الشاعر/ صلاح بطيحان السحيمي يطلب من الله العفو والمغفره وان يغيث البلاد والعباد برحمته.

البارحه كثرت هواجيس خاطري	كثرت هواجيسي مع الافكار
قمت اتفكر بالإله وخلقه	خلق جميع الخلق بالاقدار
خلق جميع الخلق من شان طاعته	والخلق تعصى الله الجبار
وحنا رجانا بالله الواحد الاحد	يعلم بجهر القول والاسرار
الله يعلم ماتكن الضماير	يسمع دبيب النمل بالوكار
يالله يالمعبود ترحم ضعفنا	وتفرج لخلقك من زمانٍ جار
يالله بالإيمان غيث قلوبنا	وديارنا بالغيث والامطار
ولاتواخذنا بسوء اعمالنا	ياالله يامعبود ياغفار
انزل علينا الغيث من وسع فضلك	الوبل يمطر والوطاه انهار
حتى يسيل كل وادي وسعه	ويعلها بالليل والنهار
حتى يتكبر بالروابي عشبها	ريح النفل مع باقي الازهار
تسمن به العرى وتكبر دفوفها	طويلة النسنوس والفقار
غبوقة الخطار ياحلو درها	غبوقةٍ للاهل هم والجار
يالله يالمعبود تقبل دعوتي	وبرحمتك تصدر لنا القرار
ياغافر الزلات تغفر زلتي	بقدرتك ياالواحد القهار
وختامها مني صلاةٍ على النبي	عداد ماطب الحرم زوار

الشاعر / صلاح بطيحان السحيمي .

والله مالومه الله لايتكلنا على اعمالنا ياالله تغسل قلوبنا جميعا من الحسد والله لو نحب الخير لغيرنا مثل ما نحبه للآنفسنا واتكلنا على الله في سرنا والعلن غير رزقنا الله من حيث لانحتسب يارب اغسل قلوبنا جميعا وجميع المسلمين جميعا واغث قلوبنا با لأيمان واغث ارضنا بالأمطار يارب انك سميع مجيب

صح لسان شاعرنا ابو خالد وسلمت يمينك على النقل اخووووي محمد

رااااائعه جدا أخوي محمد ووالله من زمان عن هذا النوع من القصائد ......
صح لسان ابوخالد وتقبل الله منا ومنه // ولاتحرمنا من الجديد والقديم أيضا