الارفل

هذه قصه حقيقيه صارت معي انا شخصياً

مجاره مع قصه الاخ بعيد الهقاوي خليف المقرودمع الشيخ ساجر.

هذا واحد اعرفه عز المعرفه وصديق لى عزيز وغالي عندي ماهورخيص لاكن مشكلته ارفل ومنكوب بدرجه الامتيازبمرتبه الشرف بدون منازع.
ان ركب معك السياره مصيبه وان ركبت معه مصيبتين اما صدمتوا ولا خربت السياره ولا جاتك مصيبه ماتدري من وين جاتك واذا جاء اي مكان
غير يخلى له ذكريات ياناثرقهوه ولا شاهي ولاكاسر فنجال . المهم

يوم الله قردني مره من المرات عزمني واحد من الاصدقاء من اهل القصيم وكان عازمني على العشاء واعتذرت له عن العشاء وحلفت وقالي غير تجي اجل للقهوه
المهم اخذت رفيقي المقرود ورحنا لبيت صديقي طبعاً زي كل مره احرص عليه ينتبه ويتوقع وهويمشي وصلنا وحيابنا الرجال وقلطنا وكان عنده ناس من جماعته عدد قليل لا يتجاوزون
الاربعه اشخاص كان مجلسه كبير. طبعاً انا امشي وخويي خلفي اسلم على الرجال الموجودين وانا اسلم مااسمع الا قربعه الصحون وراى وانا عارف انه خويي وياالله ماسك نفسي من الضحك
المهم الرجال متكلف لان العشاء معيي عنه جايب كليجا وتمر ومضيروحلى على شكل كريمه وكانت الصحون كثيره المهم جلست وجاء خويي جنبي وانا اشوف الفناجيل مافيه فنجال على وضعه الطبيعي كلها طفقها خويي.
المعزب جاب القهوه واخذت الفنجال منه وانا ميت من الضحك بس ماسك نفسي وراح المعزب يقربلنا من الصحون الموجوده من تمروكليجا وحلا ولا على يساري صحن حلا الى زي الكريمه
ويوم مسكت الصحن بقربه على شان المعزب ما يقوم وطالعت فيه زين ولا فيه اثاررجل خويي (جره رجله) وانا اطالع برجل خويي ولاها غير حلا معدم ثوبه وفراش الرجال وهي تصير الكارثه
وانا ماسك الصحن واضحك وانزل الصحن واضحك ولا المعزب والى جالسين عنده يوم قاموا يضحكون ويرافسون من الضحك اثاريهم كاتمين الضحك من خويي يومنه يمشي وينثر وحنا نسلم عليهم ويوم شافوني اضحك وهم ينفجرون
من الضحك وهذا جالس والحلا برجله اخذنا يمكن ربع ساعه ونحن نضحك ضحك متواصل. واعتذرت لهم وابررلهم ذلك ببعض قصص خويي في عالم الرفاله وتقبلوا الوضع واندهشوا مما شافوه منه
قالوا سمعنى وشفنا ناس زي كذالاكن مثل خويك هذا ماشفنا...
هههههههههههههههههههههههههههه

ههههههههههههههههههههههههههههههههه
هذا والله من قرادة حظك ول ياذا الخوي الاقشر
الف شكر لك على سرد القصه الطريفه

تحصل واجد يابوسلطان ولالها حل الا أخذ الموضوع بوساعه بال وضحك
واحمد ربك انها كانت عزيمه خفيفه والا كانت علوم ..ههههه / دمت بخير