ترى عدوك غايته فيك ومناه .. يزرع بصدرك من قنا رمحه طعون

بسم الله الرحمن الرحيم
السلام عليكم ورحمة الله وبركاته
اعجبتني هذه الابيات للشاعر الامير خالد الفيصل . ارجو ان تنال على اعجابكم

كل(ن) يعود لصل جده ومرباه
راع الشرف يشرف والانذال يهبون

الفرع من عوده شرابه ومسقاه
والحنضله مره ولو تشرب مزون

الطيب كايد والمناعير تقواه
والهون هين تدنع النفس وتهون

ناس(ن) على كسب المراجل مضراه
وناس(ن) على كسب الفشيله يضرون

هذا على وضح النقا كل ممشاه
وهذا اذا شافوه ربعه يصدون

لاتآمن الخوان لو زخرف حكاه
من خان بك مره يبي بآكر يخون

وافطن ترا زول الرجاجيل تواه
كم واحد(ن) يعجبك زوله وهو دون

ياطيب الشارات من يوم منشاه
احذر عدوك لايغدرك على هون

ترا عدوك غايته فيك ومناه
يزرع بصدرك من قنا رمحه طعون

واللي رضع لبوت عدوك توقاه
الجرو ولد اللبوه اللي تعرفون

للطير يالصقار بالريش مغواه
الجاهل اللي بكثر الريش مفتون

للحر والشبوط ماكر ومنجاه
والفرق بالافعال لو هم يطيرون

.. من روائع خــآلد الفيصــل ..