19-04-2012, 09:22 PM
|
|
|
تصيد الأغلاط
| ماعاد فيه الا تصيد للاغلاط |
كل(ن)على الغلطات يشعب ذلوله |
| حنا وصلنا مستوى حد الإفراط |
والصمت عن هالوضع يعني قبوله |
| وأصبح حديث المجتمع كله إحباط |
ماكنه الأ دولةٍ وسط دوله |
| وينك يابن خلدون وينك ياسقراط؟ |
أنهار كل المجتمع بالسهوله |
| أحلامكم بالفاضله راحت هياط |
ماعشتها الا في زمان الطفوله |
| وفي مجمل الاوضاع ساد التخباط |
تساقط الاوضاع جوله وجوله |
| وياللاسف صرنا جماعات وأنماط |
كلٍ يحدد بالمصالح ميوله |
| وأصبح زمان المصلحه والتعباط |
ماهو زمان المقدره والرجوله |
| وافواه بعض الناس تحتاج خياط |
أيخيطها عن بعض هرجٍ تقوله |
| اهروجهم ماتنتهي تقل مطاط |
ويحرفون اللي حصل عن وصوله |
| ونفس الحدث موجود في كل الاوساط |
كن العقول بهالزمان مغسوله |
| ومايختلف مارس عن آذار واشباط |
تشابه التقويم لخبط فصوله |
| والطيبه صارت تلقط بملقاط |
ويمكن بعد تدفع عليها عموله |
| مدري متى الانسان يصحى ويحتاط |
للواقع اللي جالس يدور حوله |
| هذا مجرد راي وحروف ونقاط |
وأقصركلامي عن رجال الحموله |
| شاعر ويستخدم مجاله على إسقاط |
بعض أدوات الفلسفه فسمحوله |
أهم من تخصيص صورة وتوقيع |
| كسب إحترام الناس للي نِقوله |
|
العرض الشجري