نصيحه

نصيحه و النصيحة تنشري في ماضي الأزمان

انا جربت بالدنيا تجاريباً لها برهان
	أخذت دوره في صكاتها ماكثر بلاويها
مجربها ولي خبره وعارف مالها سيسان
	تقالبنا على كل الجهات وعفت تاليها
و أنا مأ قول إني حضنت كل العرف للعربان
	تجاريبي تكفيني ونون العين يقديها
ولاذم البشر والذم للرجل ترى بهتان
	اعرف إن البلاوي بعض خلق الله بلش فيها
نصيحه و النصيحة تنشري في ماضي الأزمان
	وقت اليوم ما تشرى وصار الرجل يهديها
ترى الدنيا لها دوره و ضربه مثل ضرب الزان
	الى دارت رحاها يابن آدم مأنت قاويها
ألا ياجاهل فيها بها زود وبه نقصان
	تزين أيام وبعد أيام تظهر لك خوافيها
ألا يا هولتي من ناس تجهل مدة الاحسان
	ترى الأحسان ما بين القرابة عز يحميها
عضودك هي عضودك لو تجزع ياالجمل شقران
	ومنهو من يحاول في نظر عينه ويعميها
ألا ياقشر من دنيا وألا ياقشر من وجدان
	صار الأخو يبيع أخوه دنيا تبتلش فيها
أمور تبلش العاقل وصار الجاهل الخسران
	و لا يحسب لها بحساب وأسلافه مخليها
بها طير الحديه ياكل الصيده مع العقبان
	و تخلط نمرها مع ذيبها وكثرت حصانيها