يوم الحذيفي يرتل في صلاة الفجر |
| آيات من سورة التوبة ويبكي بها |
| صوته يزلزلك لو قلبك حديد وصخر |
| وتحس روحك دفا الإيمان يجري بها |
| في لحظة تعتبر فيصل ولحظة طهر |
| فيها الحقيقة تبين وينجلي غيبها |
| إسجد لربك ولا منه هروب ومفر |
| مافيه نملة تدب إلا ويدري بها |
| ترى نهايتك خام أبيض وموت وقبر |
| ما ينفعك بُهرج الدنيا وأصاحيبها |
| مقرك الآخرة دنياك ماهي مقر |
| والنفس ماتدري ف ..بكرة وش يصيبها ؟ |
| سجدت سجدة وكن الأرض ريحة زهر |
| الله يا محقر |
| فيها تذكرت موقفنا بيوم الحشر |
| نارٍ |
| في وقتها بس حسيت ب .. دموع القهر |
| ياطيبها ساعة الرحمن يا طيبها |
| قمت أتراجف وكن الدمع مثل الدُرر |
| والقشعريرة غشت جسمي مخاليبها |
| حسيت ثقل الذنوب الي تقص الظهر |
| كيف اجرفتني ورى الدنيا وألا عيبها |
| كيف خدعتني ونستني طريق السفر |
| ضاعت سنيني هدر من غير لا أدري بها |
| مرت سنيني وعدتني بلمحة بصر |
| مابين زُخرف حياة وبين أكاذيبها |
| كنت أحسب إني ذكي وأن الليالي قمر |
| وإني وأنا مغمض عيوني أبسري بها |
| أثر الأماني سراب ومن حسبها مطر |
| بيموت عطشان في رجوى مشاريبها |
| خلك مع أهل الفلاح أهل الدروب الخضر |
| وأبعد عن الي نواياهم عوى ذيبها |
| سفينة الدين ما تغرق وباقي شبر |
| معمور بالذكر والشبان .. من شيبها |
02-04-2012, 02:54 AM
من قصائد والدي ..
المواضيع المتشابهه
العرض الشجري