ديوان الشاعر نمرمنور السحيمي (وارث الطيب) رحمه الله

من جد...!! من جد...!!

[poem=font=",7,white,normal,normal" bkcolor="firebrick" bkimage="" border="double,8,black" type=1 line=0 align=center use=ex num="0,black""]
من جد.! زعلان تصرخ يامضيعني=من جد.! من جد.! ولا مزح ياعيني!

ولا..ضميرك تحرك جاء يسمعني=والا..بتهمه ضياعك جيت ترميني!

اصرخ من اقصى الضلوع اصرخ وسمعني=ياجرح صرت المحطه في عناويني!

يابحر..كنت اعشق أصدافه.. تمتعني=صاخب شواطي وملحه شهد يرويني!

ياورد والورد شوف الورد وش يعني=ناعم ولامن لمسته عطر يديني!

ياحب..في سيرة أهل العشق طمعني=ياحب عشته..يااجمل عشق بسنيني!

ياصوت نساني أحزاني...ومتعني=ياصوت ماكان غيره صوت يعنيني!

ياحلم كنت بحياتي..آه وش تعني=لكن! !من العام صدفه جرح مهديني!

وضمتني هموم لحظه حزن تصفعني=وفي لحظتي!!قلت رح ماعاد تعنيني!

من يومها ادركت غير تزيد في طعني=وش هوله ابقى!!رحلت أنقذ شراييني!

أقفيت ماقمت أعاتب!قلت تجمعني=بك لحظة(ن)مثل هاللحظه وتشفيني!

خذها بخنجرك رح ماعاد تنفعني=العــام ! صدفه دريت وطحت من عيني!![/poem]

 

دفتر الصدر

[poem=font=",7,white,normal,normal" bkcolor="firebrick" bkimage="" border="double,7,black" type=1 line=0 align=center use=ex num="0,black""]
هو نسى ولا تناسى..هجر والا..تغلي=مايهم..بعذر غــايب..عسى ربي يرده

آه..ذاك اللي حديثه..شهد حالي يسلى=آه..ذاك اللي بعينه..سهوم(ن)مستبده

آه..ذاك اللي لياأبطيت..يمطر في محلي=آه..ذاك اللي..مثل نايض البراق خده

آه..ذاك الصبح والضحك والراحه وظلي=آه..ذاك الليل لاظم وجه الصبح رده

وغاب ذاك وذاك مع ذاك ماعلم(ن)وصل لي=والأمل مات وسكن صدري المجروح ضده

آه..ياحلم السعاده..ذبل وردي وفلي=طاح غصن بأول الدرب والثاني بسده

وضاع نصفي عام الأول..وضاع اليوم كلي=آه يابحر(ن)نسى الشط في جزره ومده

ويش أقول..ويش ماأقول..مدري ويش أخلي=مابقى شئ جميل أذكره يفرح..واعده

مابقى في دفتر الصدر لو صفحه تسلي=كل صفحه تجرح القلب..لا والله تهده

ليه عاد أطردك ياهم..ياعلك تولي=؟؟=ليه أقول الله يرده..عسى الله مايرده!![/poem]

 

روعه أبا بدر لاتنقطع رحمه الله وأسكنه فسيح جناته

ياأرض!!!

[poem=font=",7,white,normal,normal" bkcolor="firebrick" bkimage="" border="double,7,black" type=1 line=0 align=center use=ex num="0,black""]
لاتعاندين..!! أنا اكره العند..بالحيل=واشعر..سقوطي تحت من قمتي فوق!!

يابنت..مثلي يكره الحط والشــيل=ماني مثل شخص(ن)على البال مطفــوق

واللي مروض من زمن عاصي الخيل=ماتعجزه مهره عصت منطق السوق

يابنت وانتي الأرض كم تاخذ تشيل=وتحفظ بذور..وتحضن أغصان وعروق

ماعلموك..ان المطر مصدر السيل=لاساق نوه..والسماء رعد وبـــــــروق

وماخبروك..ان البحر لاهدر..ويل=واذا تراقص..موج..في قمه الــــــذوق

ولافهموك..ان السوالف لها ذيل=في يوم يظهر..بين طارق ومطــــــروق

وماحدثوك بكذب نصف الأقاويل=الحالمه في ليل عــــاشق ومعـــــشوق

ولاسولفوا لك عن رنين الخلاخيل=اللي فضحها الصوت والمشي برفوق

يابنت..عادي نور بعض القناديل=نوره على مخلوق..يفداه مخــــــــلوق

توك صغيره..جاهله منهو سهيل=ياأرض تبقي تحت..لو بعضها فوق!!![/poem]

 

النصف الآخر..!!

[poem=font=",7,white,normal,normal" bkcolor="firebrick" bkimage="" border="double,7,black" type=1 line=0 align=center use=ex num="0,black""]
مات أول الجرح..والثاني بدى توه=ياهون الأول ويــاويلي من الثـــــاني

على رماد المغادر.. يشتعل ضوه=جرح(ن)مع أفراح الأول يبعث أحزاني

آمنت بالله..قدر..واللي تبي سوه=عندك تصرف على كيفك..بشريـــــاني

وان كان ماكفاك نزفه..يابشر روه=بالدم..سلفه..وعندك واجرحه ثانــي

وعليك بالقوه.. اللي مابها .. قوه=النابضه تحت هالضلعين...وتعـــــاني

لاتزعجك..لالقيت النصف متشوه=كمل على النصف الآخر طعن..من شاني

وحيل الله أقوى..ياربي عطني القوه=والصبر..والمن والسلوى..ونسياني

لو ان بعض البشر..في قلبه مروه=مامات الأول..وينفخ روح بالثانـــــي!![/poem]

 

متى تهب الرياح...؟؟

[poem=font=",7,white,normal,normal" bkcolor="firebrick" bkimage="" border="double,7,black" type=1 line=0 align=center use=ex num="0,black""]
اذا هبت رياحك...فاغتنمـــــــــها=وانا مادري متى تهب اغتنمــــها

مشيت وتهت..مدري وين أوجه؟=ياربي وين هو..منعش نسمـــها

تمر .. وتعترض .. ويلوح بارق=وتقفي .. تقل به داعي زهمــــها

ومره ؟ لاح بارق رحت صوبــه=وغير وجهتي .. واخلف قدمــها

عن الدرب الموصل للنهـــــــايه=عن رياح (ن) يرفرف لي علمـها

وتهت فبحر مظلم .. مــاله آخر=ومنه النفس تشكي من ألمــــــها

ياربي .. ياكبر بحر الخطـــــايا=عريــــض ونفسي ازعجها ندمـها

على أمواج الذنوب ابحر واسافر=ونفسي كل موجه تستلمــــــها

تدور بها .. ولاتـقرب شواطـــي=تغوص .. بغبة الذنب .. وظلمها

واهيم بظلمة الأعماق .. تايـــــه=بغيبوبه .. ولاغيرك علمـــــــها

وافوق .. وتقل فوقي ماء وظلما=فبير .. وين حبلي .. وين فمها

ولامني ظهرت .. يزيد هــــــمي=سطور اللوح..وش دون قلمـها

واعود لشاطي التوبه .. وارسي=واتوب..ونفسي الدمع يخصمها

واعاتبها وتطاوع..بس ترجع!!=يرجعها .. رجيم(ن) مستلمــــها

على كيفه يمشيها .. وتمشي=وهي ماودها .. لكن خزمـــــــها!!

وروضها وصارت طوع امره=خبيث .. ولذه الراحه .. حرمـها

يارب .. انك تساعدنا على اللي=توعدنا .. لاجل نفسه ظلمـــــها

ياربي كيف احارب والمحارب=بخطه..محكمه..صعبه.. رسمها

وجيش(ن)مايشاف ارعن مدرب=عجيب ..ومتقن الخطه فهمها![/poem]

 

يلعن آبو الشعر .. !!!


[poem=font=",7,white,normal,normal" bkcolor="firebrick" bkimage="" border="double,8,black" type=1 line=0 align=center use=ex num="0,black""]
اشتعل ياليل شعري .. لاتطـــــفي=شوفها .. تسهر معك من قدها

اشتعل خل العطر .. غيمه تضفي=فوقها .. من عودها من نــدها

اشتعل للصبح .. ظنك ماأوفي !!=لا وربي غير احرك قدهـــــــــا

وسجعي بالصوت بالجنحان رفي=ياحمامه .. لارفعت لي يدهــــا

هي تراها كل ماحركت كفــــــــي=ترفع اليمنى دلع .. وتمدهــــا

ولانويت المس اناملها .. تقفــــي=كفـــها .. واليا ازعلت..تردها

ولااشتعل ليل القصيد ارجوك كفي=وانظري وشلون شعري شدها

اتركيها تندهش .. واقفي بصفـــي=والمحي حمر الورود .بخدها

وكل مازاد الخجل قالت يكفـــــــي=بس ابشعلها .. وابيح سدهـــا

كان ماادهشها حرام .. اوزن واقفي=يلعن آبو الشعر ماني قدهــا!![/poem]

 

وارث طيب جداني

[poem=font=",7,white,normal,normal" bkcolor="firebrick" bkimage="" border="double,8,black" type=1 line=0 align=center use=ex num="0,black""]
يااللي على بالي .. الى جاتك أخبـار=تقول ماني مثل ماني ..مــن أول

لاتكذبين العلم .. دار الزمــــن دار=ماهو باالأول .. شكل الأول تحول

ماتت سنابل .. والمطر كان مدرار=وشلون تحيا .. والمطر مايطــول

أحوال ماتبقى على حال ينــــــدار=دولابها .. وتصير ماضي يـــقول

لايغرك ان قالوا بي الطيب ماصار=بالطيب أهول!! كنت بالطيب أهول

صحيح وارث طيب من ماتوا احرار=جداني اللي .. كـفنوا عام الأول

عاشوا على وضح النقا دمهم حـار=ياطيبهم .. ياصدقهم كانوا أول

كانت وصاياهم الى ضقت في دار=اترك أهلها .. سج .. وابعد تجول

وان كان ماتطرق حديدك وهو نار=حول وغيرك يطرقه نار .. حول

وبالطيب وصوني ووصواعلى الجار=وعلى الخوي والضيف..حيه وطول

وضاعت مبادي كانت احلامنا اصغار=وانت وانا والناس..صرنا نهول

وصار الخضوع الطيب..هذا اللذي صار=لا .. لاوبعد سموه ذل وتسول

لاتصدمك في هـ الزمن بعض الاخــبار=ترى زمنا .. يشهد الله يهـــول

ركب الرديف وصار بالسيف مغــــوار=وراع الشداد.. مسلم الأمر حول!![/poem]

 

يقول ابوبدر رحمه الله..
تذكر عزيزي ( ان بعض الظن اثم...وليس كل الظن اثم... )

[poem=font=",7,white,normal,normal" bkcolor="firebrick" bkimage="" border="double,8,black" type=1 line=0 align=center use=ex num="0,black""]
صدق ظني وهنتي يالمصيبه=أسيئ الظن وتهون المصايب

غريبه..! لاعهد ماهي غريبه=زمن ماعاد تدهش به غرايب

عجيبه..! ليه تحسبها عجيبه=وهو ماعاد باقي به عجايب

توقع هالزمن كل شئ يجيبه=يجيب اليوم والا الغد جايب

جروح أحزان وهموم ومصيبه=عذاب طعون تجريح ومصايب

صحيح أحيان ينعش نفح طيبه=ولكن..! مايدوم بيوم طايب

تخيلها بعيـــد..!! وهي قريبه=توقعها...طعن خنجر قرايب

توقعها جروح من الحبيبه..!=تصورها عذاب أغلى الحبايب

وبدل ماتعيش بهموم المصيبه=أسيئ الظن وتهون المصايب!![/poem]

 

رزقنا الله واياكم بر والدينا وفي ذلك يقول وارث الطيب رحمه الله..

ست الحبايب....أمي

[poem=font=",7,white,normal,normal" bkcolor="firebrick" bkimage="" border="double,7,black" type=1 line=0 align=center use=ex num="0,black""]
أمي ومن غيرها ست الحبايب=حضن الدفا والوفا صدر الأحبه

ياحب صادق وانا حاضر وغايب=ياقلب في نبضه احساس ومحبه

ياعين تسهر معي ليل النوايب=وحنانها بلسم فصدري تصبه

شلال ماينقطع به شهد ذايب=يطفي لهب صدر همومه تشبه

وياكثر ماطفت أمي من لهايب=في قلب حمر الخناجر تلتهب به

حتى نزف من ألم طعن المصايب=ويزيد نزفه لاصد البعض..كبه

وتقول ست الحبايب والقرايب=لاتشيل همك... كفيل الخلق ربه

ولاغبت تمطر حزن ترعد نحايب=واذا غفت من هناء النوم..اتنبه

والبعض غرقان بأفراحه عجايب=يقول( فرقاي عيد) لمن يحبه

ياصدر بعده وهم بيض التوايب=وعطش لمن قال يقاسمك المحبه

لو خدمتي لك مثل وبل السحايب=مارد لك لو ربع مثقال حبه

ومن فاز برضاك ياست الحبايب=يبشر بفوزه بفردوس الأحبه[/poem]

 

من روائع وارث الطيب اللتي لاتنقطع قصيده بعنوان...
( عمري ثلاث سنين )

[poem=font=",7,white,normal,normal" bkcolor="firebrick" bkimage="" border="double,8,black" type=1 line=0 align=center use=ex num="0,black""]
عمري ثلاث سنين وشهور وأيام=والمــــــاضي اللي فات ماهو بعمري

ودونت تاريخ الولاده بالأرقـــــام=يومه..! وشهره وأربع أرقام هجري

الحظ قام... ويسعد الحظ لاقــــام=توي دريت اني ... مكفن فقبــــــــري

قبل اربع أشهر واربع أيام وأعوام=ثلاث فاتن..! وانكشف نور فجــري

وشعرت كني مالك الكون بزمــــام=والهم فارق نبض دمي وصــدري

واليوم في دنيا السعاده والاحــلام=شفت الفرح .. ربي كتب لي نصري

ماهو فرح بالحب والعشق وهيــام=بدري أعلي اللي لاجله آهيم..بدري

ألا رميت الحب في بحر الأوهـــام=اللي غرقت فغـبته نصف عمــري

قبل ثلاث سنين وشهور وأيــــام=عشر أربعه خمسة عشر عام هجري[/poem]