ديوان الشاعر حسين مرزوق السحيمي

أبيات أرسلتها للزميل محسن السبيعي للوساطه بتوظيف صديق عنزي لم يوفق بوظيفه وكانت فاتحه خير له ولله الحمد

[poem=font=",7,white,normal,normal" bkcolor="firebrick" bkimage="" border="double,7,black" type=1 line=0 align=center use=ex num="0,black""]
القاف ينظم دامنا اخوان بأسلام=ويرسل لمن دايم دروبه شريفه

بعد السلام لراعي الذود باكرام=نبعث له الأبيات مليا..... خفيفه

يابوسعد ناصر تشفع بنا العام=والعام مر ..ولاحصل له وظيفه

قمنا معاه بكل محمود ينقام=لاجل الثقال اللي حملها ضعيفه

ولاالله أراد ولاحصل شئ بشمام=وكلش تعقد في علوم(ن)عفيفه

واليوم عندك سيف وحصان ولجام=في جو هادي لاتباطا لفيفه

العون حق..ومثلكم عون وحزام=وفعلك لفعل سبيع لازم نضيفه[/poem]

 

هذه مساجله مع أخي الكريم الشاعر أحمد حمود السحيمي واللذي لم أتشرف بالتحدث معه قبلها حيث أرسل لي أبيات تبين لي لاحقا أنه شاعر غزل من الدرجه الماسيه

[poem=font=",7,white,normal,normal" bkcolor="firebrick" bkimage="" border="double,7,black" type=1 line=0 align=center use=ex num="0,black""]
نفسي يابن مرزوق فيها رايحه=ودموع عيني من سببها سايحه

راحت ولاجتني ياغير بمرقدي=في سكره أحلام الليال الشايحه

حتى الهوى لاهب من شرقيها=استنشقه يمكن تجيني رايحه

من عطرها ياجعلي أفدى روحها=اللي من المسك المعطر فايحه

عيا غلاها لايفــــارقني وانــا=اقول ازيحه مير ماني زايحه

اسندتها يمك وانا اللي خابرك=قلبك خضر ياشاعر الفلايحه

من غيرها نسل الشيوخ وفخرنا=وايديه حمرا والسبب ذبايحه

فيـــارفيقي والغـلا له سـبته=سر الموده مايعيب بايحه

راع الحميا والنعم في شاربه=ومن غير مدحي ياكثر مدايحه

لاقالوا الفزعات واهل المكرمه=فانتم على القمه براس اللايحه

ياشعري المبدوع جمل سيرتي=واعط الرجال الجزل كب الطايحه[/poem]

جاريت هذه الأبيات شاكرا لأبو حمود تواصله ومتشرفا ايضا بمعرفته

[poem=font=",7,white,normal,normal" bkcolor="firebrick" bkimage="" border="double,7,black" type=1 line=0 align=center use=ex num="0,black""]
هبت نسايم من علو .. وطايحه=ارق من نسمه .....وجتني صايحه

يااحمدبن حمود السحيمي أهلا(ن)= اعداد ماتقدح لنا ....... قدايحه

ياشاعر(ن) نفخر بفعله واسمه=يشرب قراح ....... وسيرته قرايحه

اخوك قوله للسحيمي .. كله ..=لعصاب راسه ........ ماهو للفلايحه

واما عن الفزعه وحق الخوه=يفداك ماعندي ......... ونملك منايحه

واعلم ترى الدنيا بعمري صعبه=والوقت ذقنا يالــخوي ردايــــــــحه

لكن توكل .. في خبرك وشانك=والنفس عودها ........تجي مرتايحه

أحيان نقوى بأمر ربي فزعه=وأحيان ...... يديني ...... تعود مايحه

نفسك ونفسي جعلها بالقمه=لو فارق أعمار المعاني ........... بايحه

الخيرعند اللي علينا مطلع=واللي يبيحك ............. يالسحيمي بايحه

عادت نسايم مع صلاتن على النبي=هي راحه الأنسان واجمل فرايحه[/poem]

 

سأبقي في بعض مساجلاتي مع اخي الشاعر احمد حمود السحيمي حيث غاب فتره بعد القصيدتين السابقتين واحببت السلام عليه ودعوته للمشاركه بالملتقى الأجتماعي الأول

[poem=font=",7,white,normal,normal" bkcolor="firebrick" bkimage="" border="double,7,black" type=1 line=0 align=center use=ex num="0,black""]
يااحمد بن حمود السحيمي وينك=أيام راحت ماخلت من زينك

غيبتك عنا .. سببت لي وعكه=وانت المداوي..والدوا في عينك

حنا وعدنا قبل شهر(ن) فارق=وعد لجبرك .. وطالبك في دينك

مجبور ترقى بالمعاني معنى=الوقت وقتك .. والرمي من بينك

ندعيك بهلالي على أول طرقك=وانت اللذي تدعي وتكمى شينك

الوقت وقتك والبشر في صدمه=لاعاد تذخر.. مابقى من غينك

نبغى من الفاخر جديد افكارك=واوعدك ما نشد لو تطول وينك !![/poem]

شرفني ابو حمود بهذه الأبيات

[poem=font=",7,white,normal,normal" bkcolor="firebrick" bkimage="" border="double,7,black" type=1 line=0 align=center use=ex num="0,black""]
موجود تلقاني ذرى ويمينك=رفيق ومعادي على معادينك

لو ان عذري مايجمل.. لكن=ان قاله الله يالخوي مرضينك

حنا الغياب اللي تقوله .. فينا=والا انت والله بالوصل لاقينك

غير القوافي فيه حق(ن)واجب=الواجب اللي تعرفه من حينك

والحظ ماش ومالقيت علاجه=لكن يادرب العنا .. ماشينك

ودام الذهب في ايديك لاتنسانا=واشره علينا كاننا ناسينك[/poem]

 

أبيات في سوق الأسهم عام ( 2008 )وبالتحديد بشركه المواشي المكيرش سابقا
عندما أوقفت عن التداول نظرا لخسائرها المتراكمه وتحويل اسمها لأنعام القابضه


[poem=font=",7,white,normal,normal" bkcolor="firebrick" bkimage="" border="double,7,black" type=1 line=0 align=center use=ex num="0,black""]
قالوا غزيز السوق قلت المواشي=اللي عقب ضيم الزمن صارت أنعام

تسوى لها والله .. مليون حاشي=من خيرة اللي داخل السوق ينسام

لو وصفوها في كبير الخشاشي=أو وقفوها خارج السوق من عام

باشري بها كاش(ن)وللكاش كاشي=واللوم للــــي فيه الأيام تــنلام

بالسوق كلن واقع (ن) بابتــلاشي=وكلن يدور له شديدات وحزام

اللي تمنى حاضره .. حيل داشي=واللي تغنى بيض الأيام منضام

والغانمه ..للي مع الموج هاشي=دامه رسمها دون الأقلام رسام

يالله ياللي عالم (ن) بالممـــاشي=يارازق الطير اللذي بالسما حام

تغفر لنا وقت الحشر والتلاشي=وتلطف بنا وقت الصعيبات قدام[/poem]

 

هذه مساجله مع الشاعر ضيف الله محمد السهلي حيث أرسلت له أبيات من باب المزاح بعد ذهابه للعديد من الدورات في مجال عمله..

[poem=font=",7,white,normal,normal" bkcolor="firebrick" bkimage="" border="double,7,black" type=1 line=0 align=center use=ex num="0,black""]
ليش تخفي يارفيقي دام رايح بانتداب=والعلوم اللي رفعها الصدق ..... تبعد عنها
مانحسدك لو تغوص بحور وتشق السحاب=ولو تغص من الدراهم وتحسن زمها[/poem]

هذه بعض أبياتها وكان أن شك في معناها فأرسل هذه الأبيات ..


[poem=font=",7,white,normal,normal" bkcolor="firebrick" bkimage="" border="double,7,black" type=1 line=0 align=center use=ex num="0,black""]
يامرحبا ترحيبه (ن) كلها أطياب=العود الأزرق فايح (ن) من نباها

ويامرحبا ترحيبه أقراب بأقراب=قبيله ( ن) من عقب شتت نحاها

ويامرحبا بالقاف لو كنت مرتاب=قصيده(ن) ماادري وش اللي وراها

هي مزح وألا رزح وألا لها أسباب=وألا تميل النفس مع مشتهاها

أحيان أقول انه مزح بين الأصحاب=واحيان أقول ان له هدف من وراها

لكن ابحرفها عن الرزح والناب=للطيب يوم ان السحيمي بداها

الأوله ماللحسد بيننا باب=أعرف شخصيتك من مستواها

يرفعك عن هاذي وهاذيك الأنساب=اللي مجودتن عريب (ن) ضناها

من غير قاصر في هذولاك الأشناب=الخوه اللي ينطرب من لفاها

وأما السفر ياصاحبي كلنا أغراب=بالخرج وألا لو تباعد مداها

لوان مافالخرج غير الهوى الهاب=لاجات وحده الظهر غبر سماها

وآخذ ثلاث أيام والجو ماطاب=عج وسموم ومستمر(ن) بلاها

والبيت لو قفل يبي يمتلي تراب=اتقول كساره وجارك بناها

ونصبر على ماقيل ناخذ بالاسباب=والرزق عند محمل الغيم ماها

نبي لنا فله .. لها اربع أبواب=وكراج أدخل موتري في فناها

وليا تحقق مالحقني تنشاب=عطيت ابوعواد عهده ..عطاها

ذي رمعتي للمزح من بين الأصحاب=وألا النفوس مبين لي صفاها

وحنا ترانا ربع واخوان واحباب=ارجال لحفنا المراجل ارداها

واسلم وسلم لي على هاك الأشناب=الخوه اللي تنعرف من بناها[/poem]

جاريته ووضحت له بهذه الأبيات ...


[poem=font=",7,white,normal,normal" bkcolor="firebrick" bkimage="" border="double,7,black" type=1 line=0 align=center use=ex num="0,black""]
حي الرفيق.. وحي ذوليك الأسباب=الرفقه اللي لاشكك في صفاها

وحي الجواب اليا انوجد فيه مشهاب=يرفع صدى التفكير في مستواها

ذكرتني ياصاحبي حب الأحباب=وذكرتني بعض العلوم ورجاها

وذكرتني بأني مع الخلق لعاب=افرح لها .. ثم اشتقي من شقاها

بالليل أهيجن كني بجن منصاب=بالخرج جعله (....) من بناها

اسهر واسامر نجمه الليل بعتاب=واصبح بها مخطي وادور رضاها

وضعي كما مهبول للنار شباب=شباب نار .. ومكتوي في سناها

والا انت مابيني وبينك تنشاب=مسلم وعوفي.. نطّحن في رحاها

يامرحبا بك عد ماسافر أجناب=لبلاد غيربلادهم .. في هواها

ويامرحبا بك عد ماتوخذ أتعاب=من دون حق وروحت في عماها

وان كنت بالأبيات سجيت مرتاب=قصدي بها ثنتين قلبي خفاها

يمكن مع الميزان تاتيك بكتاب=ويمكن أضيع بعض من محتواها

وحده هيام القلب باحباب واقراب=لو كنت مخفيها عن اللي قراها

والثانيه لاحترت في زحمه الغاب=دور رفيق (ن) همته ماكماها

قدر الرفاقه ماهو مزوح والعاب=والنادر اللي مانبلش فـ ارفقاها

هذي علومي والزمن حيل كذاب=يظهر حلى الدنيا ويخفي رداها

عايشتها مع شده العود والناب=ودعيتها في وقت ماحدن دعاها

لكن هي الدنيا ومحسوبه حساب=دنيا تسمى باسمها من غباها

ايقنت بانه مابها راس مرقاب=وايقنت بانه حالم(ن) من بغاها

الله كريم وراحمن سود الأهداب=لو هام فيها ليلها واهتواها

تم الكلام ويمكم ود باسراب=من قلب صافي مانشد عن غثاها[/poem]

 

مخاوي إبليس

سجل معنا في هذا الموقع عضو بأسم مخاوي ابليس ولاحول ولاقوه الا بالله
فكانت هذه الأبيات لعلها تصل مسامعه ..




[poem=font="arial,7,white,normal,normal" bkcolor="darkred" bkimage="" border="double,6,black" type=1 line=0 align=center use=ex num="0,black""]
يـاابـلـيـس وش عــنــدك لــنــا غــيــر يـاابـلـيــس=وانــــــا الـــلـــذي حــاســبـــك يـاابــلــيــس غـــايــــب

يـاابـلـيــس لـــــك عـــنـــدي بــالأبــيــات تـنـفــيــس=لــــــو الــمــحــال حــســيــن ( يـقـلــبــك تـــايـــب )

يــاابــلــيــس قـــــــــول الــــحـــــق دك الــمــتــاريـــس=(شــــدّ الــعــزوم) ... ودايــــم الــحــق صــايــب

الـمــلــتــقــى نــــاجـــــح .. وبــــكـــــل الـمــقــايــيــس=غصب (ن) عليك ولو غدى الراس شايب

حـــنــــا مـــــــع الله وانـــــــت مــــعــــك الـمـفــالــيــس=والــلـــي تـبــعــك مـضــيّــع الـــــدرب .. خــايـــب

مــــن عــهــد ابــونـــا آدم بــدعـــت الـوســاويــس=عــــقــــب الــســـعـــد خــلـــيـــت فــيـــهـــا طــــلايــــب

وامضيـت عـمـرك بـيـن كــذب (ن) وتدلـيـس=بـــيــــن الــبــشـــر ولـــســــود الأفــــكــــار جــــايــــب

والـيــوم بـــان الـحــق ...... وبـــدون تـلـبـيـس=روّح بــــعــــيــــد وخـــــــــــــل عــــــنـــــــك الــــقــــرايـــــب

حــنـــا تـــــرى الـسـحـمــان .. لـلــديــن تـقــديــس=بــــقــــلــــوبــــنــــا والــــدم بــــــــــــالـــــــــــــدم رايـــــــــــــــــــــــــب

الــلـــي يــخـــاوي إبـلــيــس وإن جــابـــه إبـلــيــس=نــــقـــــرى عـــلـــيـــه آيـــــــــات ويـــــقـــــوم طـــــايـــــب [/poem]


حفظنا الله واياكم من ابليس

 

تويتر اللي نال عرش الآآآمه


هذه أبيات أرسلتها للأخ معيض البقمي أتمنى أن توافق ذائقتكم (بعض الكلمات لقطع الكمبيوتر وبرامجه)


[poem=font="arial,7,white,normal,normal" bkcolor="darkred" bkimage="" border="double,6,black" type=1 line=0 align=center use=ex num="0,black""]
يامرحبا باللي على القاف لعييييب=اللي فرض دون الرياض احترامه

يومن جمع ربعه وكل الأصاحيب=عقب أدركوا شرح الرفيق ومرامه

يامعيض أبيض وجه لاشك لاريب=واشكرك من شاشات فكري و(رامه)

يابن الرجال موردت فطر الشيب=الحال وشبه كان تدري !! علامه

الوورد و( الأكس ال)زاد الغثاريب=وقروب بالواتساب فارض نظامه

وتانقو و(آوت لك) و(ايميل تخريب)=وتويتر اللي نال عرش الآآآمه

وفيس بوك ومعاند وثوره وتغريب=وتنتيف ريش لثورها والحمامه

الشام يصرخ ماحدن يمه مجيب=والناس كلن فوق راسه غمامه

حييت ياللي با(البوربوينت)مصيب=ب(سلايد شو) يسد عنك الملامه

لاصار لاوقتك .. ولاصاحبك ذيب=احرص على دينك ويعليك هامه

يحميك وان زادت عليك اللواهيب=ويكفيك من شر الزمان وظلامه [/poem]

 

استوت للزحــــــــــــــــولي


أبيات أرسلتها للشاعر القدير ربيّع عريمان السحيمي ولم أتوقع رده عليها
أتمنى أن يحوز مانطرحه على رضاكم



[poem=font="arial,7,white,normal,normal" bkcolor="darkred" bkimage="" border="double,4,black" type=1 line=0 align=center use=ex num="0,black""]
من تونس الخضرا بدى بالعرب دق=والشين غادر واستوت للزحــــولي


وحسني وروّح واتسع عقبه الشق=والليبي معمر .... عثر بالـــــذلولي


بين الشعوب وحاكمن طـــقّها طق=النار شبّت والوضع في ذهــــولي


ناسن يسيل الدم منها لاجل حـــق =وناسن على الشينه تدق الطبولي


وحنا ترانا لـــــو حصل بيننا عق=وافين دون الدار لاهل الحـمولي


هذي حقيقه لوحصل بعـــدها نق=من ناس تفرق بالنظر والعـقولي


القاف كله صعب وبــــدربها بق=ولولاه قلت القول راع الفــعولي[/poem]


وصلتني أبيات من أبونمر أعتز وأتشرف بها ..

[poem=font="arial,7,white,normal,normal" bkcolor="darkred" bkimage="" border="double,4,black" type=1 line=0 align=center use=ex num="0,black""]
ياحسين لاتاسف لناسن تسرّق=الحكم جاهم سرق ذولا وذولي


واعرف ترى الابرق يجي مثله أبرق=وان ماصلح قالوا هذاك مهبولي


وافعالهم ماهي علينا تطـــــبّق=واسلامنا باذن الولي مايزولي


لو دنقوا في روسهم مانـدنق=ألا لخالقنا في وقت العــــقولي


حنا سعوديين ونشوف ونحق=ولاننتمي لضعيّفين العــــقولي


ملوكنا منا وشرعنا يطـــــبقّ=والراي واحد والمشاعر تدولي


واللي عبر ياحسين مع خط مزلق=تلقاه وسط الهاويه لو يــــــقولي


ياقايد اللي فالهوا عـــامله شق=وانتا بها حول الكواكب تجولي


من طيب خاله ماعلى والده عق=وفي طاعة الخلاّق ماهوكسولي


لا اتابع اللي خلف الأبواب يطرقّ=مفتّحه .... والا عليها قـــفولي


حنا بني نجوان ...للطيب نسبقّ=بينك وبين الطيب ماحدن يحولي[/poem]

شجعني أبونمر فأرسلت له هذه الأبيات



[poem=font="arial,7,white,normal,normal" bkcolor="darkred" bkimage="" border="double,4,black" type=1 line=0 align=center use=ex num="0,black""]
حي اللذي بالقاف .. غنّى وصفّق=وطرّى عليه اعلوم حوله تجولي


طرّى بني نجوان بالعلم .. وابرقّ=من طيب راسن مالحقها الخمولي


شاعر من السحمان بالجنب ملصقّ=يكفيك وقت الحال يصبح نزولي


أمسى براس ادقسّ .. أصبح وشرقّ=جنوب وألا شرق ... دايم شمولي


يابونمر .. دارن تشابه وترهقّ=بالليل ... وقت الليل نورن يهولي


قامت ملايينن من الناس تطبق=الحال ضاقت والبشر في ملولي


كلن على ليلاه .. عجلن ويطبق=والكل سارح يالخوي في ذلولي


الله يجيب الخير عاجل ويلبقّ=بديارنا .. دار الهدى والرسولي


وبالخاتمه اذهن ترى الوقت يمرقّ=خلك على دينك سريعن عجولي


يرفعك يومن ناس عن ناس تفرقّ=والا الحياه .. مقدّره في رحولي


سمره براس ادقس معكم تروّق=وتسد عندي عن حديثن يطولي


اوعدك انا مابوق واصحك تبوّق=وعدن عليه الدين دون الميولي


والسالفه ماهي ترى خاتمة بق=السالفه نفسي من أول زعولي[/poem]

 

أتتشرف بأطلاعكم على أبيات أرسلتها لأخي الكريم الشاعر احمد حمود السحيمي وهي عتاب خفيف وأعلم والله مشاغله اللي تمنعه عن التواجد المستمر لكن ماقدرت أمتنع عن ارسالها له


[poem=font="arial,7,white,normal,normal" bkcolor="darkred" bkimage="" border="double,4,black" type=1 line=0 align=center use=ex num="0,black""]
يااحـمـد عـجـزنـا وش علينـامـاسـك=مـاعــاد نـفـهــم وش يــــدور بــراســك


أبـعــدت عــنّــا يـالـخــوي مــــن فــتــره=ولاادري وش اللي يارفيقي حاسك


حـــنّــــا زمــــــــان أوّل بــديـــنـــا خــــــــوّه=يـــوم الـبـشـر شـتّــى ومـنـهـم نــاســك


يـــــــوم الـتـقـيــنــا بــالــكـــلام الــطـــيّـــب=وغنـيّـت بالـحـانـك عـلــى مـرواســك


افــرحـــت قـلــبــي والـعــيــون تـنــاظــر=تـرقــب لـقــاك وتـشـتـهـي مـجـلاســك


قلّـي بربـك !! وش طـرى يالغالـي=الـشــوق وشــبــه مـخـتـلـف بـقـيـاسـك


ان كـــان بـاسـبــاب القصـيـدالـواجـد=العـن قصيـدي واكسـره مـع كـاسـك


وان كـان شيطانـك لبـسـك وشـالـك=مـاهـو بـأنـا الـلــي يـزعـلـه ملـبـاسـك


أنـــــــا وخـــيّــــك لـــــــو تـــقــــوم وتــقــعـــد=وانــــا الـمـكــان لـفـرحـتـك واتـعــاســك


وأعـلـم تــرى العـلـم الـرفـيـع يـسـجّـل=وحـتــى جـفــاك يـسـجـلـه قـرطـاســك


للـمـلـتـقـى نـدعــيــك لآآآآخـــــر مـــــرّه=جـعـلــه يــــدوم ويـنـتـعــش بـأنـفـاســك


مـاعــاد فــيــه أعــــذار تـقـبــل مـنـكــم=ألا بـعــذر(ن) لاحـصــل متـمـاسـك


والـخــاتــمــه روح الــرفـــيـــق تــــعــــزك=وحـزامــهــا وقـــــت الـشــدايــد بــاســـك [/poem]




وليعذرني ابوحمود لكن الأهم أنه يعلم ماله من المحبه والتقدير

 

أبيات كتبتها في شتاء 1434هــ نسأل الله الهدايه



[poem=font="arial,7,white,normal,normal" bkcolor="darkred" bkimage="" border="double,6,black" type=1 line=0 align=center use=ex num="0,black""]
البارحه وسط الظلام الدامس=والنار تشعل واليدين اترامس


صحيت قلبن(ن)ماخذن له غفوه=وخربت نومه بالحديث الهامس


حطيت له مركى وقلت أرشدني=الوضع حولي يالخوي متلامس


قال البقى ياحسين ماهو وقته=برد الشبط وشبه عليكم حامس


صحيتني والله من أحلى نومه=وشهوله أصحى بالزمان العامس


قلت اذكر الله لاتشمت فينا=واللي مضى كثر عليه الطامس


الكل منا قاسيات ظروفه=لكن وش الدبره ووين الشامس


قام وتساوى لي وقال اسمعني=ثمن تعوذ من لعين الخامس


الراي عند الله وثمن عندك=ياللي هوى نفسك لحظك غامس


اللي يبي يسعد يواصل ربه=لايصير في حق الولي متكامس


تراك والله يال ابن آدم كلك=يقواك مع كبرك صغير النامس


قلت احلم احلم لاتزيد اهمومي=ياقلب جعلك مايجيك الرامس


عز الله ان العلم مثلك جابه=للي شقى واللي ابتلاه اللامس[/poem]