ديوان الشاعر فهد حمود دغمان السحيمي

روحانيه دينيه
[poem=font=",6,black,bold,normal" bkcolor="white" bkimage="http://www.alsuhman.com/vb/mwaextraedit4/backgrounds/11.gif" border="groove,10,gray" type=0 line=0 align=center use=ex num="0,black""]
يارب روحي قرب الموت يارب=ارحم ضعيف زاد ضعفه ذنوبه
صاحبت هالدنيا وهي مالها صحب=وصدقت آمال الزمان الكذوبه
ومشيت درب الذنب يا مقبح الدرب=وفرطت في العمر القصير النهوبه
ان ماشملتني رحمتك طحت بالكرب=ولاني بخير إن مس روحي عقوبه
ياللي حويت بجودك العجم والعرب=جود لفقير مايبي غير توبه[/poem]

 

قديمه في الثانويه
[poem=font=",6,black,bold,normal" bkcolor="transparent" bkimage="http://www.alsuhman.com/vb/mwaextraedit4/backgrounds/11.gif" border="groove,10,gray" type=0 line=0 align=center use=ex num="0,black""]
ياعذاب الشعر والمعنى البديع=أجذبيني جذبة الدلو الملي
سوقي خطاكي وانا بعدك تبيع=ومن مواطن هونة القول أرحلي
الفضا سياح للذوق الرفيع=عايذك بالله من الخرد البلي
والمسامع طرب وهجوسي تذيع=وامطرت سحب الصدوق الهملي
الفطين الحي تلمعله لميع=والدويش الرقل ميزانه خلي
ولا انا ياصاحبي سدي منيع=مزبن المعنى ومخبايه ملي
ماوردت الذود للفقر القطيع=وحالف ياغير أصفي منهلي
جمل الله كل من هرجه سنيع=ماله بدار العواجه منزلي
ينثر الحكمه وله شور نجيع=وقت صكات الزمان الزملي
والبلا من يعجل الامر وسريع=فاتت الحكمه على امر العجلي
والتجارب فالزمن شي وسيع=حظه الي من تجاربه يعلي
واهني من يعرف الفن الصنيع=سلمه خطم الأمور ولا تلي
ياغضيض الطرف يالترف الطويع=شوفتك جلو البصروتروق لي
تجذب الأنظار وخدودك ربيع=ما حلي المرباع فالروض الحلي [/poem]

 

غزليه قديمه
[poem=font=",6,black,bold,normal" bkcolor="white" bkimage="http://www.alsuhman.com/vb/mwaextraedit4/backgrounds/11.gif" border="groove,10,gray" type=0 line=0 align=center use=ex num="0,black""]
كنا نحبك بس هالحين ماعاد=ذاك الوداد الي قتلته خيانه
روح وذكرانا من الود تنعاد=في طي نسيان الصداقه ضمانه
ياما فرحنا فيك فرحات الاعياد=وياما حملنا من ودادك أمانه
وياما شربنا لاجل خاطرك الانكاد=ونغيض حساد الهوى واللعانه
تغضي علينا بس نسمح ونرتاد=حوض العفو عن زلتك والليانه
إن صد قلنا كثر شغل وترداد=وإن زل قلنا زود ولف وميانه
مير الوداع أفلح ترا خاطري كاد=لاعاد تطري للصداقه مكانه
انا بنيت الحلم بحزام وشداد=وانته هدمته في فتوة زمانه[/poem]

 

اللهم فرج هم اخواننا في سوريا ودمر الطاغيه بشار الفار
[poem=font=",6,black,bold,normal" bkcolor="white" bkimage="http://www.alsuhman.com/vb/mwaextraedit4/backgrounds/11.gif" border="groove,10,gray" type=0 line=0 align=center use=ex num="0,black""]
يابشار بن حافظ ماهو حل يابشار=
تحط الجثث فوق الجثث في وسط درعا

حشدت الجيوش مسلحه واشتعلت النار
=وحمير اليهود بفي جولانكم ترعا?

أسد فوق شعبك مير قدم اليهودي فار=
تجوع قريبك والعدا امنه شبعا

حسيبك حسيب الظالم بيوم فيه العار=
عليكم ويجني كل ساعي بما يسعى

يجيك الشهيد ملطخ بدم وين الثار=
ولا ثار كود النار فارقابكم تشعى

عليك الله أكبر مانت ريس ولا مختار=
مصيرك وجيشك في مهب الهوا قلعى

ياجاسم يادير الزور ياحمص بنت الدار=
ياروعة حلب يامعرة أبو العلا درعا

لاترضين للبعثي أبو غدرة بالجار
=تراكي أصل والأصل مايتبع الفرعا[/poem]