الجيب جااااااهز

تكفا يبو فيصل تجينا على طول
	الجيب جاهز والعفوش محزومه
كل مايخص البر فالجيب معدول
	من اول لزوم البر لآخر لزومه
يعني على ماقيل :محفول مكفول
	لاتاخذ الا اجازه من الحكومه
نبغا ديار(ن)مانزلها ولا زول
	تصعب على جيل الترف والنعومه
من دونها جبال(ن)بها طلوع وانزول
	الجاذبيه تقل فيها معدومه
ولاكل جيب(ن)وسطها يصول ويجول
	واللا التكاسي من ثراها محرومه
في وصفها محتار مدري وش اقول
	لاطبها المهموم ينسى همومه
اظن لويطبها شخص مشلول
	من حسنها ينشط وتقوى عزومه
ديره ترد الروح بالعرض والطول
	من لامني فيها عسى الله يلومه
فيها الزهور اتقال ترقص على طبول
	و(ام سالم)تغني (حيومه_حيومه)
والغيم مشيه تقل تعقيب مسؤل
	الصبح دايم يشتكي من غيومه
والبرق يلمع والرعد كنه يقول:
	الغيث جاكم رحبو في قدومه
يحتاجها اللي عنده الفكر مشغول
	ويسعد بها اللي ضايق(ن)من هدومه
لاتعتذر تكفا تجينا على طول
	الجيب جاهز والعفوش محزومه!

ليت أبو فيصل اعتذر وحنا بعد ماحنا مخاوينك لين نشوف كل قصايدك بالديوان
دمت أخا وحفظك الكريم المنان

صح الله لساانك والله يحقق مطلبك واناا اواافق اخوي ابو رياان نبغى نشووف قصاايدك بالديواان ،،
الشعب يريد قصاايدك بالديواان ..

صح لسانك

تسلم يمينك
يعطيك ألف ألف عافية ... نتطلع لجديدك دائماً
شـكــ وبارك الله فيك ـــرا لك ... لك مني أجمل تحية .