينزف وانكوى

من يقول ان الحياه ان نساها الحب تسوى=الحياه بلا محبه مثل نجم(ن) هوى[/poem]

 

ســــــــــــر المصايـــــــــب
رائعه أخرى كتبها أبوبدر رحمه الله العام 1418هـ

[poem=font=",6,white,normal,normal" bkcolor="firebrick" bkimage="" border="double,7,black" type=1 line=0 align=center use=ex num="0,black""]
الهم ياعيني كبر هامة طويق=وشلون صدري يحمل طويق قولي

أحد(ن)يشيل الهم يومين ويضيق=وانا همومي لابعدت جات حولي

واليوم صارت كلها بالمعاليق=والمضغه اللي ترفع الدم طولي

للجسم بالشريان نبض(ن) بتدفيق=وتسري مع عروقي طلوع ونزولي

تطيق ؟؟ والا عمرها النفس ماتطيق=مافيه بين وبين ..رفضي قبولي

مافيه بين وبين .. تكذيب تصديق=ولاهي بفصل وفصل..الأربع فصولي

همي يصبحني قبل فكه الريق=يومي!! ماهو باسبوع شهري وحولي

ولو ان همي هم فرقا عشاشيق=كان اتجاهل ذول واختار ذولي

ولو ان همي قلة المال والضيق=ابعد ربوعي..لادروا بي عنوا لي

المشكله طيبي فبعض المخاليق=اللي يمروني .. تقل مافطنوا لي

ماقول زيد وعمر..مرزوق ورزيق=اقول بعض ..وبعض والله وفوا لي

والوضع مايحتاج له شرح تعليق=سر المصايب من تخبط ذلولي

واحسن طريق اعقل ذلولي بتوثيق=واضمن خروجي قبل احدد دخولي[/poem]