ديوان الشاعر معزي فلاح واصل السحيمي

[align=center][tabletext="width:90%;background-image:url('http://www.shoo8.com/up/uploads/images/shoo8-e830344897.png');"][cell="filter:;"][align=center]بسم الله الرحمن الرحيم

السلام عليكم ورحمة الله وبركاته :

ملتقى قبيلة السحمان من حرب يسعدني ويشرفني المشاركة في منتدى قبيلتي العزيزة والأنضمام إالى أخواني شعراء القبيلة في بعض قصائدي
عسى أن تنال إعجابكم وأسأل الله التوفيق للجميع..
أخيكم معزي فلاح السحيمي.



[/align][/cell][/tabletext][/align]

 

أبيات إالى المنتدى

[align=center][tabletext="width:70%;background-image:url('http://www.egyptladys.com/vb/imgcache/9465.imgcache.gif');"][cell="filter:;"][align=center]

[align=center][tabletext="width:70%;background-color:white;"][cell="filter:;"][align=center]

يامخاطب أفضل وإخير انسان = من فوق سبع السماواتي
منـــــــزل على محمد القرءان = وخصه بأجل الكراماتي
نبـــينا كامل الايمــــــــــــــان = خاتم جمـــيع الرسالاتي
اللي لـــــنا قال بالـــــــــــبيان = نسعد بحفظ الصلــواتي
من أستعانك يارب إمعــــــان = يارب غفران زلاتـــــي
سبحــــــــــــانك الدايم المنان = في كل كاين لك آيـــاتي
بإســـــــمك أبقول وأبدا الان = بســـــم الله أقول ماياتي
ياهاجس الــشعر جب مازان = عطني بيوت(ن)جديداتي
بــــــــيوت تطبع في الاذهان = محكـــمات(ن) جزيلاتي
ياملتــقى عقب إبن نــــجوان = ياأهل الشيم والبطولاتي
ياربعنا بملتقى الســـــــحمان = سلام وأزكى تحــــياتي
لو إن مالــي هنا مـــــــــكان = ماقلت يالربع الابيـــاتي
توكـــــلوا بالله الرحــــــــمن = ياأهل العقول النضـيفاتي
جمع القبــــيلة ترا له شـــان = نرقابه أعلى السـراواتي
كلٍ يشـــــمر عن الذرعــان = ويطرق جميع المجالاتي
من شان تكــاتف الإخـــوان = ياأهل القيـــم والـمرواتي
شيــــــابنا تنزل المــــــيدان = لتصحيح بعض الحركاتي
حمـــــية ونخــــــوة الجدان = لاتموت بقـــبور الامواتي
الله يارفــــقه لنا زمــــــــان = الله ياذيـــــك الاوقـــــاتي
قول(ن)مثـبت على البرهان = عنـدي على قولي إثبــاتي

[/align][/cell][/tabletext][/align]

[/align][/cell][/tabletext][/align]

 

لفى الهاجس اللي كل ماجاء يجيب اعلوم

[poem=font="simplified arabic,6,black,bold,normal" bkcolor="white" bkimage="" border="none,4,gray" type=1 line=0 align=center use=ex num="0,black""]
لفى الهاجس اللي كل ماجاء يجيب اعلوم = علومه قوافي شعر بأسم الله ابداها
لاجاني يصحيني لوني في احلى النوم = ومعه لازم اجلس والبيوت اتنقاها
تفضل ياهاجوس الشعر واصدر المرسوم = وعطني قوافي محكمه زي ماأبغاها
لاجل من عقول المعرفه مايجيني لوم = ابا القافيه تطبع بعقل اللي اوحاها
قصيد(ن) بلا معنا يمر ولاهو مفهوم = يمر العقول وترفضه تقل ماجاها
انا ابا القصيد الي يشد العقل ملزوم = وبدور الجز له يالين اني القاها
انا باغي ارقى قمت العالي المزموم = إنا ملزم القمه يالو تتعبني ارقاها
أبسج لي بأرض(ن) خلى لو ليل ويوم = ابا ابعد عن ازعاج المدينه وضوضاها
وإذا ماحصل لي خوة(ن) من خيار القوم = بعض ناس مالي فايده من إمخاواها
أبسج وارض الله وسيعه بها بااحوم = ديار بها اقيل والاخرى اتمساها
أبسج والمقسوم مالي عن المقسوم = ونفسي ببعض امور لابد ماأعصاها
أبسج برض الله وانا مقيد(ن) محكوم = حدود(ن)وضعها خالقي ماتعداها
ودنيا النكد ما مَنها الا كدر وهموم = الا طاعة اللي كون الخلق وأفناها
بها اشوف ناس غافله في هواها اتعوم = اوادم لاكن مثل البهايم بمفلاها
تقل ما معاها عقول يالو عليها اهدوم = عن الاخره مقفيبها حب دنياها
تشوف العبر بالعين ماهي بطيف حلوم = ترى اكبر عبر للناس في دفن مؤتاها
ترى الموت ليل ويوم يفرس بنا عموم = نفوس يتغداها ونفوس يتعشاها
وترى ابليس يالبيب له منهجآمسموم = وكم نفس فيها خير بالمكر غواها
ويا مكثر بها الدنيا من الاخره محروم = بها يبني الامال واقفى وخلاها
وياكثر الذي فيها حياته صلاه وصوم = ونفوس الكرام اتجود يوم الله اعطاها
يارب الستر والعفو يالغافر الرحوم = امبدل بعفوك كل سيه بحسناها
انا منك افر اليك ياحي ياقيوم = ياعالم ما تبدي كل نفس وخفاياها
ياخالق مابالوجود كله من المعدوم = يامحص الخلايق كلبوها يامولاها
يامفني هذا الوجود وانت الوحيد إدوم = ليوم الحساب الخلق بعدالفنا احياها
وأحد في جحيم تصطلي واكله الزقوم = وأحد في نعيماً كل مؤمن تمناها
وبرسل مقالي يم قرم(ن) من اصل اقروم = لاجته المعاني طيب الساس حياها
ياأبوطاهر اللي لك قدر عندنا محشوم = اليك القصيده يوم كملت معناها[/poem]

 

[poem=font="simplified arabic,6,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياالله يامن بأمرك اتخط الاقلام = آجال وأرزاق البشر بالتمامي
وتخط مايكون باليوم والعام = من خلقتك لاأدم عليه السلامي
يامرسل(ن) جبريل باأخير كلام= يامخاطب محمد بخير الكلامي
يامعتلي من فوق عرشه وعلام= ماتحتويه اصدور كل الانامي
يامعتلي فوقه بجبروتك التام = ولالك شبيه ولاسمي بالاسامي
ياواصفن نفسه ذو أجلال واكرام= يامسير الكون الفسيح بنظامي
يامحكم(ن) نظام ذا الكون باإحكام = والكون يفنى وإلك يبقى الدوامي
يامكون الاجناس من لحم وعظام= ومجر الدمي وسط اللحم والعظامي
وياواصل الارحام من وصل الارحام=ومن جودك اتمد اليدين الكرامي
ويوم النشور مقسم(ن) خلقك أقسام= يوم(ن) به الضالم يعض البهامي
احد(ن) بجنات(ن) بها حور بخيام =واحد(ن) بجهنم مقام الاثامي
يارب ثبتني على دين الاسلام=حتى الممات ويالله أحسن ختامي
والهمني الصلاح ياربي الهام =وارحم نهارالحشر عندك مقامي
وجنبني دروب(ن) بها اشرار وآثام =يافارض(ن) حج وصلاة وصيامي
ياالادمي دنياك غرور وأوهام=وباكر إتغادرها بمترين خامي
نهار تضحك لك بكشخه وهندام=ونهارميسام(ن)على الكبد حامي
لو أقبلت تضحك تبسَم تبسام =في حبها أذهن لاتشد الحزامي
ياهب ياهاجس لياجيت أبنام =دخل عليه ثم نغص منامي
يروح بالافكارمع كل مخرام =ويويق بي في كل مرقاب زامي
ما أبغاه لاكنه يجي غصب مقدام = يجي ولالي فيه شف ومرامي
يزور بي الشرق ويردني شام = ومع كل فج أسج مدري علامي
نوب(ن) يميل بي بحقول الالغام = ونوب(ن) يحلق بي فوق الغمامي
هاجس ماهو باليوم له عدة أعوام= وأكثر مجيه لي وقت المنامي
من سبته أونس لي أوناس والام = وأنا ماأبي للناس تبين الامي
يفرح عليه كل حاسد ونمام = واللي يحط الشوك خلفي وأمامي[/poem]

 

الله ياخط القلم بحروف

[poem=font="simplified arabic,6,black,bold,normal" bkcolor="white" bkimage="" border="none,4,gray" type=1 line=0 align=center use=ex num="0,black""]
الله ياخط القلم بحروف = في مرقب الذيب يرقابه
عديت بالابيض الموصوف = بالراس في قمت اللابه
في قمته كل شي اشوف = تحقه العين بالغابه
وجن الطواري علي أولوف = والقلب فكن دولابه
وجت القوافي تعدي إصفوف = ولها خفوقي فتح بابه
رحبت فيهن بهن ملهوف = ترحيب محبوب باحبابه
ترحيب نشمي لفوه ضيوف = لهم العشاء بالعجل جابه
وتجولن بين راس وجوف = وجابن قصيد اتغنابه
ماني منافق ولا مخفوف = ولاافشر مثل ناس نصابه
ولاني باأمور العرب مكلوف = وكل(ن) على ربه احسابه
واللي بسلم العرب مالوف = وينومس الرجل ماأهابه
وأحاول الطيبه ماتطوف = مع نايد الناس وذيابه
وان صارلي بالزمان اضروف = وكشر لي الوقت بأنيابه
لي رب منه الرجاء والخوف = لي رب ماخاب طلابه
الرزق من خالقي مصروف = منزل على محمد كتابه
ولا أبغى جمايل عفون اضعوف = لو مامعي ماأتعشابه
وبالناس يامسوي المعروف = لاتنتظر ويش تجزابه
الطيب لو به تعب مخلوف = إذا فعلته بكسابه
لاتلحق الطيبه بحسوف = لو إنها بناس كذابه[/poem]

 

نصيحة النفس

[poem=font="simplified arabic,6,black,bold,normal" bkcolor="white" bkimage="" border="none,4,gray" type=1 line=0 align=center use=ex num="0,black""]

نصيحة لنفسي نضمتها بترتيب = نفسي أخاطبها باأبيات مختاره
عليك يامعزي امحاسب(ن) رقيب=يعلم خفايا العبد لو يخفي أسراره
والنفس والشيطان عدوان كانك ذيب =قفل عليهم خط تنوشك أضراره
خاف الذي كونك رب كريم مجيب=وخلك معه دايم يحفظك باذكاره
حافظ على فروضه وأرجو عساه يثيب= ويرحمك في يوم تطائر اشراره
ومنه اطلب الغفران ومن يطلبه مايخيب=ومن الضجر فاحذر لاجاتك اقداره
ثم احفظ المعروف لاأهل الوفاء والطيب= واللي تعذر لك يكفيك معذاره
لراع الوفاء من الناس خلك وفي وأديب=وراعي الجمايل فيك ياكبر مقداره
وأذكر نهار(ن) جاي منه الرضيع يشيب=وربك عدل يملا جناته وناره
راجع حساباتك وعمرك بعلم الغيب=وإليا نسيت الموت فأذكر حلا وساره
ويكفيك من دنياك ماحاشه النصيب =والشكر للوهاب رزقك بعماره
بالهون يامعزي خلك فطن لبيب =لاتغرك الدنيا دنياك مكاره
لوأقبلت تضحك تلد بيوم إصعيب=هذي عوائدها للناس غداره
دنياك لوتعطيك مالذ لك ويطيب = لوتمتلك منها بالجو طياره
بنهاية المطاف بالقبر لك نصيب=هو كيف يحلى العيش لمن القبر داره[/poem]

 

مساجلة مع الشاعر العقيد بادي عواد السحيمي رحمه الله




[poem=font="simplified arabic,6,black,bold,normal" bkcolor="white" bkimage="" border="none,4,gray" type=1 line=0 align=center use=ex num="0,black""]
جاء للقصيدة مجال وغرد الشادي= يازين نظم البيوت الفكر حاكرها
ليه بنظم القوافي شف ومرادي= يسلي النفس بعض(ن) من خواطرها
قوافين من بنات الفكر واجدادي = واكيد من صلح الدله يبهرها
بالشعر ممتاز منقين وبه عادي = والكلمة الهادفة بتعب وادورها
عسى بمعنى القصيدة يثبت اشدادي = باصوغها بالمعاني ثم اسطرها
انشائي واملاي واخراجي من اعدادي = وليا كمل قصدها بالبوك احررها
واكتب تواريخها هجري وميلادي = واحرص على واضح المعنى واقررها
ياكاتب اكتب مااقوله ياابن الاجوادي= اكتب ويمليك بالابيات شاعرها
بعض المجالس وراها غث الاكبادي = والخلق خلاقها عالم ضمايرها
بعض المجالس ماابيها احسن لي احيادي= واناقش النفس بأموراً واحذرها
بجلس لحالي على دله وبرادي = واراجع افكار قلبي ثم اشاورها
لو قال بعض العرب في منهجك غادي = اعرف هناديب خلق الله وأسايرها
سقاك ربي يادار اباي وأجدادي = من سحب هلت عضيم الشان وامرها
ياابو سعد سالت الحره مع الوادي = مع السهل والوعر تمشي عوايرها
من مد رباً كريم الرزاق الهادي = جلا جلاله باأمره صب ماطرها
لخضرت الارض يحلى المشي ببلادي = بشاور النفس بالسجه واخيرها
لنا مع الانس والافراح ميعادي = يازين مشي القدم بفياض خابرها
روائح العشب تسوى العود والكادي = من كل شكل ونوع الله معطرها
يابن رشيد القصيده ودًها بادي = ماني عن اخيار ربعٍ لي قاصرها
انا اعرفه من خيار القوم قصادي = وان قال جابه على المعنى يقررها
أعط الرساله من يدك ريس النادي = تراه يعرف مواردها وصادرها
تلقى مشبه بجمر السمر وقادي = ريف النشاما ما فكر في خسايرها
تلقاه على دلالٍ صنع بغدادي = هذي لك يسوقها وهذي يحضرها
وازكى تحيات مني لاإبن عوادي = ماكن له خاطري شعري يعبرها[/poem]

رد الشاعر العقيد بادي عواد السحيمي رحمه الله


[poem=font="simplified arabic,6,black,bold,normal" bkcolor="white" bkimage="" border="none,4,gray" type=1 line=0 align=center use=ex num="0,black""]
ياحاتم إكتب وقول لراع الانشادي=وصلت مشاعرك وأدركنا عناصرها
ياشاعر صاغ قيفانه على آدي=مثل الدرر ينتقيها ويتخيرها
ذكر عليه بطقه طق بن هادي =حيه وحي البيوت اللي مسطرها
يازين وقع المطر لاجاء بالاعيادي=من كل ديرة تبشرنا بشايرها
من غير الاحوال جت بإذاعة الرادي=المملكة كلها سالت من آخرها
لي ديرة زرتها سرداد مردادي=والعين لاجيتها جابت عبايرها
ليا تذكرت أهلها وين الاجدادي=تضيق نفسي ولاتخفي مشاعرها
يابن فلاح الحياه دروس وجهادي=تكابد النفس ماضيها وحاضرها
والمسعد اللي عن الزلات متحادي=لايختلط بالعفون ولايخاشرها
سكن الخلاء نوب يسوى جمع وأفرادي=والله يابعض المجالس ماتصورها
العيش في ديرة نزال شدادي=أحيان تسوى القصور اللي نعمرها
إن كان ربك بلاك بجار صرمادي=شديت ماهو لزوم إنك تجاورها
وإليا تجنبت خلق الله معك قادي=وإن ضاقت إفجاجها ربك ييسرها
مادام مرتاح بالك وجوكم هادي=خلك على هالطريقة لاتغيرها
الناس فيهم صدوق وفيهم إربادي=لو قلت كم عقب حواء ماتذكرها
ماكنه الا غزى قوم ابن شدادي=ماتبتدي هرجه الا قال خابرها
وإليا أنتفخ في المجاس صار نقادي=يزمر على ماش والطولات هاجرها
خلى المراجل يسار وحدر الوادي=طافت عليه السوالف مايذمرها
رجال يتعب بجمع المال عدادي=ماهمه ألا قريشاته يصرصرها
ورجال تلقاه مثل طويق منقادي=ذراه يذري لو أحواله مسترها
خواطر جبتها من غير نشادي=وان جات في وقتها ماني موخرها
والحر مثلك يعرف أبعاد الابعادي=ومن ساوره شك ينشدني وافسرها
وأسلم وسلم وخص قروم الاولادي=أربوعي اللي تقدرني وأقدرها
من حد صبحا إلى أقصى الضلع من غادي=واللي بطيبه وساكن في حوايرها[/poem]

 

بسم الله المبتدى ربي عظيم الجلال

[poem=font="simplified arabic,6,black,bold,normal" bkcolor="white" bkimage="" border="none,4,gray" type=1 line=0 align=center use=ex num="0,black""]
بسم الله المبتدى ربي عظيم الجلال=إله ذا الكون عالم ماخفى بالصدور
بسم العظيم الذي يعط العطايا الجزال=ياسعد من يرحمه يوم أستلام الاجور
والعون من خالق(ن) عليه كل إتكال=من راقبه جل شانه في جميع الامور
وصلوا على المصطفى ياسامعين المقال=شفيعنا لابعثنا من بطون القبور
وياهاجس الشعر يوم الشعر جاله مجال=هات القصيد الذي يطرب عقول الحضور
نبغى القصيد الذي يدخل عقول الرجال=نبغى المعاني من أفواه القوافي تثور
الفال بالقافيه ذي وبعدها العقال=إذا سمحلي منسق حفلنا في سطور
على العجل جيت من طرقه لديرة طلال=عن حفل ربعي لو إني غبت ماأنا معذور
مادام شاركت في محفل كرام السبال=أقول مايجوز للحضار وأنا فخور
ماني غريب(ن) عن أهل الشان والاحتفال=اللابه اللي لها قيمه وطيب مخبور
الليله الليله الليله من أحلى الليال=ياليلتاٍ بالفرح تبسمت والسرور
يامرحبا عد مايبدي ويقفي هلال=وإعداد منهو لبيت(ن) وسط مكه يزور
بضيوف ربعي نرحب من جميع الخصال=يامرحبا ياصقورٍٍ جو بدعوة صقور
على لحم حيل قدامه تدور الدلال =بالكيف والعود بقدوم النشاما يدور[/poem]

 

هذه الابيات بوالدي قبل وفاته (أسأل الله يرحمه ويسكنه فسيح جناته)

[poem=font="simplified arabic,6,black,bold,normal" bkcolor="white" bkimage="" border="none,4,gray" type=1 line=0 align=center use=ex num="0,black""]
بالأمل بالله عالج همك وخوفك وياسك=وأرفع كفوفك لربك وأطلبه تصبح ملايا
ناج ربك لين يغلب عينك النوم بنعاسك=بعد تكميل الفروض أطلب رضى رب البرايا
إن رجعنا للوراء ياكثر للماضي حماسك=لك مع الماضي علوم ولك مع الماضي حكايا
في زمانٍٍ راح يتعِب كم شجاع(ن) مراسك=وفي ليال الغزو مثلك قائد لجمع السرايا
يالعل العافيه ياوالدي دايم لباسك=بجاه من يعلم سرايرنا ماتخفاه الخفايا
يطرب أفكاري فرحك ويعمس أفكاري عماسك=ياعسى الرحمن يغفر لك ذنوبك والخطايا
ياابن واصل قبح الله من يبي يجرح احساسك=وكل مانملك بها الدنيا وحنا لك هدايا
ياابن واصل طال عمرك ياصقر معروف ساسك=ياعسى يفداك ياالشايب خبيثين النوايا
يسهجونك ناس مايسوون ياالشايب مداسك=والذي مايحب راسك لا ما نبغاله تحايا
بالزمان اللي مضى ياعودنا ياكبر باسك=في زمان الجوع مدك من عطاء جزل العطايا
في ليال العسر مدك بالسخاء يملا طياسك=ماأمرحو ضيفان بيتك بالشتاء والله قوايا
أشرب الفنجال من يمناي دام وعاش راسك=إنشراحك وإنبساطك هو مناي وهو رضايا
أضحك وداعب عيالك أنبسط في وسط ناسك=وكلم أحفادك وزدهم بالنصائح والوصايا
أذكر العلياء ورمحك وأذكر البندق وفاسك=وأذكر أيام الظما والجوع وظهور المطايا[/poem]

 

قال السحيمي قال ياسامع الكلام

[poem=font="simplified arabic,6,black,bold,normal" bkcolor="white" bkimage="" border="none,4,gray" type=1 line=0 align=center use=ex num="0,black"]
قال السحيمي قال ياسامع الكلام=ماهوطرب نظمه أو فرحه ونشوه
كيف الفكر يصفا كيف العيون تنام=ومطوق الاقصى بالجور والقسوه
ياأمة محمد مايجلي الظلام=تنديد وإستنكار في مجمع وندوه
يمر يوم بيوم ويروح عام بعام=ويامكثر الفرقه يامكبر الفجوه
وشارون له أحلام من ماضي الايام=وتبارك له أحلامه العمه اللبوه
يكفي صبر ياقوم على غبن والآم=وحنا أمة القوه والمجد والصحوه
القدس ينخاكم ياأمة الإسلام=خمسين عام وهو من ونه لبكوه
يقول ياقومي آهاناًً من الاسقام=ويرجو توحدكم وطالت به الرجوه
وينخا العرب ويقول ياحيف كيف أنظام=ورغم معاناته له يمَنا هقوه
ثورو على صهيون بقيادة الامام=حيى على الجهاد غزوه بعد غزوه
صيحت شباب وشيب ومن ينقشن إوشام=وصرخت طفل رضيع لازال بالركوه
عارٍٍ على الامه ياقومنا ياكرام=وعيوننا تقبل نومه بعد غفوه
الثار ياأهل الثار بالسيف والاقلام=ومدفع وطياره ودبابة(ن) نقوه
ياسر ينادينا ويصيح بالاعلام=ويقول ياربعي وين أهل النخوه
وإن كان مانلبي ندا الصديق إنلام=لا ياخساره بس ترفع لنا الشكوه
متى على صهيون ندوس بالاقدام=إليا توحدنا بالود والصفوه[/poem]