قصة دخيل الشيخ منيع الله الجغثمي

هذي مجالسية قديمة على اثر دين والدين هو رقبة وهذا قبل حكم الملك عبدالعزيز طيب الله ثراه وكانو الناس يوم يصير بينهم قضايا يدورون الشيخ اللي عنده قوة ليحميهم بعد الله وذيك الايام جاء رجل من الاشراف من ذوي جساس واسمه مسعود وزبن عند الشيخ منيع الله بن غوينم بن عمري الجغثمي العزيري الحربي في وادي قديد ومسعود هذا ماعنده من اهله غير امه واخواته واللي خلاه يجي زابن للشيخ انه لقي اثنين من جماعته يتهاوشون ورمى واحد منهم بحجر وذبحة واخذ ثلاث سنين دخيل عند الشيخ وحاول الشيخ التوسط للدخيل عند ربعة ولاكن مالقي قبول بعدها قام الشريف وقال انا راجع لديرتي واللي كاتبه لي ربي بيصير انا ماعندي الا امي واخواتي ودي اتطمن عليهم وكان عند الشريف يوم قال الكلام ذا الشيخ وبعض الرجال ومن الرجال واحد اسمه مفرج القريقري وقال للشريف انا مطلوبي شهر برسل كلام للربعك وانشاء الله ربي ييسر امورك .


وهاذي بعض من المجالسي اللي قدرت اجمعة



ياجيل من رد المعاني وغنى & غنى بها اللي عن دياره مجنا
حدوني أهل الدين عن دار أهلنا & الربعه اللي فالمعامل عطيبين
وزينت عنهم في الديار العذية & في ديرتن من ريب أهلها ذرية
زبنت حرب أهل الوجيه النقية & زبنتهم والله خيار المزابين
وطول الليالي وطول الأيام مهموم & وأطرق كما يطرق من السم مسموم
وأن عدت للمعقول ولياه مقسوم & يارب في حسن العمل والتياقين
وزبنت سيدي يوم جات الجنيه & فالقالة اللي جات بلوه عليه
بين الجموم وبين عين الهنية & من خيف أبو عروة عليه مغيرين
وأنا الساير اللي خابره بين الأشراف& ممنوعة العدوى بعد فصل وأسلاف
أليا يقع من مال فالهوش حذاف &مطلوب لامنة تعدى القوانين
ومن بعد ذا ياراكبن فوق مهداب & ومربع الهامة كما الضبي مرعاب
زين الحلى والوصف وأبوه غصاب & وأمه شعيلة من ركاب المراوين
واللوم على كورة غلام شفية & واللوم شريق الشمس واعطى الثنية
يارب جيرة من صدف كل سية & منصاك للي في المواجيب عقلين
تنصى ذوي جساس ربعي هل الجود& وقول إنا مندوب من عند مسعود
الناحي اللى عن مشاحيه مضدود & من دب رده للربوع الشجعين
وتلقي قبل ومبهرات الدلالي &وعن ضيفهم ماحسبوا فالحلالي
تشري الذبيحة لو بعشر ريالي & أهل الكرم والجود ضاري وذااللحين
ولي أقتريت اعطى الجماعة كتابي & والي يسألك قول في قديد ثابي
مع ربعة ياطون روس الحرابي & لعلهم دايم على العز بانين
في بيت أبو عمري كريم السبالي & لعل حضة طول الايام عالي
وبجاة بيت الله عزيز الجلالي & وبجاه حجاج الحرم والمصلين
رحب وسهل يوم جيتة على البير & الله يجيرة من جميع العذابير
مدهال خطار العتيم المصادير &لاجوة من بعض المطاريش لافين

وبعدها سامحوه اهل الدم بفضل الله
العذر ان كان نقصت او زودت