نعمة العقل

الجنون أحيان قمه بالعقل	والعقل في بعض حالاته جنون
لاتصنع بالمواقيف الثقل	الثقل وأن زاد عن حده يخون
وللتجارب لايحطونك حقل	كل ماحتاجوا عليك يجربون
وأنتبه تنقل فعايلهم نقل	إمعه تفعل مثل مايفعلون
خللك رايٍ ومنهج مستقل	تحترم ويصيرلك طعمٍ ولون
وبالمجالس كون بالهرجه مقل	لاتثرثر ماتحصلك زبون
والمراجل ماهي أبلبس العقل	وأستدارت روس مع هزة متون
المراجل موهبه تبغى صقل	كل ماجات اللوازم يطلعون
ولاتعيش بزاويه في معتقل	أطلق أعنانك وبرهن من تكون
وأن ضعفت بموقفك تزقل زقل	البشر ماترحم المستضعفون
وأغن نفسك بالحلال ولو قل	ولاتسمع في كلام المرجفون
الجلود أغنت محلات الدقل	هكذا عقلية المستثمرون
ومن شروره للقصيم الى حقل	الفرص متهيئه للراغبون
ودام ربي رازقك نعمة عقل	أعرف ان العقل مفتاح العيون